Tag: Election

عمران خان نے انتخابات میں دھاندلی کرنے والوں کے چہرے بےنقاب کردیئے

لاہور: پاکستان تحریک انصاف کے چیئر مین عمران خان نےانتخابات میں دھاندلی کے عوض مراعات حاصل کرنے والوں کوبے نقاب کردیا۔

عمران خان نے بنی گالہ میں انتخابی دھاندلیوں کے ذریعےشریف برادران کو فائدہ پہنچا کر مراعات حاصل کرنیوالے کرداروں کوبےنقاب کیا، عمران خان نےبتایا کہ سابق چیف جسٹس افتخار محمد چوہدری کوخدمت کےعوض ان کے بیٹے کو بورڈ آف انوسٹمنٹ کا چیئر مین بنایا گیا، عمران خان کے مطابق جسٹس رمدے کے بیٹےمصطفی رمدے، بھائی اسد رمدے اور بھتیجی کو بھی نوازا گیا، عمران خان نےکہا جسٹس انور محبوب کو ایک سال کی توسیع سمیت دیگر مراعات دے کر بہتی گنگا میں ہاتھ دھونے کا موقع دیا گیا۔

عمران خان نے پینتیس پنکچر والے نجم سیٹھی کو ملنے والی مراعات کا پردہ چاک کیا ، عمران خان نےبتایا سیکریٹری الیکشن کمیشن اشتیاق احمد کو خدمت گزاری پر دو بار توسیع ملی، تحریک انصاف کےچیئر مین نے طارق باجوہ، شاہد خان، ریٹرننگ آفیسرز اور ڈی آر اوز کو بھی دی گئی خصوصی مراعات کا ذکر کیا۔

عمران خان کا کہنا تھا ملکی مسائل کا حل مارشل لاء میں نکالنے والوں کی سوچ غلط ہے، اُن کا کہنا تھا چودہ اگست کو آنے والا سیلاب کوئی نہیں روک سکتا پولیس والے ملک بچائیں ایک خاندان کے ملازم نہ بنیں، جو بادشاہت سے تنگ ہیں وہ نئے پاکستان کے لئے باہر نکلیں۔

اگست 11, 2014
ترکی: بارہویں صدارتی انتخابات کیلئے پولنگ جاری

: استنبول : ترکی میں صدارتی انتخابات کے لیے پولنگ جاری ہے ۔ رجب طیب اردگان اور اکمل الدین احسان اوگلو مد مقابل ہیں ۔ ترکی میں بارہویں صدارتی انتخابات کیلئے ووٹ ڈالے جارہے ہیں ۔پولنگ کا آغٓاز مقامی وقت کے مطابق آٹھ بجے ہوا جو رات نو بجے تک جاری رہےگا۔

ترکی میں پہلی بار صدر پارلیمنٹ کے بجائے عوام کے ووٹوں کے ذریعے براہ راست منتخب کیا جارہا ہے ۔ ترکی کی وزارت عظمیٰ پر حکمرانی کرنے والے رجب طیب ارد گان اب صدارتی میدان میں بھی اپنی قسمت آزما رہے ہیں، ان کے مدمقابل اپوزیشن جماعتوں کے مشترکہ امیدوار اکمل الدین احسان اوگلو اور کرد نواز صلاحتیں دیمرتاس ہیں۔

ترک الیکشن کمیشن کے مطابق کسی بھی امیدوار کو جیتنے کیلئے اکیاون فیصد ووٹ حاصل کرنے ضروری ہے ۔ کسی امیدوار کو مطلوبہ ووٹ نہ ملنے کی صورت میں صدارتی انتخابات کا دوسرا مرحلہ چوبیس اگست کو ہوگا۔

اگست 10, 2014
پی سی بی کےنئے چیرمین کا انتخاب 18اگست کو ہوگا، پی سی بی

لاہور: پاکستان کرکٹ بورڈ نے چیئرمین پی سی بی کے انتخاب کیلئے الیکشن کی تاریخ کا اعلان کردیا۔ نئے آئین کے مطابق چیئرمین پی سی بی کے الیکشن اٹھارہ اگست کو ہونگے۔

پاکستان کرکٹ بورڈ کے قائم مقام چیئرمین جسٹس ریٹائر سائر علی کی زیرنگرانی چیئرمین پی سی بی کے انتخاب کے لئے الیکشن اٹھارہ اگست کو ہونگے، قائم مقام چیئرمین سائر علی ہی پی سی بی انتخابات کیلئے الیکشن کمشنر ہونگے، پی سی بی ترجمان کے مطابق انتخابات پی سی بی کے نئے آئین کے مطابق ہونگے۔

چیئرمین پی سی بی انتخابات کے لئے پیٹرن نوازشریف نے نجم سیٹھی اور شہریار خان کو پہلے ہی نامزد کرچکے ہیں، لیکن نجم سیٹھی کے چیئرمین پی سی بی کے الیکشن میں حصہ لینے کے انکار کے بعد شہریار خان پی سی بی چیئرمین کی سیٹ کیلئے مضبوط امیدوار ہے۔

اگست 9, 2014
الیکشن اسی سال دسمبرمیں ہونگے، عمران خان کا انکشاف

کراچی: عمران خان نے اے آر وائی نیوز کے پروگرام سوال یہ ہے میں انکشاف کیا کہ الیکشن اسی سال دسمبرمیں ہونگے،مجھے کچھ ہواتو کارکنوں شریف خاندان کوچھوڑنا نہیں۔

اے آر وائی نیوز کے پروگرام سوال یہ ہے میں عمران خان نے دو ٹوک الفاظ میں کہا کہ انہیں کچھ ہوا تو اس کے ذمہ دار نواز شریف ہوں گے،عمران خان کہتے ہیں الیکشن اسی سال سردیوں میں ہوں گے، کپتان نے بتایا وہ پاکستان عوامی تحریک کے یوم شہدا میں شریک نہیں ہو رہے۔

پی ٹی آئی کے چیئرمین نے اس تاثر کو رد کیا کہ انہوں نے حکومت کو کوئی فارمولا دیا ہے، عمران خان کہتے ہیں کہیں سے بھی فون آجائے وہ پیچھے ہٹنے والے نہیں،عمران کان نے کہا جو بھی بات ہوگی وہ چودہ اگست کو اسلام آباد میں ہوگی، وہ وزیراعظم نوازشریف کی زبان پر اعتبار نہیں کرتے،عمران خان کا کہنا تھا جماعت اسلامی اورتمام جماعتوں کوفیصلہ کرنا ہوگا۔

اگست 9, 2014
مطالبات کی منظوری تک اسلام آباد میں بیٹھوں گا، عمران خان

اسلام آباد: عمران خان نے مطالبات کی منظوری تک اسلام آباد میں بیٹھنے کا اعلان کر دیا،ان کا کہنا تھا کہ چودہ اگست کو مطالبات پیش کرینگے،کوئی مارچ نہیں روک سکتا۔

اسلام آباد میں پریس کانفرنس کرتے ہوئے عمران خان نے حکومت کے معاشی کارکردگی کے جواب میں وہائٹ پیپر جاری کر دیا،عمران خان نے کہا کہ ہمارے مطالبات آئینی اور جمہوری ہیں اور انہیں منوا کر ہی رہیں گے، جب تک انہیں نہیں مانا جائے گا اسلام آباد میں ہی دھرنے دیئے بیٹھے رہیں گے اور میں خود کارکنوں کے ساتھ دھرنے میں رہوں گا، ان کا کہنا تھا کہ پاکستان کے حکمرانوں اور حسنی مبارک ،صدام حسین اور کرنل قذافی میں کوئی فرق نہیں ہے کیونکہ ان کی دولت بھی باہر تھی اور ان کے بچے بھی عیش کررہے تھے۔

عمران خان نے کہا کہ جمہوریت الیکشن میں نہیں صاف اور شفاف الیکشن میں جمہوریت ہے،چودہ اگست کو بادشاہت اور ڈکٹیٹر شپ کے خلاف جنگ ہے، اگر فوج آئی تو اس کے ذمہ دار نواز شریف ہوں گے، پنجاب میں پاکستان عوامی تحریک کے کارکنوں کے خلاف پولیس کریک ڈاؤن کی شدید مذمت کر دی، انہوں نے کہا کہ حکومت علامہ طاہر القادری کو دیوار سے لگانے کی کوشش کر رہی ہے،پنجاب میں علامہ طاہر القادری کیساتھ بڑا ظلم ہو رہا ہے۔

اگست 8, 2014
عمران خان کا پاکستانی عوام کے نام کھلا خط

اسلام آباد : پاکستان تحریک انصاف کے سربراہ عمران خان نے پاکستانی عوام کے نام کھلا خط لکھ دیا۔کہتے ہیں پاکستان پر مخصوص خاندان مسلط نہیں رہ سکتے۔

عمران خان نے پاکستانی عوام کے نام کھلا خط لکھا ہے جس میں انہوں نے پاکستانی عوام کو مخاطب کرتے ہوئے کہا ہے کہ پاکستان پر مخصوص خاندان مسلط نہیں رہ سکتے۔ جھوٹ ،فریب،کرپشن اور منافقت کے لئے پاکستان کی دھرتی پر کوئی جگہ نہیں، عمران خان نے اپنے خط میں پاکستانی عوام کو دعوت دی ہے کہ اس بار جشن آزادی اس طرح منائیں کہ ہماری نسلیں ہم پر فخر کریں، عمران خان کا اپنے خط میں کہنا ہے چودہ اگست کے بعد پاکستان صرف پاکستانیوں کا ہو گا،ہر قیمت پر اپنی آزادی چھینیں گے، عمران خان نے خط میں لکھا ہے کہ ہمارے بزرگوں کو غیر ملکی آقاؤں اور ہماری غیرت کو مقامی فرعونوں کی غلامی ہر گز قبول نہیں ہے ۔

اگست 7, 2014
پی سی بی کے الیکشن جلد سے جلد کرائے جائیںگے،جسٹس ریٹائر سائرعلی

لاہور : پاکستان کرکٹ بورڈ کے قائم مقام چئیرمین جسٹس ریٹائر سائر علی کا کہنا ہے کہ وہ اختیارات سے تجاوز نہیں کریں گے۔ ان کی کوشش ہوگی کہ پی سی بی کے الیکشن ہفتوں میں نہیں دنوں میں کرائے جائیں۔ جسٹس ریٹائر سائر علی نے قذافی اسٹیڈیم لاہور میں پی سی بی کے قائم مقام چئیرمین کا عہدہ سنبھال لیا۔

اس موقع پر نیوز کانفرنس کرتے ہوئے قائم مقام چئیرمین کا کہنا تھا کہ بورڈ کا نیا آئین دس جولائی کو منظور ہوا۔ آئین کے تحت گورننگ بورڈ کے دس ممبران ہیں۔اور گورننگ بورڈ کا ممبر ہی چئیرمین کا الیکشن لڑسکتا ہے۔ قائم مقام چئیرمین پی سی بی کا کہنا تھا کہ آئین چار ہفتے میں الیکشن کرانے کی اجازت دیتا ہے۔

ان کی ذاتی کوشش ہے الیکشن ہفتوں میں نہیں دنوں میں کرائے جائیں۔ جسٹس سائر نے کہا کہ وہ قائم مقام چئیرمین کی مدت مختصر رکھنا چاہتے ہیں۔ وہ اپنی مدت کے دوران اختیارات سے تجاوز ہرگز نہیں کریں گے۔

اگست 6, 2014
نوازشریف مستعفی اورانتخابات دوبارہ کرائے جائیں،عمران خان

اسلام آباد: پاکستان تحریک انصاف کے سربراہ عمران خان نے کہا ہے کہ وزیر اعظم نواز شریف مستعفی ہوکر نئے قومی انتخابات کا اعلان کریں، چودہ اگست کو ملک میں نئے انتخابات کا مطالبہ کریں گے ، پنتیس پنکچرکس نےلگائے اس کا بھانڈا گیارہ اگست کو پھوڑا جائےگا، تحریک انصاف کے سربراہ عمران خان نے چودہ اگست کو ملک میں نئے انتخابات کے مطالبے کا اعلان کر دیا۔

ان کا کہنا تھا کہ چودہ اگست کو پوری قوم پاکستان کی تاریخ کا سب سے بڑا احتجاجی دیکھے گی ۔انہوں نے کہا کہ چودہ اگست کو پاکستان کی آزادی واپس لیں گے اور میں گیارہ اگست کو بتاؤں گا کہ کس نے کیا کچھ کیا اور دھاندلی کے مزید انکشافات کروں گا ۔گیارہ ماہ سے انصاف حاصل کرنے کی کوشش کر رہے ہیں لیکن ہمیں انصاف نہیں مل رہا۔

ان خیالات کا اظہار پی ٹی آئی کے سربراہ عمران خان نے اسلام آباد میں پریس کانفرنس سے خطاب کرتے ہوئے کیا،انہوں نے کہا کہ پنجاب حکومت نے ایسا کون سا کارنامہ انجام دیا کہ پچاس لاکھ ووٹ زیادہ ملے؟ کیا نواز شریف نے پنجاب میں دودھ کی نہریں بہا دی تھیں۔ انہوں نے کہا کہ ہم نے الیکشن کے نتائج کو قبول کیا تھا دھاندلی کو نہیں،چودہ اگست کو دوبارہ الیکشن کرانے کا مطالبہ کریں گے۔

اگست 5, 2014
صدراتی انتخابات:پاک افغان سرحد پر سیکورٹی کے انتہائی سخت اقدامات

جون 13, 2014
بلوچستان بلدیاتی الیکشن کا دوسرا مرحلہ،پولنگ جاری

مئی 29, 2014