ARYNews.tv | Urdu – Har Lamha Bakhabar

Tag: Election

  • ن لیگی کارکن ووٹ کی عزت نوٹ کے ذریعے خاک کرنے میں مصروف، ویڈیو وائرل

    ن لیگی کارکن ووٹ کی عزت نوٹ کے ذریعے خاک کرنے میں مصروف، ویڈیو وائرل

    حافظ آباد: ووٹ اور ووٹر کو عزت دو کے نعرے لگانے والے خود ہی ووٹ کی عزت کو نوٹ کے ذریعے خاک میں ملانے میں مصرف ہیں۔

    تفصیلات کے مطابق حافظ آباد میں مسلم لیگ ن کے کارکنان نوٹ کے بدلے ووٹ مانگتے پکڑے گئے، ووٹرز کو پیسے باٹنے کی ویڈیو اے آر وائی نیوز نے حاصل کرلی۔

    ویڈیو میں دیکھا جاسکتا ہے کہ حافظ آباد میں مسلم لیگ ن کے رہنما ریاض تارڑ کی انتخابی مہم کے دوران لیگی کارکنان لوگوں کو قائل اور اپنی طرف مائل کرنے کے لیے نوٹ تقسیم کر رہے ہیں۔

    ووٹ حاصل کرنے کے لیے مسلم لیگ ن نے ووٹ کی حرمت اور عزت کو ہی فروخت کرنا شروع کردیا، عوام کے ووٹ پیسوں کے ذریعے خریدنے لگے ہیں۔

    الیکشن 2018 کے تاریخی لمحات: انتخابی مہم کا وقت ختم

    خیال رہے کہ آج 24 جولائی سے الیکشن 2018 کے سلسلے میں سیاسی جماعتوں کی انتخابی مہم کا وقت ختم ہو گیا ہے، ایک دن بعد قوم اپنے مستقبل کا فیصلہ کرے گی۔

    واضح رہے کہ رات کے بارہ بجتے ہی ملک بھر میں ووٹرز کو مائل اور قائل کرنے کا وقت ختم ہو گیا، سیاسی شخصیات نے انتخابی مہم روک لی ہے۔

    یاد رہے کہ ملک میں جاری الیکشن 2018 کے تاریخی لمحات اپنے اختتام کی جانب بڑھ رہے ہیں، ملکی جمہوری تاریخ کا ایک اور سنگ میل عبور ہونے میں ایک دن رہ گیا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • میری 22 سالہ جہد مسلسل آج ایک فیصلہ کن موڑ پر آپہنچی ہے: عمران خان

    میری 22 سالہ جہد مسلسل آج ایک فیصلہ کن موڑ پر آپہنچی ہے: عمران خان

    اسلام آباد: پاکستان تحریک انصاف کے چیئرمین عمران خان نے کہا ہے کہ میری 22 سالہ جہد مسلسل آج ایک فیصلہ کن موڑ پر آپہنچی ہے، گرم موسم اور دہشت گردی کے منڈلاتے بادلوں کے سائے میں ہم نے مہم چلائی۔

    ان خیالات کا اظہار انہوں نے پارٹی کی انتخابی مہم سے متعلق سماجی رابطے کی ویب سائٹ ٹوئٹر پر جاری اپنے پیغام میں کیا، عمران خان کا کہنا تھا کہ دیانتداری سے سمجھتا ہوں میں نے تعمیر وطن کے لیے صلاحیتیں اور توانائیاں صرف کیں۔

    انہوں نے کہا کہ میں اپنے رب سے اس محنت کے ثمر کا خواستگار ہوں، ملک بھر سے نکلنے والے پاکستانیوں کا تہہ دل سے شکر گزار ہوں، الیکشن مہم کے دوران ہم نے بڑی محنت کی۔

    چیئرمین پی ٹی آئی کا کہنا تھا کہ دوران مہم پیر کی رات تک مختلف علاقوں میں 60 جلسے مکمل کیے، ان اجتماعات کی زینت بڑھانے کے لیے لاکھوں پاکستانی نکلے، میں ان کا مشکور ہوں۔

    الیکشن 2018 کے تاریخی لمحات: انتخابی مہم کا وقت ختم

    خیال رہے کہ آج 24 جولائی سے الیکشن 2018 کے سلسلے میں سیاسی جماعتوں کی انتخابی مہم کا وقت ختم ہو گیا ہے، ایک دن بعد قوم اپنے مستقبل کا فیصلہ کرے گی۔

    واضح رہے کہ رات کے بارہ بجتے ہی ملک بھر میں ووٹرز کو مائل اور قائل کرنے کا وقت ختم ہو گیا، سیاسی شخصیات نے انتخابی مہم روک لی ہے۔

    یاد رہے کہ ملک میں جاری الیکشن 2018 کے تاریخی لمحات اپنے اختتام کی جانب بڑھ رہے ہیں، ملکی جمہوری تاریخ کا ایک اور سنگ میل عبور ہونے میں ایک دن رہ گیا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • ہم چاہتے ہیں کہ ملک میں جمہوریت برقرار رہے: خورشید شاہ

    ہم چاہتے ہیں کہ ملک میں جمہوریت برقرار رہے: خورشید شاہ

    سکھر: پاکستان پیپلز پارٹی کے مرکزی رہنما خورشید شاہ نے کہا ہے کہ ہم چاہتے ہیں ملک میں جمہوریت برقرار رہے، ہماری جماعت کسی سازش کا حصہ نہیں بنی۔

    ان خیالات کا اظہار انہوں نے سکھر میں میڈیا سے گفتگو کرتے ہوئے کیا، خورشید شاہ کا کہنا تھا کہ سازش میں پڑنے کے بجائے ہم نے جمہوریت بچانے کو اہم سمجھا۔

    انہوں نے کہا کہ ہم چاہتے ہیں پارلیمنٹ اپنا کام کرے، ماضی میں جنتی میں سازشیں ہوئیں انہیں ناکام بنانے میں ہم نے اپنا بھرپور کردار ادا کیا۔

    رہنما پی پی کا کہنا تھا کہ کسی کو برا نہیں کہیں گے، گالی کی سیاست نہیں کرتے، ہم نے ہمیشہ جمہوریت کا ساتھ دیا، ملک میں جمہوریت کے لیے قربانیاں دی ہیں۔

    ملک بدترین حالات سے گزر رہا ہے، معیشت تباہ ہوچکی ہے: خورشید شاہ

    خورشید شاہ کا کہنا تھا کہ اللہ پاک کا شکر ہے ہمیں عوام نے ہمیشہ سرخرو کیا، مستقبل میں بھی سرخرو ہوں گے، عام انتخابات میں عوام ہمیں کامیاب بنائیں گے۔

    ان کا مزید کہنا تھا کہ 30 سال سے ووٹ لینے کی لڑائی چلی ہے، حالات جیسے بھی ہوں پیپلز پارٹی نے ہمیشہ جمہوریت کا ساتھ دیا، ہم چاہتے ہیں ملک میں جمہوریت قائم رہے۔

    خیال ہے کہ خورشید شاہ نے گذشتہ دنوں سکھر میں جلسہ عام سے خطاب کرتے ہوئے کہا تھا کہ ملک کی معیشت تباہ ہوچکی ہے، ملک بدترین حالات سے گزر رہا ہے، ایسے موقع پر ہمیں ہوشیار رہنے کی ضرورت ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • لگتا ہے ن لیگ کے لیے اڈیالہ جیل کو بڑا کرنا پڑے گا: عمران خان

    لگتا ہے ن لیگ کے لیے اڈیالہ جیل کو بڑا کرنا پڑے گا: عمران خان

    لاہور: پاکستان تحریک انصاف کے چیئرمین عمران خان نے کہا ہے کہ لگتا ہے مسلم لیگ (ن) کے لیے اڈیالہ جیل کو بڑا کرنا پڑے گا، شریف خاندان اللہ کی پکڑ میں آگیا ہے۔

    ان خیالات کا اظہار انہوں نے لاہور کے علاقے شالیمار چوک پر کارکنان سے خطاب کرتے ہوئے کیا، عمران خان کا کہنا تھا کہ چوروں اور ڈاکوؤں نے ملک کو لوٹا ہے، شریف خاندان کو اب احتساب سے کوئی نہیں بچا سکتا۔

    انہوں نے کہا کہ شریف خاندان کے کسی کو زکام ہوجائے تو لندن علاج کے لیے جاتے ہیں، ہم اقتدار میں آکر عوام کی محرومیاں دور کریں گے، لوگوں کو بہتر علاج کی سہولیات دیں گے۔

    چیئرمین پی ٹی آئی کا کہنا تھا کہ نواز اور شہباز شریف  30 سال سے پیسہ چوری کررہے ہیں، اور یہ عابد باکسر جیسے لوگوں کے ذریعے لوگوں کو مرواتے ہیں۔

    پیپلزپارٹی اور ن لیگ سیاہ کاریوں کے باعث انتخابات ہاریں گی،عمران خان

    عمران خان کا مزید کہنا تھا کہ عوام ہمارے ساتھ ہیں، 25 جولائی کو واضح ہوجائے گا، بھاری اکثریت سے کامیاب ہوں گے، حکومت سنبھال کر کرپشن کا خاتمہ کر دیں گے، قوم نئے پاکستان کے منتظر ہے۔

    خیال رہے کہ آج برطانوی نشریاتی ادارے کا انٹرویو دیتے ہوئے سربراہ تحریک انصاف عمران خان کا کہنا تھا کہ ن لیگ سیاہ کاریوں کےباعث انتخابات ہاریں گی، شریفوں اور زرداری سے اتحاد ممکن نہیں، ہاتھ ملایا توجدوجہد اور اقتدار میں آنے کا سارا مقصد فوت ہوجائے گا۔

    انہوں نے یہ بھی کہا تھا کہ پیپلزپارٹی اور ن لیگ اپنی سیاہ کاریوں کے باعث انتخابات ہاریں گی، انتخابات میں بڑا مقابلہ پی ٹی آئی اور ن لیگ کے درمیان ہوگا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ہم صرف 6 مہینوں میں کراچی کو ٹھیک کر دیں گے: مصطفیٰ کمال

    ہم صرف 6 مہینوں میں کراچی کو ٹھیک کر دیں گے: مصطفیٰ کمال

    کراچی: پاک سرزمین پارٹی کے سربراہ مصطفیٰ کمال نے کہا ہے کہ ہم صرف 6 مہینوں میں کراچی کو ٹھیک کردیں گے، یہاں کے شہریوں کے پاس ہمارے سوا کوئی آپشن ہی نہیں ہے۔

    ان خیالات کا اظہار انہوں نے کراچی کے مختلف علاقوں میں کارکنان سے خطاب کرتے ہوئے کیا، مصطفیٰ کمال کا کہنا تھا کہ آخری بار کراچی ہمارے ہاتھوں سے بنا،آئندہ بھی ہم بنائیں گے، یہ ہم ہی کو پتہ ہے کہ اس شہر کو فکس کیسے کرنا ہے۔

    انہوں نے کہا کہ نظریاتی اختلافات کو دشمنی میں نہیں بدلنا چاہیے، ہم دشمن کو بھی گلے لگانا چاہتےہیں، ڈولفن کو اللہ نے انسان دوست بنایا ہے۔

    ایم کیو ایم اور پیپلز پارٹی کچرے پر کھڑے ہو کر ووٹ مانگ رہی ہیں، مصطفیٰ کمال

    چیئرمین پاک سرزمین پارٹی کا کہنا تھا کہ لوگ کہتے ہیں ایم کیو ایم کی وجہ سے مصطفیٰ کمال نے کام کرائے، ایم کیو ایم تو حیدر آباد میں بھی تھی، وہاں کام کیوں نہ ہوئے؟

    مصطفیٰ کمال کا کہنا تھا کہ کراچی کے عوام کے لیے پاک سرزمین واحد امید ہے، کراچی کے مسائل کا حل ہمارے پاس ہے، لوگ واضح اکثریت سے ہمیں کامیاب بنائیں گے، ہم نفرت کی سیاست ختم کرنا چاہتے ہیں۔

    ان کا مخالفین پر تنقید کرتے ہوئے کہنا تھا کہ چودہ سال گورنر رہنے والا ہٹنے کے بعد 5 دن بھی شہر میں نہ رکا، اپنے آپ کو شہر کا وارث کہنے والی جماعت نے کراچی کے لیے کچھ نہیں کیا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ووٹ کو عزت دو، یہی مسلم لیگ (ن) کا نعرہ ہے: شہباز شریف

    ووٹ کو عزت دو، یہی مسلم لیگ (ن) کا نعرہ ہے: شہباز شریف

    لاہور: پاکستان مسلم لیگ (ن) کے صدر شہباز شریف نے کہا ہے کہ ووٹ کو عزت دو یہی ن لیگی نعرہ ہے، 26 جولائی کا سورج ہماری فتح کا ہوگا۔

    ان خیالات کا اظہار انہوں نے کارکنان سے خطاب کرتے ہوئے کیا، شہباز شریف کا کہنا تھا کہ ہمارے کارکنوں پر نیب کے ذریعے دباؤ ڈالا گیا، کوئی بھی ہمارے خلاف کرپشن کا ثبوت نہیں دے سکا۔

    انہوں نے کہا کہ عمران خان نے خیبرپختونخوا کا بیڑا غرق کر دیا، چیئرمین پی ٹی آئی نے کہا تھا کہ کے پی میں نہیں بلکہ پورے پاکستان کو بجلی دیں گے، کے پی کا یہ حال ہے کہ تحریک انصاف کے دور میں پچھلی حکومت کا 80 میگاواٹ پلانٹ خراب ہوگیا۔

    اگر موقع ملا تو پاکستان کو ترکی اور ملیشیا بنادوں گا، شہبازشریف

    صدر مسلم لیگ ن کا کہنا تھا کہ کے پی حکومت نے اصل میں منفی 8 میگا واٹ بجلی پیدا کی جبکہ ن لیگ دور میں 11 ہزار میگا واٹ بجلی سسٹم میں شامل ہوئی، ڈینگی آیا تو خان صاحب نتھیا گلی کے پہاڑوں پر جاکر سو گئے۔

    شہباز شریف کا کہنا تھا کہ عمران خان عام آدمی سے ہاتھ ملانا بھی پسند نہیں کرتا، ایسے لوگ عوامی نمائندے نہیں ہوتے، ن لیگ نے ملک کے لیے عظیم کام کیے۔

    ان کا مزید کہنا تھا کہ لاہور میٹرو 30 ارب میں بنی تھی، پشاور میٹرو 68 ارب پر چلی گئی، ہائیکورٹ نے کہا پشاور میٹرو کا ٹھیکہ بلیک لسٹ کمپنی کو دیا گیا تھا، صورت حال جیسی بھی ہو ن لیگ انتخابات میں واضح کامیابی حاصل کرے گی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ایک ہی گیند سے زرداری اور شہبازشریف کی وکٹیں گریں گی: عمران خان

    ایک ہی گیند سے زرداری اور شہبازشریف کی وکٹیں گریں گی: عمران خان

    لاہور: پاکستان تحریک انصاف کے چیئرمین عمران خان نے کہا ہے کہ میرا دل کہہ رہا ہے ایک ہی گیند سے آصف زرداری اور شہباز شریف کی وکٹیں گریں گی، 25 جولائی کو پاکستان کو ایک عظیم ملک بنائیں گے۔

    ان خیالات کا اظہار انہوں نے لاہور کے علاقے سبزہ زار میں کارکنان سے خطاب کرتے ہوئے کیا، عمران خان کا کہنا تھا کہ قومی دولت کم جبکہ چور اور ڈاکو امیر ہوتے جارہے ہیں، 25 جولائی کو زرداری اور شہبازشریف کی سیاست ختم کریں گے۔

    انہوں نے کہا کہ پچیس جولائی کو ہمیشہ کے لیے ان کی سیاست اور ظلم کا خاتمہ ہوجائے گا، آپ کی کپتانی کر رہا ہوں، ہمیں چوروں کو شکست دینی ہے، یہاں کے این اے 126 میں میں نے اپنے بڑے زبردست گوریلے چھوڑے ہیں۔

    خطرات کے پیشِ نظر عمران خان کی سیکورٹی بڑھا دی گئی

    سربراہ پی ٹی آئی کا کہنا تھا کہ زرداری نے سندھ کو کھنڈر بنا کر رکھ دیا ہے، اندرون سندھ 75 فیصد لوگ غربت کی لکیر سے نیچے ہیں، 25 جولائی کو نظریے پر ٹھپہ لگانا ہے، کوئی دوستی، کوئی خاندان نہیں صرف نظریے پر ٹھپہ لگائیں۔

    عمران خان کا کہنا تھا کہ ہر جانے والی حکومت خالی خزانہ اور فضل الرحمان چھوڑ کر جاتی ہے، چوروں اور ڈاکوؤں نے ہمیں مقروض بنا دیا ہے، آج 128 روپے کا ایک ڈالر ہوگیا ہے، سبز پاسپورٹ کی دنیا میں عزت کروانی ہے۔

    ان کا مزید کہنا تھا کہ ہم نے قائد اعظم کا پاکستان بنانا ہے، اس قوم کو ایک عظیم قوم بنائیں گے، چوروں اور لٹیروں کو ملک سے بھگائیں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • 26 جولائی کو عمران خان کے ساتھ حکومت بنا کر دکھاؤں گا: شیخ رشید

    26 جولائی کو عمران خان کے ساتھ حکومت بنا کر دکھاؤں گا: شیخ رشید

    راولپنڈی: پاکستان عوامی مسلم لیگ کے سربراہ شیخ رشید نے کہا ہے کہ 25 جولائی کو لال حویلی میں جشن ہوگا اور 26 جولائی کو عمران خان کے ساتھ حکومت بنا کر دکھاؤں گا۔

    ان خیالات کا اظہار انہوں نے جلسہ عام سے خطاب کرتے ہوئے کیا، شیخ رشید کا کہنا تھا کہ عام انتخابات میں واضح کامیابی حاصل کریں گے، پنڈی والوں سے کہتا ہوں کہ قبضہ گروپ کو ووٹ نہ دینا۔

    انہوں نے کہا کہ ن لیگ والے وقت پڑنے پر لوگوں کے پاؤں پڑتے ہیں بعد میں گلے پڑتے ہیں، شریف خاندان نے ملک کو لوٹ کر اپنی جائیدادیں بنائی۔

    قوم کے لیے 10 دن اہم ہیں، سیکورٹی مزید بہتر کی جائے، شیخ رشید

    سربراہ عوامی مسلم لیگ کا کہنا تھا کہ ملک میں ڈالر 128 روپے کا ہوگیا ہے اور قرضے واپس کرنے کے پیسے نہیں ہیں، الیکشن جیت کر 15 ہزار نوجوانوں کو نوکریاں دوں گا۔

    ان کا مزید کہنا تھا کہ 22 جولائی کو عمران خان لیاقت باغ جلسے میں شرکت کریں گے، 25 جولائی کی رات لوگوں کو لال حویلی میں جشن کی دعوت دیتا ہوں۔

    خیال رہے کہ دو روز قبل میڈیا سے گفتگو کرتے ہوئے شیخ رشید نے کہا تھا کہ ملک میں خوش اسلوبی سے انتخابات چاہتے ہیں، بیرونی قوتیں سازشیں کررہی ہیں، الیکشن میں التوا چاہتی ہیں، قوم کے لیے 10 دن اہم ہیں، سیکیورٹی مزید بہتر کی جائے۔

    انہوں نے یہ بھی کہا تھا کہ آئندہ آنے والی حکومت کے لیے مشکلات ہوں گی، ہمیں حکومت کے راستے میں حائل مشکلات کا ادراک کرنا ہوگا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • ملک بدترین حالات سے گزر رہا ہے، معیشت تباہ ہوچکی ہے: خورشید شاہ

    ملک بدترین حالات سے گزر رہا ہے، معیشت تباہ ہوچکی ہے: خورشید شاہ

    سکھر: پاکستان پیپلز پارٹی کے مرکزی رہنما خورشید شاہ نے کہا ہے کہ ملک بدترین حالات سے گزر رہا ہے، معیشت تباہ ہوچکی ہے، بہت سازشیں ہورہی ہیں۔

    ان خیالات کا اظہار انہوں نے سکھر میں جلسہ عام سے خطاب کرتے ہوئے کیا، خورشید شاہ کا کہنا تھا کہ ہمیں سازشیں نظر آرہی ہیں، ایسے موقعوں پر ہوشیار رہنے کی ضرورت ہے۔

    انہوں نے کہا کہ بھٹو شہید نے اقتدار کو ٹھوکر مار کر عوام کی خاطر موت قبول کی، بھٹو خاندان نے ملک کے لیے شہادتیں دی ہیں، پیپلز پارٹی کی پاکستان کے لیے قربانیاں ہیں۔

    رہنما پی پی کا کہنا تھا کہ عوام کی ترقی کے لیے ہم الیکشن لڑتے ہیں، پیپلز پارٹی واضح کامیابی حاصل کرے گی، اس بار پوری تیاری سے الیکشن لڑیں گے۔

    ریاست بہت مشکل حالات سے گزر رہی ہے: خورشید شاہ

    خورشید شاہ کا مخالفین پر تنقید کرتے ہوئے کہنا تھا کہ حکومت کے لیے فنکشنل لیگ سندھ توڑنے کی بات کرتی ہے، ایسی سازشوں کو کسی صورت کامیاب نہیں ہونے دیں گے۔

    خیال رہے کہ رہنما پی پی خورشید شاہ نے گذشتہ روز میڈیا سے گفتگو کرتے ہوئے کہا تھا کہ ریاست بدترین حالات سے گزر رہی ہے، ہماری کوشش ہے کہ ملک میں صاف اور شفاف انتخابات ہوں۔

    انہوں نے یہ بھی کہا تھا کہ الیکشن شفاف ہونا چاہیے اور ملک میں تبدیلی الیکشن کے نتیجے میں آنی چاہیے، سکھر میں پینے کے پانی کا مسئلہ موجود ہے اور پرائمری ایجوکیشن کو بہتر کرنے کی ضرورت ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • آنے والا کل ملک میں اسلامی نظام کا ہے: سراج الحق

    آنے والا کل ملک میں اسلامی نظام کا ہے: سراج الحق

    سکھر: امیر جماعت اسلامی سراج الحق نے کہا ہے کہ آنے والا کل ملک میں اسلامی نظام کا ہے، عام انتخابات خوش حال پاکستان کا فیصلہ کرے گا۔

    ان خیالات کا اظہار انہوں نے سکھر میں جلسہ عام سے خطاب کرتے ہوئے کیا، سراج الحق کا کہنا تھا کہ آنے والا کل ملک میں اسلامی نظام اور غریب عوام کا ہے، یہ الیکشن نظریات، تہذیب اور کلچر کا مقابلہ ہے۔

    انہوں نے کہا کہ متحدہ مجلس عمل ظلم، مہنگائی اور کرپشن کے خلاف دیوار ہے، ہم ملک میں حقیقی اسلامی نظام قائم کریں گے، ملک کو موجودہ بحران سے نکال کر ایک خوش حال پاکستان بنائیں گے۔

    حکمرانوں نے ملک تباہ کردیا، پاکستان کو دیانت دار قیادت کی ضرورت ہے، سراج الحق

    امیر جماعت اسلامی کا کہنا تھا کہ متحدہ مجلس عمل میں پاناما زدہ یا کوئی کرپٹ شخص نہیں ہے، ایم ایم اے میں پاک دامن لوگوں کو اکٹھا کیا ہے۔

    سراج الحق کا مزید کہنا تھا کہ ایم ایم اے کے پاس ملک کو ترقی پرگامزن کرنے کا پروگرام موجود ہے، کرپشن نے ملک کو کمزور کیا، حکمرانوں نے اداروں کو تباہ کردیا، ہم اقتدار میں آکر تعلیمی نظام ٹھیک کریں گے۔

    مستونگ، بنوں اور پشاور کے سانحات پر قوم افسردہ ہے، سراج الحق

    ان کا مزید کہنا تھا کہ ہمارے مخالفین کی پشت پر مغربی ایجنڈا ہے، تمام سیاسی جماعتوں میں کرپٹ لوگ موجود ہیں ایم ایم اے وہ واحد اتحاد ہے جس میں کوئی بھی بدعنوانی میں ملوث نہیں ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔