Tag: Elections 2024

اسلام آباد: پی ٹی آئی کے حمایت یافتہ نو منتخب رکن قومی اسمبلی وسیم قادر کی مسلم لیگ (ن) میں شمولیت پر بیرسٹر گوہر خان کا ردعمل سامنے آگیا۔

بیرسٹر گوہر خان نے ردعمل میں کہا کہ وسیم قادر سے کوئی رابطہ نہیں ہوا، جن کی سپورٹ سے منتخب ہو کر آئے یہ اچھی روایت نہیں کسی اور جماعت میں چلے جائیں۔

پی ٹی آئی رہنما نے واضح کیا کہ ارکان سے کوئی حلف نامہ اور استعفیٰ نہیں مانگا، ہم نے خدشے کا اظہار کیا تھا کچھ لوگ وفاداریاں تبدیل کریں گے۔

دوسری جانب اے آر وائی نیوز کے پروگرام ’سوال یہ ہے‘ میں گفتگو کرتے ہوئے پی ٹی آئی رہنما لطیف کھوسہ نے کہا کہ وسیم قادر نے جو حرکت کی وہ انتہائی شرمناک ہے۔

لطیف کھوسہ نے دعویٰ کیا کہ وسیم قادر کو اغوا کیا گیا، ان کو اب علاقے میں کوئی گھسنے بھی نہیں دے گا، حمایت یافتہ امیدوار آزاد نہیں انہوں نے بانی پی ٹی آئی کا ووٹ لیا ہے، ان کے اہل خانہ بھی گھر میں آنے پر اب اعتراض کریں گے۔

وسیم قادر نے (ن) لیگ کی سینئر نائب صدر و چیف آرگنائزر مریم نواز سے ملاقات کی اور پارٹی کے قائد نواز شریف پر مکمل اعتماد کا اظہار کیا۔

نو منتخب رکن قومی اسمبلی نے کہا کہ حلقے کے عوام اور دوستوں کی مشاورت سے (ن) لیگ میں شامل ہو رہا ہوں۔ مریم نواز نے وسیم قادر کے فیصلے کا خیر مقدم اور مبارک پیش کی۔

گزشتہ روز حلقہ این اے 54 راولپنڈی سے منتخب ہونے والے آزاد امیدوار بیرسٹر عقیل ملک نے (ن) لیگ میں شمولیت کا اعلان کیا تھا۔

بیرسٹر عقیل نے ویڈیو بیان میں کہا تھا کہ یہ نشست نواز شریف کی امانت تھی جو پارٹی کو تحفے میں دے دی، یہ نشست نواز شریف کی تھی اور آئندہ بھی رہے گی، سب شیروں کو (ن) لیگ کی فتح مبارک ہو۔

کراچی: امیر جماعت اسلامی کراچی حافظ نعیم الرحمان نے الیکشن کمیشن سے مطالبہ کیا ہے کہ وہ کرچی کے انتخابی نتائج کو کالعدم قرار دے۔

انتخابی نتائج کے خلاف احتجاجی دھرنے سے خطاب کرتے ہوئے حافط نعیم الرحمان نے کہا کہ سندھ ہائی کورٹ میں کل انتخابی نتائج چیلنج کریں گے کیونکہ الیکشن کمیشن پہلے سے لکھے ہوئے نتائج  پڑھ کر سنا رہا ہے۔

حافظ نعیم الرحمان نے کہا کہ عوامی مینڈیٹ پر ڈاکا ڈالا گیا، آئین و قانون کی دھجیاں بکھیری گئیں جو قابلِ مذمت ہیں، الیکشن کمیشن کا کام شفاف الیکشن کروانا ہے لیکن اس نے الیکشن کے علاوہ تمام کام کیے۔

متعلقہ: کراچی کو پھر اسلحے کے سپرد کرنے کی کوشش کی جا رہی ہے، حافظ نعیم الرحمان

امیر جماعت اسلامی کراچی نے کہا کہ نوجوانوں کو تعلیم سے محروم کر کے بوری بند لاشوں کا کاروبار دیا گیا، واٹر بورڈ میں نوکریوں کی بندربانٹ کر کے نااہلوں کو بٹھایا گیا، طاقت کے ذریعے ہمارے سروں مسلط کیا گیا، یہ جعلی مینڈیٹ ہے انہیں پہلے سے باکس فراہم کیے گئے تھے۔

انہوں نے کہا کہ آزاد امیدواروں کے پاس فارم 45 نہیں لیکن جماعت اسلامی نے فارم 45 کا حصول ممکن بنایا، کراچی والوں نے جماعت اسلامی اور پی  ٹی آئی کو ووٹ دیے، ایم کیو ایم نے کراچی سے ایک بھی صوبائی نشست نہیں جیتی، 5 ہزار سے زائد پولنگ اسٹیشنز سے ایم کیو ایم نہیں جیتی۔

ان کا کہنا تھا کہ جعلی مینڈیٹ کا تعاقب کریں گے، ایم کیو ایم نے ایک بار پھر دہشتگردی کی آگ کو بھڑکایا، ہمارے پولنگ ایجنٹس کو فارم 45 نہ دینے کی کوشش کی گئی، ہمارے پولنگ ایجنٹس نے ترجیحی بنیاد پر فارم 45 حاصل کیے، فارم 45 کی بنیاد پر کہہ رہے ہیں ہم جیتے ہوئے ہیں۔

حافظ نعیم الرحمان نے کہا کہ الیکشن کمیشن کراچی کے نتائج کالعدم قرار دے، ایم کیو ایم کے دہشتگرد اسلحے کے زور پر بیلٹ پیپرز ڈال رہے تھے، چیف جسٹس کو ازخود نوٹس کیلیے خط لکھا ہے، مینڈیٹ پر ڈاکا نہیں ڈالنے دیں گے حقیقی نتائج تسلیم کروائیں گے۔

لاہور سے نو منتخب پاکستان تحریک انصاف (پی ٹی آئی) حمایت یافتہ رکن قومی اسمبلی وسیم قادر ملسم لیگ (ن) میں شامل ہوگئے۔

وسیم قادر نے (ن) لیگ کی سینئر نائب صدر و چیف آرگنائزر مریم نواز شریف سے ملاقات کی اور قائد (ن) لیگ نواز شریف پر مکمل اعتماد کا اظہار کیا۔

نو منتخب رکن قومی اسمبلی نے کہا کہ حلقے کے عوام اور دوستوں کی مشاورت سے (ن) لیگ میں شامل ہو رہا ہوں۔ مریم نواز نے وسیم قادر کے فیصلے کا خیر مقدم اور مبارک پیش کی۔

گزشتہ روز حلقہ این اے 54 راولپنڈی سے منتخب ہونے والے آزاد امیدوار بیرسٹر عقیل ملک نے (ن) لیگ میں شمولیت کا اعلان کیا تھا۔

بیرسٹر عقیل نے ویڈیو بیان میں کہا تھا کہ یہ نشست نواز شریف کی امانت تھی جو پارٹی کو تحفے میں دے دی، یہ نشست نواز شریف کی تھی اور آئندہ بھی رہے گی، سب شیروں کو (ن) لیگ کی فتح مبارک ہو۔

کراچی: کنوینر متحدہ قومی موومنٹ پاکستان خالد مقبول صدیقی کا کہنا ہے کہ مسلم لیگ (ن) کے سامنے کوئی مطالبہ رکھا نہ کوئی معاہدہ کیا۔

میڈیا سے گفتگو میں خالد مقبول صدیقی نے بتایا کہ الیکشن کے حوالے سے (ن) لیگی قیادت کے ساتھ ملاقات ہوئی لیکن اس ملاقات میں حکومت سازی اور مطالبات کے حوالے سے خبر درست نہیں ہے، حکومت سازی پر کوئی بات نہیں ہوئی۔

خالد مقبول صدیقی نے کہا کہ ملاقات میں پاکستان کو درپیش خطرات اور اندیشوں پر بات ہوئی ہے، انتخابات نے ایک چیلنجنگ صورتحال پیدا کر دی ہے، اگر سیاسی نقصان بھی ہوتا ہے تو ریاست بچانے کی ضرورت ہے، حکومت سازی سے پہلے ایسا لائحہ عمل تیار کیا جائے جو ملک بچانے کیلیے ہو۔

کنوینر ایم کیو ایم پاکستان نے کہا کہ معاملہ اقتدار کا نہیں عوام کے اختیار کا ہے، ایم  کیو ایم کا جو بھی نمائندہ انتخاب جیتا ہے وہ عوام کے درمیان رہے گا۔

انہوں نے کہا کہ پاکستان مسلسل بحرانوں کا شکار ہے، بوجھ اور ملبہ آخری حکومت پر آنا تھا اس میں ہم بھی شامل تھے، تمام سیاسی جماعتوں کو آپس میں بات کرنی چاہیے۔

ان کا کہنا تھا کہ سندھ کی گورنر شپ کے مطالبے کے حوالے سے تمام خبریں غلط ہیں، (ن) لیگ کے سامنے نہ کوئی مطالبہ رکھا نہ کوئی معاہدہ کیا۔

اسلام آباد: سیکرٹری اطلاعات پاکستان پیپلز پارٹی فیصل کریم کنڈی نے چیئرمین بلاول بھٹو زرداری کو وفاق میں اپوزیشن میں بیٹھنے کی تجویز دے دی۔

فیصل کریم کنڈی نے سماجی رابطوں کی ویب سائٹ ایکس پر اپنے بیان میں کہا کہ مستحکم اتحادی حکومت میں بلاول بھٹو کو وزیر اعظم ہونا چاہیے۔

انہوں نے کہا کہ بصورت دیگر پیپلز پارٹی اتحادی حکومت کا حصہ بننے کے بجائے اپوزیشن میں بیٹھے، پیپلز پارٹی کو اپنی ترجیحات کا تعین کرنا چاہیے اور اپوزیشن بنچز سے قوم کی خدمت کرے۔

متعلقہ: الیکشن 2024: میں نئی سوچ کے ساتھ وزیر اعظم بننا چاہتا ہوں، بلاول بھٹو زرداری

As Central Secretary Info of #PPP, I propose that if @BBhuttoZardari doesn’t secure the Prime Minister position in a stable coalition alliance,we should opt for opposition.Let’s prioritize our party&continue serving the people from that position. #OppositionMatters#Election2024

— Faisal Karim Kundi (@fkkundi) February 11, 2024

کراچی: پاکستان تحریک انصاف کراچی کے صدر خرم شیر زمان نے آرمی چیف جنرل عاصم منیر کے نام ویڈیو پیغام جاری کر دیا۔

ویڈیو پیغام میں خرم شیر زمان نے کہا کہ شہید کا بھائی ہوں جس نے پاکستان کیلیے اپنی جان قربان کی، شہیدوں کے گھروں کی حفاظت کرنا افواج پاکستان کی ذمہ داری ہے۔

پی ٹی آئی رہنما نے کہا کہ سندھ پولیس گھر میں گھس کر میری بیٹیوں اور بیوی کو ہراساں کر رہی ہے، آدھی رات کو 2 درجن پولیس اہلکار اور کئی سادہ کپڑوں میں لوگ میرے گھر گئے۔

انہوں نے بتایا کہ مجھے اغوا یا قتل کرنے کی کوشش کی جا رہی ہے، میرے گھر پر فارم 45 چوری کرنا ان کا مقصد تھا، جو ہونا تھا وہ ہوگیا احتجاج کرنا اور عدالتوں سے رجوع کرنا ہمارا آئینی حق ہے۔

خرم شیر زمان نے کراچی میں قومی اسمبلی کے حلقہ این اے 241 سے عام انتخابات میں حصہ لیا تھا جس میں ان کو شکست ہوئی تھی۔

انہوں نے 48 ہزار 610 ووٹ حاصل کر کے دوسرے نمبر پر رہے تھے جبکہ پیپلز پارٹی کے مرزا اختیار بیگ 52 ہزار 456 ووٹ سے کامیاب ہوئے تھے۔

اسلام آباد: الیکشن کمیشن نے 8 فروری کو ہونے والے عام انتخابات میں کراچی کی قومی و صوبائی نشستوں پر مسترد ہونے والے ووٹ کی تعداد بتا دی۔

الیکشن کمیشن کے مطابق قومی اور صوبائی نشستوں پر 97 ہزار سے زائد ووٹ مسترد کیے گئے، 47 صوبائی نشستوں پر 47 ہزار 701 ووٹ مسترد ہوئے جبکہ قومی اسمبلی کی 22 نشستوں پر 50 ہزار 391 ووٹ مسترد ہوئے۔

پی ایس 108 جنوبی میں ایک بھی ووٹ مسترد نہیں ہوا۔ پی ایس 129 وسطی میں صرف 85 ووٹ مسترد ہوئے۔ سب سے زیادہ پی ایس 123 وسطی میں 1898 ووٹ مسترد ہوئے۔

صوبائی نشستوں میں سب سے کم ٹرن آؤٹ پی ایس 127 پر 25.88 فیصد رہا جبکہ سب سے زیادہ ٹرن آوٹ پی ایس 125 پر 63.35 فیصد رہا۔

الیکشن کمیشن کے مطابق این اے 241 کراچی جنوبی کی نشست پر ایک بھی ووٹ مسترد نہیں ہوا۔ اس حلقے میں 1 لاکھ 8 ہزار 356 ووٹ کاسٹ ہوئے۔

این اے 231 ملیر کی نشست پر 2487 ووٹ مسترد ہوئے۔ حلقے پر پیپلز پارٹی کے عبدالحکیم بلوچ 389 ووٹوں کے فرق سے کامیاب ہوئے۔

صوبائی نشستوں میں سب سے کم ٹرن آؤٹ پی ایس 127 پر 25.88 فیصد رہا جبکہ سب سے زیادہ ٹرن آؤٹ پی ایس 125 پر 63.35 فیصد رہا۔

کراچی میں قومی نشستوں  پر سب سے زیادہ ٹرن آؤٹ 48.8 فیصد رہا جبکہ قومی اسمبلی کی نشست این اے 241 پر سب سے کم 23 فیصد ٹرن آؤٹ رہا۔