Tag: Elections 2024

انتخابی نتائج کے بعد حکومت سازی کے لیے سیاسی جماعتوں کی جانب سے اتحاد اور جوڑ توڑ کی کوششیں جاری ہیں ایم کیو ایم نے پی ٹی آئی سے ممکنہ اتحاد سے متعلق سوال کا جواب دے دیا ہے۔

اے آر وائی نیوز کے مطابق 8 فروری کے انتخابات کے نتائج کے مطابق کسی سیاسی جماعت کو تنہا حکومت بنانے کے لیے سادہ اکثریت نہیں ملی ہے۔ پی ٹی آئی کے حمایت یافتہ آزاد امیدواروں کا گروپ 101 نشستوں کے ساتھ سر فہرست ہے۔ ن لیگ دوسرے اور پی پی تیسرے نمبر پر ہے۔

ذرائع کا کہنا ہے کہ حکومت سازی کے لیے ن لیگ نے کوششیں شروع کر دی ہیں جس نے پی پی سمیت ایم کیو ایم، جے یو آئی ف اور آزاد امیدواروں سے رابطے شروع کر دیے ہیں۔ ایم کیو ایم پاکستان کا وفد اسی سلسلے میں آج نواز شریف سے بھی ملاقات کر رہا ہے دوسری جانب پی ٹی آئی کی جانب سے بھی رابطوں کا سلسلہ شروع کر دیا گیا ہے۔

پی ٹی آئی رہنما بیرسٹر گوہر خان نے ایم کیو ایم سے ممکنہ اتحاد کی جانب اشارہ دیا تھا۔ ایم کیو ایم پاکستان کے سربراہ ڈاکٹر خالد مقبول صدیقی نے اے آر وائی نیوز سے گفتگو کے دوران پاکستان تحریک انصاف سے کسی ممکنہ اتحاد سے متعلق سوال کے جواب میں کہا کہ پی ٹی آئی اور ایم کیو ایم کا ساتھ چلنے خواب ہو سکتا ہے۔

خالد مقبول نے کہا کہ ہمارا آئین میں تین ترامیم کا مطالبہ ہے اور یہی معاہدہ ہے۔ اگر ہمارے ووٹ سے حکومت بنتی ہے تو ہمارے مطالبے کو سپورٹ کرنا چاہیے تاہم ضروری نہیں کہ ہم کابینہ میں بھی بیٹھیں۔

ایم کیو ایم سربراہ کا کہنا تھا کہ شہباز شریف کا فون آیا تھا اور انہوں نے لاہور آنے کی دعوت دی تاہم میرا خیال ہے کہ انہیں بہادر آباد آنا چاہیے تھا۔

پی ٹی آئی رہنما علی محمد خان نے کارکنوں کے نام ویڈیو پیغام جاری کیا ہے جس میں ان کا کہنا ہے کہ ہمارے کسی امیدوار کا ذاتی ووٹ بینک نہیں۔

اے آر وائی نیوز کے مطابق پاکستان تحریک انصاف کے مرکزی رہنما اور کے پی سے قومی اسمبلی کی نشست پر کامیاب امیدوار علی محمد خان نے کارکنوں کے نام ویڈیو پیغام جاری کیا ہے جس میں ان کا کہنا تھا کہ ہمارے کسی ایم این اے اور ایم پی اے کا ذاتی ووٹ بینک نہیں بلکہ اللہ کے حکم اور کارکنوں کی محنت سے کامیابی ملی ہے۔

علی محمد خان نے کہا کہ کسی کو بال ٹھیک کرنے اور سر زیادہ ہلانے کی ضرورت نہیں۔ کارکن کسی ایم این اے یا ایم پی اے کو کمیشن نہ لینے دیں، کوئی ایم پی اے کرپشن یا ظلم کرے تو اس کے خلاف آواز اٹھائیں۔

ان کا کہنا تھا کہ بانی پی ٹی آئی کی اصل طاقت کارکن ہیں۔ تحریک انصاف کی سیاست کا نیا دور شروع ہو گیا ہے۔

عام انتخابات کے نتائج کے بعد حکومت سازی کے لیے سیاسی جماعتوں نے جوڑ توڑ کا سلسلہ شروع کر دیا ہے نواز شریف اور ایم کیو ایم پاکستان کا وفد آج ملاقات کرے گا۔

اے آر وائی نیوز کے مطابق 8 فروری کو ہونے والے عام انتخابات کے اب تک موصولہ نتائج کے مطابق پی ٹی آئی کے حمایت یافتہ آزاد امیدواروں سب پر سبقت لیے ہوئے ہیں۔ ن لیگ کی دوسری اور پی پی کی تیسری پوزیشن ہے تاہم کوئی بھی جماعت تنہا حکومت بنانے کی پوزیشن میں نہیں ہے جس کے بعد سیاسی جماعتوں نے حکومت سازی کے لیے جوڑ توڑ شروع کر دیا ہے۔

اسی سلسلے میں ایم کیو ایم پاکستان کا وفد گزشتہ روز ن لیگ قیادت سے ملاقات کے لیے لاہور پہنچا تھا اور ہفتے کی شب ان کی ملاقات ہونا تھی جو کچھ وجوہات کی بنا پر نہ ہو سکی۔

ذرائع کا کہنا ہے کہ آج مسلم لیگ ن کے قائد نواز شریف سے ایم کیو ایم پاکستان کے وفد کی ملاقات طے ہے جو دوپہر 12 بجے رائے ونڈ میں ہو گی۔

ذرائع کے مطابق اس ملاقات میں سابق وزیراعظم شہباز شریف، مریم نواز سمتی ن لیگ کے دیگر رہنما بھی شریک ہوں گے جب کہ ایم کیو ایم وفد میں گورنر سندھ کامران ٹیسوری، مصطفیٰ کمال اور ڈاکٹر فاروق ستار شامل ہوں گے۔

مسلم لیگ ن اور پیپلز پارٹی کی قیادت میں 24 گھنٹوں میں تیسری بار رابطہ

ذرائع کا کہنا ہے کہ ملاقات میں ایم کیو ایم اور ن لیگ ورکنگ ریلیشن سمیت دیگر امور بھی زیر غور آئیں گے جس میں حکومت سازی، انتخابات کے بعد کی صورتحال اور نمبر گیم سمیت وفاقی حکومت میں شمولیت پر بات چیت ہوگی۔

الیکشن میں کامیاب آزاد امیدواروں کی مسلم لیگ ن میں شمولیت کا سلسلہ جاری ہے این اے 189 سے سردار شمشیر خان مزاری بھی ن لیگ کو پیارے ہو گئے۔

اے آر وائی نیوز کے مطابق 8 فروری کے الیکشن میں قومی اسمبلی، پنجاب اور کے پی اسمبلیوں میں پی ٹی آئی کے حمایت یافتہ امیدواروں نے بھاری تعداد میں کامیابی حاصل کی ہے تاہم نتائج آنے کے بعد کامیاب کئی آزاد امیدواروں نے مسلم لیگ ن میں شمولیت اختیار کر لی ہے۔

قومی اسمبلی کے حلقہ این اے 189 سے آزاد رکن سردار شمشیر خان مزاری بھی ن لیگ میں شامل ہو گئے ہیں۔ ان کا کہنا ہے کہ میں ریاست کے ساتھ ہوں اسی لیے ن لیگ میں شامل ہوا ہوں۔

بہاول نگر سے پنجاب اسمبلی کی نشست پی پی 240 سے کامیاب آزاد امیدوار محمد سہیل خان اور پی پی 48 پسرور سے کامیاب آزاد امیدوار خرم ورک بھی ن لیگ کی کشتی میں سوار ہو گئے ہیں۔ خرم ورک نے اپنے ویڈیو پیغام میں کہا کہ ن لیگ میں شمولیت کا فیصلہ حلقے کے عوام کی مشاورت کے بعد کیا ہے۔

اس سے قبل گزشتہ روز قومی اسمبلی کے حلقوں این اے 54، این سے 48 اور این اے 253 سے کامیاب آزاد امیدواروں بیرسٹر عقیل ملک، راجا خرم نواز اور میاں خان بگٹی نے ن لیگ میں شامل ہونے کا اعلان کیا تھا۔