لاہور: مسلم لیگ ن کے قائد نواز شریف نے مل بیٹھ کر مشترکہ حکومت بنانے کی پیشکش کردی۔

اے آر وائی نیوز کے مطابق لاہور میں مسلم لیگ ن کے قائد نواز شریف نے کارکنان سے خطاب کرتے ہوئے کہا کہ جو پارٹیاں کامیاب ہوئی ہیں ان کو بھی دعوت دیں گے کہ مل کر حکومت بنائیں۔

انہوں نے کہا کہ شہباز شریف کی ڈیوٹی لگائی ہے کہ آج ہی آصف زرداری سے ملاقات کریں، شہباز شریف ایم کیو ایم پاکستان کے ساتھ ملاقات کریں۔

نواز شریف نے کہا کہ موجودہ حالات تقاضہ کرتے ہیں کہ سب مل کر ملک کو بھنور سے نکالیں، شہباز شریف کو مینڈیٹ دیا ہے، اسحاق ڈار کے ساتھ مل کر آج ہی ملاقات کریں گے۔

جولوگ لڑائی کےموڈ میں ہیں ہم ان کیساتھ لڑنانہیں چاہیے،نوازشریف
سب کی ذمہ داری ہےکہ ملکرملک کو بھنور سےنکالیں، نوازشریف#ARYNews pic.twitter.com/sc2prR1DN1

— ARY NEWS (@ARYNEWSOFFICIAL) February 9, 2024

مسلم لیگ ن کے قائد نے کہا کہ ہمیں صرف مرکز میں اکثریت نہیں ملی پنجاب میں بھی ملی ہے، مرکز میں بھی بڑی جماعت ہیں اور پنجاب میں بھی بڑی جماعت ہیں۔

نواز شریف نے کہا کہ یوتھ کے لیے شہباز شریف کی قابل قدر خدمات ہیں، وہ لیپ ٹاپ خرید رہے ہیں آرڈر بھی دے دیا ہے، انشا اللہ اسپتالوں میں بھی مفت دوائیاں دیں گے۔

انہوں نے کہا کہ یہ فرض بنتا ہے کہ ملک کو بھنور سے نکالنے کی تدبیر کریں، پہلے بھی ملک کو بھنور سے نکالا آج بھی تدبیر کررہے ہیں، سب جماعتوں کے مینڈیٹ کا احترام کرتے ہیں، دعوت دیتے ہیں کہ زخمی پاکستان کو مشکلات سے نکالنے کے لیے ساتھ بیٹھیں۔

دعوت دیتےہیں زخمی پاکستان کومشکلات سےنکالنےکیلئےساتھ بیٹھیں،نوازشریف#ARYNews pic.twitter.com/77EZQhTpmD

— ARY NEWS (@ARYNEWSOFFICIAL) February 9, 2024

نواز شریف نے کہا کہ ہمارا ایجنڈا صرف اور صرف خوشحال پاکستان ہے، ہم نے ملک کے لیے کیا کیا؟ کون سے منصوبے بنائے سب کو معلوم ہے، اچھی طرح معلوم ہے کہ مسلم لیگ ن کا ٹریک ریکارڈ کیا ہے، معاشی، دفاعی، معاشرتی نظام سمیت ہر شعبے میں ملک کی خدمت کی ہے۔

ن لیگ کے قائد نے کہا کہ بار بار اس بات کے متحمل نہیں ہوسکتے کہ ملک میں انتخابات کروائیں۔

شہبازشریف،مریم اورسب کی جانب سےمبارکباددیتےہیں،نوازشریف

انتخابات میں مسلم لیگ ن سب سےبڑی جماعت بن کرابھری،نوازشریف

مسلم لیگ ن اس وقت ملک کی سب سےبڑی جماعت ہے،نوازشریف#ARYNews #Elections2024 #NawazSharif pic.twitter.com/aMHYS4VjAf

— ARY NEWS (@ARYNEWSOFFICIAL) February 9, 2024

انہوں نے کہا کہ جو لوگ لڑائی کے موڈ میں ہیں ہم ان کے ساتھ لڑنا نہیں چاہتے، ہمیں ساتھ بیٹھ کر مسائل حل کرنا ہوں گے، صورتحال مستحکم کرنے کے لیے کم از کم 10 سال چاہیے۔

کراچی: این اے 248 کراچی سے ایم کیو ایم سربراہ خالد مقبول صدیقی کامیاب ہوگئے۔

ملک بھر میں عام انتخابات 2024 کے لیے ووٹنگ کا وقت ختم ہونے کے بعد ووٹوں کی گنتی جاری ہے اور ساتھ ہی غیرحتمی و غیرسرکاری نتائج آنے کا سلسلہ جاری ہے۔

اے آر وائی نیوز نے ذمہ دارانہ رپورٹنگ کرتے ہوئے مستند نتائج ناظرین تک پہنچانے کی روایت کو برقرار رکھا ہے۔ ملک بھر سے اے آر وائی نیوز کو ابتدائی نتائج موصول ہو رہے ہیں۔

یہ پڑھیں: الیکشن 2024 پاکستان: قومی اسمبلی کا مکمل غیر حتمی، غیر سرکاری نتیجہ

اب تک قومی اسمبلی کی 266 جنرل نشستوں میں سے 196 کے غیرسرکاری غیر حتمی نتائج موصول ہوئے ہیں جس کے مطابق آزاد امیدوار 85، ن لیگ 59، پی پی 44 نشستوں پر کامیاب ہوئی ہے، ایم کیو ایم 7، آئی پی پی 2، جے یو آئی، ق لیگ ایک، ایک نشست پر کامیاب ہوئے ہیں۔

این اے 248 کراچی سے ایم کیو ایم سربراہ خالد مقبول صدیقی 71536 ووٹ لے کر کامیاب ہوگئے ہیں، آزاد امیدوار ارسلان خالد 58246 ووٹ لے کر دوسرے نمبر پر رہے۔

اسلام آباد: مسلم لیگ ن کے رہنما اور سابق وزیر خزانہ اسحاق ڈار نے دعویٰ کیا ہے کہ نواز شریف مانسہرہ سے بھی جیت چکے ہیں۔

اے آر وائی نیوز کے مطابق مسلم لیگ ن کے رہنما اسحاق ڈار کا کہنا ہے کہ انٹرنیٹ کی وجہ سے نتائج میں تاخیر ہوئی ہے، وزیراعظم کے لیے میرے اور پارٹی کے امیدوار نواز شریف ہیں۔

انہوں نے کہا کہ ن لیگ قومی اسمبلی میں 85 سے 90 سیٹیں لے گی، پنجاب میں بھی ن لیگ ہی حکومت بنائے گی۔

 اس سے قبل اسحاق ڈار کا کہنا تھا کہ آزاد امیدواروں نے ن لیگ میں شمولیت کے لیے ہم سے رابطہ کیا ہے۔ قومی اسمبلی کی نشستوں پر ن لیگ سب سے آگے ہے اور آزاد امیدواروں کے پاس کسی بھی پارٹی میں شامل ہونے کے لیے 72 گھنٹے ہیں۔

ان کا کہنا تھا کہ اگر آزاد امیدوار کسی بھی جماعت میں شامل نہیں ہوں گے تو پھر انہیں مخصوص نشستیں نہیں ملیں گی۔

ن لیگی رہنما کا یہ بھی کہنا تھا کہ آزاد امیدوار پنجاب میں ن لیگ کے قریب بھی نہیں۔ آزاد امیدواروں کو ساتھ ملانے کیلیے آصف زرداری اچھی صلاحیت رکھتے ہیں۔

واضح رہے کہ اب تک قومی اسمبلی کی 266 جنرل نشستوں میں سے 196 کے غیرسرکاری غیر حتمی نتائج موصول ہوئے ہیں جس کے مطابق آزاد امیدوار 85، ن لیگ 59، پی پی 44 نشستوں پر کامیاب ہوئی ہے، ایم کیو ایم 7، آئی پی پی 2، جے یو آئی، ق لیگ ایک، ایک نشست پر کامیاب ہوئے ہیں۔

ملتان: پیپلزپارٹی کے سینئر رہنما یوسف رضا گیلانی کا کہنا ہے کہ مستقبل چیئرمین بلاول بھٹو کا ہے۔

اے آر وائی نیوز کے مطابق پی پی رہنما یوسف رضا گیلانی نے میڈیا سے گفتگو کرتے ہوئے کہا کہ بلاول بھٹو نے پورے پاکستان کا دورہ کیا، ملتان سے اپنے منشور کا اعلان کیا، عوام نے بلاول بھٹو کے منشور کو پسند کیا ہے، عوام نے منشور سن کر ہمیں سپورٹ کیا ہے۔

انہوں نے کہا کہ پیپلزپارٹی ملک کے استحکام، معیشت کے لیے اپنا فرض نبھائے گی، جب میں وزیراعظم تھا اس وقت بھی سیاسی استحکام تھا، ہم تمام اسٹیک ہولڈرز کو ساتھ لے کر چلیں گے۔

یوسف رضا گیلانی نے کہا کہ دہشت گردی نے پھر سے سر اٹھا لیا ہے، دہشت گردی کا مقابلہ ہم نے پہلے بھی کیا تھا اب بھی کریں گے، ملکی استحکام کے لیے دہشت گردی کا مقابلہ بہت ضروری ہے۔

پی پی رہنما نے کہا کہ افغانستان میں استحکام آئے گا تو اس کا اثر پاکستان میں بھی ہوگا، ہم برادر ممالک ہیں ہمارے معاشی، سیاسی، مذہبی تعلقات ہیں، ہمیں ملک دشمن کے عزائم کو ختم کرنا ہے، ہماری فورسز نے بہت قربانیاں دی ہیں، جوانوں نے اپنا آج آپ کے کل کے لیے قربان کیا ہے۔

یوسف رضا گیلانی نے مزید کہا کہ اس وقت ہمارا مسئلہ مہنگائی اور بیروزگاری ہے، ہمیں غریبوں کو کھڑا کرنا ہے معاشی طور پر بہتر کرنا ہے۔