Tag: Elections 2024

قومی اسمبلی کے حلقہ این اے 196 قمبر شہدادکوٹ میں چیئرمین پاکستان پیپلز پارٹی بلاول بھٹو زرداری اور جمعیت علمائے اسلام (ف) کے ناصر محمود سومرو کے درمیان مقابلہ ہے۔

غیر حمتی و غیر سرکاری نتیجے کے مطابق بلاول بھٹو زرداری 18781 ووٹ لے کر آگے جبکہ ناصر محمود سومرو 6477 ووٹ کے ساتھ دوسرے نمبر پر ہیں۔

حلقے میں 303 پولنگ اسٹینشز ہیں جن میں سے 36 کا نتیجہ موصول ہوا ہے۔

الیکشن 2024 کے نتائج کیلیے یہاں کلک کریں

راولپنڈی: مسلح افواج نے عام انتخابات 2024 کے پُرامن اور تشدد سے پاک انعقاد پر قوم کو مبارکباد پیش کی ہے۔

فوج کے شعبہ تعلقات عامہ (آئی ایس پی آر) کے مطابق مسلح افواج اور قانون نافذ کرنے والے اداروں نے انتخابی عمل میں سکیورٹی فراہم کی آئین کے مطابق کردار ادا کیا۔

آئی ایس پی آر کے مطابق تقریباً 6 ہزار انتہائی حساس پولنگ اسٹیشنوں پر پُرامن پولنگ کا انعقاد ہوا، 7800 سے زیادہ کوئیک رسپانس فورس کے 1 لاکھ 37 ہزار تعینات تھے۔

افواج اور سول آرمڈ فورسز کی تعیناتی سے عوام کیلیے محفوظ ماحول کو یقینی بنایا گیا۔ خیبر پختونخوا اور بلوچستان سمیت ملک میں 51 دہشتگرد حملوں کے باوجود انتخابی عمل متاثر نہیں ہوا۔

#ISPR
We extend our heartfelt congratulations to the nation on the mostly peaceful and violence free conduct of the general elections. #Election2024 #Pakistan

The Armed Forces alongside other Law Enforcement Agencies are proud to have played a pivotal role in providing… pic.twitter.com/OT4Ifh9tvb

— Pakistan Armed Forces News (@PakistanFauj) February 8, 2024

اسلام آباد: ملک کے مختلف حصوں میں موبائل سروس جزوی طور پر بحال ہونا شروع ہوگئی۔ وزارت داخلہ کے مطابق ملک بھر میں کچھ دیر میں موبائل سروس بحال ہو جائے گی۔

آج عام انتخابات کیلیے پولنگ شروع ہونے سے قبل دہشتگردی کے واقعات کے تناظر میں وزارت داخلہ نے ملک بھر میں انٹرنیٹ اور موبائل فون سروس عارضی طور پر معطل کرنے کا فیصلہ کیا تھا۔

وزارت داخلہ کا کہنا تھا کہ ملک میں دہشتگردی کے حالیہ واقعات کے نتیجے میں قیمتی جانوں کا ضیاع ہوا، امن وامان قائم رکھنے، ممکنہ خطرات سے نمٹنے کیلئے حفاظتی اقدامات ناگزیر ہیں۔

دوسری جانب اسلام آباد میں حساس مقامات کی سیکیورٹی سخت کردی گئی تھی، جبکہ ریڈزون کو سیل کردیا گیا، الیکشن کمیشن مرکزی سیکرٹریٹ کی سیکیورٹی بھی سخت کردی گئی۔

پولیس اور ایف سی کی بھاری نفری تعینات کردی گئی تھی، الیکشن کمیشن کی حدود میں غیر متعلقہ افرادکے داخلے پر پابندی عائد کردی گئی تھی۔ الیکشن کمیشن میں داخلے کیلئے متعلقہ افراد کیلئے خصوصی پاسز جاری کئے گئے۔

قومی اسمبلی کے حلقہ این اے 127 میں چیئرمین پاکستان پیپلز پارٹی بلاول بھٹو زرداری اور رہنما مسلم لیگ (ن) عطا اللہ تارڑ کے درمیان مقابلہ ہے۔

الیکشن 2024 کے نتائج کیلیے یہاں کلک کریں

اب تک کے غیر حتمی اور غیر سرکاری کے مطابق بلاول بھٹو زرداری 2325 ووٹ لے کر آگے جبکہ عطا اللہ تارڑ 1834 ووٹ لے کر دوسرے نمبر پر ہیں۔

حلقے میں 337 پولنگ اسٹیشنز ہیں جن میں سے 12 کا نتیجہ آیا ہے۔

کراچی: امیر جماعت اسلامی کراچی حافظ نعیم الرحمان نے الزام عائد کیا ہے کہ ویڈیوز سامنے آئیں ایم کیو ایم والے باہر سے بیلٹ پیپر لا کر ڈال رہے تھے۔

حافظ نعیم الرحمان نے اپنے ایک بیان میں کہا کہ خدشات تھے کہ پچھلی بار تو آر ٹی ایس تھا اس بار کیا ہوگا، پی ٹی اے نے کہا کہ انٹرنیٹ بند نہیں کریں گے لیکن کر دیا، ایک سال سے الیکشن کمیشن کہہ رہا ہم تیاری کر رہے ہیں، ایسی تیاری تھی کہ عملہ ہی پورا نہیں تھا۔

انہوں نے کہا کہ 100 سے زائد پولنگ اسٹیشنز پر تاخیر سے پولنگ شروع ہوئی، ایم کیوایم والوں کو پہلے سے بیلٹ بکس دے دی گئیں تھیں، 5 بجے کے بعد وہی کارروائیاں شروع کیں جو ماضی میں کرتے تھے۔

ان کا کہنا تھا کہ الیکشن کمیشن کہیں نظر نہیں آیا، قانون نافذ کرنے والے اداروں نے کچھ نہیں کیا، اس کے باوجود جماعت اسلامی کے لوگوں نے ان کو مسترد کر دیا۔

حافظ نعیم الرحمان نے کہا کہ کراچی کو پھر اسلحے کے سپرد کرنے کی کوشش کی جا رہی ہے۔ انہوں نے کہا کہ ہم جیت رہے ہیں ہمیں جیتنے دیا جائے۔

اسلام آباد: نگراں وزیر اعظم انوار الحق کاکڑ کا کہنا ہے کہ الیکشن 2024 کے کامیاب انعقاد پر قوم کا شکریہ اور مبارکباد پیش کرتا ہوں۔

نگراں وزیر اعظم نے اپنے بیان میں کہا کہ الیکشن کمیشن، صوبائی حکومتوں اور مسلح افواج کی کاوشوں کو سراہتا ہوں، سول آرمڈ فورسز، پولیس اور قانون نافذ کرنے والے اداروں کی کاوشوں کو سراہتا ہوں۔

الیکشن 2024 کے نتائج کیلیے یہاں کلک کریں

انوار الحق کاکڑ نے کہا کہ انتخابی عملے، میڈیا اور تمام اداروں اور افراد کی کاوشوں کو سراہتا ہوں، خیبر پختونخوا اور بلوچستان میں دہشتگردی کے چند واقعات ہوئے، مشکلات کا سامنا کرتے ہوئے پاکستانی عوام نے ہمت اور عزم کا مظاہرہ کیا۔

انہوں نے کہا کہ یہ امن، استحکام اور خوشحالی کیلیے ہماری اجتماعی خواہش کو واضح کرتا ہے۔

اس سے قبل چیف الیکشن کمشنر سکندر سلطان راجہ نے اپنے بیان میں کہا کہ الیکشن 100 فیصد شفاف اور پُرامن ہوئے، پولنگ کا عمل بغیر کسی کے وقفے کے جاری رہا، کسی شہری کو ووٹ کاسٹ کرنے سے نہیں روکا گیا۔

چیف الیکشن کمشنر نے کہا کہ جہاں رابطے کا مسئلہ ہوگا متعلقہ پریزائیڈنگ افسر خود آر او کے پاس جا کر فارم 45 دے گا، ای ایم ایس میں فارم 45 اپلوڈ کرنے کے بعد خود آر او کو مل جائے گا۔

انہوں نے کہا کہ قانون کے مطابق 2 بجے سے پہلے وقت بڑھانے کا کہا جاتا تو بڑھا سکتے ہیں، گجرات کے 3 پولنگ اسٹیشنز میں وقت بڑھایا کیونکہ آر اوز نے درخواست دی۔