Tag: Elections 2024

اسلام آباد: جمعیت علمائے پاکستان کے نورانی گروپ نے 8 فروری ہکو ہونے والے عام انتخابات میں پاکستان پیپلز پارٹی کی حمایت کا اعلان کر دیا۔

رہنما پیپلز پارٹی نیئر بخاری سے جے یو پی نورانی گروپ کے رہنما صفدر شاہ گیلانی نے ملاقات کی۔ اس دوران صفدر شاہ گیلانی کا کہنا ہے کہ ہماری جماعت ملک بھر میں پیپلز پارٹی کے امیدواروں کی  کی حمایت کرے گی۔

صفدر شاہ گیلانی نے کہا کہ نورانی گروپ اپنے امیدواران دستبردار کرائے گی، پیپلز پارٹی فرقہ واریت کے خلاف ہے اس لیے حمایت قومی فریضہ ہے۔

ادھر، نیئر بخاری نے کہا کہ نورانی گروپ کی حمایت کے شکر گزار ہیں، پیپلز پارٹی ملک کو معاشی گرداب سے نکال سکتی ہے، ہمارے عوامی معاشی معاہدے میں ملکی مسائل کا حل موجود ہے۔

متعلقہ: این اے 44: مولانا فضل الرحمان کیخلاف اہم سیاسی اتحاد سامنے آگیا

اس سے قبل، پیپلز پارٹی کو خبیر پختونخوا سے بڑی سیاسی کامیابی ملی تھی۔ ذرائع نے بتایا تھا کہ پارٹی کے وفد نے سابق وفاقی وزیر ارباب عالمگیر سے گزشتہ رات پشاور میں ملاقات کی، ملاقات میں عاصمہ ارباب بھی شریک تھیں۔

ذرائع نے بتایا تھا کہ وفد کی قیادت صدر خیبر پختونخوا محمد علی شاہ باچا نے کی۔ ملاقات کے دوران ارباب عالمگیر نے وفد کو اپنے شکوے اور تحفظات سے آگاہ کیا تھا۔

پیپلز پارٹی نے ارباب عالمگیر اور عاصمہ ارباب کے گلے شکوے دور کیے تھے۔ ارباب خاندان کو ایک قومی اور ایک صوبائی اسمبلی کا ٹکٹ دیا جائے گا۔ ارباب عالمگیر کو پشاور سے قومی اسمبلی جبکہ ان کے بیٹے کو صوبائی اسمبلی کا ٹکٹ دیا جائے گا۔

ارباب عالمگیر سابق وزیر اعلیٰ خیبر پختونخوا ارباب جہانگیر کے صاحبزادے ہیں۔ ارباب عالمگیر اور عاصمہ ارباب سابق وزیر اعظم یوسف رضا گیلانی کی کابینہ میں وزیر تھے۔

اسلام آباد: الیکشن کمیشن نے 8 فروری کو ہونے والے عام انتخابات میں قانون نافذ کرنے والے اداروں کے اہلکاروں کیلیے ضابطہ اخلاق جاری کر دیا۔

مسلح افواج اور سول آرمڈ فورسز کیلیے الگ سے ضابطہ اخلاق جاری کیا گیا۔ تفویض کردہ مینڈیٹ میں پولیس اور دیگر سکیورٹی اہلکار فرائض انجام دیں گے۔ منظور شدہ مبصرین اور مجاز میڈیا افراد کو پولنگ اسٹیشن میں داخلے کی اجازت ہوگی۔

الیکشن کمیشن نے کہا کہ مامور اہلکار کسی بھی صورت پولنگ عملے کی ذمہ داریاں نہ سنبھالیں، سکیورٹی پر مامور تمام اہلکار پولنگ اسٹیشنز کے باہر تعینات ہوں گے۔

پولنگ ڈے پر امن و امان کو برقرار رکھنے کیلیے محفوظ ماحول کے قیام کو یقینی بنایا جائے گا۔ بیلٹ پیپر کی چھپائی کے دوران بھی پرنٹنگ پریس پر سکیورٹی یقینی بنائی جائے گی۔

ریٹرننگ افسران کے دفاتر تک بیلٹ پیپرز کی ترسیل میں سکیورٹی فراہم کی جائے گی۔ پولنگ بیگز کی نقل و حمل کے دوران پریذائیڈنگ افسران کو سکیورٹی دی جائے گی۔

انتخابی ریکارڈ کی منتقلی، عارضی نتائج کے اعلان اور حتمی نتائج تک سکیورٹی دی جائے گی۔ اہلکار آئین کے آرٹیکل 220، الیکشن ایکٹ کے سیکشن 139 کے تحت فرائض انجام دیں گے۔

سربراہ جمعیت علمائے اسلام (ف) مولانا فضل الرحمان کے خلاف آبائی حلقے ڈیرہ اسماعیل خان سے اہم سیاسی اتحاد سامنے آگیا۔

ذرائع نے اے آر وائی نیوز کو بتایا کہ پیپلز پارٹی اور پاکستان تحریک انصاف پارلیمنٹرینز میں دو نشستوں پر سیٹ ایڈجسٹمنٹ طے پا گئی۔

قومی اسمبلی کے حلقہ 44 اور صوبائی اسمبلی کے حلقہ 111 پر سیٹ ایڈجسٹمنٹ ہوئی ہے۔ پی ٹی آئی پارلیمنٹرینز این اے 44 پر فیصل کریم کنڈی کو سپورٹ کرے گی۔

متعلقہ: مولانا فضل الرحمان نے الیکشن التوا کی حمایت کر دی

اسی طرح پیپلز پارٹی پی کے 111 پر پی ٹی آئی پارلیمنٹرینز کے امیدوار احتشام جاوید اکبر کو سپورٹ کرے گی۔ احتشام جاوید اکبر پی ٹی آئی کے ٹکٹ پر رکن کے پی اسمبلی منتخب ہوئے تھے۔

ذرائع کے مطابق احتشام جاوید اکبر پی ٹی آئی کو چھوڑ کر پی ٹی آئی پارلیمنٹرینز میں شامل ہوگئے تھے، پی ٹی آئی پی سے دیگر نشستوں پر بھی ایڈجسٹمنٹ کا امکان ہے۔

اسلام آباد: الیکشن کمیشن آف پاکستان کے نااہل کرنے کے اختیار کے خلاف متفرق درخواست لاہور ہائی کورٹ میں دائر کر دی گئی۔

لاہور ہائی کورٹ میں درخواست اظہر صدیق ایڈووکیٹ کی جانب سے دائر کی گئی جس میں مؤقف اختیار کیا گیا کہ الیکشن ایکٹ 2017 کی سیکشن 137 کی شق 4 آئین کے متضاد ہے۔

درخواست گزار نے کہا کہ الیکشن کمیشن کسی کو نااہل نہیں کر سکتا، الیکشن کمیشن عدالتی اختیارات استعمال نہیں کر سکتا، ادارہ براہ راست کسی کو نااہل قرار نہیں دے سکتا۔

اس میں استدعا کی گئی کہ 8 فروری کو عام انتخابات ہونے والے ہیں لہٰذا کیس کی جلد سماعت کر کے فیصلہ کیا جائے۔

چیئرمین پاکستان پیپلز پارٹی بلاول بھٹو زرداری کا کہنا ہے کہ میں واحد سیاستدان ہوں جو عوام کی طرف دیکھ رہا ہے اور ان سے ووٹ مانگ رہا ہے۔

کوٹ ادو جلسے سے خطاب کرتے ہوئے بلاول بھٹو زرداری نے کہا کہ دیگر سیاستدان خلائی مخلوق سے امید رکھے بیٹھے ہیں، میں ذوالفقار علی بھٹو کا نواسہ ہوں اور مجھے سکھایا گیا ہے کہ طاقت کا سر چشمہ عوام ہیں۔

بلاول بھٹو زرداری نے کہا کہ عوام میرا ساتھ دیں تمام مسائل کا مقابلہ کر سکتے ہیں، کوئی وجہ نہیں کہ پاکستان کو اس معاشی بحران سے نہ نکال سکیں، دیگر سیاسی جماعتیں اشرافیہ کی نمائندگی کرتی ہیں اور امیروں کو ریلیف دیتی ہیں، آپ میرے ساتھ دیں تو پہلی بار اشرافیہ اور امیروں کو تکلیف مگر عام آدمی کو ریلیف پہنچائیں گے۔

انہوں نے کہا کہ 8 فروری کو الیکشن دو جماعتوں کے درمیان مقابلہ ہے، آپ سب اپنے جاننے والوں کو سمجھائیں اس بار ووٹ ضائع نہ کریں، مقابلہ 2 جماعتوں میں ہے تو سوچیں کس جماعت کو چاہیں گے؟ کیا وہ جماعت چاہیں گے جس نے 4 دفعہ وزارت عظمیٰ کاعہدہ سنبھالا؟ اب وہ اپنی جماعت کیلیے چاہتے ہیں پانچویں دفعہ وزارت عظمیٰ کا عہدہ سنبھالیں۔

(ن) لیگی پر تنقید کرتے ہوئے سابق وزیر خارجہ نے کہا کہ انہوں نے آج تک کوٹ ادو کو یونیورسٹی تک نہیں دی، یہ تو کہتے ہیں پنجاب میں دودھ شہد کی نہریں بہادی ہیں، لاہور میں جس حلقے سے الیکشن لڑ رہا ہوں وہاں پینے کا صاف پانی میسر نہیں۔

ان کا کہنا تھا کہ ہمیں لگتا تھا لاہور کے مسئلے حل کیے ہوں گے لیکن اب پتا چلا شوبازی سے کام نہیں چلتا، یہ تیر ہی ہے جو سازش کو ناکام اور شیر کا شکار کر سکتا ہے، تیر پر مہر لگائیں تاکہ مستقبل کے فیصلے آپ کے اپنے ہاتھ میں ہوں۔

اسلام آباد پولیس کا کہنا ہے کہ دارالحکومت میں کسی بھی جلسے جلوس کی اجازت نہیں ہے، موجودہ ایام میں فقط الیکشن مہم سے متعلقہ میٹنگ کی جا سکتی ہیں۔

ترجمان اسلام آباد پولیس نے سماجی رابطے کی ویب سائٹ ایکس پر جاری اپنے بیان میں بتایا کہ الیکشن مہم سمیت کسی بھی اجتماع کیلیے ایس ایس پی آپریشنز کو درخواست دینا ضروری ہے۔

پولیس نے خبردار کیا کہ بلا اجازت غیر قانونی اجتماع کرنے والوں کے خلاف قانونی کارروائی عمل میں لائی جائے گی، امن و امان کے قیام کیلیے کیپٹل پولیس سے تعاون کریں جبکہ کسی بھی غیر معمولی سرگرمی کی اطلاع پکار 15 یا آئی سی ٹی 15 ایپ پر دیں۔

اسلام آباد میں کسی بھی جلسے جلوس کی اجازت نہیں ہے۔

موجودہ ایام میں فقط الیکشن مہم سے متعلقہ میٹنگ کی جا سکتی ہیں۔ الیکشن مہم سمیت کسی بھی اجتماع کےلیے ایس ایس پی آپریشنز کو درخواست دینا ضروری ہے۔

بلا اجازت غیر قانونی اجتماع کرنے والوں کے خلاف قانونی کارروائی عمل میں لائی جائے…

— Islamabad Police (@ICT_Police) January 20, 2024