Tag: Elections 2024

پشاور: پاکستان پیپلز پارٹی نے صوبہ خیبر پختونخوا سے 8 فروری کو ہونے والے عام اتنخابات میں حصہ لینے والے امیدواروں کے ناموں کا اعلان کر دیا۔

پیپلز پارٹی نے قومی و صوبائی اسمبلی کیلیے امیدواروں کو ٹکٹس جاری کیے۔ این اے ون چترال سے انجینئر فضل ربی، این اے ٹو سوات سے ڈاکٹر حیدر علی، ڈی آئی خان این اے 44 سے فیصل کریم کنڈی الیکشن لڑیں گے۔

این اے 12 کوہستان سے محبوب اللہ جان، این اے 20 صوابی سے عثمان ترکئی، این اے 5 اپر دیر سے نجم الدین خان اور این اے 14 مانسہرہ سے محمد شجاع خان کو ٹکٹ جاری کیا گیا۔

علاوہ ازیں، پی کے ون چترال سے سراج علی ایڈووکیٹ، پی کے ٹو چترال سے سلیم خان، پی کے 4 سوات سے ڈاکٹر حیدر علی، پی کے 20 باجوڑ سے اخونزادہ چٹان، پی کے 24 مالاکنڈ سے سید محمد علی شاہ باچا کو ٹکٹ جاری کیا گیا۔

پی کے 23 مالاکنڈ سے محمد ہمایون خان، پی کے 63، 64 چارسدہ سے پیر آفتاب عالم، پی کے 80 پشاور ارباب زرک خان، پی کے 96 کرم سے ساجد حسین طوری الیکشن میں حصہ لیں گے۔

پی کے 90 کوہاٹ سے امجد خان آفریدی اور پی کے 112 ڈی آئی خان سے احمد کریم کنڈی کو پیپلز پارٹی نے ٹکٹ جاری کیا۔

گوادر: بلوچستان کے شہر تربت میں مسلم لیگ (ن) کے امیدوار اسلم بلیدی پر نامعلوم افراد نے قاتلانہ حملہ کر دیا۔

پولیس کے مطابق سابق سینیٹر اسلم بلیدی میر عیسیٰ قومی پارک میں چہل قدمی کر رہے تھے کہ اس دوران نامعلوم افراد نے فائرنگ کر کے انہیں زخمی کر دیا۔

اسلم بلیڈی این اے 258 سے آئندہ عام انتخابات میں (ن) لیگی کے امیدوار ہیں۔

ڈاکٹر کے مطابق اسلم بلیدی کو 4 گولیاں لگیں، انہیں کراچی کے اسپتال منتقل کیا جا رہا ہے۔

اسلام آباد: نگراں وفاقی وزیر اطلاعات و نشریات مرتضیٰ سولنگی کا کہنا ہے کہ انتخابات کیلیے حالات ماضی سے زیادہ خراب نہیں ہیں۔

الیکشن کمیشن آمد کے موقع پ ممبر سندھ الیکشن کمیشن نثار درانی سے ملاقات کے دوران مرتضیٰ سولنگی نے کہا کہ ہم نے اس سے بہت خراب حالات میں بھی الیکشن دیکھے ہیں، اس وقت حالات 2008 اور 2013 سے بہتر ہیں۔

سینیٹ میں عام انتخابات ملتوی کرنے کی منظور قرارداد پر انہوں نے کہا کہ قرارداد پر وفاقی وزیر کا تبصرہ کرنا مناسب نہیں ہے۔

اس سے قبل قرارداد منظور ہونے پر نگراں وزیر اطلاعات کا مؤقف سامنے آیا تھا جس میں ان کا کہنا تھا کہ الیکشن کے التوا یا انعقاد کا آئینی اختیار صرف الیکشن کمیشن کے پاس ہے۔

انہوں نے کہا تھا کہ ایوانِ بالا میں الیکشن کے التوا کی قرارداد میں دلائل دینے کا موقع نہیں ملا، وزیر اعظم یا کابینہ کی طرف سے الیکشن تاخیر کے حوالے سے کوئی حکم نہیں تھا۔

نگراں وزیر اطلاعات کا کہنا تھا کہ آرٹیکل 218 (3) کے تحت الیکشن کروانا، تاریخ دینا یا اسے تبدیل کرنا الیکشن کمیشن کا اختیار ہے، ہم کسی آئینی ادارے کے معاملات میں مداخلت نہیں کر سکتے۔

مرتضیٰ سولنگی نے کہا تھا کہ قرارداد کے اندر جو مسائل بیان کیے گئے وہ حقیقی مسائل ہیں، پارلیمانی سیاست اور انتخابات کی تاریخ میں یہ مسائل پہلے بھی موجود رہے۔

ان کا کہنا تھا کہ سکیورٹی فراہمی سمیت موسم و دیگر مسائل کا خیال رکھنا حکومتی ذمہ داری ہے، کسی حلقے سے ایسا اشارہ نہیں ملا جس سے پیغام ہو کہ انتخابات نہیں ہونے چاہییں۔

اسلام آباد: 8 فروری کو ہونے والے عام انتخابات کیلیے نیشنل ڈیٹا بیس اینڈ رجسٹریشن اتھارٹی (نادرا) کی تیار کردہ انتخابی فہرستوں میں خامیاں  سامنے آگئیں۔

4 اضلاع میں خواتین کے نام مردوں میں اور مردوں کے نام خواتین کی فہرستوں میں درج کیے گئے۔ الیکشن کمیشن نے نادرا کو  انتخابی فہرستوں میں خامیاں دور کرنے کی ہدایت کر دی۔

نادرا کی جانب سے کئی شہروں میں خواتین اور مرد ووٹرز کے تصویری الیکٹورل رول میں غلطیاں پائی گئیں۔ شمالی وزیرستان، اورکزئی، ٹنڈو اللہ یار اور کوئٹہ میں الیکٹورل رول میں غلطیاں سامنے آئیں۔

الیکشن کمیشن کے مطابق انتخابی فہرستوں میں غلط اندراج سے ووٹرز کو مسائل پیش آ سکتے ہیں۔

دسمبر 2023 میں  الیکشن کمیشن کو حتمی ووٹر فہرستیں نادرا سے موصول ہوئی تھیں۔ چیف الیکشن کمشنر کے مطابق بغیر تصاویر کے ووٹر فہرستیں موصول ہوئیں۔

الیکشن کمیشن نے 90 فیصد اضلاع میں ووٹر فہرستیں مہیا کر دی تھیں۔

ذرائع نے بتایا تھا کہ نادرا یکم جنوری تک ووٹرز کی تصاویر والی فہرستیں الیکشن کمیشن کو دے گا، تصاویر والی ووٹر فہرستیں صرف الیکشن حکام کے پاس موجود رہیں۔