ARYNews.tv | Urdu – Har Lamha Bakhabar

Tag: electricity tariff

  • عوام کیلیے خوشخبری: بجلی سستی ہونے کا امکان

    عوام کیلیے خوشخبری: بجلی سستی ہونے کا امکان

    مہنگائی کی چکی میں پسے عوام کے لیے خوشخبری ہے کہ ماہانہ اور سہ ماہی ایڈجسٹمنٹ کی مد میں بجلی سستی ہونے کا امکان ہے۔

    تفصیلات کے مطابق مارچ کی ماہانہ ایڈجسٹمنٹ کے تحت بجلی 3 پیسے فی یونٹ سستی ہونے کا امکان ہے جبکہ سہ ماہی ایڈجسٹمنٹ کے تحت ایک روپے فی یونٹ سے زائد کی کمی متوقع ہے۔

    بجلی سستی! عوام کے لیے بڑی خبر آ گئی

    عوام کو سہ ماہی ایڈجسٹمنٹ کے تحت مجموعی طور پر 51 ارب 49 کروڑ کاریلیف ملے گا، مالی سال 2024-25 کی تیسری سہ ماہی ایڈجسٹمنٹ کے لیے باقاعدہ درخواست دائر کر دی گئی ہے۔

    نیپرا (نیشنل الیکٹرک پاور ریگولیٹری اتھارٹی) کل ماہانہ اور سہ ماہی ایڈجسٹمنٹ کی درخواستوں پر سماعت کرے گی۔

    درخواست کے مطابق مارچ میں 8 ارب 40 کروڑ 90 لاکھ یونٹس بجلی پیدا کی گئی جس کی پیداواری لاگت 9.22 روپے فی یونٹ تھی، مارچ میں بجلی کی قیمت 9 روپے 25 پیسے فی یونٹ تھی۔

    اس کے علاوہ سہ ماہی ایڈجسٹمنٹ کے تحت، کیپسٹی چارجز کی مد میں 47 ارب 12 کروڑ40 لاکھ کمی کی درخواست کی گئی ہے۔

  • بجلی ٹیرف پر امیر جماعت اسلامی کا 26 جولائی کو اسلام آباد میں دھرنے کا اعلان

    بجلی ٹیرف پر امیر جماعت اسلامی کا 26 جولائی کو اسلام آباد میں دھرنے کا اعلان

    اسلام آباد: بجلی ٹیرف میں اضافے پر امیر جماعت اسلامی حافظ نعیم الرحمان نے 26 جولائی کو اسلام آباد میں دھرنے کا اعلان کر دیا ہے۔

    تفصیلات کے مطابق امیر جماعت اسلامی پاکستان حافظ نعیم نے ایک پریس کانفرنس میں کہا کہ بجلی ٹیرف میں اضافے کے خلاف 26 جولائی کو ہم اسلام آباد میں دھرنا دیں گے، اور مطالبات کی منظوری تک دھرنے سے نہیں اٹھیں گے۔

    حافظ نعیم نے کہا کہ حکمرانوں کو بجلی کے بھاری بلوں اور ظالمانہ سلیب سسٹم پر عوام کو ریلیف دینا ہوگا، ہم عوامی حقوق کے لیے عدالتوں میں بھی جائیں گے۔ انھوں نے مخصوص نشستوں کے کیس کے تناظر میں مطالبہ کیا کہ سپریم کورٹ کے فیصلے کے بعد چیف الیکشن کمشنر فوری استعفیٰ دیں، سپریم کورٹ کا فیصلہ آدھا نہیں پورا قبول کیا جائے۔

    دوسری طرف نائب امیر جماعت اسلامی پاکستان لیاقت بلوچ نے کہا ہے کہ ملک میں سیاسی بحران گھمبیر ہو رہا ہے، عدالتی فیصلوں پر عمل درآمد کے لیے سیاسی ڈائیلاگ کے دروازے کھولنے پڑیں گے، لیاقت بلوچ نے کہا سیاسی عدم استحکام آئین اور جمہوریت کے لیے خطرے کی گھنٹی بجا رہا ہے، اس لیے بحرانوں کے خاتمے کے لیے عوامی مینڈیٹ تسلیم کرنا ہوگا۔

  • وفاقی کابینہ نے بجلی کی قیمت بڑھانے کی منظوری دے دی

    وفاقی کابینہ نے بجلی کی قیمت بڑھانے کی منظوری دے دی

    اسلام آباد : وفاقی کابینہ نے کمرشل، زرعی اور بلک صارفین کیلئے بجلی کا ٹیرف بڑھانے کی منظوری دے دی ہے۔

    اس حوالے سے ذرائع کا کہنا ہے کہ کمرشل صارفین کے لیے بجلی کی بنیادی قیمت میں 8.04 روپے اضافے کی منظوری دی گئی ہے، جولائی سے کمرشل صارفین کا فی یونٹ ٹیرف77روپے15پیسے تک پہنچ جائے گا۔

    اس کے علاوہ کابینہ نے زرعی صارفین کے بنیادی ٹیرف میں6روپے62 پیسے کا اضافہ منظور کیا، جولائی سے زرعی صارفین کا فی یونٹ ٹیرف46روپے83پیسے تک ہوجائے گا۔

    بجلی کی قیمت

    ذرائع کے مطابق جنرل سروسز کیلئے بجلی کا فی یونٹ ٹیرف6روپے98 پیسے بڑھانے کی منظوری دی گئی ہے، جولائی سے جنرل سروسز کیلئے فی یونٹ بجلی کا ٹیرف61روپے3پیسے ہوجائے گا۔

    بلک صارفین کیلئے بجلی کے فی یونٹ ٹیرف میں5روپے51پیسے اضافے کی منظوری دی گئی ،
    جولائی سے بلک صارفین کا فی یونٹ ٹیرف59روپے96پیسے تک پہنچ جائےگا۔

    ذرائع کا مزید کہنا ہے کہ وفاقی کابینہ نے صنعتی صارفین کیلئے بجلی کا بنیادی ٹیرف برقرار رکھنے کی منظوری بھی دی۔

  • بجلی کے بھاری بلوں سے پریشان صارفین کیلئے بڑی خبر

    بجلی کے بھاری بلوں سے پریشان صارفین کیلئے بڑی خبر

    اسلام آباد: وفاقی کابینہ کی جانب سے بجلی کے بنیادی ٹیرف میں اضافے کی منظوری دے دی گئی ہے۔

    اے آر وائی نیوز کے مطابق ذرائع کا کہنا ہے کہ نیپرا نے بجلی کے بنیادی ٹیرف میں اوسط 5.72 روپے اضافے کا فیصلہ حکومت کو بھجوایا تھا۔

    ذرائع کے مطابق نیپرا اتھارٹی نے بجلی کے ٹیرف میں اضافہ کااطلاق یکم جولائی2024 سے کرنے کا فیصلہ دیا تھا۔

    ذرائع کا کہنا ہے کہ بجلی کے بنیادی ٹیرف میں اضافے کا فیصلہ مالی سال 25-2004 کے لیے ہے۔ نیپرا نے بجلی کااوسط بنیادی ٹیرف 29.78 سے بڑھا کر 35.50 روپے فی یونٹ منظور کیا تھا۔

    وفاقی کابینہ کا فیصلہ یکساں ٹیرف کے لیے نیپرا کو بجھوایا جائے گا۔ نیپرا کی توثیق کے بعد وفاقی حکومت بجلی کے بنیادی ٹیرف میں اضافے کا نوٹیفکیشن جاری کرے گی۔

    وفاقی حکومت کا اسٹیل ملز کو بند کرنے کا فیصلہ

    ذرائع کا کہنا ہے کہ وفاقی کابینہ سے سرکولیشن کے ذریعے سمری کی منظوری لے لی گئی ہے۔

  • کراچی چیمبر نے ناقابل برداشت بجلی ٹیرف کو ناقابل عمل قرار دے دیا

    کراچی چیمبر نے ناقابل برداشت بجلی ٹیرف کو ناقابل عمل قرار دے دیا

    کراچی: چیمبر آف کامرس نے ناقابل بر داشت بجلی ٹیرف کو ناقابل عمل قرار دے دیا۔

    تفصیلات کے مطابق صدر کراچی چیمبر طارق یوسف نے کہا ہے کہ بجلی کے نرخ عام آدمی، تاجر، اور چھوٹے صنعت کاروں کے لیے ناقابل برداشت اور ناقابل عمل ہیں۔

    انھوں نے کہا ’’ہم نے بجلی نرخوں میں ناقابل برداشت اضافے پر شدید احتجاج کیا ہے، نگراں وزیر اعظم سے اپیل ہے کہ بجلی کے نرخوں میں اضافہ واپس لیں۔ واضح رہے کہ نگراں وزیر اعظم انوار الحق کاکڑ نے بجلی کے بھاری بلوں کے معاملے کا نوٹس لیتے ہوئے آج اجلاس طلب کر لیا ہے۔

    اجلاس کے سلسلے میں وزارت بجلی اور تقسیم کار کمپنیوں کو بریفنگ دینے کی ہدایت کی گئی ہے، صارفین کو زیادہ سے زیادہ ریلیف دینے کے حوالے سے مشاورت کی جائے گی۔

    ملک بھر میں "بجلی بل ادا نہیں کریں گے” تحریک شروع

    ادھر کراچی سے خیبر تک ’’بل نہ بھرو‘‘ تحریک زور پکڑ گئی ہے، شہر شہر احتجاج جاری ہے، عوام کا میٹر شارٹ ہونے کے بعد لوگوں نے بجلی کے بل جلانا شروع کر دیے ہیں، پشاور میں احتجاج کے لیے عوام کا سمندر اُمڈ آیا، اور تاجروں نے بجلی کے بلوں کو آگ لگا دی۔

    سرگودھا میں شہریوں نے بل جلا کر سڑک بلاک کی، راولپنڈی، جہلم، جڑانوالہ، ڈسکہ، چنیوٹ اور کبیر والا سمیت پنجاب بھر میں احتجاجی مظاہرے ہو رہے ہیں، اور بجلی کی قیمتوں میں اضافہ واپس لینے کا مطالبہ کیا جا رہا ہے۔

  • موسم گرما کا آغاز ہوتے ہی بجلی کی قیمت میں مزید اضافہ

    موسم گرما کا آغاز ہوتے ہی بجلی کی قیمت میں مزید اضافہ

    اسلام آباد: نیشنل الیکٹرک پاور ریگولیٹری اتھارٹی (نیپرا) نے 3 ماہ کے لیے بجلی کی قیمت میں 46 پیسے فی یونٹ اضافہ کردیا، بجلی رواں مالی سال کی دوسری سہ ماہی ایڈجسٹمنٹ کی مد میں مہنگی کی گئی۔

    تفصیلات کے مطابق نیشنل الیکٹرک پاور ریگولیٹری اتھارٹی (نیپرا) نے سہ ماہی ایڈجسٹمنٹ کے تحت بجلی 46 پیسے فی یونٹ مہنگی کردی ہے۔

    بجلی رواں مالی سال کی دوسری سہ ماہی ایڈجسٹمنٹ کی مد میں مہنگی کی گئی۔

    نیپرا نے اپنا فیصلہ وفاقی حکومت کو بھجوا دیا ہے۔

    نیپرا کا کہنا ہے کہ بجلی صارفین پر 15 ارب 45 کروڑ روپے سے زائد کا اضافی بوجھ پڑے گا، بجلی صارفین کو 3 ماہ میں اضافی ادائیگیاں کرنا ہوں گی۔

    نیپرا کے مطابق بجلی صارفین سے اپریل، مئی، جون کے بلوں میں اضافی وصولیاں کی جائیں گی، بجلی کی قیمت میں حالیہ اضافے کا اطلاق صوبہ سندھ کے دارالحکومت کراچی کے، کے الیکٹرک صارفین پر نہیں ہوگا۔

  • آئی ایم ایف کی شرط پر کسانوں کے لیے بجلی مہنگی

    آئی ایم ایف کی شرط پر کسانوں کے لیے بجلی مہنگی

    اسلام آباد: وفاقی حکومت نے زرعی صارفین کے لیے بجلی مہنگی کردی، کسان پیکج کے تحت دی گئی سبسڈی انٹرنیشنل مانیٹری فنڈ (آئی ایم ایف) کی شرائط پر واپس لی گئی ہے۔

    تفصیلات کے مطابق انٹرنیشنل مانیٹری فنڈ (آئی ایم ایف) کی شرط پر کسانوں کے لیے بجلی مہنگی کردی گئی، کسان پیکچ کے تحت زرعی صارفین کو بجلی پر 3.60 روپے فی یونٹ سبسڈی دی گئی تھی جو واپس لے لی گئی۔

    وفاقی حکومت نے کسانوں کے لیے بجلی 3 روپے 60 پیسے فی یونٹ مہنگی کی ہے۔ زرعی صارفین کو آج سے بجلی 13 روپے کے بجائے 16.60 روپے فی یونٹ ملے گی۔

    بجلی مہنگی ہونے کے بعد وفاقی حکومت کو زرعی صارفین سے جون تک 14 ارب روپے حاصل ہوں گے۔

    اس حوالے سے پاور ڈویژن نے فیصلے پر عملدر آمد کے لیے کے الیکٹرک سمیت بجلی تقسیم کار کمپنیوں کو خط لکھ دیا ہے اور خط کی نقول وزارت خزانہ اور وزارت نیشنل فوڈ سیکیورٹی کو بھی بھجوا دی گئی۔

  • آئی ایم ایف کی شرط: بجلی مزید مہنگی کرنے کی تجویز

    آئی ایم ایف کی شرط: بجلی مزید مہنگی کرنے کی تجویز

    اسلام آباد: انٹرنیشنل مانیٹری فنڈ (آئی ایم ایف) کی شرط پر عمل درآمد کرنے کے لیے وفاقی حکومت نے بجلی کا بنیادی ٹیرف 7 روپے 91 پیسے بڑھانے کی درخواست نیپرا میں بھجوا دی۔

    تفصیلات کے مطابق وفاقی حکومت نے انٹرنیشنل مانیٹری فنڈ (آئی ایم ایف) کی شرط پر عمل درآمد مکمل کرنے کی تیاریاں مکمل کرلیں، بجلی کا بنیادی ٹیرف 7 روپے 91 پیسے بڑھانے کی درخواست نیپرا میں دائر کردی گئی۔

    وفاقی حکومت نے یکساں ٹیرف کے لیے درخواست نیپرا میں جمع کروائی ہے، نیپرا کی جانب سے وفاقی حکومت کی درخواست پر کل سماعت ہوگی، سماعت کے بعد فیصلہ نوٹی فکیشن کے لیے وفاقی حکومت کو بھجوایا جائے گا۔

    درخواست میں کے الیکٹرک سمیت تمام ڈسکوز کے لیے بجلی کا بنیادی ٹیرف بڑھانے کی تجویز دی گئی ہے۔

    ذرائع کا کہنا ہے کہ وفاقی حکومت کا بجلی کا بنیادی ٹیرف مرحلہ وار بڑھانے کا ارادہ ہے، جولائی سے بجلی 3 روپے 50 پیسے فی یونٹ مہنگی کرنے کی تجویز ہے، اگست میں بجلی مزید 3 روپے 50 پیسے فی یونٹ مہنگی کی جائے گی۔

    بعد ازاں اکتوبر سے بجلی کا بنیادی ٹیرف 91 پیسے فی یونٹ بڑھانے کی تجویز ہے۔

  • بجلی میں 1روپے 39پیسے اضافہ، ‘بہتر ہوگا حکومت اس معاملے پر نظر ثانی کرے’

    بجلی میں 1روپے 39پیسے اضافہ، ‘بہتر ہوگا حکومت اس معاملے پر نظر ثانی کرے’

    اسلام آباد : چیئرمین نیپرا نے بجلی ٹیرف میں 1روپیہ 39پیسےفی یونٹ اضافے پر حکومت سے نظر ثانی کی درخواست کردی۔

    تفصیلات کے مطابق بجلی ٹیرف میں 1روپیہ 39پیسےفی یونٹ اضافے کی حکومتی درخواست پر چیئرمین نیپراتوصیف فاروقی کی زیرصدارت سماعت ہوئی۔

    چیئرمین نیپرا نے کہا اس سےپہلے3.34فی یونٹ اضافےکی منظوری دی تھی، حکومت نے اس وقت 1.95 روپے اضافہ کیا اور 1.85روپے فی یونٹ سبسڈی دی۔

    توصیف فاروقی کا کہنا تھا کہ حکومت چاہتی ہےسبسڈی کم کر کے1.39روپےاضافہ کیا جائے، بہتر ہوتاحکومت اضافےسے300یونٹ والوں کومحفوظ رکھتی۔

    پاور ڈویژن نے کہا ہم نےلائف لائن صارفین کی حد 50سےبڑھا کر 100کر دی ہے جبکہ ایڈیشنل سیکرٹری کا کہنا تھا کہ ہم نے ٹارگٹڈ سبسڈی دینی ہے تاکہ بجلی کی لاگت پوری ہو، 300یونٹ والوں کوسبسڈی دیتے توباقی صارفین کاٹیرف زیادہ ہو جاتا۔

    چیئرمین نیپرا نے کہا سبسڈی دینایا نہ دیناحکومت کااختیارہے، بہتر ہوگاحکومت اس معاملےپرنظر ثانی کرے، حکومتی درخواست پر فیصلہ جلد جاری کیا جائے گا۔

    حکام پاورڈویژن نے بتایا کہ اضافےکی صورت میں ملک بھر کے صارفین پراطلاق ہوگا،اسوقت بجلی کااوسط ٹیرف13.97روپے فی یونٹ ہے، اضافے کے بعد بجلی کا  اوسط ٹیرف15.36روپے فی یونٹ ہو جائے گا، اس اضافے کے باوجود حکومت168 ارب روپے کی سبسڈی دے رہی ہے۔

  • عید سے قبل عوام کیلیے بڑا ریلیف

    عید سے قبل عوام کیلیے بڑا ریلیف

    اسلام آباد: نیپرا نے مارچ کے ماہانہ فیول چارجز ایڈجسٹمنٹ کی مد میں 64 پیسے فی یونٹ کمی کی منظوری دے دی ، کمی کا اطلاق صرف مئی کے مہینے کے بلوں پر ہوگا۔

    تفصیلات کے مطابق نیپرا اتھارٹی نے ڈسکوز کے مالی سال 20-21 کے پہلی اور دوسری کواٹر ایڈجسٹمنٹ کی منظوری دے دی اور کہا ڈسکوز نے 91.367 ارب روپے کی سہہ ماہی ایڈجسٹمنٹس کی درخواستیں دی تھی، اتھارٹی نےڈیٹا کی جانچ پڑتال کے بعد 90.367 ارب روپے کی منظوری دی۔

    اتھارٹی کا فیصلہ وفاقی حکومت کے نوٹیفکیشن کے بعد ہی قابل اطلاق ہوگا، اس کا اطلاق صارفین کو کس حد تک پہنچانا ہے، وفاقی حکومت اپنی سماجی و اقتصادی پالیسی کو مدنظر رکھتے ہوئے کرے گی۔

    نیپرا نے مارچ کے ماہانہ فیول چارجز ایڈجسٹمنٹ کی مد میں 64 پیسے فی یونٹ کمی کی منظوری دیتے ہوئے نوٹیفیکیشن جاری کردیا ، جس میں کہا گیا ہے کہ سی پی پی اے -جی نے61 پیسے فی یونٹ کمی کی درخواست کی تھی، اتھارٹی نے 28اپریل 2021 کو ایف سی اے پر عوامی سماعت کی تھی۔

    نیپرا کا کہنا تھا کہ کمی کا اطلاق صرف مئی کے مہینے کے بلوں پر اور ڈسکوز کے تمام صارفین ماسوائے 300 تک یونٹ استعمال کرنے والے ، لائف لائن اور زرعی صارفین پر ہوگا، اس کے علاقہ وہ صنعتی صارفین جو انڈسٹریل سپورٹ پیکج کا فائدہ لے رہیں ہیں ان کو منفی ایف سی اے کا فائدہ اضافی کم قیمت والے یونٹ پر نہیں ملے گا۔

    نیپرا کے مطابق فیول پرائس ایڈجسٹمنٹ کا اطلاق کے الیکٹرک صارفین پر بھی نہیں ہوگا۔