کراچی : 24 گھنٹوں کے دوران شدید گرمی اور دیگر وجوہات کی بنا پر150افراد لقمہ اجل بن گئے۔
انچارج ایدھی سرخانے کے مطابق 24 گھنٹوں میں 150لاشوں کی منتقلی کے باعث سرخانے میں جگہ کم پڑ گئی ہے اسی لئے 30لاوارث افراد کی لاشوں کو امانتا ایدھی قبرستان مواچھ گوٹھ میں دفن کیا جارہا ہے۔
انہوں نے اس بات کو بھی واضح کیا کہ جان بحق افراد کی وجہ موت صرف شدید گرمی نہیں تھی جاں بحق افراد میں ضعیف اور بیمار افراد بھی شامل ہیں۔
انہوں نے کہا کہ جاں بحق افراد میں متعدد نشے کے عادی افراد بھی شامل تھے سرخانے کے باہر میڈیا سے گفتگو میں جان بحق افراد کے ورثاء نے بتایا کہ سخت گرمی میں ضعیف اور بیمار افراد کا گزارہ مشکل کردیا ہے، انتظامیہ کو چاہئے کہ لوڈ شیڈنگ کے خاتمے کیلئے عملی اقدامات کئے جائیں۔
