پیرمحل: پنجاب کے علاقے میر محل کے منگل بازارمیں ٹینٹ لگانے کے دوران کرنٹ لگنے سے3 افراد زندگی کی بازی ہار گئے جبکہ 2 شدید زخمی ہوگئے۔
اے آر وائی نیوز کے مطابق ریسکیو حکام کا کہنا ہے کہ کرنٹ لگنے سے جاں بحق ہونے والے افراد کی لاشوں اور زخمیوں کو اسپتال منتقل کردیا گیا ہے، ایک کی حالت نازک ہے۔
اس سے قبل شیخوپورہ میں ایک افسوسناک واقعہ پیش آیا، سفاک باپ نے غیرت کے نام پر دو بیٹیوں کو زہر دینے کے بعد کرنٹ لگا کر قتل کردیا۔
پنجاب کے شہر شیخوپورہ کی تحصیل شرقپور شریف میں باپ نے غیرت کے نام پر دو بیٹیوں کو موت کے گھاٹ اتار دیا۔
کوٹری میں سی ٹی ڈی کا مقابلہ : ایس ایچ او پر فائرنگ، دو دہشت گرد زخمی
پولیس کا بتانا ہے کہ باپ اعظم علی نے بیٹیوں کو زہر دینے کے بعد کرنٹ لگا کر قتل کیا، ملزم نے چار روز قبل بیٹیوں کی کرنٹ لگنے سے موت کا جھوٹ بولا تھا۔ پولیس نے ملزم اعظم علی کی اہلیہ کی درخواست پر مقدمہ درج کرلیا۔