Tag: elephent

کولمبو: آپ نے مہنگے ترین فائیو اسٹار ہوٹل میں امیرترین افراد کو ہی جاتا دیکھا ہوگا لیکن سری لنکا میں ایک ایسا جنگی ہاتھی ہے جو لگژری ہوٹل کا مہمان بن چکا ہے۔

تفصیلات کے مطابق سری لنکا میں ’’جیٹونگ‘‘ نامی 5اسٹار ہوٹل کی ایک ایسی ویڈیو وائرل ہوئی جس میں دیکھا جاسکتا ہے کہ ایک جنگلی ہاتھی کس طرح ہوٹل کے اندرونی حصے میں داخل ہوا اور چیزوں سے چھیڑ چھاڑ کی۔

غیرملکی خبررساں ادارے کے مطابق ’’ناٹا کوٹا‘‘ نامی یہ ہاتھی روزانہ کی بنیاد پر ہوٹل کا رخ کرتا ہے اور ہوٹل کے گراؤنڈ میں ہی پڑاؤ ڈالتا ہے، تاہم عملے کی نااہلی یا پھر غیرتوجہی کے باعث جانور ہوٹل کے اندرونی حصے میں داخل ہوگیا، ہوٹل میں رہائش پذیز شخص نے ویڈیو بنائی جو سوشل میڈیا پر وائرل ہوئی۔

ہاتھی سب سے پہلے ہوٹل کی سیڑیوں کے پاس آیا وہاں سے وہ لائج ایریا میں گیا بعد ازان لوبی کے اطراف موجود لیمپ کے ساتھ چھیڑ چھاڑ کی اور زمین پر پٹخ کر توڑ دیا۔ وائرل ہونے والی اس ویڈیو کو اب تک ڈھائی ملین افراد دیکھ چکے ہیں۔

ہوٹل انتظامیہ نے اپنے وضاحتی بیان میں کہا ہے کہ یہ ہاتھی 2017 سے اس ہوٹل کے گراؤنڈ میں آتا ہے لیکن ایسا پہلی بار ہوا کہ جانور ہوٹل میں داخل ہوا، رہائش پذیر شہریوں سے گزارش ہے کہ ہاتھی کا احترام کریں اور اپنی جان کی حفاظت کرتے ہوئے مخصوص فیصلہ رکھیں۔

لندن: برطانیہ کے ایک گھر میں پلنے والے 21 ہاتھیوں کو سیکڑوں میل مسافت کے باوجود مالک کی موت کا علم ہوا اور انہوں نے بچھڑنے پر دکھ کا اظہار بھی کیا۔

امریکی ویب سائٹ کی رپورٹ کے مطابق برطانوی خاتون فرین کوئس میلبی اینتھر کا کہنا ہے کہ انہوں نے دس سال قبل اپنے سارے اثاثے فروخت کر کے 21 ہاتھی کے بچے گود لیے اور انہیں پالا۔

’ہم نے 1999 میں بچوں کو گود لے کر ایک وسیع و عریض رقبہ خریدا جس کے گرد باڑ لگائی اور پھر انہیں چھوڑ دیا، کچھ عرصے تک تو ہم میاں بیوی نے یہاں جھونپڑی میں رہائش اختیار کی البتہ چند سالوں بعد شہر منتقل ہوگئے‘۔

خاتون کا کہنا تھا کہ شہر منتقلی کے بعد ہمارا فارم ہاؤس آنا جانا لگا رہتا تھا تاکہ ہاتھیوں کی دیکھ بھال کرسکیں مگر شوہر کی موت کے روز ایسا واقعہ پیش آیا جس نے مجھے حیران کردیا۔

اُن کا کہنا تھا کہ مجھے اپنے شوہر کی موت کا خود بھی علم نہیں ہوا البتہ ہاتھیوں نے ایسا حیران کن مظاہرہ کیا جو مجھے آج تک سمجھ نہیں آیا۔

مزید پڑھیں: اپنے ساتھی کی جدائی پر افسردہ جانور

فرین کوئس کا کہنا تھا کہ ’لارنس دوسرے شہر ایک کام کی غرض سے گئے ہوئے تھے جہاں اُن کو ہارٹ اٹیک ہوا اور پھر انتقال ہوگیا، مجھے رات میں یہ افسوسناک خبر ٹیلی فون پر ملی جس کے بعد میں نے اگلے روز وہاں جانے کی تیاری شروع کی مگر اسی دوران ملازم اندر آیا اور اُس نے بتایا کہ ہاتھی دوڑتے ہوئے گھر کی طرف آرہے ہیں‘۔

خاتون کا کہنا تھا کہ ’ہاتھی ہمارے گھر سے تقریباً 30 منٹ کی مسافت پر رہتے ہیں مگر وہ بہت تیزی سے دوڑتے ہوئے ہمارے گھر کی طرف آئے اور پھر انہوں نے گھر کے دروازے پر جمع ہوکر چنگھاڑنا شروع کردیا، میں چونکہ ہاتھیوں کو 28 سال سے پال رہی تھی مگر ایسا منظر کبھی نہیں دیکھا گیا‘۔

اُن کا کہنا تھا کہ ہاتھیوں اور اُن کے بچوں کے چہرے پر پریشانی کے آثار واضح اور اُن کی آنکھوں سے آنسو بہہ رہے تھے، چونکہ میں ہاتھیوں کی نفسیات سے واقف ہوں تو مجھے اُن کی آنکھوں اور کانوں کے درمیان ایک غدود بھی نظر آیا جو پریشانی کی حالت میں بنتا ہے۔

یہ بھی پڑھیں: مالک کی وفات، گھوڑے کے الوداع نے سب کو رلا دیا

خاتون کا مزید کہنا تھا کہ’میں یقین سے کہہ سکتی ہوں کہ ہاتھیوں کو اپنے مالک یعنی میرے شوہر کی موت کا علم ہوگیا تھا مگر یہ بات آج تک سمجھ نہیں آئی کہ انہوں نے یہ سب کچھ کیوں کیا اور لارنس کے بچھڑنے کا علم انہیں کیسے ہوگیا؟‘۔