ARYNews.tv | Urdu – Har Lamha Bakhabar

Tag: Elon Musk

  • ایلون مسک جلد ٹرمپ انتظامیہ سے نکل جائیں گے، امریکی اخبار کا دعویٰ

    ایلون مسک جلد ٹرمپ انتظامیہ سے نکل جائیں گے، امریکی اخبار کا دعویٰ

    دنیاکے امیر ترین شخص اور ٹیسلا و اسپیس ایکس کے بانی ایلون مسک صدر ڈونلڈ ٹرمپ کی انتظامیہ میں قائم کردہ ڈیپارٹمنٹ آف گورنمنٹ ایفیشنسی سے جلد دستبردار ہونگے۔

    امریکی اخبار پولیٹیکو نے ایلون مسک کے حکومتی کردار سے دستبردار ہونے سے متعلق دعویٰ کیا اور کہا کہ ٹرمپ نے کابینہ اور قریبی افراد کو مسک کے دستبردار ہونے سے متعلق آگاہ کردیا۔

    دی پولیٹیکو نے لکھا کہ ایلون مسک جلد سرکاری عہدہ چھوڑدیں گے، صدر ٹرمپ نے کابینہ ارکان کو کہا وقت آگیا ہے مسک اپنا کاروبار سنبھالیں۔

    رپورٹ کے مطابق ٹرمپ انتظامیہ ارکان ایلون مسک کو سیاسی بوجھ سمجھنے لگے تھے، ارب پتی بزنس مین سوشل میڈیا پر بلاتصدیق بیانات دیتے رہے، جو ٹرمپ انتظامیہ کیلیے مشکلات کا باعث بنے۔

    اخبار کے مطابق ایلون مسک کا استعفیٰ چند دنوں میں متوقع ہے، دوسری جانب حکومتی کردار سے دستبرداری کی مسک کی ٹیم یا وائٹ ہاوس نے تصدیق نہیں کی۔

    واضح رہے کہ صدر ٹرمپ نے ایلون مسک کو حکومتی اخراجات میں کمی لانے کی ذمے داری سونپی تھی اور ڈیپارٹمنٹ آف گورنمنٹ ایفیشنسی” (DOGE) کے سربراہ تھے۔

  • تھائی لینڈ میں زلزلہ: ایلون مسک نے بڑی پیشکش کردی

    تھائی لینڈ میں زلزلہ: ایلون مسک نے بڑی پیشکش کردی

    میانمار اور تھائی لینڈ میں 7.7 شدت کے تباہ کن زلزلے سے متعدد عمارتیں زمین بوس ہوگئیں جبکہ بڑے پیمانے پر جانی نقصان بھی ہوا ہے۔ زلزلے کے نتیجے میں 1000 سے زائد افراد کے ہلاک ہونے کی اطلاعات ہیں، ایسے میں ایلون مسک نے مدد کا ہاتھ بڑھایا ہے۔

    غیر ملکی ذرائع ابلاغ کے مطابق ایسی صورتحال میں اسپیس ایکس کے سربراہ ایلون مسک کی جانب سے بھی مدد کی پیشکش کی گئی ہے۔

    ایلون مسک نے اسٹارلنک کٹ فراہم کرنے کی پیشکش کی ہے تاکہ متاثرہ علاقوں میں رابطے بحال کرنے میں مدد مل سکے۔

    مسک کا اپنی سوشل میڈیا پر پوسٹ میں کہنا تھا کہ ”میانمار اور تھائی لینڈ میں زلزلے سے ہونے والے نقصان پر دکھی ہوں، اسپیس ایکس کی ٹیم اسٹارلنک کٹس فراہم کرنے کے لیے تیار ہے تاکہ مواصلاتی ضروریات اور امدادی کارروائیوں میں تعاون کیا جا سکے۔

    واضح رہے کہ اسٹارلنک ایک سیٹلائٹ انٹرنیٹ سروس ہے جو دور دراز اور دشوار گزار علاقوں میں انٹرنیٹ کی سہولت فراہم کرتی ہے، جہاں انٹرنیٹ کی رسائی میں مشکلات کا سامنا کرنا پڑتا ہے۔

    دوسری جانب مسک نے ایکس اپنی مصنوعی ذہانت کی کمپنی ایکس اے آئی کو تینتیس ارب ڈالر میں فروخت کرنے کا اعلان کردیا ہے۔

    مسک کا مقصد مختلف کمپنیوں کو آپس میں یکجا کرنا ہے تاکہ مصنوعی ذہانت کے ماڈلز کی تربیت کو مزید آسان بنایا جا سکے۔

    بھارت: اے ٹی ایم استعمال کرنے والوں کیلئے بری خبر

    مسک نے اس اقدام کو بڑی حکمت عملی کا حصہ قرار دیا،جس میں مختلف کاروباری اداروں جیسے ٹیسلا، اسپیس ایکس اور ایکس اے آئی کے درمیان تعاون بڑھایا جائے گا۔ مسک نے دوہزار بائیس میں ٹوئٹر کو چوالیس ارب ڈالر میں خریدا تھا۔

  • ایلون مسک نے ایکس اپنی ہی کمپنی کو فروخت کردیا

    ایلون مسک نے ایکس اپنی ہی کمپنی کو فروخت کردیا

    ٹیسلا کمپنی کے مالک دنیا کے امیر ترین انسان ایلون مسک نے ایکس اپنی ہی کمپنی کو فروخت کردیا۔

    غیر ملکی ذرائع ابلاغ کے مطابق ایلون مسک نے ایکس اپنی مصنوعی ذہانت کی کمپنی ایکس اے آئی کو تینتیس ارب ڈالر میں فروخت کرنے کا اعلان کیا۔

    مسک کا مقصد مختلف کمپنیوں کو آپس میں یکجا کرنا ہے تاکہ مصنوعی ذہانت کے ماڈلز کی تربیت کو مزید آسان بنایا جا سکے۔

    مسک نے اس اقدام کو بڑی حکمت عملی کا حصہ قرار دیا،جس میں مختلف کاروباری اداروں جیسے ٹیسلا، اسپیس ایکس اور ایکس اے آئی کے درمیان تعاون بڑھایا جائے گا۔مسک نے دوہزار بائیس میں ٹوئٹر کو چوالیس ارب ڈالر میں خریدا تھا۔

    اس سے قبل امریکی صدر ڈونلڈ ٹرمپ نے مسک کی حمایت میں ٹیسلا کی الیکٹرک گاڑی خرید لی، سرخ رنگ کی چمچماتی گاڑی کی فرنٹ سیٹ پر بیٹھتے ہوئے ٹرمپ نے گاڑی کی تعریف کرتے ہوئے کہا بہت خوبصورت ہے، سب کچھ کمپیوٹرزئزڈ ہے۔

    امریکی صدر کا کہنا تھا وہ ٹیسلا ڈیلر شپ کے خلاف تشدد کو گھریلو دہشت گردی قرار دیں گے۔

    ”ایکس“ پر یوکرین سے سائبر حملہ، ایلون مسک کا انکشاف

    اس موقع پر ڈونلڈ ٹرمپ کے ہمراہ ٹیسلا کمپنی کے سی ای او مسک بھی تھے، ٹرمپ نے گاڑی کا ٹیسٹ نہیں کیا کیونکہ انہیں گاڑی چلانے کی اجازت نہیں ہے، لیکن کہا کہ وہ اسے وائٹ ہاؤس میں چھوڑ دیں گے تاکہ ان کا عملہ اسے چلا سکے۔

    واضح رہے ٹرمپ نے الیکٹرک کار فرم ٹیسلا کے حصص میں پندرہ فیصد سے زیادہ کمی کے بعد مسک کی حمایت میں گاری خریدی ہے۔

  • ”ایکس“ پر یوکرین سے سائبر حملہ، ایلون مسک کا انکشاف

    ”ایکس“ پر یوکرین سے سائبر حملہ، ایلون مسک کا انکشاف

    ٹیکنالوجی کمپنی ٹیسلا کے سربراہ ایلون مسک نے سوشل میڈیا پلیٹ فارم ایکس پر سائبر حملوں میں یوکرین کے ملوث ہونے کا الزام عاید کیا ہے۔

    غیر ملکی ذرائع ابلاغ کے مطابق ایلون مسک کا دعویٰ ہے کہ آئی پی ایڈریسز یوکرین کے تھے۔ گزشتہ روز ایکس وقفے وقفے سے آن لائن آتا اورپھر کریش ہوجاتا۔

    مسک کا کہنا ہے یقین سے نہیں کہہ سکتے کہ اصل میں کیا ہوا لیکن ایک بڑا سائبر حملہ کیا گیا تاکہ ایکس سسٹم کوبند کیا جا سکے، حملہ آوروں کے آئی پی ایڈریسز یوکرین کے علاقے سے تعلق رکھتے ہیں۔

    دوسری جانب مسک نے یوکرین کو انتباہ جاری کرتے ہوئے کہا ہے کہ وہ روس کے ساتھ جنگ بند کرے ورنہ اسٹار لنک سروس تک رسائی بند کر دیں گے۔

    میڈیا رپورٹس کے مطابق مسک نے مذکورہ دھمکی سے قبل یوکرین کے صدر زیلنسکی کو روس کے ساتھ جنگ جاری رکھنے پر ’مصیبت‘ قرار دیا تھا۔

    سوشل میڈیا پلیٹ فارم ایکس پر مسک نے لکھا کہ میں روسی صدر پیوٹن کو فائٹ کیلیے چیلنج دیتا ہوں لیکن میرے پاس یوکرین کی اسٹار لنک سروس تک رسائی کو روکنے کی طاقت بھی ہے۔

    ایلون مسک اور امریکی وزیر خارجہ کے درمیان اختلافات شدت اختیار کرگئے

    مسک کا کہنا تھا کہ میں نے زبانی طور پر پیوٹن کو یوکرین پر ایک دوسرے سے فائٹ کا چیلنج دیا، میرا اسٹار لنک سسٹم یوکرین کی فوج کی ریڑھ کی ہڈی ہے، اگر میں نے اسے بند کر دیا تو اس کی پوری فرنٹ لائن ڈھیر ہو جائے گی۔

    یہ تبصرہ انہوں نے اپنی ایک پرانی پوسٹ پر صارف کے کمنٹ کا جواب دیتے ہوئے کیا جہاں انہوں نے یوکرینی حکومت پر پابندیوں کی تجویز پیش کی تھی۔

  • ایلون مسک 14ویں بچے کے باپ بن گئے

    ایلون مسک 14ویں بچے کے باپ بن گئے

    امریکی صدر ڈونلڈ ٹرمپ کے مشیر اور ارب پتی ایلون مسک کا 14 واں بچہ منظرِ عام پر آ گیا ہے۔

    دنیا کے سب سے بڑے صنعت کار اور امیر ترین شخصیات کی فہرست میں شامل ایلون مسک کا ایک اور بچہ منظر عام پر آگیا، ایلون مسک نے شیون زیلیس کے ساتھ اپنے چوتھے بچے کا خیرمقدم کیا ہے۔

    میڈیا رپورٹس کے مطابق خاتون شیون زیلیس مسک کی کمپنی نیورالنک میں ایگزیکٹو کے عہدے پر فائز ہیں اور ان سے مسک کے پہلے بھی تین دیگر بچے ہیں تاہم اب ان کے ہاں بیٹے کی پیدائش ہوئی ہے۔

     

    View this post on Instagram

     

    A post shared by The Shade Room (@theshaderoom)

    شیون زیلیس نے ایکس پر پوسٹ کے ذریعے اس خوشی کی خبر کا اعلان کیا ہے انہون نے لکھا کہ "ایلون کے ساتھ بات کر کے اور خوبصورت آرکیڈیا کی سالگرہ کے موقع پر ہمیں یہ بہتر لگا کہ ہم اپنے پیارے بیٹے سیلڈن لائکرگس کے بارے میں بھی لوگوں کو براہِ راست بتائیں”۔

     تاہم شیون زیلیس نے یہ نہیں بتایا کہ بچہ کب پیدا ہوا لیکن ان کی اس پوسٹ پر ایلون نے دل والی ایموجی سے جواب دیا ہے، شیون کے اعلان کے بعد یہ  خیال کیا جاتا ہے کہ یہ ایلون مسک کا 14 واں بچہ ہے۔

    ٹیسلا اور اسپیش ایکس کے سی ای او ایلون مسک اور نیورالنک میں ایگزیکٹو کے عہدے پر فائز شیون زیلیس کے ہاں 2021 میں جڑواں بچوں کی پیدائش ہوئی تھی، اور 2023 میں ان کے ہاں بیٹی آرکیڈیا کی پیدائش ہوئی۔

     

    View this post on Instagram

     

    A post shared by Kaizen Executive (@kaizenexecutive)

    واضح رہے کہ اس سے قبل قدامت پسند اثر و رسوخ کی حامل ایشلے سینٹ کلیئر نے کہا تھا کہ ان کا بھی حال ہی میں مسک سے ایک بچہ پیدا ہوا۔

  • دنیا کے امیر لوگوں کی فہرست میں بڑی تبدیلی، کون سب سے آگے؟

    دنیا کے امیر لوگوں کی فہرست میں بڑی تبدیلی، کون سب سے آگے؟

    دنیا کے امیر لوگوں کی فہرست میں بڑی تبدیلی رونما ہوئی ہے، امیروں کی دوڑ میں سب سے آگے چلنے والے ایلون مسک کے لئے بری خبر سامنے آگئی ہے۔

    غیر ملکی ذرائع ابلاغ کے مطابق ایلون مسک کی دولت میں ایک دن میں 22,2 ارب کی کمی ہوئی ہے، جس کے بعد جیف بیزوس کی دولت میں بڑا اضافہ ہوگیا، بیجوس دنیا کے دوسرے سب سے امیر ترین انسان بن چکے ہیں، بلومبرگ بلینئر انڈیکس میں اس پوزیشن پر قابض رہے مارک زکربرگ تیسرے نمبر پر براجمان ہیں۔

    رپورٹس کے مطابق مسک کی کمپنی ٹیسلا کے شیئر گزشتہ روز گر گئے، وال اسٹریٹ میں ٹیسلا کے شیئر 8.39 فیصد تک نیچے چلے گئے، جس کے سبب اس کا مارکیٹ کیپ نومبر کے بعد پہلی بار 1 ٹریلین ڈالر سے نیچے چلا گیا۔

    یورپی آٹو موبائل مینوفیکچررس ایسو سی ایشن کا اس حوالے سے کہنا ہے کہ یورپ میں ٹیسلا کی فروختگی 45 فیصد تک نیچے آگئی ہے، جبکہ یورپ میں ای وی کی کُل فروخت میں 37 فیصد تک اضافہ ہوگیا ہے، اس کا اثر مسک کے نیٹ ورتھ پر بھی پڑا اور ان کی دولت ایک ہی دن میں 22.2 ارب ڈالر کم ہوکر 358 ارب ڈالر رہ گئی۔

    رپورٹس کے مطابق بیجوس 233 ارب ڈالر کی نیٹ ورتھ کے ساتھ دنیا کے دوسرے سب سے امیر انسان بن چکے ہیں، ایک دن پہلے تک دنیا کے امیروں کی فہرست میں دوسرے نمبر پر مارک زکربرگ تھے۔ گزشتہ روز ان کی دولت میں 3.87 ارب ڈالر کی کمی ہوئی۔

    برنارڈ ارنالٹ کی دولت کی اگر بات کی جائے تو وہ بھی 1.16 ارب ڈالر کم ہوگئی، مگر انہیں ایک فائدہ ہوا اور وہ چوتھے مقام پر پہنچ گئے۔ برنارڈ کو فائدہ لیری ایلسن کے ایک پائیدان نیچے آنے سے ہوا۔

    ایلون مسک کو جان سے مارنے کی دھمکی

    گزشتہ روز ایلسن کی دولت میں 2.59 ارب ڈالر کی کمی واقع ہوئی، جس کے باعث کُل جائیداد کے معاملے میں برنارڈ ان سے آگے نکل گئے۔ برنارڈ کا نیٹ ورتھ 192 ارب ڈالر ہے اور لیری ایلسن کا 190 ارب ڈالر ہے۔

  • وائٹ ہاؤس پریس سیکریٹری نے ایلون مسک کے حوالے سے اہم تصدیق کر دی

    وائٹ ہاؤس پریس سیکریٹری نے ایلون مسک کے حوالے سے اہم تصدیق کر دی

    واشنگٹن: غیر منتخب ایلون مسک ڈونلڈ ٹرمپ کے پہلے کابینہ اجلاس میں شریک ہوں گے۔

    غیر ملکی میڈیا رپورٹس کے مطابق وائٹ ہاؤس پریس سیکریٹری کیرولین لیوٹ نے تصدیق کی ہے کہ آج بدھ کو ایلون مسک ٹرمپ کے پہلے کابینہ اجلاس میں شریک ہوں گے۔

    پریس سیکریٹری کیرولین لیوٹ نے کہا کہ ایلون مسک صدر کے سینئر مشیر کی حثیت رکھتے ہیں، وہ سرکاری کارکردگی کے محکمے ڈوج کے سربراہ بھی ہیں، انھیں ڈونلڈ ٹرمپ نے وفاقی اخراجات میں کمی کا کام سونپا ہے۔

    دوسری طرف ڈیموکریٹک رہنماؤں نے کابینہ اجلاس میں اسپیس ایکس اور ٹیسلا کے سی ای او مسک کی شرکت کو ’’غیر جمہوری‘‘ عمل قرار دے دیا ہے، تاہم کابینہ اجلاس میں مسک کی شرکت سے ٹرمپ انتظامیہ میں ارب پتی ٹیک انٹرپرینیور کے زبردست اثر و رسوخ کا پتا چلتا ہے۔

    ایلون مسک کو جان سے مارنے کی دھمکی

    امریکی میڈیا کے مطابق کابینہ کے اجلاسوں میں عام طور پر صدر اور نائب صدر کے علاوہ صدارتی مقرر کردہ کابینہ سیکریٹریز اور وائٹ ہاؤس کے چیف آف اسٹاف شرکت کرتے ہیں۔

    تارکین وطن ہوشیار، ٹرمپ نے ایک اور حکم جاری کر دیا

  • ایلون مسک کو جان سے مارنے کی دھمکی

    ایلون مسک کو جان سے مارنے کی دھمکی

    ٹیسلا کے بانی ایلون مسک کو خاتون ٹک ٹاکر کی جانب سے جان سے مارنے کی دھمکی دی گئی ہے۔

    بین الاقوامی خبر رساں ادارے کی رپورٹ کے مطابق خاتون ٹک ٹاکر نے بذریعہ ویڈیو ایلون مسک کو جان سے مارنے کی دھمکی دی اور کہا کہ ہمیں مسک کو ایکس کرنے کی ضرورت ہے، ایکس سے میری مراد اسے جانے سے مار دینا چاہئے۔

    اس کے ساتھ ہی خاتون ٹک ٹاکر نے فیڈرل بیورو آف انویسٹی گیشن (ایف بی آئی) کو بھی چیلنج دیا ہے کہ ہمت ہے تو مجھے گرفتار کرکے دکھاؤ۔

    سوشل میڈیا پر شیئر کی گئی ویڈیو میں خاتون ٹک ٹاکر نے یہ دعویٰ بھی کیا ہے کہ ایف بی آئی کے پاس تحقیقات کے اتنا عملہ نہیں ہے کہ وہ مجھے تلاش کر کے گرفتار کر سکے۔

    اس سے قبل امریکا میں وفاقی سرکاری ملازمین کو مسک کی جانب سے ایک ای میل موصول ہوئی ہے جس میں کہا گیا ہے کہ گزشتہ ہفتے کی اپنی کارکردگی رپورٹ جمع کرائیں یا استعفا دے کر گھر چلے جائیں۔

    یہ ای میل ٹرمپ انتظامیہ میں ڈپارٹمنٹ آف گورنمنٹ ایفیشینسی کے سربراہ مسک کی جانب کی سے بھیجی گئی ہے۔

    رپورٹ کے مطابق اس سے پہلے مسک نے سوشل میڈیا پر لکھا تھا کہ اِی میل پر بتائیں کہ پورے ہفتے دفتر میں کیا کام کیا ہے؟

    جواب نہ دینے والے کو مستعفی سمجھا جائے گا، صدر ٹرمپ نے ایلون مسک کو نئے محکمے ڈوج کا سربراہ بنایا ہے، جو وفاقی ملازمین کی کارکردگی جانچنے اور اخراجات بچانے کیلئے کام کرے گا۔

    مسک کی جانب سے بھیجی گئی میل میں ملازمین کو ہدایت کی گئی ہے کہ وہ کسی بھی خفیہ معلومات کو چھوڑ کر گزشتہ ہفتے میں انہوں نے جو کچھ کیا ہے، اس کا 5 بلٹ پوائنٹس کے ساتھ جواب دیں۔ اسی کے ساتھ انہوں نے ملازمین کو یہ ہدایت بھی کی ہے کہ وہ اپنے جوابات او ایم بی ای میل ایڈریس اور اپنے سپروائزر کو بھیجیں۔

    ٹرمپ کے مشیر ایلون مسک کا سرکاری ملازمین کو آخری موقع

    مسک کا یہ بیان صدر ڈونلڈ ٹرمپ کے اپنے سوشل میڈیا پلیٹ فارم ”ٹروتھ سوشل”پر دیے گئے اس بیان کے چند گھنٹوں بعد سامنے آیا، جس میں انہوں نے DOGE سے کہا تھا کہ وہ 23 لاکھ سے زائد وفاقی ملازمین پر مشتمل سرکاری نظام کو مزید سختی سے کم کرنے اور اس کی شکل تبدیل کرنے کی کوششیں تیز کریں۔

  • پورے ہفتے دفتر میں کیا کام کیا؟ امریکی ملازمین کو اب یہ وضاحت بھی دینا ہوگی

    پورے ہفتے دفتر میں کیا کام کیا؟ امریکی ملازمین کو اب یہ وضاحت بھی دینا ہوگی

    امریکی صدر ڈونلڈ ٹرمپ کے مشیر ایلون مسک نے امریکا کے وفاقی ملازمین کو سوشل میڈیا پر انتباہ جاری کردیا۔

    امریکا کے محکمہ برائے حکومتی کارکردگی کے رکن ایلون نے سرکاری ملازمین کو سوشل میڈیا پر انتباہ جاری کرتے ہوئے کہا کہ انہیں پورے ہفتے کیے گئے کاموں کی وضاحت دینی ہوگی۔

    ایلون مسک نے سوشل میڈیا پر جاری بیان میں  کہا کہ پورے ہفتے دفتر میں کیا کام کیا؟ وفاقی ملازمین کو اب وضاحت اِی میل پر دینا ہوگی۔

    ویڈیو: ’یہ بیورو کریسی کیلیے ہے‘، ایلون مسک کا آری اٹھا کر اعلان

     ایلون کا کہنا ہے اس حوالے سے وفاقی ملازمین کو جلد اِی میل ارسال کردی جائے گی، اِی میل کا جواب نہ دینے والے وفاقی ملازمین کو مستعفی سمجھا جائے گا۔

    واضح رہے کہ صدر ٹرمپ نے ایلون مسک کو نئے محکمے ڈوج کا سربراہ بنایا ہے جو فیڈرل ملازمین کی کارکردگی جانچنے اور اخراجات بچانے کیلئے کام کرے گا۔

    یاد رہے کہ اس سے قبل ارب پتی کاروباری شخصیت اور امریکی صدر ڈونلڈ ٹرمپ کے اہم مشیر ایلون مسک نے ایک تقریب میں آری لہرا کر اور یہ اعلان کر کے ’’یہ بیورو کریسی کے لیے ہے‘‘ اپنے عزائم کا اعلان کیا تھا۔

  • جج سیاست کر رہا ہے، صدر ٹرمپ کی عدالتی فیصلے پر کڑی تنقید

    جج سیاست کر رہا ہے، صدر ٹرمپ کی عدالتی فیصلے پر کڑی تنقید

    واشنگٹن : امریکی صدر ڈونلڈ ٹرمپ نے جج پر تنقید کرتے ہوئے کہا ہے کہ امید ہے عدالتی نظام ہمیں وہ کرنے دے گا جس کیلئے ہم منتخب ہوئے ہیں، ان کا کہنا تھا کہ جج سیاست کر رہا ہے۔

    یہ بات انہوں نے وائٹ ہاؤس میں مختلف ایگزیکٹو آرڈرز پر دستخط کے بعد میڈیا سے گفتگو کرتے ہوئے کہی، اس موقع پر ایلون مسک بھی موجود تھے۔

    صدر ٹرمپ نے کہا کہ امریکی عوام کے ٹیکس کی رقم کے ساتھ فراڈ کیا گیا، اس حوالے سے ایلون مسک اور ان کی ٹیم نے کئی خرابیوں کی نشاندہی کی ہے۔

    صدر ڈونلڈ ٹرمپ نے حکومتی اخراجات میں جاری کٹوتیاں روکنے پر امریکی جج پر کڑی تنقید کی اور کہا کہ انتظامیہ کو روکنے میں ملوث جج سیاست کررہا ہے۔

    ان کا کہنا تھا کہ جج ہمیں فراڈ کا پتہ چلانے سے کیسے روک سکتے ہیں، یوایس ایڈ میں کرپشن صاف نظر آرہی ہے، اربوں ڈالر مالیت کی کرپشن کی گئی جو اب سامنے آچکی ہے۔

    امریکی صدر ڈونلڈ ٹرمپ نے کہا کہ جو عدالت یہ کہے کہ صدر یا کوئی عہدیدار معاملات کا جائزہ نہیں لے سکتا تو وہ ملک ہی نہیں ہوگا۔

    اس سے قبل ٹیسلا کے بانی ایلون مسک حکومتی استعداد کار سے متعلق محکمے کا دفاع کرنے ٹرمپ کے ساتھ کھڑے ہوگئے۔

    صحافیوں سے گفتگو کرتے ہوئے ایلون مسک نے کہا کہ غیر جمہوری بیورکریسی ملک کیلئے مسائل پیدا کررہی ہے، محکمہ خزانہ میں ادائیگی کے نظام میں خرابیاں دور کریں گے۔

    ایلون مسک نے کہا کہ ایسے لوگ ہیں جو امریکی عوام کے ٹیکس سے امیر ہوئے، اگر امریکی عوام کے ٹیکس کی رقم کا غلط استعمال ہوا ہے تو اس کو روکیں گے۔

    مزید پڑھیں : امریکی عدالت نے ٹرمپ کو اپنا فیصلہ سنا دیا

    واضح رہے کہ حکومتی اخراجات میں جاری کٹوتیاں روکنے سے متعلق فیصلے پر امریکی جج نے حکم دیا ہے کہ ڈونلڈ ٹرمپ وفاقی اخراجات منجمد کرنے پر پابندی ہٹانے کے حکم پر مکمل عمل درآمد کریں۔

    اس سے پہلے ڈیموکریٹ ریاستوں کے 23 اٹارنی جنرل ایک درخواست لے کر امریکی ڈسٹرکٹ جج جان میک ڈونل کی عدالت میں آئے تھے اور کہا تھا کہ صدر ڈونلڈ ٹرمپ نے عدالت کے حکم پر اب تک عمل درآمد نہیں کیا۔

    https://urdu.arynews.tv/trump-says-would-not-personally-develop-property-in-gaza/