کراچی : میئرکراچی وسیم اختر نے چکن گونیا ، اور دینگی بخار کے مریضوں کی بڑھتی ہوئی تعداد کے پیش نظر بلدیہ کراچی کے تمام اسپتالوں میں ہنگامی حالت نافذ کر دی ہے۔
تفصیلات کے مطابق میئرکراچی وسیم اختر نے وائرل ایمرجنسی کے تحت بلدیہ عظمیٰ کراچی کے تمام ہسپتالوں میں ایمر جنسی نافذ کرتے ہوئے ڈاکٹرز اور پیرامیڈیکل سٹاف کی چھٹیاں بھی منسوخ کردی ہیں۔
میر کراچی نے ہدایت کی ہے کہ بلدیہ کراچی کے زیر انتظام چلنے والے عباسی شہید اسپتال، سرفراز رفیقی شہید اسپتال، لانڈھی میڈیکل کمپلیکس، گزدرآباد اسپتال سمیت دیگر اسپتالوں میں چکن گونیا سے متاثرہ افراد کو خصوصی سہولتیں فراہم کی جائیں۔
انہوں نے ہدایت کی ہے ،نگلیریا،کانگو اورڈینگی بخارکی روک تھام اورعلاج معالجےکے لئے بھی اقدامات کئےجائیں،وسیم اختر نے کہا ہےکہ شہر قائد میں متعدی وبائی امراض کےتدارک کےلئےہنگامی بنیادوں پرکام کیا جائے
وسیم اختر کا کہنا تھا کہ چکن گونیا، کانگو بخار، نیگلیریا اور ڈینگی بخار سے بچاؤ کے لئے اقدامات کیے جائیں، وبائی امراض کے لیے علیحدہ سے وارڈز اوربستروں کا انتظام کیا جائے جبکہ چکن گونیا کے علاج کے لیے خصوصی انتظامات کیے جائیں۔
وسیم اختر نے کہا ہےکہ شہر قائد میں متعدی وبائی امراض کے تدارک کے لئے ہنگامی بنیادوں پر کام کیا جائے۔
عالمی ادارہ صحت کا کراچی میں چکن گنیا میں اضافے پر تشویش کا اظہار
دوسری جانب عالمی ادارہ صحت نے کراچی میں چکن گنیا میں اضافے پر تشویش کااظہار کرتے ہوئے حکومت اقداامات کو ناکافی قرار دے ، ترجمان کا کہنا تھا کہ چکن گنیا کے تشخیص کے لئے ٹیسٹ بھی نہیں کئے جا رہے۔۔اور علاقے میں کچرا اور گندگی کے ڈھیر لگے ہوئے ہیں، علاقہ مکینوں نے بھی عالمی ادارہ صحت کے سامنے شکایتوں کے انبار لگا دئیے۔
واضح رہے کہ کراچی میں اب تک ڈھائی سو سے زائد چکن گونیا مریضوں کی تصدیق ہوچکی ہے۔
