ہالی ووڈ کی معروف اداکارہ اور کامیڈین ایملی اٹیک نے انکشاف کیا ہے کہ انھیں سیٹ پر کئی بار جنسی حملے کا نشانہ بنایا گیا۔
ریولز اینڈ انبیٹوینرز کی اسٹار اداکارہ ایملی اٹیک نے ریڈیو ٹائمز سے گفتگو کرتے ہوئے افسوسناک انکشاف کیا ہے کہ سیٹ پر کام کے دوران ان کے ساتھ کئی بار جنسی ہراسانی کے واقعات پیش آئے اور انھیں غلط فعل کا نشانہ بنایا گیا۔
برطانوی اداکارہ نے بتایا کہ "میرے پورے کیریئر میں کام کے دوران جنسی زیادتی کا نشانہ بنایا گیا، چاہے وہ اصل سیٹ پر ہو، یا ریپ پارٹی میں ہو مجھے اس طرح کے واقعات سے گزرنا پڑا۔”
اٹیک اس سے پہلے آن لائن جنسی طور پر ہراساں کیے جانے کے اپنے تجربات کے بارے میں ایک دستاویزی فلم بناچکی ہیں، انھوں نے جنسی حملوں کی مزید تفصیلات نہیں بتائیں۔
انھوں نے انٹیمیسی کوآرڈینیٹرز کے بڑھتے ہوئے استعمال کا بھی خیرمقدم کیا اور کہا کہ اس سے یہ ظاہر ہوتا ہے کہ لوگ سن رہے ہیں اور لازمی طور پر ان کے رویے میں تبدیلی بھی آنی چاہیے۔
ایملی اٹیک نے کہا کہ وہ ماضی میں ہر وقت خود کو محفوظ نہیں محسوس کرتی رہی ہیں، اب جنسی مناظر کی نگرانی کے لیے پیشہ ور افراد کا ہونا مددگار ہوتا ہے۔
اس پروگرام میں اٹیک نے انکشاف کیا کہ انھیں روزانہ سینکڑوں بیہودہ تصویریں اور پیغامات بھیجے جاتے تھے اور یہ بھی کہا کہ مردوں کو پتا نہیں کیا چیز اس کےلیے اُکساتی ہے۔