Tag: Emmanuel Macron

سنگاپور: فرانس کے صدر ایمانوئل میکرون نے مغرب کو خبردار کیا ہے کہ اگر انھوں نے غزہ کو یونہی اسرائیل کے رحم و کرم پر چھوڑ دیا تو مغرب اپنی ساکھ کھو دے گا۔

سنگاپور میں شنگری-لا ڈائیلاگ دفاعی فورم میں خطاب میں ایمانوئل میکرون نے کہا دنیا کی نظروں میں مغرب کو اس صورت میں اپنی تمام ساکھ کھونے کا خطرہ ہے، اگر وہ غزہ کو یونہی چھوڑ کر اسرائیل کو جو چاہے کرنے دے دے۔

فرانسیسی صدر نے کہا یہی وجہ ہے کہ ہم دوہرے معیار کو مسترد کرتے ہیں، یہی اصول یوکرین کی جنگ پر بھی لاگو ہوتا ہے، میکرون نے کہا ہمیں سپر پاورز کے تسلط کے سامنے دوہرے معیارات کو مسترد کر دینا چاہیے اور قانون کی حکمرانی پر مبنی نئے اتحاد کی تشکیل کرنی چاہیے۔

دریں اثنا، فرانسیسی صدر نے فلسطینی ریاست کو تسلیم کرنے کو صرف اخلاقی فرض نہیں بلکہ سیاسی ضرورت بھی قرار دیا اور فلسطینی ریاست کو تسلیم کرنے کے لیے کچھ شرائط بھی پیش کیں۔

سنگاپور میں وزیر اعظم لارنس وونگ کے ساتھ پریس کانفرنس کے دوران میکرون نے اس بات پر زور دیا کہ یورپیوں کو اسرائیل سے متعلق اپنی اجتماعی پوزیشن کو سخت کر دینا چاہیے، انھوں نے کہا یہ آج کی ضرورت ہے۔

فرانسیسی صدر نے فلسطینی ریاست کو تسلیم کرنا ’اخلاقی فرض‘ قرار دے دیا

واضح رہے کہ فرانس سعودی عرب کے ساتھ مل کر 17 سے 30 جون تک نیویارک میں اقوام متحدہ کے ہیڈ کوارٹر میں 2 ریاستی حل پر ایک بین الاقوامی کانفرنس کی مشترکہ صدارت کر رہا ہے۔ میکرون نے فلسطینی ریاست کو تسلیم کرنے کے لیے جو شرائط پیش کی ہیں ان میں حماس کا غیر مسلح ہونا اور نئی فلسطینی حکومت میں عدم شرکت شامل ہیں، فلسطینی ریاست کو بھی اسرائیل کو تسلیم کرنا ہوگا۔

پیرس: فرانسیسی صدر ایمانوئل میکرون نے غزہ پر صہیونی فورسز کی مسلسل بمباری پر سخت رد عمل ظاہر کرتے ہوئے کہا ہے کہ دہشت گردی سے لڑنے کا مطلب یہ نہیں کہ اسرائیل غزہ کو مسمار ہی کر دے۔

غیر ملکی میڈیا رپورٹس کے مطابق فرانس کے صدر ایمانوئل میکرون نے اسرائیل سے غزہ میں فوری جنگ بندی کا مطالبہ کرتے ہوئے کہا ہے کہ دہشت گردی سے لڑنے کا مطلب یہ نہیں ہے کہ اسرائیل غزہ کو ہموار کر کے رکھ دے۔

اسرائیل کی غزہ میں ظلم کی تمام حدیں پار کرنے پر فرانسیسی صدر بھی بولنے پر مجبور ہو گئے ہیں، ٹی وی فرانس فائیو براڈ کاسٹر کے ساتھ ایک انٹرویو میں انھوں نے کہا دہشت گردی کے خلاف لڑائی کا مقصد غزہ کو مسمار کرنا ہرگز نہیں ہو سکتا، ہم اس نظریے کی حمایت نہیں کر سکتے کہ شہری آبادی پر بلا امتیاز حملے ہوں۔

انھوں نے کہا دہشت گردی کے خلاف لڑائی میں فلسطینی شہریوں پر اندھا دھند حملے نہیں ہونے چاہئیں، فرانسیسی صدر نے اسرائیل سے فوری جنگ بندی کا بھی مطالبہ کیا، اور کہا کہ اس کا رد عمل غیر مناسب ہے اسے فوری طور پر ختم ہونا چاہیے، کیوں کہ ہر زندگی اہم ہے۔

غزہ میں اسرائیلی مظالم جاری، فلسطینی شہدا کی تعداد 20 ہزار تک پہنچ گئی

واضح رہے کہ 7 اکتوبر کو حماس کے حملے کے بعد سے اسرائیل غزہ کی پٹی پر مسلسل بمباری کر رہا ہے، جس میں 20,000 سے زیادہ فلسطینی شہید ہو چکے ہیں، جن میں زیادہ تر خواتین اور بچے تھے، اور 52,586 فلسطینی زخمی ہوئے ہیں۔

پیرس: فرانسیسی صدر ایمانوئل میکرون نے اسرائیل سے سخت مطالبہ کیا ہے کہ وہ غزہ میں بچوں اور خواتین کو قتل کرنا بند کر دے۔

برطانوی میڈیا کے مطابق فرانسیسی صدر ایمانوئل میکرون نے بی بی سی کو انٹرویو میں کہا اسرائیل کو غزہ میں بچوں اور خواتین کو قتل کرنا بند کرنا چاہیے، بمباری کا کوئی جواز نہیں ہے۔

میکرون کا کہنا تھا ’’جنگ بندی سے اسرائیل ہی کو فائدہ ہوگا، ہم اسرائیل کے اپنے تحفظ کے حق کو تسلیم کرتے ہیں لیکن ہم ان پر زور دیتے ہیں کہ وہ غزہ میں بمباری بند کر دیں۔‘‘

فرانسیسی صدر نے کہا عام شہریوں پر بمباری کی جا رہی ہے، بمباری سے بچے، عورتیں، اور بوڑھے مارے جا رہے ہیں، اس کی کوئی وجہ نہیں ہے، جنگ بندی اسرائیل کے مفاد میں بھی ہے۔

مقطع من مقابلة أجريتها قبل قليل مع BBC، المذيعة أفحمتني، قلت لها على إسرائيل وقف قتل المدنيين الأبرياء وان تحترم القانون الدولي، فترد وتقول: بما أنك تدعوها لاحترام القانون الدولي فهذا اعتراف أنها اخترقته، هل تؤكد أن إسرائيل ارتكبت جرائم حرب في #غزة؟
فقلت أنا لست قاضياً pic.twitter.com/8EdmPMNMP3

— إيمانويل ماكرون (@LEmmanuelMacron) November 10, 2023

ہر دس منٹ میں ایک بچہ مر رہا ہے، غزہ میں بمباری فوری روکی جائے: سربراہ ڈبلیو ایچ او

French President Emmanuel Macron says Israel must stop killing women and babies in Gaza – exclusive BBC interview https://t.co/XFdIjMhHEV

— BBC Breaking News (@BBCBreaking) November 10, 2023

میکرون نے ایک سوال کے جواب میں یہ امید بھی ظاہر کی کہ غزہ میں جنگ بندی کے مطالبے میں امریکا ور برطانیہ سمیت دیگر ممالک بھی شامل ہوں گے۔ اس سے قبل انسانی امداد کی ایک کانفرنس میں خطاب میں میکرون نے کہا تھا کہ غزہ کے شہریوں کا دہشت گردی سے کوئی تعلق نہیں ہے اس لیے جنگ بندی ضروری ہے تاکہ ان کی حفاظت کو یقینی بنایا جا سکے۔

فرانسیسی صدر کے بیان پر اسرائیلی وزیر اعظم نے کہا کہ عالمی رہنماؤں کو اسرائیل کی نہیں بلکہ حماس کی مذمت کرنی چاہیے۔ اسرائیل کی جانب سے ایک بیان میں ڈھٹائی کا اظہار کیا گیا ہے کہ وہ بین الاقوامی قانون کے مطابق فوجی اہداف پر حملہ کرتا ہے اور شہریوں کی ہلاکتوں کو کم کرنے کے لیے اقدامات بھی کرتا ہے، جیسا کہ حملوں سے پہلے وارننگ جاری کرنا اور لوگوں کے انخلا کا مطالبہ کرنا۔