Tag: Empire

اسلام آباد: تحریک انصاف کے چیئرمین عمران خان نے کہا ہے کہ 2013 کے دھرنے میں امپائر کی انگلی تقریباً اٹھ گئی تھی مگر اس بار یقین ہے کہ ضرور اٹھے گی۔

اسلام آباد میں میڈیا سے گفتگو کرتے ہوئے عمران خان نے کہا کہ سی پیک منصوبے کو میری وجہ سے نہیں بلکہ حکمرانوں کی کرپشن سے نقصان ہوگا، تحریک انصاف کا دھرنا طاقت ور لوگوں کے احتساب کے لیے ہے۔

پڑھیں:  طویل دھرنے کی گنجائش نہیں، 10 دن میں نتیجہ نکل جانا چاہیے، شیخ‌ رشید

انہوں نے کہا کہ ’’پچھلے دھرنے میں امپائر کی انگلی تقریباً اٹھ چکی تھی مگر اس بار یقین ہے کہ پوری اٹھ جائے گی، امپائر کا مطلب مالک یوم الدین ہے، فیصلہ کرلیا ہے کہ اب حکومت نہیں چلنے دوں گا‘‘۔ اُن کا کہنا تھا کہ اگر میری آف شور کمپنی غلط تھی تو حکومت نے کارروائی کیوں نہیں کی۔

مزید پڑھیں: ادارے انصاف نہ دیں تو احتجاج کرنا ہمارا حق ہے،عمران خان

چیئرمین تحریک انصاف نے کہا کہ حکومت یہ تاثر دینے کی کوشش کررہی ہے کہ ہم فوج کو بلارہے ہیں مگر میں یہ واضح کرنا چاہتا ہوں کہ 2 لاکھ افراد کو جمع کرکے حکومت کو گھر بھیجنے کی روایت نہیں ڈال رہا‘‘۔

یہ بھی پڑھیں:  تحریک انصاف کے مطالبات جائز مگر طریقہ غلط ہے، سعید غنی

اُن کا کہنا تھا کہ مسلم لیگ ن کے اقتدار میں آنے کے بعد سے ملکی قرضہ 8 ارب سے بڑھ کر ساڑھے 22 ارب تک پہنچ گیا ہے، کرپشن سی پیک منصوبے کو بھی متاثر کررہی ہے۔