Tag: employee

  • دفاتر کو ملازمین کے لیے سونے کی سہولت دینی چاہیئے!

    دفاتر کو ملازمین کے لیے سونے کی سہولت دینی چاہیئے!

    ماہرین کا کہنا ہے کہ دنیا بھر میں دفاتر کو اپنے ملازمین کو سونے کا وقت دینا چاہیئے اور انہیں کام کرنے پر مجبور نہیں کرنا چاہیئے۔

    جان کر حیران ہوگئے نا؟

    دراصل یہ تجویز ان ملازمین کے لیے ہے جو دن بھر سوتے ہیں اور رات کو جاگتے ہیں۔

    ماہرین کا کہنا ہے کہ بعض افراد کی جسمانی گھڑی قدرتی طور پر ایسی ہوتی ہے کہ وہ دن کو سوتے اور رات کو جاگتے ہیں۔

    جن لوگوں میں یہ عادت پائی جاتی ہے آپ انہیں اس کے مخالف جانے کے لیے مجبور نہیں کرسکتے کیونکہ وہ خود بھی اپنی اس فطرت کے آگے مجبور ہوتے ہیں۔

    ماہرین نے اس تحقیق کے لیے 5 لاکھ برطانوی افراد کا تجزیہ کیا۔ ان میں سے 9 فیصد افراد راتوں کو جاگنے والے نکلے جبکہ 27 فیصد نے کہا کہ انہیں صبح جلدی اٹھ کر کام کرنا اچھا لگتا ہے۔

    تحقیق میں کہا گیا کہ دن کو سونے والے افراد کے دفاتر کو چاہیئے کہ وہ انہیں دفتر میں سونے کا موقع دیں اور انہیں صبح اٹھ کر کام کرنے پر مجبور نہ کریں۔

    ماہرین کے مطابق ایسے افراد صبح اٹھ بھی جائیں تو وہ اپنی تخلیقی صلاحیتوں کا مظاہرہ نہیں کرسکتے۔

    مزید پڑھیں: قیلولے اور کافی کا امتزاج سستی بھگانے کے لیے مؤثر

    اس کے برعکس جب وہ اپنی نیند پوری کر کے دن ڈھلے اٹھتے ہیں تب وہ اپنی بھرپور صلاحیتوں کا مظاہرہ کرنے کے قابل ہوتے ہیں۔

    تحقیق میں بتایا گیا کہ راتوں کو جاگنے والے افراد میں ذیابیطس، امراض قلب، اعصابی امراض اور قبل از وقت موت کا خطرہ دیگر افراد کی نسبت زیادہ ہوتا ہے۔

    ایسے میں ان کی قدرتی جسمانی گھڑی میں خلل ڈالنا اور صبح اٹھنے کے لیے مجبور کرنا ان خطرات میں مزید اضافہ کرسکتا ہے۔

    کیا آپ کا دفتر ایسے افراد کو سونے کی سہولت دیتا ہے؟

  • ساتھی ملازم کے سمندر میں ڈوبنے پر انسٹرکٹر کو خون بہا ادا کرنے کا حکم

    ساتھی ملازم کے سمندر میں ڈوبنے پر انسٹرکٹر کو خون بہا ادا کرنے کا حکم

    ابوظہبی : متحدہ عرب امارات کی عدالت نے لاپرواہی دکھانے پر ڈائیونگ انسٹرکٹر (تیراکی کی تربیت دینے والا) کو جرمانہ اور سمندر میں ڈوبنے والے ملازم کے اہل خانہ کو 2 لاکھ درہم خون بہا ادا کرنے کی سزا سنا دی۔

    تفصیلات کے مطابق متحدہ عرب امارات کے ٹاؤن خورفکان میں تیراکی کی تربیت دینے والے استاد کی لاپرواہی کے باعث ساتھی ملازم سمندر میں ڈوب کر ہلاک ہوگیا، جس کے بعد عدالت نے ڈائیونگ انسٹرکٹر پر 20 ہزار درہم جرمانہ عائد کردیا۔

    غیر ملکی خبر رساں ادارے کاکہنا تھا کہ کرمنل کورٹ کی دستاویزات کے مطابق سمندر میں ڈوب کر ہلاک ہونے والا شخص تیراکی کی تربیت  حاصل کرنے کے دوران ڈوبا تھا۔

    عدالتی دستاویزات میں بتایا گیا ہے کہ ڈائیونگ انسٹرکٹر (تیراکی کی تربیت دینے والا) اپنے ساتھی ملازم کے ہمراہ کشتی رانی کرتے ہوئے سمندر میں گیا تھا تاکہ ڈوبنے والے شخص کو  تیراکی کی تریبت دے سکے لیکن دونوں کے پاس ڈائیونگ کا لائسنس نہیں تھا۔

    اماراتی میڈیا کا کہنا تھا کہ بغیر لائسنس ڈائیونگ کرنے اور لاپرواہی برتنے کے جرم میں عدالت نے انسٹرکٹر کو ملازم کے اہل خانہ کو 2 لاکھ درہم خون بہا ادا کرنے کا حکم سنا ہے۔

    غیر ملکی خبر رساں ادارے کا کہنا تھا کہ ڈائیونگ انسٹرکٹر سمندر سے ساتھی ملازم کے بغیر واپس آیا اور پولیس کو ساتھی ملازم کے لاپتہ ہونے کی شکایت درج کروائی تھی۔

    اماراتی خبر رساں ادارے کا کہنا تھا کہ ریسکیو ٹیمیں بہت کوشش کے باوجود بھی مذکورہ شخص کی لاش کی ڈھونڈنے میں ناکام رہیں۔


    مزید پڑھیں : یواے ای: ایشیائی شخص کو کار تلے روندنے والے اماراتی شہری کو سزای


    اد رہے کہ رواں ماہ کے اوائل میں متحدہ عرب امارات کی عدالت عالیہ نے ٹریفک حادثے میں ہلاک ایشیائی شخص کے کیس کی سماعت کرتے ہوئے ملزم کو حادثے کے دوران ہلاک ہونے والے شخص کے اہل خانہ کو خون بہا دینے کا حکم سنایا تھا۔

    غیر ملکی خبر رساں ادارے کا کہنا تھا کہ سپریم کورٹ نے کیس سماعت کے دوران اماراتی عرب کے مجرم ثابت ہونے کے بعد مجرم کو سزا سناتے ہوئے تین ماہ کے لیے جیل بھیجنے اور مقتول کے خاندان کو 1 لاکھ درہم جرمانہ ادا کرنے کا حکم دیا تھا۔

  • خواجہ آصف وفاقی وزیر ہونے کے ساتھ دبئی کمپنی کے ملازم نکلے

    خواجہ آصف وفاقی وزیر ہونے کے ساتھ دبئی کمپنی کے ملازم نکلے

    اسلام آباد : پی آٹی ٹی کے رہنما عثمان ڈار نے الزام عائد کیا ہے کہ مسلم لیگ ن کے خواجہ آصف وفاقی وزیر ہونے کے ساتھ دبئی کمپنی کے ملازم بھی ہیں۔

    تفصیلات کے مطابق وزیر اعظم کے بعد وزیر دفاع خواجہ آصف کا اقامہ بھی منظر عام پر آگیا، سیالکوٹ سے خواجہ آصف کے حلقے سے پی ٹی آئی کے امید وار عثمان ڈار نے سماجی رابطے کی ویب سائٹ ٹوئٹر پر خواجہ آصف کے اقامے کی کاپی جاری کردی، جس کے مطابق خواجہ آصف بھی دبئی کی کمپنی میں ملازم ہیں۔

    پی آٹی ٹی کے رہنما عثمان ڈار کا کہنا ہے کہ خواجہ آصف سے متعلق حیرت انگیز انکشافات سامنے آئے ہیں، آرٹیکل63،62کےتحت خواجہ آصف کو بھی گھر بھیجیں گے، اقامہ ان کمپنیوں سے لیا گیا، جنہیں پروجیکٹ کی مد میں فائدہ دیا گیا۔

    عثمان ڈار نے کہا کہ اقامہ کرپشن کرکے ملک سے بھاگنے کا چور راستہ رکھا گیا، پاکستان میں کرپشن کی لوٹ سیل لگانے والے باہر نوکریاں کررہے ہیں، عمران خان کا اقامہ نکلتا نون لیگ آسمان سر پر اٹھا چکی ہوتی، عمران خان کا اقامہ نہیں کیونکہ ایک ایک پیسہ ملک میں ہے۔

    انھوں نے مزید کہا کہ خواجہ آصف سے متعلق جو دستاویزات ملی ہیں وہ حیران کن ہیں۔

    دوسری جانب وزیر دفاع خواجہ آصف کا کہنا ہے کہ   میں نےاقامہ 27سال سے الیکشن کمیشن اور ایف بی آر میں ڈکلیئر کیا ہوا ہے، 1983 سے بینکنگ چینلز کے ذریعے پیسہ وصول کرتا ہوں، ابو ظہبی میں1983سے بینک اکاؤنٹ بھی موجود ہے۔


    مزید پڑھیں : نوازشریف وزیراعظم ہونے کے ساتھ غیر ملکی کمپنی کے ملازم بھی نکلے


    یاد رہے اس سے قبل پاناما جے آئی ٹی نے اپنی رپورٹ میں انکشاف کیا تھا کہ وزیراعظم دبئی کی کمپنی کے ملازم تھے،  جس کے لیے دبئی کی لاء فرم نے بھی وزیراعظم نوازشریف کے کیپٹل ایف زیڈ ای کمپنی میں ملازم ہونے کے دستاویزات کی تصدیق کی تھی۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔