ARYNews.tv | Urdu – Har Lamha Bakhabar

Tag: engaged

  • رونالڈو نے اپنی گرل فرینڈ جارجینا سے منگنی کر لی

    رونالڈو نے اپنی گرل فرینڈ جارجینا سے منگنی کر لی

    عالمی شہرت یافتہ پرتگالی اسٹار فٹبالر کرسٹیانو رونالڈو نے 8 سال ڈیٹنگ کے بعد اپنی گرل فرینڈ جارجینا روڈریگز سے منگنی کر لی۔

    رپورٹس کے مطابق اپنی ہسپانوی محبوبہ جارجینا کو 40 سالہ رونالڈو نے ایک قیمتی ہیرے کی انگوٹھی پہنا کر شادی کی پیشکش کی ہے، جس کو ان کی گرل فرینڈ نے قبول کرلیا ہے۔

    اپنی انسٹاگرام پوسٹ میں جارجینا نے انگوٹھی کی تصویر شیئر کی، جس میں ان کا ہاتھ رونالڈو کے ہاتھ پر رکھا ہوا ہے اور انہوں نے بڑے سائز کے ہیرے کی انگھوٹی پہن رکھی ہے۔

     

    View this post on Instagram

     

    A post shared by Georgina Rodríguez (@georginagio)

    جارجینا نے پوسٹ کے کیپشن میں تحریر کیا کہ ”میں نے ہاں کہہ دیا، اس زندگی اور تمام زندگیوں کیلئے۔“

    واضح رہے کہ عالمی شہرت یافتہ فٹبالرکرسٹیانو رونالڈو اور جارجینا کی محبت کی داستان 8 سال قبل شروع ہوئی تھی جب جارجینا میڈرڈ میں ایک فیشن برانڈ کے آؤٹ لیٹ پر ملازمت کیا کرتی تھیں اس ملاقات کے بعد دونوں کو 2017 میں پہلی مرتبہ ایک ساتھ دیکھا گیا تھا۔

    رونالڈو سعودی عرب میں رہیں گے یا نہیں؟ بڑا فیصلہ کرلیا

    رونالڈو اور جارجینا کے پانچ بچے ہیں جن میں دو جڑواں بچوں میں سے ایک اپریل 2022 میں انتقال کر گیا تھا۔ اب رونالڈو جارجینا سے منگنی کر کے شادی کی پیشکش کر چکے ہیں جس کے بعد ان کے چاہنے والے ان کی شادی کی خبر کے انتظار میں ہیں۔

  • معروف امریکی اداکارہ نے منگنی کرلی

    معروف امریکی اداکارہ نے منگنی کرلی

    امریکی اداکارہ و گلوکارہ لنزے لوہن نے اپنے دوست بدر شماس سے منگنی کر لی ہے، دونوں اس وقت دبئی میں مقیم ہیں۔

    اداکارہ نے انسٹا گرام پر 97 لاکھ فالوورز کے ساتھ اپنی منگنی کی خبر شیئر کی، منگنی کی خبر کے ساتھ انہوں نے کچھ تصاویر بھی شیئر کیں جن میں انہوں نے ہیرے کی انگوٹھی پہن رکھی تھی۔

    35 سالہ لنزے نے انسٹاگرام پر منگنی کی خوشخبری شیئر کرتے ہوئے لکھا کہ میری محبت، میری زندگی، میرا خاندان، میرا مستقبل۔

     

    View this post on Instagram

     

    A post shared by Lindsay Lohan (@lindsaylohan)

    بدر شماس کاروباری شخصیت اور سرمایہ کار ہیں، دونوں کی ملاقات موسیقی کے ایک فیسٹیول میں ہوئی تھی۔

    مئی 2020 میں لنزے لوہن کی والدہ دینا لوہن نے بدر شماس کے بارے میں بات کرتے ہوئے کہا تھا کہ لنزے ایک زبردست آدمی سے مل رہی ہے۔ انہوں نے کہا تھا کہ جب لنزے اپنی ذاتی زندگی کے بارے میں بات کرنے پر تیار ہوں گی تو وہ کر لے گی۔

    بدر شماس سے قبل لنزے لوہن نے روس کی ایک کاروباری شخصیت ایگور ٹیرابوسف سے منگنی کی تھی تاہم دونوں کی یہ منگنی سنہ 2016 میں ٹوٹ گئی تھی۔

  • الحمداللہ: میری بات پکی ہوگئی، جنت مرزا

    الحمداللہ: میری بات پکی ہوگئی، جنت مرزا

    ناں ناں کرتے کرتے ہاں کردی، پاکستان کی نمبر ون ٹک ٹاک اسٹار، ماڈل اور نئی اُبھرتی ہوئی اداکارہ جنت مرزا نے اپنی منگنی کی تصدیق کردی ہے۔

    تفصیلات کے مطابق پاکستان کی نمبر ون ٹک ٹاک اسٹار، ماڈل اور نئی اُبھرتی ہوئی اداکارہ جنت مرزا نے کہا ہے کہ اُن کی ٹک ٹاکر عُمر بٹ کے ساتھ بات پکّی ہوگئی ہے،حال ہی میں سوشل میڈیا پر یہ خبر وائرل ہوئی تھی کہ جنت مرزا نے عُمر بٹ سے منگنی کرلی ہے جس کے بعد ٹک ٹاک اسٹار نے اس خبر کی تردید کردی تھی۔

    منگنی کی خبر سوشل میڈیا پر وائرل ہونے کے بعد جنت مرزا نے ایک نجی خبر رساں ادارے کو انٹرویو دیتے ہوئے کہا کہ ’مجھے کسی کی کال آئی اور اُنہوں نے مجھ سے میری منگنی کے حوالے سے پوچھا کہ "جنت تمہاری منگنی ہوگئی؟” تو میں نے کہا نہیں، پھر اُنہوں نے مجھ سے کہا نیوز چینل پر تمہاری منگنی کی خبریں چل رہی ہیں۔

    ٹک ٹاک اسٹار نے کہا کہ میں نے جب نیوز چینل پر اپنی منگنی کی خبریں دیکھیں تو میں حیران رہ گئی، ساتھ ہی اُنہوں نے تصدیق کرتے ہوئے بتایا کہ ’الحمداللّہ! عُمر بٹ اور میری بات پکّی ہوگئی ہے لیکن ابھی منگنی کی کوئی باقاعدہ رسم نہیں ہوئی ہے۔

    جنت مرزا نے کہا کہ جب اللّہ تعالیٰ نے چاہا تو میری اور عُمر بٹ کی منگنی بھی ہوجائے گی اور میں یہ خوشخبری سب کے ساتھ شیئر بھی کروں گی۔

    گذشتہ ماہ کی بائیس تاریخ کو انسٹا گرام پر جنت مرزا نے اپنے قریبی دوست اور ٹک ٹاک اسٹار عمر بٹ کے ساتھ تصویر شیئر کی اور لکھا کہ ’ہماری منگنی نہیں ہوئی، ان کا کہنا تھا کہ ’جب میری منگنی ہوگی تو مداحوں کو ضرور بتاؤں گی، فی الحال ایسا کچھ بھی نہیں ہے۔

     

    یاد رہے کہ جنت مرزا ویڈیو شیئرنگ ایپلیکیشن ٹک ٹاک پرسب سے زیادہ ایک کروڑ 50 لاکھ فالوورز رکھنے والی پہلی پاکستانی ٹک ٹاک اسٹار ہیں، انسٹاگرام پر بھی جنت مرزا کے اکاؤنٹ کو صارفین کی بڑی تعداد نے فالو کیا ہوا ہے۔

    انسٹاگرام پر جنت مرزا کے دو اعشاریہ ایک ملین یعنی 21 لاکھ فالوورز ہیں جبکہ انسٹاگرام پر انہوں نے ایک ہزار سے زائد پوسٹس کی ہوئی ہیں جن میں اُن کی دلکش تصویریں اور ٹک ٹاک ویڈیوز شامل ہیں۔

  • جبران ناصر اور منشا پاشا کی منگنی، تصاویر اور ویڈیوز وائرل

    جبران ناصر اور منشا پاشا کی منگنی، تصاویر اور ویڈیوز وائرل

    کراچی: پاکستانی اداکارہ منشا پاشا اور سماجی رہنما جبران ناصر نے باضابطہ طور پر منگنی کرلی۔

    سماجی رابطے کی ویب سائٹ پر دو روز سے دونوں کی منگنی کا کارڈ زیر گردش تھا مگر منشا اور جبران یا اُن کے اہل خانہ کی جانب سے کوئی تصدیق یا تردید نہیں کی گئی تھی۔

    سوشل میڈیا پر وائرل ہونے والے کارڈ میں منگنی کی تاریخ 22 دسمبر درج تھی اور لکھا تھا کہ ’جبران اور منشا آپ کو 22 دسمبر کو دوپہر کے کھانے پر مدعو کرنا چاہتے ہیں‘۔

    سماجی رابطے کی ویب سائٹس پر دونوں کی منگنی کی تصاویر اور ویڈیوز وائرل ہوئیں البتہ دونوں کی جانب سے ابھی تک باقاعدہ تصویر یا اسٹیٹس شیئر نہیں کیا گیا۔

    جبران ناصر اور منشا پاشا نے ایک دوسرے کو منگنی کی انگوٹھی پہنائی جبکہ دونوں نے مل کر ڈانس بھی کیا۔

    یاد رہے کہ ایک برس قبل ہونے والے عام انتخابات میں جبران ناصر نے کراچی کے صوبائی اسمبلی کے حلقے پی ایس 111 اور قومی اسمبلی کی نشست این اے 247 پر آزاد امیدوار کی حیثیت سے الیکشن لڑا تھا۔

    انتخابی مہم کے دوران اُن کی دوست منشا پاشا نے متعلقہ حلقوں کے عوام سے اپیل کی تھی کہ وہ جبران ناصر کو ووٹ کاسٹ کریں جبکہ اداکارہ نے خود بھی لاؤڈ اسپیکر کے نشان پر ٹھپہ لگا کر اپنا حق رائے دہی استعمال کیا تھا۔

  • نیوزی لینڈ کی وزیراعظم نے معروف اینکر سے منگنی کرلی

    نیوزی لینڈ کی وزیراعظم نے معروف اینکر سے منگنی کرلی

    آکلینڈ : نیوزی لینڈ کی وزیر اعظم جیسنڈا آرڈرن نے عیسائیوں کے مذہبی تہوار ایسٹر کے موقع پر اپنے دیرینہ دوست کلارک گیفورڈ سے منگی کرلی۔

    تفصیلات کے مطابق نیوزی لینڈ کے تیسرے بڑے شہر کرائسٹ چرچ میں 15 مارچ کو ہونے والے سفید فام دہشت گرد کے حملے میں پچاس مسلمانوں کی شہادت کے بعد متاثرین سے اظہار یکجہتی و مسلمانوں سے اظہار ہمدردی کرنے پر شہرت پانے والے کیوی وزیراعظم جیسنڈا نے منگنی کرلی۔

    غیر ملکی خبر رساں ادارے کا کہنا تھا کہ 38 سالہ جیسنڈا آرڈرن نے اپنے دیرینہ دوست 41 سالہ کلارک گیفورڈ سے ایک ہفتہ قبل ساحل سمندر پر منگنی کی ہے۔

    غیر ملکی خبر رساں ادارے کا کہنا تھا کہ وزیر اعظم جیسنڈا آرڈرن کو ان کے منگیتر کلارک نے تقریب کے موقع پر ہیرے کی انگھوٹی پہنائی تھی۔

    واضح رہے کہ مذکورہ جوڑے کی ملاقات سنہ 2012 میں ایک ایوارڈ تقریب کے دوران ہوئی تھی، اگرچہ اینکرپرسن کلارک گیفورڈ اور کیوی وزیر اعظم کی منگنی اب ہوئی لیکن دونوں کے گھر 21 جون 2018 میں پہلی بچی کی پیدائش بھی ہوگئی تھی۔

    رپورٹ کے مطابق دونوں نے ایسے موقع پر منگنی کی ہے جب نیوزی لینڈ کے عام انتخابات میں ایک سال باقی رہ گیا ہے، خیال رہے کہ جیسنڈا آرڈرن نے سنہ 2017 میں نیوزی لینڈ کا اقتدار سنبھالا تھا.

    غیر ملکی میڈیا کا کہنا تھا کہ جیسنڈا آرڈرن نے کچھ سال قبل میڈیا کے سامنے خود کو جوڑا ثابت کرکے پذیرائی پائی تھی جبکہ 2018 میں ان کے ہاں بچی کی پیدائش میں جیسنڈا کی مقبولیت میں مزید اضافہ کیا جبکہ کرائسٹ چرچ سانحے کے بعد مسلمانوں سے اظہار یکجہتی کرکے عالمی سطح پر خوب شہرت حاصل کی تھی۔

    غیر ملکی خبر رساں ادارے کا کہنا تھا کہ کیوی وزیر اعظم نے گزشتہ برس دوران وزارت عظمیٰ بیٹی کو جنم دیا تھا جبکہ اس سے قبل یہ اعزاز 1990 میں پاکستان کی پہلی خاتون وزیر اعظم شہید محترمہ بے نظیر بھٹو صاحبہ کو حاصل ہوا تھا جب انہوں نے اپنی بڑی بیٹی بختاور زرداری کو جنم دیا تھا۔

    غیر ملکی میڈیا کا کہنا تھا کہ 38 سالہ وزیر اعظم کو نیوزی لینڈ کی ڈیڑھ سو سالہ تاریخ میں تیسری خاتون وزیر اعظم اور اب تک کی نوجوان وزیر اعظم ہونے کا اعزاز حاصل ہے۔

  • اداکارہ بپاشا باسو اور کرن سنگھ گروور نےمنگنی کا فیصلہ کرلیا

    اداکارہ بپاشا باسو اور کرن سنگھ گروور نےمنگنی کا فیصلہ کرلیا

    ممبئی:جہاں 2016ء کا آغاز ہوتے ہی بیشتربالی ووڈ جوڑیوں کی علیحدگیوں کی خبریں ہر طرف گردش کر رہی ہیں وہیں کچھ جوڑے ایک ہونے کیلئے بھی سر کرداں ہیں ۔

    بالی ووڈ کی ہاٹ جوڑی بپاشا باسو اور کرن سنگھ گروور کی طرف سے آخر کار منگنی کا فیصلہ کر لیا گیا ہے،رپورٹ کے مطابق اداکارہ بپاشا اور انکے حالیہ بوائے فرینڈ اداکار کرن سنگھ گروور رواں سال مارچ کے مہینے میں منگنی کرنے کا ارادہ رکھتے ہیں ۔

    واضح رہے دونوں ستارے اپنی فلم الون کی شوٹنگ کے دوران ایک دوسرے کی محبت میں گرفتار ہوئے تھے ، پس تب سے انکی محبت کے چرچے زبان زد عام ہیں۔

    علا وہ ازیں بپاشا اور کرن کی جانب سے متعدد بار سماجی روابط کی سائٹس پر اپنے تعلقات کے حوالے سے اشاروں کنایوں پر مبنی پوسٹ کی جاتی رہی ہیں ۔