ممبئی: بھارتی ریاست گجرات میں احمد آباد ایئرپورٹ پر ٹیک آف کے دوران ایک طیارے کے انجن میں آگ بھڑک اٹھی، تمام مسافر اور عملہ محفوظ رہے۔
مذکورہ واقعہ احمد آباد ایئرپورٹ پر گو ایئر کے اے 320 ایئر کرافٹ میں پیش آیا، فلائٹ نمبر جی ایٹ 802 احمد آباد سے بنگلور جارہی تھی جب ٹیک آف کی تیاری کرتے ہوئے طیارے کے ایک انجن میں آگ بھڑک اٹھی۔
طیارہ کمپنی کے ترجمان کے مطابق ٹیک آف کے وقت طیارے کو بیرونی طور پر کسی شے سے نقصان پہنچا جو حادثے کی وجہ بنا۔
ان کے مطابق آگ معمولی نوعیت کی تھی جس پر فوری قابو پا لیا گیا، طیارے میں موجود تمام مسافر اور عملہ محفوظ رہا اور ان کے ہنگامی اخراج کی ضرورت پیش نہیں آئی۔
ترجمان کا کہنا ہے کہ طیارے کو ٹو کر کے رن وے سے اتارا جارہا ہے جس کے بعد تمام مسافروں کو جہاز سے اتار لیا جائے گا۔ متبادل طیارے کا انتظام بھی کرلیا گیا ہے جو کچھ ہی دیر میں مسافروں کو لے کر منزل کی جانب روانہ ہوجائے گا۔
واشنگٹن : امریکی شہر شکاگو میں پائلٹ نے انجن میں خرابی کے باعث چھوٹے طیارے کو شہر کے مصروف ترین ہائی وے پر اتار دیا۔
تفصیلات کے مطابق جمعے کے روز دورانِ پرواز چھوٹے طیارے کے انجن میں خرابی پیدا ہوگئی، جس کے باعث پائلٹ نے طیارے کو شکاگو کے مصروف ترین لیک شور ڈرائیو ہائی وے پر اتارنے کا فیصلہ کیا۔
امریکی خبر رساں اداروں کا کہنا تھا کہ طیارے کی لینڈنگ کے دوران قریب میں گاڑیاں موجود ہیں جبکہ طیارے کا پائلٹ اور خاتون مسافر بلکل محفوظ رہے اور کوئی جانی نقصان بھی نہیں ہوا۔
غیر ملکی خبر رساں ادارے کا کہنا ہے کہ طیارے کی ہائی وے پر لینڈنگ کے باعث ٹریفک کی روانی معطل ہوگئی اور گاڑیوں کی لمبی قطاریں لگ گئیں، تاہم موقع کے امدادی خدمات انجام دینے والے رضا کاروں نے طیارے کو دھکیل کر سائڈ پر کرکے ٹریفک کی روانی بحال کی۔
عینی شاہد کا کہنا ہے کہ مجھے یقین نہیں ہورہا ہے کہ پائلٹ نے یہ کر کیسے لیا، یہ منظر براہ راست دیکھنے کے بعد بھی یقین نہیں آرہا ہے کہ طیارہ ہائی وے پر اتار لیا گیا ہے۔
امریکی میڈیا کے مطابق طیارے نے مصروف ترین ہائی وے پر شام 3:15 منٹ پر ایمرجنسی لینڈنگ کی، پولیس کا کہنا ہے کہ پائلٹ نے بتایا ہے کہ طیارے کے انجن میں خرابی ہوگئی تھی اور ایئرپورٹ بھی دور تھا اس لئے سڑک پر طیارے کو اتارنا مجبوری تھی۔
ایف ایف اے انویسٹی گیشن کی جانب سے پائلٹ اور خاتون مسافر کا نام ظاہر نہیں کیا گیا ہے تاہم قرب و جوار میں رہائش پذیر لوگوں کا کہنا ہے کہ خوش قسمتی سے کوئی جانی نقصان نہیں ہوا۔
عینی شاہد کے مطابق پائلٹ نے کمال مہارت سے طیارے کو لینڈ کیا اور ٹریفک رواں دواں ہونے کے باوجود کسی گاڑی اور کسی شخص کو کوئی نقصان نہیں پہنچا۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
ماسکو : سعودی عرب کی فٹبال ٹیم کو لے جانے والے طیارے میں دوران پرواز آگ لگی گئی، طیارے نے باحفاظت روسی ایئر پورٹ پر ہنگامی لینڈنگ کی۔
تفصیلات کے مطابق روس میں منعقد ہونے والے عالمی فٹبال کپ 2018 میں شرکت کرنے والی سعودی عرب کی فٹبال ٹیم کو واپس لے جانے والے طیارے میں اچانک آگ لگ گئی۔ تاہم تمام سعودی کھلاڑی محفوظ ہیں۔
غیر ملکی خبر رساں عالمی فٹبال ورلڈ کپ میں شرکت کرنے والے سعودی کھلاڑیوں کو لے جانے والے طیارے میں آگ لگنے کے بعد جہاز نے روس کے روستوفان ڈان ایئرپورٹ پر ہنگامی لینڈنگ کی۔
غیر ملکی خبر رساں ادارے کے مطابق طیارے میں دوران پرواز انجن میں تکنیکی خرابی کے باعث لگی تھی۔
سعودی عرب کی فٹبال فیڈریشن کا کہنا تھا کہ طیارے میں آتشزدگی کے واقعے میں تمام کھلاڑی اور آفیشلز بلکل محفوظ ہیں، طیارے نے باحفاظت ہنگامی لینڈنگ کی ہے۔
یاد رہے کہ فیفا ورلڈ کپ 2018 کے اولین میچ میں روسی ٹیم نے سعودی عرب کی ناتجربہ کار ٹیم کو پانچ صفر سے ہارایا تھا.
میچ کی ابتدا ہی سے روسی ٹیم غالب تھی اور پے در پے حملے کر کے سعودی عرب کی دفاعی لائن کو تہس نہس کر دیا تھا۔ 12 ویں منٹ میں غازینسکی نے روس کی جانب سے پہلا گول داغا تھا۔
خیال رہے کہ روس کی جانب سے دوسرا گول چیری شیف نے کیا، دوسرے ہاف میں زیوبا، چیری شیف اور گولوون نے شان دار گول اسکور کرکے روس کی جیت پر تصدیق کی مہر ثبت کر دی تھی۔ جبکہ آخری دو گول میچ کے اختتامی لمحات میں ہوئے تھے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
واشنگٹن : امریکی فضائی کمپنی کے مسافر بردار طیارے کی امریکی شہر فلاڈیلیفیا میں انجن پھٹنے کے باعث ہنگامی لینڈنگ، ایک خاتون ہلاک جبکہ سات مسافر زخمی ہوگئے۔
تفصیلات کے مطابق امریکی ہوائی کمپنی ساؤتھ ویست ایئرلائن کے مسافر بردار طیارے 1380 کو نیویارک سے ڈلّاس جاتے ہوئے دوران پرواز انجن پھٹ جانے کے باعث امریکی شہر فلاڈیلفیا میں ہنگامی لینڈنگ کرنی پڑی۔
متاثرہ طیارہ 143 مسافروں سمیت عملے کے پانچ افراد کو نیوریارک سے ڈلاس لے جارہا تھا کہ اچانک انجن پھٹنے کی وجہ سے جہاز کے ایک پَر اور کھڑکی کو بھی شدید نقصان پہنچا۔
امریکی حکام نے جہاز حادثے میں سوار ایک خاتون مسافر کی ہلاکت اور سات افراد کے زخمی ہونے کی تصدیق کردی ہے۔ جبکہ امریکا کے فیڈرل ایوی ایشن نے حادثے کی تحقیقات کا آغاز کردیا ہے۔
حادثے کے عینی شاہدین کا کہنا ہے کہ ’دوران پرواز جہاز کے بائیں جانب لگا ہوا انجن اچانک پھٹ کر کھڑکی سے ٹکرایا، جس کے باعث کھڑکی کی طرف بیھٹی ہوئی خاتون باہر گر گئی، جسے دوسرے مسافروں نے واپس اندر کیا۔
حادثے کا شکار ہونے والی متاثرہ خاتون جینیفر ریورڈن
نیشنل ٹرانسپورٹ سیفٹی بورڈ کا کہنا تھا کہ ’حادثے میں ہلاک ہونے والی خاتون کی جینیفر ریورڈن کے نام سے شناخت ہوئی ہے، مذکورہ خاتون ویل فارگو نامی بینک کی نائب صدر اور دو بچوں کی ماں تھیں‘۔
این ٹی ایس بی کے سربراہ رابرٹ سموالٹ نے حادثے سے متعلق تفصیلات سے آگاہ کرتے ہوئے بتایا کہ طیارے میں نصب سی ایف ایم 56 بہترین انجن ہے، جو وسیع پیمانے پر مسافر بردار طیاروں میں استعمال کیا جاتا ہے۔
فلاڈیلیفا میں امدادی سرگرمیاں انجام دینے والے ایڈم تھیل کا کہنا تھا کہ حادثے میں زخمی ہونے والے سات مسافروں کو موقع پر ہی طبی امداد فراہم کردی گئی تھی۔
انہوں نے مزید کہا کہ حادثے کے وقت متاثرہ طیارے میں سوار عملے اور مسافروں نے بہترین انداز میں مشکل ترین حالات میں خود کو سنبھالہ ہے۔ جہاز کے فلاڈیلیفیا ایئرپورٹ پر لینڈنگ کے بعد آگ بجھانے والے عملے نے انجن سے رسنے والے تین اور آگ پر فوری قابو پالیا تھا۔
طیارے میں سوار مسافر مارٹی مارٹینز نے دوران پرواز حادثہ کو سماجی رابطے کی ویب سایٹ فیس بک پر لائیو کیا۔ اور لکھا کہ’ ہمارے طیارے کے ضرور کچھ غلط ہورا ہے، ایسا لگ ہم تیزی سے نیچے کی جانب بڑھ رہے ہیں۔
انہوں نے امریکی خبر رساں ادارے سے گفتگو کرتے ہوئے بتایا کہ ’انجن پھٹنے کے بعد ایسا لگ رہا کہ طیارہ پائلیٹ کے کنٹرول سے باہر ہورہا ہے‘۔
ان کا کہنا تھا کہ امدادی کارکن جہاز میں سوار ایک مسافر کو زخمی حالت میں باہر کی طرف لے جارہے تھے اور ہر طرف خون ہی خون تھا‘۔
انہوں نے مزید بتایا کہ ’پہلے اچانک دھماکے کی آواز آتے ہی آکسیجن ماسک نیچے گرگئے اور دھماکے کے تقریباً دس سکینڈ بعد انجن کھڑکی سے ٹکرایا جس سے کھڑکی ٹوٹ گئی۔
خیال رہے کہ اس سے قبل امریکا میں سنہ 2009 میں مسافر بردار طیارہ دوران پرواز حادثے کا شکار ہوا تھا جس میں ایک شخص کی ہلاکت ہوئی تھی۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
