انگلینڈ اور سری لنکا کے درمیان ہونے والے دوسرے ٹیسٹ میچ میں انگلینڈ نے سری لنکا کو 190 رنز سے ہر ا کر تین میچز کی سیریز میں دو صفر کی برتری حاصل کرلی ہے۔
انگلینڈ کے جو روٹ نے دونوں اننگز میں سنچریاں اسکور کیں، گس ایٹکنسن نے پہلی اننگز میں سنچری بنانے کے بعد دوسری اننگز میں پانچ کھلاڑیوں کو آؤٹ کیا۔
لارڈز میں کھیل کے چوتھے دن سری لنکا نے 483 رنز کے ہدف کے تعاقب میں اپنی نامکمل دوسری اننگز 53 رنز 2 کھلاڑی آؤٹ سے دوبارہ شروع کی اور پوری ٹیم 292 پر ڈھیر ہوگئی۔
سری لنکا کے دنیش چندی مل،دمتھ کرونا رتنے 55، 58 اور دھننجایا ڈی سلوا 50 رنز بناکر نمایاں رہے، نویں نمبر پر بیٹنگ کرنیوالے ملن رتنائیکے نے 43 رنز اسکور کئے۔
قومی ہاکی ٹیم کی ادھار ٹکٹ پر چین روانگی، اسپورٹس بورڈ کی سختی سے تردید
انگلینڈ کی جانب سے گس ایٹکنسن نے 62 رنز دے کر 5 کھلاڑیوں کو پویلین کی راہ دکھائی، کرس ووکس اور اولی اسٹون نے دو، دوکھلاڑیوں کو آؤٹ کیا۔
