لاہور: فلائٹ کی عدم فراہمی کے باعث پاکستان کرکٹ ٹیم کے دورہ انگلینڈ کے شیڈول میں ردوبدل کا امکان پیدا ہوگیا ہے۔
ذرائع کے مطابق لاہور سے چارٹرڈ فلائٹ کی وجہ سے انگلینڈ روانگی کے شیڈول میں ردو بدل کیا جاسکتا ہے، جس کے بعد یہ امکان پیدا ہوگیا ہے کہ پاکستان میں موجود کوچز اور کھلاڑی تئیس جون کو اب انگلینڈ روانہ نہیں ہوسکیں گے۔
ذرائع کا کہنا ہے کہ چارٹرڈ فلائٹ پچیس جون کی صبح لاہور سے کوچز اور کھلاڑیوں کو لے کر ابوظہبی جائے گی،جہاں سے پی ایس ایل کھیلنے والے کھلاڑی ابوظہبی سے چارٹرڈ فلائٹ پر سوار ہوں گے۔
ذرائع کا یہ بھی کہنا ہے کہ چارٹرڈ فلائٹ سے قومی ٹیم کا اسکواڈ 25 جون کو ابوظہبی سے مانچسٹر پہنچے گا، جبکہ ٹیسٹ اسکواڈ کے کھلاڑی جولائی کے آخر میں کمرشل فلائٹ سے ویسٹ انڈیز جائیں گے۔
واضح رہے کہ پی ایس ایل سکس کے مصروف شیڈول انگلینڈ کرکٹ بورڈ نے قومی ٹیم کے دورے میں ردوبدل کی درخواست قبول کی تھی، جس کے بعد قومی ٹیم 23 کی بجائے 25 جون کو انگلینڈ کے لیے روانہ ہونا تھا۔
