ARYNews.tv | Urdu – Har Lamha Bakhabar

Tag: england vs australia

  • مانچسٹر : انگلینڈ بمقابلہ آسٹریلیا : آخری ون ون ڈے آج کھیلا جائیگا

    مانچسٹر : انگلینڈ بمقابلہ آسٹریلیا : آخری ون ون ڈے آج کھیلا جائیگا

    مانچسٹر : انگلینڈ اور آسٹریلیا کی کرکٹ ٹیموں کے درمیان تین ایک روزہ بین الاقوامی میچوں پر مشتمل سیریز کا تیسرا اور آخری میچ (آج) بدھ کو اولڈ ٹریفورڈ، مانچسٹر کے مقام پر کھیلا جائے گا

    تفصیلات کے مطابق آسٹریلیا کے خلاف انگلینڈ میں کھیلی جانے والی ون ڈے سیریز کا آخری اور فائنل مقابلہ اولڈ ٹریفورڈ کے میدان میں سجے گا،دونوں ٹیموں کے درمیان یہ میچ ڈے اینڈ نائٹ ہوگا۔

    انگلینڈ کے ون ڈے سکواڈ کی قیادت آئن مورگن کریں گے جبکہ آسٹریلوی ٹیم آرون فنچ کی قیادت میں میدان میں اترے گی۔ دونوں ٹیموں کے درمیان تین ون ڈے میچوں کی سیریز 1-1 سے برابر ہے۔

    کینگروز نے سیریز کے پہلے میچ میں میزبان ٹیم کو 19 رنز سے شکست دی جس کا حساب میزبان ٹیم نے دوسرے ون ڈے میچ چکتا کر دیا تھا اور مہمان ٹیم کو 24 رنز سے شکست دیکر تین میچوں کی سیریز 1-1 سے برابر کر دی تھی۔

    اس سے قبل انگلینڈ کی ٹیم نے آسٹریلیا کو تین ٹی 20 میچوں کی سیریز میں 2-1 سے شکست دی تھی۔ واضح رہے کہ ون ڈے سیریز کے تینوں میچ اولڈ ٹریفورڈ، مانچسڑ میں کھیلے جا رہے ہیں۔

  • ایشز سیریز : انگلینڈ نے آسٹریلیا کو ایک وکٹ سے شکست دے دی، اسٹروکس کی شاندار بیٹنگ

    ایشز سیریز : انگلینڈ نے آسٹریلیا کو ایک وکٹ سے شکست دے دی، اسٹروکس کی شاندار بیٹنگ

    لیڈز : انگلینڈ نے لیڈز ٹیسٹ میں سنسنی خیزمقابلے کے بعد آسٹریلیا کو ایک وکٹ سے ہرا دیا، بین اسٹوکس نے ایک سو پینتیس رنز کی ناقابل شکست اننگز کھیلی۔

    تفصیلات کے مطابق ایشز سیریز کے تیسرے ٹیسٹ میچ میں انگلینڈ نے آسٹریلیا کو ایک وکٹ سے شکست دے کر سیریز برابر کردی۔

    دونوں ٹیموں کے مابین سیریز کے تیسرے اور آخری ٹیسٹ میچ کو کرکٹ کی تاریخ کا سب سے بہترین ٹیسٹ میچ قرار دیا جارہا ہے کیونکہ اس میں انگلینڈ نے ناممکن کو ممکن کرکے دکھایا ہے۔

    لیڈز میں کھیلے گئے تیسرے ٹیسٹ میچ میں آسٹریلیا نے انگلینڈ کو جیت کیلئے 359 رنز کا ہدف دیا تھا جو انگلینڈ نے 9 وکٹوں کے نقصان پر حاصل کیا ہے۔

    میچ کی چوتھی اننگ کے دوران جب ایک کے بعد ایک کھلاڑی آﺅٹ ہونا شروع ہوا تو سب کو یہی امید تھی کہ اس بار کی ایشز سیریز آسٹریلیا کے نام رہے گی لیکن مڈل آرڈر بلے باز بین سٹوکس نے بھرپور جان لڑائی اور اسے تاریخ کا سب سے دلچسپ ٹیسٹ میچ بنادیا۔

    بین سٹوکس نے 135 رنز کی شاندار اننگ کھیلی اور لوئر آرڈر بلے بازوں کے ساتھ مل کر 359 رنز کا ہدف حاصل کیا۔ میچ کے دوران ایک طرف تو بین سٹوکس جم کر کھڑے رہے لیکن دوسری طرف 5 کھلاڑی 53 رنز بنا کر آﺅٹ ہوگئے۔

    سٹوکس نے پھر بھی ہمت نہ ہاری اور آخری دم تک لڑتے ہوئے ٹیم کو فتح سے ہمکنا ر کرادیا۔ خیال رہے کہ یہ وہی بین سٹوکس ہیں جنہوں نے گزشتہ ماہ کرکٹ کی موجد ٹیم کو پہلی بار عالمی چیمپیئن بنوایا تھا۔

  • ایشز کرکٹ سیریز آج جمعرات سے برمنگھم میں شروع ہو رہی ہے

    ایشز کرکٹ سیریز آج جمعرات سے برمنگھم میں شروع ہو رہی ہے

    برمنگھم : دو ہزار انیس کی ایشز کرکٹ سیریز آج جمعرات سے برمنگھم میں شروع ہو رہی ہے، آئی سی سی ٹیسٹ چیمپیئن شپ میں آسٹریلیا اور انگلینڈ کی ٹیمیں برمنگھم میں پہلا ٹیسٹ کھیلیں گی۔

    دونوں ٹیموں کے درمیان تاریخی سیریز جنگ کی اہمیت رکھتی ہے۔ عالمی کپ کے بعد انگلینڈ میں آج ایشز کا میدان سجے گا، ایک طرف عالمی چیمپیئن انگلینڈ تو دوسری جانب ایشیز ہولڈر آسٹریلیا مد مقابل ہوگا۔ ایشز سیریز میں اب تک آسٹریلیا کو برتری حاصل ہے۔ کینگروز نے تینتیس بار ٹرافی اپنے نام کی جبکہ انگلینڈ کی ٹیم نے بتیس بار تاریخ بنائی۔

    انگلینڈ کے پاس جوفرا آرچر، بین اسٹوکس سپرائز پیکج ہوں گے، وارنر، اسمتھ اور بینکرو فٹ پابندی کے بعد پہلا ٹیسٹ کھیلیں گے۔ یاد رہے کہ ایشز کو ٹیسٹ کرکٹ کے حکمران کا سا درجہ حاصل ہے۔ کوئی ہارنا نہیں چاہتا۔ برمنگھم میں جو جیتے گا وہ سبقت لے جائے گا۔

    ایشز سیریز کیا ہوتی ہے؟؟

    ایشیز، کرکٹ میں سیریز کا نام ہے یہ وہ روایتی سیریز ہے جو آسٹریلیا اور انگلینڈ کے درمیان کھیلی جاتی ہے۔1882 میں انگلینڈ کی ٹیم جب اوول ٹیسٹ آسٹریلیا سے سات رنز سے ہاری تو انگلش اخبار اسپورٹنگ ٹائمز نے لکھا کہ انگلش کرکٹ کی موت واقع ہو گئی، تدفین انگلینڈ میں ہوگی اور اس کی راکھ آسٹریلیا جائیگی۔

    اگلے سال انگلینڈ نے آسٹریلیا کو ان کے گھر جا کر شکست دی تو انگلش کپتان کو ایک نمائشی میچ کے بعد کچھ خواتین نے بیلز کی راکھ دی، اسی راکھ کو چھوٹے سے آتش دان میں رکھ کرسو کیوبک انچ کی ٹرافی بنائی گئی۔ اسی ٹرافی کے لئے ایشیز کھیلی جاتی ہے۔

  • ون ڈے میچ : انگلینڈ نے آسٹریلیا کیخلاف481 رنز کا عالمی ریکارڈ بنا ڈالا

    ون ڈے میچ : انگلینڈ نے آسٹریلیا کیخلاف481 رنز کا عالمی ریکارڈ بنا ڈالا

    ناٹنگھم : انگلینڈ نے آسٹریلیا کے خلاف ون ڈے کرکٹ کی تاریخ کا سب سے زیادہ481رنز کا عالمی ریکارڈ بنا ڈالا، کینگروز بالرز کا بھرکس نکال دیا، اس سے قبل بھی سب سے زیادہ رنز کے ریکارڈ کا اعزاز انگلینڈ ہی کے پاس تھا۔

    تفصیلات کے مطابق ناٹنگھم میں انگلینڈ اور آسٹریلیا کے مابین کھیلے جانے والے  سیریز کے تیسرے  ون ڈے میچ میں انگلینڈ نے اپنے اعزاز کا دفاع کرتے ہوئے آسٹریلیا کیخلاف چھ وکٹوں کے نقصان پر481 رنز کا پہاڑ کھڑا کردیا۔

    آسٹریلیا نے ٹاس جیت کر انگلینڈ کو بیٹنگ کی دعوت دی اور یہ فیصلہ انتہائی غلط ثابت ہوا، جیسن رائے اور بیرسٹو نے انگلینڈ کو شاندار آغاز فراہم کیا۔

    جونی بیئر اسٹو، ایلکس ہیلز اور اوئن مورگن نے آسٹریلوی بالز کو کہیں کا نہ چھوڑا، بیئر اسٹو نے139اور ایلکس ہیلز نے147رنز کی طوفانی اننگز کھیلی۔

    اوئن مورگن21 گیندوں پر تیز ترین نصف سنچری بنانے والے انگلش کھلاڑی بن گئے، انہوں نے نے30گیندوں پر67رنزبنائے، آسٹریلین بولرز نے رحم کی جتنی اپیلیں کیں بلےبازوں نے سب مسترد کردیں۔

    اینڈریو ٹائی کو نو اوورز میں  پورے سو رنز کی مار پڑی  جبکہ جھائی رچرڈسن نے اپنے مقررہ 10 اوورز میں 92 رنز دیئے، انگلینڈ کے کھلاڑیوں نے اپنی شانداراننگز میں21 چھکے 38 چوکے لگا کر سب سے زیادہ481رنز کا ورلڈ ریکارڈ بنادیا۔

    یاد رہے کہ اس سے پہلے بھی سب سے زیادہ 444رنز کے ریکارڈ کا اعزاز انگلینڈ کے پاس تھا جو اس نے سال2016میں پاکستان کیخلاف اسکور کیا۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • چوتھا ون ڈے: آسٹریلیا نے انگلینڈ کو 3 وکٹوں سے ہرا دیا

    چوتھا ون ڈے: آسٹریلیا نے انگلینڈ کو 3 وکٹوں سے ہرا دیا

    ایڈیلیڈ : آسٹریلیا نے انگلینڈ کو چوتھے ون ڈے میں تین وکٹوں سے شکست دے دی۔ انگلینڈ کو سیریز میں تین ایک کی فیصلہ کن برتری حاصل ہے۔

    تفصیلات کے مطابق ملسل تین میچ ہارنے کے بعد آسٹریلوی ٹیم ایڈیلیڈ میں سنبھل گئی، چوتھے ون ڈے کا ٹاس آسٹریلیا نے جیت کر پہلے فیلڈنگ کرنے کا فیصلہ کیا۔

    انگلینڈ نے آغازکیا تو اس کی آدھی ٹیم صرف آٹھ رنز پر پویلین لوٹ گئی، مورگن اور معین علی نے کچھ مزاحمت کی لیکن وہ بھی صرف تینتیس ، تینتیس رنز بناکر آوٹ ہوگئے۔

    کرس واکس نے78رنز بناکر انگلینڈ کی پوزیشن قدرے مستحکم کی، پیٹ کمنز نے چار اور ہیزل ووڈ نے تین وکٹیں حاصل کیں۔

    انگلینڈ کے چار بیٹسمین کھاتہ کھولے بغیر ہی پویلین لوٹ گئے، جواب میں آسٹریلیا نے مطلوبہ ہدف ٹرویس ہیڈ کی عمدہ بیٹنگ کی بدولت سات وکٹوں کے نقصان پر سنتیس اوورز میں حاصل کرلیا، ہیڈ نے ستانوے رنز اسکور کیے، عدیل راشد نے تین وکٹیں حاصل کیں۔

    مزید پڑھیں: دوسرا ون ڈے، انگلینڈ نے آسٹریلیا کو چار وکٹوں سے ہرا دیا

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • میلبورن ٹیسٹ: چوتھے روز بارش، آسٹریلیا کے دو وکٹوں پر103رنز

    میلبورن ٹیسٹ: چوتھے روز بارش، آسٹریلیا کے دو وکٹوں پر103رنز

    میلبورن : ایشز سیریز کے میلبورن ٹیسٹ کے چوتھے روز بارش نے میچ کا مزہ خراب کردیا۔ اختتام تک آسٹریلیا نے دو وکٹوں کے نقصان پر103 رنز بنالئے، انگلینڈ کو آسٹریلیا پر اب بھی برتری حاصل ہے۔

    تفصیلات کے مطابق میلورن ٹیسٹ میں بارش نے آسٹریلیا کو بچالیا۔ چوتھے روز انگلینڈ کی ٹیم پہلی اننگز میں اضافہ کئے بغیر چار سو اکیانوے رنز بناکر آؤٹ ہوگئی۔

    اوپنر ایلسٹر کک نے دو سو چوالیس رنز کی ناقابل شکست اننگز کھیلی، انگلش اوپنر ایلسٹر کک نے ناقابل شکست دو سو چوالیس رنز میں ستائیس چوکے لگائے، کپتان جوروٹ نے اکسٹھ رنز کی اننگز کھیلی، انگلینڈ نے آسٹریلیا پر ایک سو چونسٹھ رنز کی برتری حاصل کی۔

    ہدف کے جواب میں آسٹریلیا کا دوسری اننگز میں آغاز اچھا نہ رہا، اکیاون رنز پر میزبان ٹیم کو پہلا جھٹکا مل گیا، عثمان خواجہ بھی ٹیم کو مشکل میں ڈال گئے۔

    مزید پڑھیں: میلبورن ٹیسٹ کا دوسرا روز، ایلسٹر کک کی شاندار سنچری

    آسٹریلیا نے دو وکٹوں پر ایک سو تین رنزبنائے تھے کے اس دوران بارش نے انگلش ٹیم کے ارمانوں پر پانی پھیردیا، یاد رہے کہ آسٹریلیا ایشز سیریز پہلے ہی اپنے نام کرچکا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • میلبورن ٹیسٹ: دوسرا روز، ایلسٹر کک کی شاندار سنچری

    میلبورن ٹیسٹ: دوسرا روز، ایلسٹر کک کی شاندار سنچری

    میلبورن : ایشیز سیریز کے چوتھے ٹیسٹ میں انگلینڈ کی گرفت مضبوط ہوگئی، میلبورن ٹیسٹ کا دوسرا دن ایلسٹر کک کی سنچری کی بدولت انگلینڈ کے نام رہا، آسٹریلوی ٹیم 327 پر آؤٹ ہوگئی، دوسرے روز کے اختتام پر انگلینڈ کی ٹیم نے دو وکٹ پر192رنز اسکورکرلئے۔

    تفصیلات کے مطابق میلبورن ٹیسٹ کے دوسرے روز ایلسٹر کک کی سنچری کی بدولت ایشیز سیریز کے چوتھے ٹیسٹ پر انگلینڈ کی گرفت مضبوط ہوگئی۔

    اس سے قبل اپنی پہلی اننگز میں آسٹریلیا ٹیم تین سو ستائیس رنز پر آؤٹ ہوگئی تھی، میلبورن میں جاری ٹیسٹ کے دوسرے روز انگلش بولرز نے شاندار کم بیک کیا۔

    اسمتھ اور مارش کی وکٹ گرنے کے بعد آسٹریلیا کے ٹیل اینڈرز ہمت ہارگئے۔ آسٹریلیا کے آخری سات بیٹسمین اسکور میں صرف تراسی رنز کا اضافہ کرسکے۔

    جیمز اینڈرسن، اسٹورٹ براڈ اور ووکس نے آسٹریلوی کھلاڑیوں کو نشانہ بنایا۔ اینڈرسن نے چار اور براڈ نے تین وکٹیں حاصل کیں۔

    جواب میں انگلینڈ کی ٹیم آغاز میں لڑکھڑائی، اسی رنز پر دو وکٹیں گرگئیں جس کے بعد کک اور روٹ نے ذمہ دارانہ بیٹنگ کرتے ہوئے ٹیم کی پوزیشن بہتر بنائی۔

    کک نے کیرئیر کی بتیسویں سنچری اسکورکی، انگلینڈ نے دوسرے روز دو وکٹوں پر ایک سو بانوے رنزبنالئے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

     

  • ایڈیلیڈ ٹیسٹ: چوتھا روز، انگلینڈ کو فتح کیلئے178رنز درکار

    ایڈیلیڈ ٹیسٹ: چوتھا روز، انگلینڈ کو فتح کیلئے178رنز درکار

    ایڈیلیڈ : ایشز کی تاریخ کا پہلا ڈے نائٹ ٹیسٹ فیصلہ کن مرحلے میں داخل ہوگیا، آخری روز انگلینڈ کو ایک سو اٹھہتر رنز اور آسٹریلیا کو چھ وکٹیں درکار ہیں۔

    تفصیلات کے مطابق انگلینڈ اور آسٹریلیا کے درمیان کھیلے جانے والے ایڈیلیڈ ڈے نائٹ ٹیسٹ میں انگلش کھلاڑیوں نے جوابی وار کرتے ہوئے354 رنز کے تعاقب میں چار وکٹ پر176رنز بنالئے۔

    چوتھے روز کھیل کے اختتام پر انگلش کپتان جو روٹ67 کرس ووکس 5رنز کے ساتھ کریز پر موجود ہیں، جیت کیلئے آخری روز انگلینڈ کو مزید 178 رنز اور آسٹریلیا کو چھ وکٹیں درکار ہیں۔

    اس سے قبل جیمز اینڈرسن کی تباہ کن بولنگ نے آسٹریلیا کو دوسری اننگز میں گھٹنے ٹیکنے پر مجبور کردیا، اینڈرسن نے آدھی ٹیم کو پویلین بھیج کر آسٹریلیا کو صرف 138رنز ڈھیر کیا، ایشز سیریز برابر کرنے کے لئے انگلینڈ کو ایڈیلیڈ میں لازمی جیت درکار ہے۔

    مزید پڑھیں: ایڈیلیڈ ٹیسٹ تیسرا روز، انگلینڈ پہلی اننگز میں227رنز پرآؤٹ

    یاد رہے کہ ڈے نائٹ ٹیسٹ میں تیسرے روز انگلینڈ کی ٹیم نے آسٹریلیا پر نفسیاتی برتری حاصل کرلی، انگلینڈ کی ٹیم پہلی اننگز میں دو سو ستائیس رنز پر ڈھیر ہوگئی تھی۔ جس کے بعد ٹیسٹ پر آسٹریلیا کی گرفت مضبوط ہوگئی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ایڈیلیڈ ٹیسٹ: تیسرا روز، انگلینڈ کی ٹیم پہلی اننگز میں227رنز پرآؤٹ

    ایڈیلیڈ ٹیسٹ: تیسرا روز، انگلینڈ کی ٹیم پہلی اننگز میں227رنز پرآؤٹ

    ایڈیلیڈ : انگلینڈ اور آسٹریلیا کے درمیان ڈے نائٹ ٹیسٹ میچ میں انگلینڈ کی ٹیم نے آسٹریلیا پر نفسیاتی برتری حاصل کرلی، انگلینڈ کی ٹیم پہلی اننگز میں دو سو ستائیس رنز پر ڈھیر ہوگئی۔

    تفصیلات کے مطابق ایڈیلیڈ میں ہونے والے ڈے نائٹ ٹیسٹ پر آسٹریلیا کی گرفت مضبوط ہوگئی، ایشیز کی تاریخ کا پہلا  ٹیسٹ انگلینڈ کے ہاتھوں سے نکلنے لگا۔

    اس وقت آسٹریلیا کو 268 رنز کی مجموعی برتری حاصل ہے اوراس کی چھ وکٹیں باقی ہیں، کھیل کا تیسرا روز آسٹریلین بولرز کے نام رہا، انگلینڈ کا کوئی بلے باز نصف سنچری تک نہ بنا سکا۔

    اسپنر نیتھن لائن معین علی کا کیچ پکڑنے کیلئے سپر مین بن گئے، فاسٹ بولر مچل اسٹارک نے بھی اپنی گیند پر خوب کیچ تھاما، انگلش ٹیم کا بوریا بستر دو سو ستائیس رنزپر گول ہوگیا۔

    لائن نے چار اور مچل اسٹارک نے3 وکٹیں حاصل کیں، آسٹریلیا نے فالو آن کے بجائے خود بیٹنگ کا فیصلہ کیا، تیسرے روز کھیل کے اختتام تک آسٹریلیا نے4 وکٹ پر53 رنز بنالئے تھے۔

    مزید پڑھیں: ایڈیلیڈ ٹیسٹ، دوسرا روز: آسٹریلیا کی اننگز442 رنز پر ڈکلیئر

    پہلی اننگز میں شاندار برتری کی بدولت اسے انگلینڈ پر مجموعی طور پر 268 رنز کی سبقت حاصل ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ایڈیلیڈ ٹیسٹ، دوسرا روز: آسٹریلیا نے پہلی اننگز442 رنز پر ڈکلیئر کردی

    ایڈیلیڈ ٹیسٹ، دوسرا روز: آسٹریلیا نے پہلی اننگز442 رنز پر ڈکلیئر کردی

    ایڈیلیڈ : ایشز کی تاریخ کے پہلے ڈے نائٹ ٹیسٹ کا دوسرا روز آسٹریلین بلے باز شان مارش کے نام رہا۔ آسٹریلیا نے پہلی اننگز چار سو بیالیس رنز پر ڈکلیئر کردی، اس کے آٹھ کھلاڑی آؤٹ ہوئے۔

    تفصیلات کے مطابق ایڈیلیڈ کے میدان میں کھیلی جانے والی ایشز سیریز کے ٹیسٹ میچ کے دوسرے روز آسٹریلیا نے پہلی اننگز8آؤٹ442رنز پر ڈکلیئر کردی۔

    اننگ میں شان مارش کے ناقابل شکست 126رنز شامل ہیں، دوسرے روز کھیل کا آغاز ہوا تو انگلینڈ کو براڈ نے جلد کامیابی دلوائی دی۔

    شان مارش نے پہلے ٹم پین اور پھر پیٹ کمنز کے ساتھ شراکت جوڑ کر میچ کا نقشہ ہی بدل دیا، مارش نے ناقابل شکست 126 رنز بنائے، ٹم پین 57 اور کمنز 40 رنز کے ساتھ نمایاں رہے۔

    انگلینڈ کی پہلی اننگز کا آغاز مایوس تھا، اوپنر مارک اسٹون مین اٹھارہ رنز پر اسٹارک کا شکار بنے، انگلینڈ کی جانب سے اورٹن نے 3 اور اسٹورٹ براڈ نے 2 کھلاڑیوں کو آوٹ کیا۔

    بارش کے باعث کھیل رکا تو انگلینڈ نے ایک وکٹ پر 29 رنز بنالئے تھے، دوسرے روز بھی 18اوورز قبل کھیل ختم کرنا پڑا۔

    مزید پڑھیں: ایشزسیریز: آسٹریلیا کےدوسرے ٹیسٹ میں4 وکٹوں پر209 رنز

    یاد رہے کہ آسٹریلیا نے ایشز سیریز کے پہلے ٹیسٹ میچ میں مہمان ٹیم انگلینڈ کو 10 وکٹوں سے شکست دے کر پانچ میچز پر مشتمل سیریز میں 0-1 کی برتری حاصل کر رکھی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔