Tag: England vs india

  • انگلینڈ نے بھارت کو پہلے ٹیسٹ میں 31 رنز سے شکست دے دی

    انگلینڈ نے بھارت کو پہلے ٹیسٹ میں 31 رنز سے شکست دے دی

    برمنگھم: پانچ میچوں کی سیریز کے پہلے ٹیسٹ میچ میں انگلینڈ نے انڈیا کو زبردست مقابلے کے بعد 31 رنز سے شکست دے کر سیریز میں ایک صفر سے برتری حاصل کر لی۔

    تفصیلات کے مطابق بھارت کا انگلش سرزمین پر جیت کا خواب پورا نہ ہوسکا، انگلینڈ نے پہلے ٹیسٹ میں بھارت کو اکیتس رنز سے شکست دے دی۔

    میچ کے آخری دن کپتان ویرات کوہلی کے آؤٹ ہوتے ہی بھارت کی شکست واضح ہو گئی تھی، بھارت کو کوہلی، انوشکا شرما کا شگن کافی نہیں رہا، خیال رہے کہ حال ہی میں کرکٹر کوہلی اور بالی ووڈ اداکارہ انوشکا شادی کے بندھن میں بندھ چکے ہیں۔

    قبل ازیں چوتھے دن کا کھیل شروع ہوا تو بھارت کو جیت کے لیے 84 رنز، انگلینڈ کو 5 وکٹیں درکار تھیں، تاہم دن کے پہلے ہی اوور میں جیمز اینڈرسن کی گیند پر کارتھک آؤٹ ہو گئے، انھوں نے صرف 20 رنز بنائے۔

    پہلی اننگز میں سینچری اسکور کرنے والے بھارتی کپتان کریز پر موجود رہے، تاہم وہ زیادہ دیر ٹکے نہیں رہ سکے اور 51 رنز بنا کر بین اسٹوکس کے پہلے ہی اوور میں ایل بی ڈبلیو ہوگئے۔

    شاہد آفریدی کا کرس گیل کو سنگل وکٹ کا چلینج


    ویرات کوہلی کو آؤٹ قرار دینے والے امپائر پاکستان کے علیم ڈار تھے، کوہلی کو اپنے آؤٹ ہونے کا یقین نہیں تھا اس لیے ریویو لیا لیکن فیصلہ نہیں بدل سکا، ان کے آؤٹ ہونے کے ساتھ ہی بھارت کی جیت کی آخری امید بھی ختم ہوگئی۔

    انگلینڈ کی جانب سے بن اسٹوکس نے چار، جیمز اینڈرسن اور اسٹورٹ براڈ نے دو دو کھلاڑیوں کو پویلین بھیجا، چار بھارتی بلے باز دہرا ہندسہ بھی عبور نہ کر سکے۔

    پانچ میچوں پر مشتمل ٹیسٹ سیریز کے پہلے میچ میں بھارتی ٹیم 162 رنز پر ڈھیر ہوگئی۔ خیال رہے کہ یہ انگلش کرکٹ ٹیم کے ٹیسٹ کیریئر کا 1000 واں میچ تھا، اب تک ٹیسٹ کرکٹ کھیلنے والے ممالک میں انگلینڈ واحد ٹیم ہے جس نے ایک ہزار میچ کھیلنے کا سنگ میل عبور کیا ہے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • برمنگھم ٹیسٹ: کوہلی نے شاندار سنچری انوشکا کے نام کردی

    برمنگھم ٹیسٹ: کوہلی نے شاندار سنچری انوشکا کے نام کردی

    برمنگھم: بھارتی کپتان ویرات کوہلی نے انگلینڈ کی سرزمین پر اپنی پہلی سنچری اہلیہ انوشکا شرما کے نام کردی، ویرات کوہلی نے 149 رنز کی اننگز کھیلی۔

    تفصیلات کے مطابق بھارت اور انگلینڈ کے درمیان برمنگھم میں کھیلے جانے پہلے ٹیسٹ میچ میں بھارتی کپتان ویرات کوہلی کی سنچری نے اپنی ٹیم کو مشکلات سے نکالا اور منفرد انداز میں اس کا جشن بھی منایا۔

    بھارتی کپتان ویرات کوہلی نے سنچری بنا کر اہلیہ انوشکا شرما کی طرف دیکھ کر شادی کی انگوٹھی اور چین کو چوما اور اہلیہ کی جانب بلا لہر کا جشن بھی منایا۔

    واضح رہے کہ کوہلی کو سنچری میں انگلش فیلڈرز کی ناقص کارکردگی بھی پیش پیش رہی، کوہلی کے دو کیچز ڈراپ ہوئے جس کے سبب انگلش ٹیم پہلی اننگز میں صرف 13 رنز کی برتری حاصل کرسکی۔

    ویرات کوہلی کی ٹیسٹ کرکٹ میں 22 ویں سنچری کے بعد اسٹینڈز میں موجود اداکارہ انوشکا شرما کیمرے کا محور بنی رہیں۔

    بھارتی کپتان کا کہنا تھا کہ یہ ان کے کیرئئر کی دوسری بہترین اننگز ہیں، انہوں نے ایڈیلیڈ میں آسٹریلیا کے خلاف 141 رنز کی اننگز کو اپنی کیریئر کی بہترین ٹیسٹ اننگز قرار دیا۔

    یاد رہے کہ برمنگھم ٹیسٹ میں انگلینڈ کی ٹیم نے بھارت کو جیت کے لیے 194 رنز کا ہدف دیا ہے، ہدف کے تعاقب میں بھارت اپنی تین وکٹیں گنوا بیٹھا ہے جب ویرات کوہلی کریز پر موجود ہیں۔

    خیال رہے کہ ویرات کوہلی اور بالی ووڈ اداکارہ انوشکا شرما اٹلی میں شادی کے بندھن میں بندھ گئے تھے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • لارڈز: انگلینڈ نے بھارت کو ہرا کرویمنزکرکٹ ورلڈ کپ جیت لیا

    لارڈز: انگلینڈ نے بھارت کو ہرا کرویمنزکرکٹ ورلڈ کپ جیت لیا

    لارڈز: ویمنز ورلڈ کپ میں انگلینڈ نے بھارت کو نو رنز سے شکست دے کر ٹائل اپنے نام کرلیا، انگلینڈ کے 228 رنز کے جواب میں بھارت کی ٹیم 219 رنزبنا سکی۔

    تفصیلات کے مطابق لارڈ کے میدان میں انگلینڈ اور بھارت کے درمیان کھیلے جانے والے ویمنز ورلڈ کپ کے فائنل میں انگلینڈ کی ٹیم نے بھارت کو سنسنی خیز مقابلے کے بعد نو رنز سے شکست دے کر فتح اپنے نام کرلی۔

    انگلینڈ نے چوتھی مرتبہ خواتین کے ورلڈ کپ کا ٹائٹل اپنے نام کیا، انگلینڈ کی ٹیم نے ٹاس جیت کر پہلے کھیلتے ہوئے سات وکٹوں کے نقصان پر 228 رنز اسکور کیے۔

    بھارت کو میچ جیتنے کے لیے 229 رنز کا ہدف دیا۔ جواب میں بھارت کی پوری ٹیم جیت کے بہت قریب پہنچ کر 49 ویں اوور میں 219 رنز بنا کر آؤٹ ہو گئی۔


    مزید پڑھیں: بھارت نےآسٹریلیا کوشکست دے کرفائنل میں جگہ بنالی


    انگلینڈ کی جانب سے شربسول سب سے کامیاب بولر قرار پائیں۔ انہوں نے 46 رنز دے کر چھ کھلاڑیوں کو پویلین بھیجا۔ شربسول کو پلیئر آف دی میچ کا بھی ایوارڈ دیا گیا جبکہ انگلینڈ کی ٹیمی بومونٹ کو پلیئر آف دی ٹورنامنٹ کا ایوارڈ دیا گیا۔


    مزیدپڑھیں: بھارت اورانگلینڈ کےدرمیان فیصلہ کن معرکہ آج ہو گا


    یاد رہے کہ ویمن ورلڈ کپ میں انگلینڈ نے پہلا میچ ہارنے کے بعد اپنے تمام میچ جیتے۔ اس سے قبل انگلینڈ کی ٹیم 1973، 1993 اور 2009 میں ویمن ورلڈ کپ جیت چکی ہے۔

  • سہ ملکی سیریز، انگلینڈ نے بھارت کو 9 وکٹوں سے ہرادیا

    سہ ملکی سیریز، انگلینڈ نے بھارت کو 9 وکٹوں سے ہرادیا

    برسبین: ورلڈ کپ سے قبل ورلڈ چیمپئین بھارتی ٹیم کی تیاریوں کا پول کھل گیا، سہ ملکی سیریز کے میچ میں انگلینڈنے نو وکٹوں سے عبرتناک شکست دے دی۔

    برسبین میں بھارت کا غرور خاک میں مل گیا، انگلینڈ نے ورلڈ چیمپئینز کو دھول چٹادی، بیٹنگ پر بھروسہ کرنے والی بھارتی ٹیم نے ٹاس جیت کر بلے بازوں کو آزمایا لیکن کوئی بھی کام نہ آیا۔

     انگلش بولرز نے بھارتی بیٹنگ لائن کو تہس نہس کردیا، ورلڈ چیمپئینز کا چالیسویں اوور میں ایک سو تریپن پر بوریا بستر گول ہوگیا۔ فن نے پانچ اور اینڈرسن نے چار وکٹیں حاصل کیں۔

     جواب میں انگلینڈ نے ہدف باآسانی ایک وکٹ پر حاصل کرلیا، این بیل نے ناٹ آؤٹ اٹھاسی اور جیمز ٹیلر نے چھپن رنز کی اننگز کھیلی، بھارت کی اس سیریز میں یہ مسلسل دوسری ناکامی ہے۔

  • انگلینڈ نے بھارت کوپانچویں ون ڈے میں شکست دیدی

    انگلینڈ نے بھارت کوپانچویں ون ڈے میں شکست دیدی

    لیڈز: انگلینڈ نے بھارت کو پانچویں ون ڈے میں اکتالیس رنز سے شکست دے دی۔ ٹیسٹ سیریز ہارنے کے بعد بھارت نے ون ڈے سیریز تین ایک سے جیت لی۔ لیڈز میں کھیلے سیریز کے آخری میچ میں بھارت نے ٹاس جیت کر فیلڈنگ کا فیصلہ کیا۔

    ٹاپ آڈر کی ناکامی کے بعد جو روٹ اور جاس بٹلر نے ایک سو آٹھ رنز کی شراکت قائم کرکے ٹیم کو سنھبالا۔ بٹلر انچاس رنز بناکر آؤٹ ہوئے۔ جو روٹ ایک سو تیرہ رنز بناکر ٹاپ اسکورر رہے۔

    انگلینڈ نے مقررہ اوورز میں سات وکٹوں پر دو سو چورانوے رنز بنائے۔ ہدف کے تعاقب میں بھارتی اوپنر اس بار اٹیم کو اچھا آغاز دینے میں ناکام رہے۔ وقفے وقفے سے وکٹیں گرنے کے باعث بھارتی ٹیم مشکلات سے دوچار رہی۔

    جڈیجا ستاسی رنز کے ساتھ کچھ مزاحمت کرسکے۔ بھارت کی پوری ٹیم دو سو ترپن رنز بناکر آؤٹ ہوگئی۔ میچ میں شکست کے باوجود بھی بھارت نے ون ڈے سیریز تین ایک سے جیت لی۔

  • مانچسٹر ٹیسٹ:انگلینڈ نے چھ وکٹوں پردو سو سینتس رنز بنالئے

    مانچسٹر ٹیسٹ:انگلینڈ نے چھ وکٹوں پردو سو سینتس رنز بنالئے

    مانچسٹر ٹیسٹ کے دوسرے بارش کے باعث صرف چھتیس اوورز کا کھیل ممکن ہوسکا۔ انگلینڈ نے بھارت کیخلاف پہلی اننگز میں چھ وکٹوں پر دو سو سینتس رنز بنالئے ہے۔ مانچسٹر ٹیسٹ کے دوسرے روز انگلینڈ نے اپنی پہلی نامکمل اننگز تین کھلاڑی آؤٹ ایک سو تیرہ رنز پر شروع کی تو نائٹ واش مین کرس جورڈن تیرہ رنز پر بھارت کا پہلا شکار بنے۔

    ای این بیل اور معین علی کے یکے بعد دیگرے آؤٹ ہونے سے بھارت نے میچ میں کچھ حد تک واپسی کی۔ جوس بٹلر اور جو روٹ کے درمیان سرسٹھ رنز کی شراکت نے میچ کو ایک بار پھر انگلینڈ کی جانب موڑ دیا ہے۔ بارش کے باعث کھیل روکا تو جو روٹ اڑتالیس اورجاس بٹلر بائیس رنزبناچکے تھے۔ بارش کے باعث دوسرے روز چوون اوورز کا کھیل ممکن نہ ہوسکا۔

  • اولڈ ٹریفورڈ: انگلینڈ پہلی اننگز 113 رنز 3 وکٹوں پر شروع کرے گا

    اولڈ ٹریفورڈ: انگلینڈ پہلی اننگز 113 رنز 3 وکٹوں پر شروع کرے گا

    اولڈ ٹریفورڈ : اولڈ ٹریفورڈ ٹیسٹ میں انگلینڈ اپنی پہلی نامکمل اننگز آج ایک سو تیرہ رنز تین کھلاڑی آؤٹ پر دوبارہ شروع کرے گا، بھارتی بیٹسمین ابتدائی اننگز میں مکمل طور پر ناکام ہوگئے تھے۔

    اولڈ ٹریفورڈ میں کھیلے جانے والے میچ کا ٹاس بھارت نے جیت کر پہلے بیٹنگ کا فیصلہ کیا۔ بھارتی بلے باز کپتان کے فیصلے کی لاج نہ رکھ سکے، مہمان بیٹنگ لائن کا ٹاپ آرڈر بری طرح ناکام رہا، آٹھ کے مجموعی اسکور پر بھارت کے چار بیٹسمین پویلین لوٹے، جس کے بعد کپتان مہیندر سنگھ دھونی نے نصف سینچری بناکر ٹیم کو مکمل تباہی سے بچایا۔

    دھونی نے اکہتر رنزبنائے، ایشون نے بھی کچھ مزاحمت کی، وہ چالیس بناسکے، بھارتی ٹیم پہلی اننگز میں ایک سو باون رنز پر ڈھیر ہوگئی۔ جواب میں انگلینڈ نے پہلے روز کے اختتام تک تین وکٹوں پر ایک سو تیرہ رنز بنالئے۔

  • انگلینڈ نے بھارت کو تیسرے ٹیسٹ میں شکست دے دی

    انگلینڈ نے بھارت کو تیسرے ٹیسٹ میں شکست دے دی

    ساؤتھ ہیمٹن : انگلینڈ نے بھارت کو تیسرے ٹیسٹ میں دو سو چھیاسٹھ رنز سے شکست دے کر پانچ میچز کی سیریز ایک ایک سے برابر کردی، انگلش اسپنر معین علی نے میچ میں آٹھ وکٹیں حاصل کیں۔

    ساؤتھ ہیمٹن میں انگلینڈ نے بھارت سے دوسرے ٹیسٹ کی شکست کا بدلہ لے لیا، کھیل کے آخری روز بھارت نے دوسری نامکمل اننگز ایک سو بارہ رنز چار کھلاڑی آؤٹ پر دوبارہ شروع کی اور ایک کے بعد ایک بھارت کی وکٹیں گرتی رہیں۔

    آف اسپنر معین علی نے بھارتی بیٹنگ لائن کو تہس نہس کردیا، مہمان ٹیم دوسری اننگز میں صرف ایک سو اٹھتر رنز پر ڈھیر ہوگئی، معین علی نے میچ میں آٹھ وکٹیں حاصل کیں، سیریز کا چوتھا ٹیسٹ سات اگست سے مانچسٹر میں ہوگا۔