ARYNews.tv | Urdu – Har Lamha Bakhabar

Tag: England

  • کلائی میں فریکچر‘ بابراعظم انگلینڈ کےخلاف سیریزسے باہر

    کلائی میں فریکچر‘ بابراعظم انگلینڈ کےخلاف سیریزسے باہر

    لندن: پاکستان کرکٹ ٹیم کے مڈل آرڈر بلے باز بابراعظم کلائی میں فریکچر کے باعث انگلینڈ کے خلاف سیریز سے باہر ہوگئے ہیں۔

    تفصیلات کے مطابق انگلینڈ کے خلاف لارڈز ٹیسٹ میچ کے دوسرے روز بابراعظم 68 رنزبناچکے تھے جب بین اسٹوکس کی 85 کلومیٹر فی گھنٹہ کی رفتار سے کی گئی ایک گیند ان کی کلائی پرلگی۔

    قومی کرکٹ ٹیم کے فزیو کلف ڈیکن نے گراؤنڈ میں آکر نوجوان بلے باز کی انجری کا معائنہ کیا اور میجک اسپرے سے بھی تکلیف دور نہ ہونے پرانہیں میدان سے باہر لے جانے کا فیصلہ کیا۔

    بعدازاں انہیں اسپتال لے جایا گیا جہاں ڈاکٹروں نے بابراعظم کی کلائی میں فریکچر کی تصدیق کردی جس کے بعد وہ انگلینڈ کے خلاف جاری ٹیسٹ سیریز سے باہرہوگئے۔

    پاکستان کرکٹ ٹیم کے فریو تھیراپسٹ کلف ڈیکن کے مطابق بابراعظم 4 سے 6 ہفتے تک دستیاب نہیں ہوں گے۔

    دوسری جانب پی سی بی نے بابراعظم کی جگہ کوئی متبادل کھلاڑی انگلینڈ نہ بھیجنے کا فیصلہ کیا ہے۔

    لارڈز ٹیسٹ: شاہینوں نے8 وکٹ پر 350 رنز بنالیے

    واضح رہے کہ انگلینڈ کے خلاف بلے بازوں کی شاندار بیٹنگ کی بدولت شاہینوں نے ٹیسٹ میچ پرگرفت مضبوط کرتے ہوئے 8 وکٹوں کے نقصان پر350 رنز بنا کر166 رنز کی برتری حاصل کرلی ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • لندن: حجاب کی وجہ سے مسلم ماڈل کو اشتہاری مہم کا حصہ بننے سے روک دیا گیا

    لندن: حجاب کی وجہ سے مسلم ماڈل کو اشتہاری مہم کا حصہ بننے سے روک دیا گیا

    لندن: برطانیہ سے تعلق رکھنے والی مسلم ماڈل ’ماریہ ادریسی‘ کو حجاب کرنے کی وجہ سے اشتہاری مہم میں حصہ لینے سے روک دیا گیا۔

    تفصیلات کے مطابق مسلم ماڈل ’ماریہ ادریسی‘ کو اس وجہ سے بیوٹی کے اشتہاری مہم سے روک دیا گیا کیوں کہ وہ ایک مسلمان ہیں اور حجاب کرتی ہیں، جس کے باعث وہ اشتہارات کے ذریعے زیادہ لوگوں کو اپنی طرف مائل نہیں کر پائیں گی۔

    مقامی میڈیا کو انٹرویو دیتے ہوئے ماڈل ماریہ ادریسی نے کہا کہ میں یہ سن کر حیران رہ گئی کہ مجھے اشتہاری مہم بورڈ نے اپنے مہم میں شامل نہیں کیا، اس کی وجہ صرف حجاب کرنا اور میرا مسلمان ہونا ہے کیوں کہ بورڈ کا خیال یہ ہے کہ حجاب کی وجہ سے لوگ ان کی طرف مائل نہیں ہوں گے۔

    جرمنی: حجاب پر پابندی کی تجویز، اساتذہ نے بھی حمایت کردی

    ان کا مزید کہنا تھا کہ یہ بیوٹی مہم ان کے لیے ایک بہت بڑی ڈیل تھی لیکن انتظامیہ نے ان کے ساتھ معاہدہ کرنے سے انکار کردیا جس کی وجہ سے وہ ابھی تک صدمے کا شکار ہیں، البتہ انہوں نے ماضی میں حجاب پہن کر ہی ماڈلنگ کی اور اشتہاری مہم کا حصہ رہ چکی ہیں۔

    انگلینڈ میں منعقدہ مقابلہ حُسن میں پہلی باحجاب لڑکی فائنل میں پہنچ گئی

    خیال رہے کہ مسلم ماڈل ماریہ برطانیہ کی مقبول ماڈل ہیں، انہوں نے پہلی بار 2015 میں اس وقت شہرت حاصل کی تھی کہ جب انہوں نے ایک نجی ادارے کی بیوٹی مہم میں حجاب پہن کر شرکت کی جس کے بعد ماریہ ادریسی کی حجاب میں ملبوس تصاویر میگزین اور رسالوں کی زینت بھی بنیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • مسلمان فٹ بالر کی مقبولیت نے اسرائیلی وزیر دفاع کے تعصب کو شکست دے دی

    مسلمان فٹ بالر کی مقبولیت نے اسرائیلی وزیر دفاع کے تعصب کو شکست دے دی

    لندن: یورپی نوجوانوں کے لیے رول ماڈل تصور کیے جانے والے ممتاز مصری فٹ بال محمد صلاح کی مقبولیت کے سامنے اسرائیلی وزیر دفاع نے بھی ہتھیار ڈال دیے ہیں۔

    تفصیلات کے مطابق اسرائیلی وزیر دفاع ایواڈ گورلائبرمین نے ایک ٹویٹ کیا ہے، جس میں انھوں نے اسرائیلی فوج کے سربراہ سے کہا کہ وہ محمد صلاح کو اپنی زیر کمان فوج میں شامل کر لیں۔

    یاد رہے کہ محمد صلاح ممتاز انگلش کلب لیورپول کی نمائندگی کرتے ہیں، اس وقت وہ اپنے کیریر کے عروج پر ہیں، ان کی شان دار پرفارمینس کے طفیل انگلش کلب یو ای ایف اے لیگ کے فائنل میں پہنچ چکا ہے، فقط چند روز قبل ہی سال کے بہترین انگلش کھلاڑی کا اعزاز دیا گیا۔

    مصری فٹ بالر نے جہاں اپنی کارکردگی سے لاکھوں افراد کو گرویدہ بنائیں، وہیں غیرمتوقع طور پر اسرائیلی وزیر دفاع بھی انھیں سراہنے پر مجبور ہوگئے۔

    [bs-quote quote=”اس مقبولیت کا اثر گذشتہ ماہ مصر میں‌ ہونے والے صدارتی انتخابات میں‌ بھی نظر آیا، جب انتخابی امیدوار نہ ہونے کے باوجود دس لاکھ مصریوں نے بیلٹ پیپر پر محمد صلاح کا نام لکھ دیا ” style=”style-2″ align=”center”][/bs-quote]

    اپنے سرکاری ٹوئٹر ہینڈلر سے اسرائیلی وزیر دفاع نے صہیونی فوج کے سربراہ کو پیغام دیا ہے کہ وہ صالح کو فوری اسرائیلی فوج میں بھرتی کر لیں۔

    خیال رہے کہ پذیرائی کا یہ طریقہ محمد صالح کے لیے نیا نہیں. لیورپول کے مداح انھیں مصری بادشاہ کہہ کر پکارتے ہیں، انگلش مداح میچ کے دوران یہ نعرہ بھی لگاتے ہیں کہ اگر محمد صلاح اسی طرح گولز اسکور کرتے رہے، تو وہ بھی مسلمان ہوجائیں گے، یاد فٹبال پریمئر لیگ کے دوران ہونے والے مقابلوں میں مصری فٹبالر نے اب تک 43 گول کرچکے ہیں۔

    محمد صلاح کو مصر میں‌ بھی ہیرو کا درجہ حاصل ہے، انھوں نے ورلڈ کپ کے کوالیفائنگ راؤنڈ کے سنسنی خیز میچ میں‌ پینالٹی پر گول اسکور کرکے مصر کو 28 سال کے طویل انتظار کے بعد ورلڈ‌ کپ میں‌ پہنچایا.

    اس مقبولیت کا اثر گذشتہ ماہ مصر میں‌ ہونے والے صدارتی انتخابات میں‌ بھی نظر آیا، جب انتخابی امیدوار نہ ہونے کے باوجود دس لاکھ مصریوں نے بیلٹ پیپر پر محمد صلاح کا نام لکھ دیا تھا۔ یوں وہ منتخب ہونے والے مصری صدر عبدالسیسی کے بعد سب سے زیادہ ووٹ لینے والے امیدوار ٹھہرے.

    مصری فٹبالر یورپی نوجوانوں‌ کا رول ماڈل بن گیا، ملکی صدر کو بھی چیلینج کردیا

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ورلڈ کپ 2019: پاک بھارت ٹاکرا 16 جون کو ہوگا

    ورلڈ کپ 2019: پاک بھارت ٹاکرا 16 جون کو ہوگا

    کرکٹ کے سب سے بڑے عالمی میلے ورلڈ کپ 2019 کا شیڈول منظر عام پر آگیا، پاکستان اور بھارت کے مابین بڑا ٹاکرا 16 جون کو مانچسٹر میں ہوگا۔

    تفصیلات کے مطابق کرکٹ کے عالمی میلے کی تفصیلات سامنے آگئیں، دس ٹیموں پر مشتمل اس ٹورنامینٹ میں‌ مجموعی طور پر 48 میچز کھیلے جائیں‌ گے، 1992 ورلڈ کپ کے فارمیٹ کے مطابق ہر ٹیم دیگر نو ٹیموں‌ سے ٹکرائے گی.

    گروپ اسٹیج کا سب سے بڑا میچ 16 جون کو پاکستان اور بھارت کے مابین کھیلا جائے گا. یاد رہے کہ پاکستان نے 2017 میں جون ہی کے مہینے میں‌ انگلینڈ کی سرزمین پر بھارت کو شکست دے کر چیمپئنز ٹرافی اپنے نام کی تھی.

    میگا ایونٹ کا ابتدائی شیڈول ترتیب دے دیا گیا ہے، یہ ٹورنامنٹ 1992 ورلڈ کپ کے راؤنڈ رابن فارمیٹ پر کھیلا جائے گا. لیگ مرحلے کے بعد چار ٹیمیں ناک آؤٹ مرحلے کے لئے کوالیفائی کریں گی۔

    ورلڈ کپ کا افتتاحی میچ 30 مئی کو انگلینڈ اور جنوبی افریقہ کے درمیان اوول میں ہوگا، دفاعی چیمپئن آسٹریلیا دو جون کو افغانستان سے ٹکرائے گی، فائنل 14جولائی کو لارڈز میں ہوگا۔

    یاد رہے کہ اس وقت پاکستانی ٹیم انگلینڈ میں ہے، جہاں وہ دو پریکٹس میچز کھیل کر آئر لینڈ جائے گئی اور آئرلینڈ سے ٹیسٹ میچ کھیلے گئی۔ اس مقابلے کے بعد پاکستان اور انگلینڈ کے درمیان ٹیسٹ سیریز کھیلی جائے گی۔

    قومی کرکٹ ٹیم لندن پہنچ گئی، پریکٹس میچ28اپریل کو کھیلا جائے گا

    پاک بھارت کرکٹ، گیند بھارتی بورڈ کے کورٹ میں ہے، نجم سیٹھی

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • لندن: انتخابی مہم چلانے والے شخص پر نامعلوم ملزمان کا حملہ

    لندن: انتخابی مہم چلانے والے شخص پر نامعلوم ملزمان کا حملہ

    لندن: برطانوی دارالحکومت میں عام انتخابات کی مہم چلانے والے شخص کو نامعلوم شخص نے حملہ کرکے زخمی کردیا، زخمی کو سر میں شدید چوٹ لگنے کے باعث اسپتال منتقل کردیا گیا ہے۔

    تفصیلات کے مطابق آئندہ دنوں انگلینڈ میں ہونے والے عام انتخابات کے حوالے جاری مہم کے دوران ایک شخص کو ہیملیٹ نامی ٹاور میں پمفلٹ تقسیم کرتے ہوئے نامعلوم شخص نے حملہ کرکے زخمی  کردیا ہے۔

    پولیس کے مطابق ملزم نے انتخابی مہم چلانے والے شخص کے سر پر لوہے کی راڈ سے حملہ کیا ہے، جس کے نتیجے میں 30 سالہ متاثرہ شخص بری طرح زخمی ہوا ہے۔

    پولیس کا کہنا تھا کہ نقاب پوش حملہ آور کے حملے میں زخمی ہونے والے متاثرہ شخص کے سر میں دس ٹانکے آئے ہیں۔ تاہم پولیس ابھی تک ملزم کو گرفتار کرنے میں ناکام رہی ہے۔

    پولیس کا کہنا تھا کہ واقعے کی تحقیقات جاری ہیں، پولیس نے عینی شاہدین سے گذارش ہے کہ حادثے کی تفصیلات سے سیکیورٹی افسران کو آگاہ کریں تاکہ ملزمان کے خلاف کارروائی کی جاسکے۔

    میٹروپولیٹن پولیس کے افسر ٹوماز پیٹزر کا کہنا تھا کہ ’حملہ کرنے والے نقاب پوش ملزم کے خلاف تفتیش جاری ہے، حملہ ایسے وقت میں کیا گیا تھا، جب متاثرہ شخص عام انتخابات کی مہم میں مصروف تھا‘۔

    ان کا مزید کہنا تھا کہ ’حملہ انتخابی مہم کے باعث کیا گیا ہے یا کسی اور وجہ سے ابھی کچھ کہہ نہیں سکتے، لیکن یہ پُر تشدد واقعہ تھا‘۔

    واضح رہے کہ آئندہ دنوں انگلینڈ میں عام انتخابات کا انعقاد ہوگا جس میں برطانوی عوام میئر اور 45 کونسلرز کا انتخاب کریں گے۔

    واضح رہے کہ لندن میں چاقو اور فائرنگ کے واقعات میں تیزی سے اضافہ ہورہا ہے، رواں سال فروری کے مہینے سے ابتک 15 افراد کو حملہ کرکے قتل کیا جا چکا ہے۔

    خیال رہے کہ ایک رپورٹ کے مطابق برطانیہ کے دارالحکومت لندن نے جرائم کی شرح میں امریکی شہر نیویارک کو بھی پیچھے چھوڑ دیا، لندن میں رواں سال چاقو زنی کی وارداتوں میں 50 افراد قتل ہوچکے ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • دورہ برطانیہ، قومی کرکٹ ٹیم کا دوسرا تربیتی کیمپ آج سے لاہور میں شروع ہوگا

    دورہ برطانیہ، قومی کرکٹ ٹیم کا دوسرا تربیتی کیمپ آج سے لاہور میں شروع ہوگا

    کراچی: دورہ برطانیہ کے لیے قومی کرکٹ ٹیم کا دوسرا تربیتی کیمپ آج سے لاہور میں شروع ہوگا جو 18 سے 22 اپریل تک جاری رہے گا جبکہ شاہین 23 اپریل کو برطانیہ کے لیے اڑان بھریں گے۔

    تفصیلا کے مطابق بڑے سیریز کے لیے قومی کرکٹ ٹیم کی تیاریاں فائنل راؤنڈ میں داخل ہوچکی ہیں، سلیکٹرز کے منتخب کردہ کھلاڑی آج سے لاہور میں شروع ہونے والے تربیتی کیمپ مں ٹریننگ کریں گے،جس میں بیٹنگ، بولنگ اور فیلڈنگ پر خصوصی توجہ دی جائے گی۔

    پریکٹس سیشن میں انگلینڈ کی سوئنگ وکٹوں پر کھیلنے کے گر بتائے جائیں گے، خیال رہے کہ پہلے مرحلے میں ممکنہ پچیس کھلاڑیوں نے پریکٹس کی تھی، جس میں کھلاڑیوں کی فٹنس اور دیگر صلاحیتوں کا جائزہ لیا گیا تھا۔

    دورہ آٗئرلینڈ اور انگلینڈ کے لیے پاکستان کی 16 رکنی ٹیم کا اعلان

    اسکواڈ میں شامل سولہ کھلاڑی اب اٹھارہ سے بائیس اپریل تک تیاریوں کو حتمی شکل دیں گے جبکہ قومی ٹیم تئیس اپریل کو برطانیہ کے لئے اڑان بھرے گی، پاکستان دورے میں آئرلینڈ سے ایک اور انگلینڈسے دو ٹیسٹ میچ کھیلے گا۔

    یاد رہے کہ گذشتہ دنوں پی سی بی کے چیف سلیکٹر انضمام الحق نے آئرلینڈ اور انگلینڈ کے خلاف ٹیسٹ میچز کے لیے قومی ٹیم کے 16 رکنی اسکواڈ کا اعلان کردیا ہے، پاکستان ٹیم 23 اپریل کو انگینڈ کے لیے روانہ ہوگی۔

    ٹیم میں‌عدم شمولیت پر دکھ ہے، مگر مایوس نہیں‌، محنت جاری رکھوں‌ گا، فواد عالم

    دورہ آئر لینڈ اور انگلینڈ کے لیے اسکواڈ میں کپتان سرفراز احمد، اظہر علی، سمیع اسلم، امام الحق، حارث سہیل، بابر اعظم، فخر زمان، اسد شفیق، عثمان صلاح الدین، شاداب خان، محمد عامر، محمد عباس، حسن علی، راحت علی، سعد علی، فہیم اشرف شامل ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • آل راؤنڈر محمد حفیظ کے بولنگ ایکشن کا ٹیسٹ آج انگلینڈ میں ہوگا

    آل راؤنڈر محمد حفیظ کے بولنگ ایکشن کا ٹیسٹ آج انگلینڈ میں ہوگا

    لندن: قومی کرکٹ ٹیم کے آل راؤنڈر محمد حفیظ کے بولنگ ایکشن کی جانچ آج انگلینڈ میں انٹرنیشنل کرکٹ کونسل (آئی سی سی) کی منظور شدہ لیب میں ہوگی۔

    تفصیلات کے مطابق کرکٹر محمد حفیظ گذشتہ سال بولنگ ایکشن مشکور قرار دیے جانے کے بعد پابندی کا سامنا کر رہے ہیں تاہم آج انگلینڈ کی لف برا یونیورسٹی میں قائم آئی سی سی کی منظور شدہ لیب میں آل راؤنڈر کا بولنگ ایکشن ٹیسٹ لیا جائے گا۔

    خیال رہے کہ محمد حفیظ کا بولنگ ایکشن تین سال میں تیسری بار رپورٹ ہوا جس کے بعد سے انہیں پابندی کا سامنا کرنا پڑ رہا ہے، آئی سی سی کی منظور شدہ لیب میں ٹیسٹ کے بعد حفیظ کے بولنگ ایکشن کا نتیجہ چودہ روز میں آجائے گا، بازو کا خم پندرہ ڈگری سے زیادہ نہ ہوا تو وہ پھر سے بولنگ کرانے کے اہل ہوں گے۔

    آئی سی سی کے فیصلے پر شکست تسلیم نہیں کروں گا، محمد حفیظ

    واضح رہے کہ آئی سی سی قوانین کے مطابق بولنگ ایکشن میں کہنی کا خم پندرہ ڈگری کے اندر ہونا چاہیے، بالنگ کے دوران کہنی کا خم 15 ڈگری سے تجاوز کرجائے تو اسے کرکٹ قوانین کے مطابق مشکوک تصور کیا جاتا ہے جس کے باعث پابندی عائد کی جاتی ہے۔

    یاد رہے کہ حفیظ کا ایکشن گزشتہ سال نومبر میں سری لنکا کے خلاف رپورٹ ہوا تھا جس کے بعد سے ان پر پابندی عائد ہے، اس سے قبل محمد حفیظ کو مشکوک باؤلنگ ایکشن کی وجہ سے 2015 میں بھی ایک سال کی پابندی کا سامنا کرنا پڑا تھا۔

    پی سی بی نے محمد حفیظ کا بالنگ ایکشن درست کرانے کی ذمہ داری اٹھالی

    محمد حفیظ اب تک 50 ٹیسٹ میچز، 192 ون ڈے میچز جبکہ 78 ٹی 20 میچز کھیل چکے ہیں جن میں وہ بالترتیب 52، 132 اور 46 وکٹیں لے چکے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • دورہ آٗئرلینڈ اور انگلینڈ کے لیے پاکستان کی 16 رکنی ٹیم کا اعلان

    دورہ آٗئرلینڈ اور انگلینڈ کے لیے پاکستان کی 16 رکنی ٹیم کا اعلان

    لاہور: دورہ آٗئرلینڈ اور انگلینڈ کے لیے پاکستان کی 16 رکنی ٹیم کا اعلان کردیا گیا، لیگ اسپنر یاسر شاہ انجری کے باعث ٹیم میں جگہ نہیں بناسکے۔

    تفصیلات کے مطابق پی سی بی کے چیف سلیکٹر انضمام الحق نے آئرلینڈ اور انگلینڈ کے خلاف ٹیسٹ میچز کے لیے قومی ٹیم کے 16 رکنی اسکواڈ کا اعلان کردیا، پاکستان ٹیم 23 اپریل کو انگینڈ کے لیے روانہ ہوگی۔

    دورہ آئر لینڈ اور انگلینڈ کے لیے اسکواڈ میں کپتان سرفراز احمد، اظہر علی، سمیع اسلم، امام الحق، حارث سہیل، بابر اعظم، فخر زمان، اسد شفیق، عثمان صلاح الدین، شاداب خان، محمد عامر، محمد عباس، حسن علی، راحت علی، سعد علی، فہیم اشرف شامل ہیں۔

    آئرلینڈ سے ایک ٹیسٹ میچ کے بعد پاکستان اور انگلینڈ کے درمیان دو میچز کی سیریز کھیلی جائے گی، پاکستان اور آئر لینڈ کے درمیان واحد ٹیسٹ 11 مئی سے شروع ہوگا، انگلینڈ کے خلاف پہلا ٹیسٹ 24 مئی اور دوسرا یکم جون کو کھیلا جائے گا۔

    چیف سلیکٹر انضمام الحق کا کہنا ہے کہ بیٹنگ آرڈر کو مضبوط کرنے کی کوشش کی ہے، ورلڈ کپ انگلینڈ میں ہے اس لیے نوجوانوں کو موقع دینا چاہتے ہیں، آگے سب کو چانس ملے گا، انگلینڈ کی وکٹ پر سوئنگ کا زیادہ چانس ہے، یاسر شاہ ٹیم کے اہم بالر ہیں، اللہ کرے ان کی انجری جلد ٹھیک ہوجائے۔

    واضح رہے کہ لاہور کے قذافی اسٹیڈیم میں تربیتی کیمپ کا پہلا مرحلہ ختم ہوچکا ہے، دوسرے مرحلے میں اب 16 رکنی اسکواڈ حصہ لے گا، تربیتی کیمپ 18 اپریل سے شروع ہوگا، قومی ٹیم 23 اپریل کو انگلینڈ روانہ ہوگی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں.

  • سفارت کاروں کو ملک بدر کرنے پر برطانیہ کو منہ توڑ جواب دیں گے: روسی وزارت خارجہ

    سفارت کاروں کو ملک بدر کرنے پر برطانیہ کو منہ توڑ جواب دیں گے: روسی وزارت خارجہ

    ماسکو: برطانیہ اور روس کے درمیان جاری تنازعات اور سفارت کاروں کو ملک بدر کرنے پر روسی وزارت خارجہ نے برطانیہ کو سنگین نتائج کی دھمکی دے دی۔

    تفصیلات کے مطابق گذشتہ دنوں برطانوی سرزمین پر روسی جاسوس اور ان کی بیٹی کو زہر دے کر قتل کرنے کی کوشش کی گئی تھی جس کے بعد برطانوی حکومت نے براہ راست روس کو مورد الزام ٹہراتے ہوئے ان کے 23 سفارت کارروں کو ملک بدر کرنے کا اعلان کیا تھا۔

    بعد ازاں برطانوی حکومت کے اس اقدام کے نتیجے میں روس نے بھی رد عمل میں اپنی سرزمین سے 23 برطانوی سفارت کاروں کو ملک چھوڑنے کا حکم دیا تھا جس کے بعد روس اور برطانیہ کے تعلقات میں شدید تناؤ کی کیفیت پیدا ہوگئی ہے۔

    روس کا بھی برطانوی سفیروں کو ملک بدرکرنے کا فیصلہ

    ترجمان روسی وزارت خارجہ کی جانب سے جاری کردہ بیان میں کہا گیا ہے کہ حالات کا جائزہ لے رہے ہیں تاہم جوابی اقدامات کا فیصلہ روسی صدر ولادیمیر پیوٹن کریں گے، امریکا سمیت 20 سے زائد مغربی ممالک سے اپنے سفیروں کی بے دخلی کا بھرپور جواب دیں گے۔

    ان کا مزید کہنا تھا کہ روسی حکومت پہلے بھی وضاحت اور تصدیق کرچکی ہے کہ برطانیہ میں مقیم سابق روسی جاسوس کو زہر دینے میں اس کا کوئی ہاتھ نہیں لیکن اس کے باوجود ہمارے سفارت کارروں کو ملک بدر کیا گیا۔

    برطانوی سفارت کاروں کو ملک بدر کرنے سے حقائق نہیں چھپ سکتے: برطانوی وزیر اعظم

    خیال رہے کہ روس اور برطانیہ کے درمیان جاری تنازعات میں امریکا نے برطانیہ کی حمایت کی ہے بعد ازاں صدر ڈونلڈ ٹرمپ نے بھی گذشتہ دنوں امریکا میں مقیم روس کے 60 سفارتی اہلکاروں کو ملک سے نکلنے اور سیاٹل میں واقع روسی قونصل خانہ بند کرنے کا حکم دیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سوڈان: یورپی ممالک کے سفارت کار رشتہ ازدواج کے موقع پر مقامی رنگ میں رنگ گئے

    سوڈان: یورپی ممالک کے سفارت کار رشتہ ازدواج کے موقع پر مقامی رنگ میں رنگ گئے

    خرطوم: سوڈان میں متعین برطانوی سفارت کار اور ہالینڈ کی خاتون سفارت کار نے اپنی شادی کی تقریب کے موقع پر مقامی رسم و رجواج اپنا لیا۔

    تفصیلات کے مطابق سوڈان میں مقیم برطانوی سفیر ’اشیاق غفور‘ اور ہالینڈ کی خاتون سفارت کار ’فیکا‘ رشتہ ازدواج میں بندھ گئے تاہم ان کی شادی کی تقریب سوڈانی رسم ورجواج کے مطابق انجام پائی۔

    حیران کن بات یہ ہے کہ دونوں سفارت کاروں کا تعلق یورپی ممالک سے ہے لیکن انہوں نے شادی کے لیے اپنی روایات کو ترک کر دیا اور سوڈانی رسم ورواج اپنایا جس کے بعد اب وہ ایک دوسرے کے شریک حیات ہیں۔

    دنیا کے سرد ترین مقام انٹارکیٹکا میں انوکھی شادی

    شادی کے موقع پر دلہن فیکا نے سوڈان کی تیار کردہ خصوصی گاؤن زیب تن کیا جب کہ دلہا نے روایتی سوڈانی چغہ، سرپر حریرہ اور چیتے کی کھال کی ڈیزائن کے جوتے زیب تن کیے اور ماتھے پرہلال کی شکل کے سنہری چاند پر مشتمل ایک پٹی باندھ کر مقامی روایت کو زندہ کیا۔

    شادی کی تقریب میں سفارت کاروں کے علاوہ دیگر اہم شخصیات کی بھی بڑی تعداد موجود تھی، اس موقع پر خواتین اور دیگر عزیز واقارب نے روایتی نغموں اور دف بجا کر شادی کی تقریب کو مزید دلچسپ بنا دیا۔

    انڈونیشیا میں 16سالہ لڑکے کی دادی کی عمر کی خاتون سے انوکھی شادی

    دوسری جانب سوڈان کے دار الحکومت خرطوم میں قائم برطانوی سفارت خانے نے دونوں سفارت کاروں کے درمیان ہونے والی شادی کی تصدیق کرتے ہوئے رشتہ ازدوج میں منسلک ہونے پر مبارک باد بھی پیش کیا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔