لندن : انگلش بیٹسمین این بیل نے ایک روزہ کرکٹ سے ریٹائرمنٹ کا اعلان کردیا۔ این بیل کو ون ڈے میں انگلینڈ کی جانب سے سب سے زیادہ رنزبنانے کا اعزاز حاصل ہے۔
بیل نے ایک سو اکسٹھ میچ میں چار سینچریز اور پینتیس نصف سینچریز کی مدد سے پانچ ہزار چار سو سولہ رنزبنائےہیں۔ تینتیس سالہ بیل نے دوہزار چار میں زمبابوے کے خلاف ون ڈے ڈیبیو کیا۔
اپنی عمدہ پرفارمنس کی بدولت وہ جلد ہی ٹیم کے اہم رکن بن گئے۔ بیل کا کہنا ہے کہ وہ ٹیسٹ کرکٹ جاری رکھیں گے۔ طویل فارمیٹ پر توجہ دینے کے سبب وہ ون ڈے سے ریٹائر ہورہے ہیں۔
ناٹنگھم : ایشز سیریز کے چوتھے ٹیسٹ میں انگلینڈ فتح کے قریب پہنچ گیا، جس میں آسٹریلیا کو اننگز کی شکست سےبچنے کے لیے مزید نوے رنز بنانے اور اس کے صرف تین کھلاڑی باقی رہ گئے ہیں۔
ناٹنگھم ٹیسٹ کے دوسرے روز ہی انگلینڈ کی فتح صاف دکھائی دے رہی ہے۔ انگلینڈ نے پہلی نامکمل اننگز دو سو چوہتر رنز چار کھلاڑی آؤٹ سے شروع کی تو جو روٹ نے ایک سو تیس رنز کی اننگز کھیلی۔
انگلینڈ نے اننگز تین سو اکیانوے رنز نو کھلاڑی آؤٹ پر ڈیکلئیر کردی۔ آسٹریلیا اوپنرز نے تین سو اکتیس رنز کی برتری ختم کرنے کی کوشش میں ایک سو تیرہ کی شراکت قائم کی۔
لیکن دیگر بیٹسمین انگلش بولر کے آگے ٹک نہ سکے اور کھیل کے اختتام تک آسٹریلیا کی سات وکٹیں دو سو اکتالیس رنز پر گرچکی تھیں۔ اننگز کی شکست سے بچنے کیلئے آسٹریلیا کو مزید ستر رنز بنانے ہیں۔
کراچی: پاکستانی آف اسپنرسعید اجمل نے رہنگیا مسلمانوں کے لئے انگلینڈ میں ہونے والے چیریٹی پروگرام میں 30 ہزارپاؤنڈ اکھٹے کرلئے۔
تفصیلات کے مطابق فنڈ ریزنگ کے لئے اس چیریٹی شو کا انعقاد مانچسٹرمیں کیا گیا تھا جس میں سعید اجمل مہمان خصوصی تھے۔
میانمار میں فرقہ وارانہ تشدد کے سبب ہزاروں روہنگیا مسلمان اپنے گھر چھوڑکرکشتیوں میں رہنے پرمجبورہیں۔
سعید اجمل ان دنوں انگلینڈ میں ورکسٹرشائر کے لئے ڈومیسٹک کرکٹ کھیل رہیں ہیں۔
اسلام آباد : وفاقی وزیر اطلاعات و نشریات سینیٹر پرویز رشید نے کہا ہے کہ بھارت سے ایم کیوایم کومبینہ فنڈنگ پر برطانیہ سےمعلومات تک رسائی مانگ لی ہے۔
پاکستان میں قتل وغارت کے نشانات کسی دوسرے ملک کے شہری تک ملتے ہیں تو اس ملک کو تعاون کرنا ہوگا۔ ان خیالات کا اظہار انہوں نے میڈیا سے گفتگو کرتے ہوئے کیا۔
پرویز رشید نے کہا کہ طارق میر اور محمد انور کے بیانات نے ایم کیو ایم کے چہرے پر دھبہ لگا دیا، اب یہ داغ دھونا ایم کیو ایم کی ذمہ داری ہے۔
وفاقی وزیر اطلاعات پرویز رشید نےمیڈیا سے گفتگو کرتے ہوئے کہا کہ اسکاٹ لینڈ یارڈ کے پاس شواہد ہیں۔ حکومت پاکستان نے ان شواہد کو حاصل کرنے کیلئے حکومت برطانیہ سے رابطہ کر لیا ہے۔
انہوں نے کہا کہ جب شواہد ہمارے پاس آئیں گے تو یقیناً ان کا مطالعہ کرنے کے بعد قانون اپنا راستہ اختیار کرے گا۔ انہوں نے کہا کہ ایم کیو ایم پر لگے دھبے کو دھونا ایم کیو ایم کی بھی ذمہ داری ہے۔
اسلام آباد : وفاقی وزیرداخلہ چوہدری نثارنےکہا ہے کہ برطانیہ کوان کامطلوب ملزم دیں گے توجواب میں ان سےبھی اپنا ملزم لیں گے۔
یہ بات انہوں نے اسلام آباد میں میڈیا سے گفتگو کرتے ہوئے کہی انہوں نے کہا کہ عمران فاروق قتل کیس کا ملزم معظم علی خان ساڑھےتین سال سےروپوش تھا،ٹیلی فون مانیٹرنگ سے اس کا سراغ ملا۔
انہوں نے مزید کہا کہ ڈاکٹرعمران فاروق لندن میں قتل ہوئےلیکن ان کےمبینہ قاتلوں کو لندن بھجوانےکاذمہ دارکراچی میں چھپابیٹھاتھا،رینجرزنے نائن زیروکےقریب سےمعظم علی خان کوگرفتارکرلیا۔
وزیرداخلہ چوہدری نثارنے ملزم معظم علی خان کی گرفتاری کااعلان کیا تھا لیکن وہ بی بی سی سے بھی ناراض ہیں جس کی وجہ سےملزم روپوش ہوگیا تھا اوراس کی گرفتاری میں اتنا وقت لگا۔
، چوہدری نثارنے کہاکہ برطانیہ کوواضح طورپربتادیا ہے کہ ان کامطلوب ملزم اس صورت میں حوالے کریں گےاگروہ بھی پاکستان کومطلوب ملزم حوالے کرنےکاوعدہ کریں۔
چوہدری نثارنےواضح کیا کہ الطاف حسین کی لندن پولیس اسٹیشن میں پیشی اوربرطانوی ہائی کمشنرسےان کی ملاقات کاوقت ایک ہونا اتفاقی بات ہے۔
برطانوی ہائی کمشنرکومعلومات وزیراعظم کےفیصلے کےتحت فراہم کیں چوہدری نثارنےکہا کہ عمران فاروق قتل کیس بلائنڈکیس ہوچکا تھا ،ملکی ایجنسیوں نےحقائق کاسراغ لگایا،کارکردگی کااعتراف خود اسکاٹ لینڈیارڈ نے بھی کیا۔
اینٹیگا: اینٹیگا ٹیسٹ کے ابتدائی روز انگلینڈ نے ویسٹ انڈیز کے خلاف پہلی اننگز میں پانچ وکٹوں پر تین سو اکتالیس رنزبنالئے۔
اینٹیگا میں کھیلے جانے والے میچ کا ٹاس ویسٹ انڈیز نے جیت کر پہلے فیلڈنگ کا فیصلہ کیا، پہلے ہی اوور میں ٹراٹ بغیر کوئی رن بنائے پویلین لوٹ گئے، جس کے بعد کپتان ایلسٹر کک اور بیلانس بھی جلد وکٹ گنوا کر ٹیم کو مشکلات میں ڈال گئے۔
چونتیس رنزپر تین وکٹیں گرنے کے بعد این بیل اور جوائے روٹ نے ٹیم کی کمان سنبھالی، دونوں بیٹسمینوں نے چوتھی وکٹ کے لئے ایک سو ستتر رنز کی شراکت قائم کی۔
بیل نے ایک سو تینتالیس رنز کی شاندارا اننگز کھیلی، روٹ نے تراسی رنز اسکور کئے۔ پہلے روز کھیل کے اختتام تک انگلینڈ نے پانچ وکٹوں پر تین سو اکتالیس رنزبنالئے ہیں، بین اسٹوکس اکہتر رنزبناکر وکٹ پر موجود ہیں۔
سڈنی : ورلڈ کپ میں اپنے آخری میچ میں انگلینڈ نے افغانستان کو نو وکٹوں سے شکست دے دی۔ انگلش ٹیم پہلے ہی کوارٹرفائنل کی دوڑ سے باہر ہوچکی ہے۔
سڈنی میں بارش نے انگلینڈ اور افغانستان کے میچ کا مزہ پھیکا کردیا۔ انگلینڈ نے ٹاس جیت کر افغانستان کو بیٹنگ کی دعوت دی۔ میچ کے دوران وقفے وقفے سے ہونےو الی بارش نے کھیل متاثر کیا۔
افغانستان نے چھتیس اعشاریہ دو اوورز میں ایک سو گیارہ رنزبنائے تھے کہ میچ بارش کے سبب روک دیا گیا۔
کھیل دوبارہ شروع ہوا تو انگلینڈ کو ڈک ورتھ لوئس قانون کے تحت پچیس اوورز میں ایک سو ایک رنز کا ہدف ملا۔ جو انگلش ٹیم نے ایک وکٹ کے نقصان پر حاصل کرلیا۔
لندن : ورلڈ کپ کے پہلے ہی راؤنڈ سے باہر ہونے پر انگلش ٹیم کے کوچ پیٹر مورس سے مستعفی ہونے کی خبروں نے زور پکڑا تو بورڈ کے چیف نے اسے مسترد کردیا۔
ورلڈ کپ کے ڈو اینڈ ڈائی میچ میں بنگلہ دیش سے شرمناک شکست کے بعد انگلش میڈیا نے ٹیم کے کوچ اور کھلاڑیوں کو آڑے ہاتھوں لیا۔ تو انگلش بورڈ کے کرتا دھرتا سامنے آگئے۔
ٹیم کے مینجنگ ڈائریکٹر کا کہنا ہے کہ ہیڈ کوچ پیٹر مورس اپنے عہدے پر برقرار رہیں گے۔ بورڈ کو ان پر مکمل اعتماد ہے۔ پیٹر مورس سے استعفی نہیں لیا جارہا۔ وہ دس ماہ قبل آئے تھے۔
اںہوں نے کہا کہ ان کی جگہ کوئی بھی ہوتا اسے بھی درپیش مشکلات کا سامنا کرنا پڑتا۔ برطانیہ کے اخبارات میں کوچ پیٹر مورس سے مستعفی ہونے کی خبریں زور پکڑ رہی ہیں۔ انیس سو بانوے کے بعد یہ پہلا موقع ہے کہ ٹیم کوارٹرفائنل میں بھی نہیں پہنچ سکی۔
واضح رہے کہ ورلڈ کپ کے پول میچ میں بنگلہ دیش کی ٹیم نے انگلیڈ کو سخت مقابلے کے بعد پندرہ رنز سے اپ سیٹ شکست دی تھی، جو انگلینڈ کے ورلڈ کپ سے باہر ہونے کا سبب بنی،جس پر انگلش میڈیا کی جانب سے اپنی ٹیم کو شدید تنقید کا نشانہ بنایا گیا۔
ویلنگٹن: ورلڈ کپ میں سری لنکا نے انگلینڈ کو باآسانی نو وکٹوں سے شکست دے دی، فاتح ٹیم نے تین سو دس رنز کا ہدف ایک وکٹ کے نقصان پرحاصل کرلیا۔
تین سو سے زائد رنز کا ہدف کیسے حاصل کیا جاتا ہے کوئی سری لنکا سے سیکھ لے۔ ویلنگٹن میں سری لنکا نے انگلینڈ کو چاروں شانے چت کردیا۔
انگلش بولرز تین سو دس رنز کے ہدف کا بھی دفاع نہ کرسکے۔ انگلینڈکے جوائے روٹ کی سینچری رائیگاں ہوگئی۔
انگلینڈ نے پہلے بیٹنگ کرتے ہوئے اسکور بورڈ پر ٹوٹل تو فائٹنگ بنایا لیکن سنگاکارا اور تھرمانے نے انگش ٹیم کی امیدوں پر پانی پھیردیا۔
سنگاکارا اور تھرمانے نے سینچریاں بناتے ہوئے ہدف اڑتالیسویں اوور میں حاصل کرلیا۔ تھرمانے ایک سو انتالیس اور سنگاکارا نے ایک سو سترہ رنز کی ناقابل شکست اننگز کھیلی۔
کرائسٹ چرچ : ورلڈ کپ میں انگلینڈ نے پہلی کامیابی حاصل کرلی۔ گروپ اے کے میچ میں انگلش ٹیم نے اسکاٹ لینڈ کو باآسانی ایک سو انیس رنز سے شکست دے دی۔
کرائسٹ چرچ میں انگلینڈ نے بھرپور کم بیک کیا، اسکاٹ لینڈ کا ٹاس جیت کر پہلے فیلڈنگ کا فیصلہ غلط ثابت ہوا۔ انگلش ٹیم ابتدا سے ہی اسکاٹ لینڈ پر حاوی رہی۔
معین علی اور این بیل کی ایک سو بہتر رنز اوپننگ شراکت نے ٹیم کی پوزیشن مستحکم کردی۔ معین علی نے ایک سو اٹھائیس اور ای این بیل نے چون رنز کی اننگز کھیلی۔
کپتان ایوائن مورگن نے چھیالیس رنز اسکور کئے۔ انگلینڈ نے مقررہ پچاس اوورز میں آٹھ وکٹوں پر تین سو تین رنز بنائے۔
ہدف کے تعاقب میں اسکاٹ لینڈکے بلے بازوں نے ہتھیار ڈال دیئے۔ اور پوری ٹیم تینتالیسویں اوورز میں ایک سو چوراسی رنزبناکر آؤٹ ہوگئی۔ جنرل ساؤنڈ آل راؤنڈ کارکردگی پر معین علی میچ کے بہترین کھلاڑی قرار پائے۔