ARYNews.tv | Urdu – Har Lamha Bakhabar

Tag: England

  • ایشز سیریز کا پہلا ٹاکرا کینگروز کے نام

    ایشز سیریز کا پہلا ٹاکرا کینگروز کے نام

    برسبین: ایشر سیریز کے پہلے ٹیسٹ میچ میں آسٹریلیا نے مہمان ٹیم کو نو وکٹوں سے شکست دے دی ہے۔

    تفصیلات کے مطابق برسبین گابا اسٹیڈیم میں کھیلے جارہے پہلے ٹیسٹ میچ میں انگلینڈ نے آسٹریلیا کو جیتنے کے لئے محض 20 رنز کا ہدف دیا جو کہ کینگروز نے ایک وکٹ کے نقصان پر حاصل کرلیا۔

    گابا ٹیسٹ میں انگلش ٹیم کی کارکردگی ناقص رہی، مہمان ٹیم اپنی پہلی اننگز میں 147 رنز پر جبکہ دوسری اننگز میں 247 رنز بناسکی۔

    Image

    اس سے قبل انگلینڈ اپنی دوسری اننگز میں 297 رنز بناکر آؤٹ ہوگئی تھی، نیتھن لیون نے 4 جبکہ کیمرون گرین نے 2 کھلاڑی کو آؤٹ کیا۔

    یہ بھی پڑھیں: بین اسٹوکس کی 14 نوبالز: ایشز امپائرنگ تنقید کی زد میں

    واضح رہے کہ انگلینڈ نے برسبین ٹیسٹ میں ٹاس جیت کر پہلے بیٹنگ کا فیصلہ کیا تھا جو اس کے لئے ڈراؤنا خواب ثابت ہوا، کینگروز کپتان پیٹ کمنز انگلش ٹیم پر قہر بن کر ٹوٹے اور 5 کھلاڑیوں کو آؤٹ کیا، مچل اسٹارک اور جوش ہیزل ووڈ نےبھی 2، دو کھلاڑیوں کو آؤٹ کیا، کیمرون گرین کے حصے میں ایک وکٹ آئی۔Imageجواب میں کینگروز ٹیم نے اپنی پہلی اننگز میں ٹریوس ہیڈ کے 152 اور ڈیوڈ وارنر کے 94 رنز کی بدولت 425 رنز بنائے تھے اور اسے انگلینڈ کے خلاف 278 رنز کی بڑی برتری حاصل ہوئی تھی۔

    آسٹریلیا کو5میچز کی سیریز میں0-1کی برتری حاصل ہوگئی ہے، دوسرا ٹیسٹ 16 دسمبر سے کھیلا جائے گا۔

  • فن لینڈ کرکٹ ٹیم کی انگلینڈ کے خلاف انوکھی حکمت عملی، ویڈیو وائرل

    فن لینڈ کرکٹ ٹیم کی انگلینڈ کے خلاف انوکھی حکمت عملی، ویڈیو وائرل

    فن لینڈ کی کرکٹ ٹیم نے انگلینڈ کے بیٹسمین کو آؤٹ کرنے کی ایسی عجیب و غریب حکمت عملی ترتیب دی جسے کرکٹ شائقین دیکھ کر حیرت زدہ رہ گئے۔

    کرکٹ کی تاریخ کا انوکھا واقعہ اُس وقت پیش آیا جب دفاعی چیمپئن انگلینڈ سے مقابلہ کے لیے فن لینڈ کی  ٹیم نے تین کھلاڑیوں کو چھوڑ کر باقی سب کو سلپ پر فیلڈ دے دی۔

    غیر ملکی خبر رساں ادارے کی رپورٹ کے مطابق یورپی چیمپئن شپ کرکٹ کے افتتاحی میچ میں فن لینڈ کی ٹیم نے ٹاس جیت کر فیلڈنگ کا فیصلہ کیا، میچ کے آغاز میں فن لینڈ کے بالر نے اپنے انداز سے فیلڈر کھڑے کیے۔

     سوشل میڈیا پر وائرل ہونے والی ویڈیو میں دیکھا جاسکتا ہے کہ وکٹ کیپر کے ساتھ سلپ پر مزید آٹھ کھلاڑی بھی موجود ہیں اور صرف دو فیلڈر باقی میدان میں ہیں۔

    اس حکمت عملی کو دیکھ کر کمنٹٹرز بھی چپ نہ رہ سکے، ان کا کہنا تھا کہ میں یقین نہیں کر سکتا تھا کہ میں کیا دیکھ رہا ہوں۔ میچ کے پہلے اوور کی پہلی گیند پر ایسی حکمت عملی یقیناً سب کیلئے حیران کن تھی کیونکہ کرکٹ کے میدان میں ایسا منظر آج سے پہلے کسی نے نہیں دیکھا تھا۔

    بہرحال فن لینڈ کے بالر کی یہ حکمت عملی کار آمد ثابت ہوئی اور پہلی بال پر ہی گیند انگلینڈ کے اوپنر کے بلے کو چھوتی ہوئی وکٹ کیپر کے ہاتھ میں پہنچ گئی۔

    بعد ازاں انگلینڈ نے یہ میچ چار کھلاڑیوں کے نقصان پر113 رنز بنا کر 14رنز سے جیت لیا، جس میں فاتح ٹیم کے کپتان ڈین لنکن نے 26گیندوں پر 56 رنز کی شاندار اننگز کھیلی۔

  • انگلینڈ بورڈ کا فیصلہ بزدلانہ ہے، کھلاڑیوں اور بھارت سے ڈر کر کیا گیا: برطانوی مصنف

    انگلینڈ بورڈ کا فیصلہ بزدلانہ ہے، کھلاڑیوں اور بھارت سے ڈر کر کیا گیا: برطانوی مصنف

    لندن: برطانیہ کے ایک مصنف پیٹر اوبورن نے انگلینڈ کرکٹ بورڈ کا فیصلہ بزدلانہ قرار دے دیا، ان کا کہنا تھا کہ بورڈ نے دورۂ پاکستان کی منسوخی کا فیصلہ انگلش کھلاڑیوں اور بھارت سے ڈر کر کیا۔

    تفصیلات کے مطابق انگلینڈ کے مصنف پیٹر اوبورن نے انگلش بورڈ کو آڑے ہاتھوں لے لیا، انھوں نے کہا کہ جس بنیاد پر دورۂ پاکستان منسوخ کیا گیا وہ انتہائی تشویش کی بات ہے۔

    پیٹر اوبورن نے کہا کہ انگلینڈ بورڈ نے دورہ منسوخی کا فیصلہ بزدلانہ اور کھلاڑیوں اور بھارت سے ڈر کر کیا ہے، بالخصوص اس فیصلے میں آئی پی ایل کا بھی کردار ہے، پاکستان میں سیکیورٹی انتظامات وہی تھے جو شہزادہ ولیم اور کیٹ مڈلٹن کے لیے کیے گئے تھے، پاکستان میں انگلش ہائی کمیشن سیکیورٹی انتظامات سے مطمئن تھا۔

    برطانوی مصنف نے اسکائی نیوز سے گفتگو کرتے ہوئے کہا پاکستان کی کرکٹ کے لیے نہیں یہ فیصلہ پوری دنیا کے لیے ایک دھچکا ہے، پاکستان کی ٹیم دنیا کی بہترین ٹیموں میں سے ہے، انگلینڈ نے بظاہر یہ فیصلہ سیکیورٹی بنیاد پر نہیں کیا۔

    مصنف اوبورن نے فیصلے کا پول کھولتے ہوئے کہا کہ انگلش بورڈ کی سیکیورٹی ایڈوائس میں کوئی تبدیلی نہیں تھی، پریس ریلیز میں سیکیورٹی کا نہیں بلکہ کھلاڑیوں کے ذہنی دباؤ کا ذکر ہے۔

    انھوں نے مزید کہا کہ پاکستان کرونا وبا کے خطرناک وقت میں بھی برطانیہ آ کر کھیلا، پاکستان نے کرونا وبا میں آ کر برطانیہ پر احسان کیا تھا۔

  • انگلینڈ میں بم سے اڑانے کی دھمکیاں، نیوزی لینڈ ٹیم کا دہرامعیار سامنے آگیا

    انگلینڈ میں بم سے اڑانے کی دھمکیاں، نیوزی لینڈ ٹیم کا دہرامعیار سامنے آگیا

    لندن: پاکستان میں سیکیورٹی کا بہانے بناکر دورہ منسوخ کرنے والے نیوزی لینڈ کا دہرا معیار سامنے آگیا ہے۔

    تفصیلات کے مطابق دنیائے کرکٹ کی سب سے بڑی ویب سائٹ کرک انفو کے مطابق انگلینڈ ، نیوزی لینڈ ویمن ٹیم کےدرمیان سیریزکا تیسراون ڈے شیڈول ہے، نیوزی لینڈ کی ویمن ٹیم ہوٹل میں موجود ہے جسے بم سےاڑانےکی دھمکی دی گئی۔

    کرک انفو کے مطابق بم سےاڑانےکی دھمکیاں ملنےکےباوجود انگلینڈ میں کرکٹ کھیلنےکیلئے بضد ہے، بم سےاڑانےکی دھمکیوں کےبعد ٹریننگ منسوخ کردی گئی ہے۔

    کرک انفو کے مطابق پولیس اورانسداد دہشت گردی ایجنسیوں کوسیکیورٹی کیلئےبلالیا گیا ہے، ممکن سمجھاجارہاہے کہ میچ منسوخ کردیا جائےگا۔

    واضح رہے کہ آج نیوزی لینڈ کے دورہ منسوخ کرنے کے بعد انگلش کرکٹ بورڈ نے بھی اپنی ٹیمیں پاکستان بھیجنے سے معذرت کرلی تھی۔

    یہ بھی پڑھیں: ‘ بھارت کیساتھ اب انگلینڈ اورنیوزی لینڈ بھی نشانے پرآگئے’

    انگلش کرکٹ بورڈ کا کہنا تھا کہ سیکیورٹی اطلاعات پر ٹیم پاکستان نہیں بھیج سکتے، کھلاڑیوں اور معاون عملے کی ذہنی اور جسمانی فلاح اولین ترجیح ہے، کھلاڑی کورونا کی وجہ سے ذہنی دباؤ کا شکار ہیں ان پر مزید دباؤ نہیں ڈال سکتے۔

    انگلینڈ کی مینز ٹیم کو 13، 14 اکتوبر کو 2 ٹی ٹوینٹی کھیلنا تھے، خواتین ٹیم نے بھی 2 ٹی 20 اور تین ون ڈے میچز پاکستان میں کھیلنا تھے۔

    اس سے قبل جمعے کے روز پہلا ون ڈے شروع ہونے سے کچھ دیر قبل نیوزی لینڈ کرکٹ ٹیم نے سکیورٹی خدشات کو جواز بنا کر پاکستان کا دورہ اچانک ختم کرنے کا اعلان کردیا تھا جس کے بعد دونوں ٹیموں کے درمیان سیریز ملتوی کردی گئی تھی۔

  • شہری نے جعلی ٹریفک لائٹ گھر کے باہر لگالی، پھر کیا ہوا؟

    شہری نے جعلی ٹریفک لائٹ گھر کے باہر لگالی، پھر کیا ہوا؟

    والٹ شائر : اپنے گھر کو کاروں سے پہنچنے والے نقصان سے بچانے کیلئے ٹریفک لائٹ لگانا شہری کو مہنگا پڑ گیا، عدالت نے 75ہزار روپے جرمانہ عائد کردیا۔

    انگلینڈ کے علاقے والٹ شائر میں مقیم شہری نے اپنے گھر کو نقصان سے بچانے اور مزید کسی حادثے سے روکنے کے لیے گرین ٹریفک لائٹ لگائی جو اس کیلئے پریشانی کا باعث بن گئی۔

    علاقے کا 62سالہ وین ارل نامی شخص اپنے گھر کے سامنے گزرنے والی سڑک پر تیز رفتار ٹریفک سے بہت پریشان تھا اس کی پریشانی دوسری اور بڑی وجہ یہ تھی ایک بار تیز رفتار گاڑی نے اس کے گھر کی دیوار توڑ دی تھی۔

    وین ارل کو خدشہ تھا کہ اس بار کوئی تیز رفتار گاڑی ان کے گھر میں گھس جائے گی چنانچہ اسے اپنے پورچ پر ایک روشن سبز بتی لگانے کا خیال آیا جو کہ قانونی طور پر ممنوع ہے۔

    شہری کے اس عمل سے وہاں سے گزرنے والی گاڑیوں کے ڈرائیورز کو آنکھوں کو خیرہ کرنے والی سبز بتی سے پریشانی کا سامنا کرنا پڑ رہا تھا۔

    صورتحال دیکھتے ہوئے مقامی پولیس نے جعلی گرین ٹریفک لائٹ لگانے پراس کے خلاف قانونی کارروائی کی اورعدالت میں پیش کردیا۔ والٹ شائر کی مقامی عدالت نے وین ارل پر عوامی پریشانی پھیلانے کے جرم میں پاؤنڈ332 (34،000 روپے) جرمانہ عائد کیا ہے۔

    عدالت نے اسے یہ بھی حکم دیا گیا تھا کہ وہ 150پاؤنڈ (15000 روپے) لاگت میں اور £ 32 (3،200)سرچارج ادا کرے جو مجموعی طور پر2 332پاؤنڈ (پاکستانی 75ہزار روپے) بنتی ہے۔

  • دوسرا ٹی ٹوئنٹی: بابر الیون سیریز اپنے نام کرنے کے لئے بے تاب

    دوسرا ٹی ٹوئنٹی: بابر الیون سیریز اپنے نام کرنے کے لئے بے تاب

    لیڈز: پاکستان اور انگلینڈ کےدرمیان ٹی ٹوئنٹی سیریز کا دوسرامیچ آج لیڈز میں کھیلا جائے گا، قومی ٹیم کو سیریز میں ایک صفرکی برتری حاصل ہے۔

    تفصیلات کے مطابق میچ پاکستانی وقت کے مطابق شام ساڑھے چھ بجے شروع ہوگا، پاکستان کو سیریز ایک صفر کی برتری حاصل ہے۔

    پاکستان کی جانب سے پہلے ٹی ٹوئنٹی اسکواڈ کو برقرار رکھے جانے کا امکان ہے، دونوں ٹیمیں نوٹنگھم سے لیڈز پہنچ چکی ہیں جہاں انہوں نے فیلڈنگ، بیٹنگ اور بولنگ پریکٹس کی۔

    واضح رہے کہ پاکستان نے پہلے ٹی ٹوئنٹی انٹرنیشنل میچ میں انگلینڈ کو 31 رنز سے ہرایا تھا، کپتان بابر اعظم 85،محمد رضوان نے 63رنز بنا کر نمایاں رہے، شاہین آفریدی اور شاداب خان نے3، 3 وکٹیں حاصل کرتے ہوئے پاکستان کی فتح میں اہم کردار ادا کیا۔

  • دورہ انگلینڈ پر موجود بھارتی ٹیم پر کرونا کا وار ، کھلاڑی متاثر

    دورہ انگلینڈ پر موجود بھارتی ٹیم پر کرونا کا وار ، کھلاڑی متاثر

    لندن: دورہ انگلینڈ پر موجود بھارتی ٹیم کو بڑا دھچکا لگا ہے، جہاں بھارتی ٹیم کے ایک کھلاڑی میں کرونا وائرس کی تصدیق ہوگئی ہے۔

    بھارتی میڈیا کے مطابق دورہ انگلینڈ پر موجود بھارتی ٹیم کے وکٹ کیپر بیٹسمین رشب پنتھ کا کرونا ٹیسٹ مثبت آگیا ہے، کرونا ٹیسٹ مثبت آنے کے بعد انہیں فوری طور پر آئسولیٹ کردیا گیا ہے۔

    بھارتی میڈیا کے مطابق رشب پنتھ ٹیم کے ہمراہ درہم نہیں جائیں گے، کرونا کی تشخیص ہونے والے رشب پنتھ میں وائرس کی کوئی سنگین علامت نہیں ہیں۔واضح رہے کہ بی سی سی آئی کے سکریٹری جے شاہ پہلے ہی بھارتی کھلاڑیوں کو برطانیہ میں پھیلتے ڈیلٹا ویرینٹ سے متعلق آگاہ کرچکے تھے، جے شاہ کا کہنا تھا کہ کھلاڑیوں کو خط کے زریعے متنبہ کیا تھا کہ ڈیلٹا ویئرینٹ کے خلاف ویکیسین زیادہ کارآمد نہیں ہیں۔

    بھارتی میڈیا رپورٹ کے مطابق بھارتی کرکٹرز کو یورو کپ کے فائنل اور ومبلڈن ٹورنامنٹ کے مختلف میچز میں بھی دیکھا گیا تھا۔

    بھارتی میڈیا کا کہنا ہے کہ رشب پنتھ ان کھلاڑیوں میں شامل ہیں جہنوں نے چار دن قبل کرونا کی دوسری ڈوز لگوائی تھی، بھارتی ٹیم نیوزی لینڈ کے خلاف ورلڈ ٹیسٹ چیمپیئن شپ کھیلنے کے بعد تین ہفتوں کے وقفے پر ہے، بھارت اور انگلینڈ کے درمیان چار اگست سے پانچ میچوں پر مشتمل ٹیسٹ سیریز کا پہلا میچ کھیلا جائے گا۔

  • یوروکپ سیمی فائنل: ڈنمارک کے گول کیپر کو ” لیزر لائٹ ” مارے جانے کا انکشاف

    یوروکپ سیمی فائنل: ڈنمارک کے گول کیپر کو ” لیزر لائٹ ” مارے جانے کا انکشاف

    یورپی فٹبال فیڈریشن نے یوروکپ سیمی فائنل کے دوران ڈنمارک کے گول کیپر کو ‘ لیزر لائٹ ” مارنے کی تحقیقات کا آغاز کردیا ہے۔

    برطانوی میڈیا رپورٹ کے مطابق یوئیفا گذشتہ روز کھیلے گئے فٹ بال سیمی فائنل میں پیش آنے والے واقعات کی تحقیقات کر رہا ہے، لیزر لائٹ مخالفین ٹیم کے گول کیپر کو مارنے پر اب انگلینڈ کو تادیبی کرراوائی کاسامنا کرنا پڑ سکتا ہے۔

    یورپی فٹبال فیڈریشن کے مطابق میچ کے آخری لمحات میں ڈنمارک گول کیپر کو "لیزر لائٹ” ماری گئی، جس کا مقصد گول کیپر کی پینالٹی روکنے کی کوشش کو متاثر کرنا تھا، ڈنمارک کے کول گیپر نے واقعے کی باضابطہ شکایت بھی کی تھی۔

    برطانوی میڈیا رپورٹ کے مطابق انگلش فٹبال ایسوسی ایشن پر ڈنمارک کے قومی ترانے کو روکنےکا بھی الزام عائد کیا گیا ہے۔

    واضح رہے کہ گذشتہ روز انگلینڈ اور ڈنمارک کے درمیان فیصلہ کن میچ 1-1 سے برابر رہا تھا، میچ کا فیصلہ اضافی ٹائم میں ہوا، جہاں انگلش کپتان نے گول کرتے ہوئے اپنی ٹیم کو فتح دلائی۔

  • پاکستان سے سیریز: انگلینڈ کا دوسری بار اسکواڈ کا اعلان

    پاکستان سے سیریز: انگلینڈ کا دوسری بار اسکواڈ کا اعلان

    لندن: انگلینڈ نے پاکستان کے خلاف ون ڈے سیریز کے لئے اٹھارہ رکنی نئے اسکواڈ کا اعلان کردیا ہے، بین اسٹوکس انگلش ٹیم کی قیادت کریں گے۔

    تفصیلات کے مطابق انگلش اسکواڈ کا اعلان اس خبر کے بعد سامنے آیا ہے کہ جب پاکستان کے خلاف ون ڈے سیریز کے لئے کپتان ایوئن مورگن سمیت تین کھلاڑی اور چار آفیشلز کا کرونا ٹیسٹ مثبت آیا، جس کے باعث پوری انگلش ٹیم کو قرنطینہ کردیا گیا۔

    ای سی بی کی جانب سے جاری بیان میں بتایا گیا کہ آل راؤنڈر بین اسٹوکس کی بطور کپتان ٹیم میں واپسی ہوئی ہے جبکہ کرس سلور ووڈ کو ہیڈ کوچ کی ذمے داریاں دی گئیں ہیں۔

    یہ بھی پڑھیں: پاکستان کے خلاف سیریز سے قبل انگلینڈ ٹیم کو بڑا دھچکا، 7 ارکان کرونا کا شکار

    دلچسپ بات یہ ہے کہ انگلینڈ کی جانب سے نئے اسکواڈ میں نو کھلاڑی ایسے ہیں جو ابھی تک انٹرنیشنل کرکٹ میں قومی ٹیم کی نمائندگی نہیں کرسکیں ہیں، پاکستان اور انگلینڈ کے دوران شروع ہونے والی سیریز میں پہلا موقع ہوگا جب اتنی زیادہ تعداد میں کھلاڑیوں کو ون ڈے کیپ دی جائے گی۔

    پاکستان کے خلاف انگلینڈ کا نیا اسکواڈ ان کھلاڑیوں پر مشتمل ہے، کپتان بین اسٹوکس، ثاقب محمود، گریک اورٹن، ڈیوڈ پین، جون سمپسن، زیک کرالی، لوئس گریگوری، ڈین لارنس، جیمزونس، میٹ پارکنسن، ڈیوڈملان،فل سالٹ، بین ڈکٹ، جیک بال، ڈینی برگس، بریڈن چیس،ٹام ہیلم اور ول جیکس شامل ہیں۔

    انگلینڈ بورڈ پہلے کی واضح کرچکا ہے کہ پاکستان سے ون ڈے سیریز شیڈول کے مطابق ہوگی، دونوں ٹیموں کے درمیان تین ون ڈے انٹرنیشنل سیریز کا پہلا میچ جمعرات 8 جولائی کو شام پانچ بجے کارڈف میں کھیلا جائے گا، پہلا ون ڈے کھیلنے کیلئے قومی اسکواڈ آج ڈربی سے کارڈف روانہ ہوگا۔

  • قومی کرکٹ ٹیم دورہ انگلینڈ کے لئے روانہ

    قومی کرکٹ ٹیم دورہ انگلینڈ کے لئے روانہ

    لاہور: پاکستانی کرکٹ ٹیم تین ون ڈے اور تین ٹی ٹوئنٹی پر مشتمل سیریز کھیلنے کیلئے انگلینڈ روانہ ہوگئی۔

    تفصیلات کے مطابق انگلینڈ روانگی سے قبل پی ایس ایل شریک قومی ون ڈے اور ٹی ٹوئنٹی ٹیم کے کھلاڑیوں اور سپورٹنگ اسٹاف کو چارٹرڈ طیارہ کے زریعے علی الصبح ابوظبی سے لاہور لایا گیا پھر یہی طیارہ کھلاڑیوں کو لے کر برمنگھم روانہ ہوا۔

    قومی اسکواڈ بر منگھم سے ڈربی پہنچنے پر تین روز آئسولیشن میں گزارے گا، روم آئسولیشن مکمل ہونے کے بعد اگلے سات روز قومی کرکٹرز ڈربی کی آئسولیشن میں ٹریننگ ‏کریں گے، اس دوران قومی اسکواڈ ڈربی میں پچاس اوورز پر مشتمل دو انٹرا اسکواڈ پریکٹس میچز بھی کھیلے گا۔

    پہلا انٹرا اسکواڈ پریکٹس میچ یکم جولائی اور دوسرا 3تین جولائی کو کھیلا جائے گا، قومی اسکواڈ چھ جولائی کو کارڈف روانہ ہوگا، پاکستان اور انگلینڈ کے مابین ون ڈے سیریز کا آغاز آٹھ جولائی سے ہوگا۔

    یہ بھی پڑھیں: پاکستان انگلینڈ سیریز، فواد چوہدری نے شائقین کرکٹ کو بڑی خوشخبری سنادی

    پی سی بی کے مطابق قومی کرکٹ ٹیم اکیس جولائی کو ویسٹ انڈیز پہنچے گی جبکہ قومی ‏ٹیسٹ اسکواڈ میں شامل کھلاڑی چھبیس جولائی کو ویسٹ انڈیز پہنچیں گے۔

    ویسٹ انڈیز ‏کےخلاف ٹی 20کےبعد قومی ٹی 20کرکٹرز وطن لوٹیں گے، قومی ٹیسٹ اسکواڈ ویسٹ انڈیز ‏کےدورےکےبعد 25 اگست کووطن واپس آئے گا۔

    دورہ انگلینڈ سے قبل قومی کرکٹ ٹیم کے مختلف مواقعوں پر تین بار کرونا ٹیسٹنگ کی گئی،خوش قسمتی سے تمام کھلاڑی اور اسٹاف کی کرونا رپورٹ منفی آئی۔