ARYNews.tv | Urdu – Har Lamha Bakhabar

Tag: England

  • فٹبال ورلڈ کپ : انگلینڈ نے تیونس کو ایک، دو سے شکست دے دی

    فٹبال ورلڈ کپ : انگلینڈ نے تیونس کو ایک، دو سے شکست دے دی

    ماسکو : فٹبال ورلڈ کپ کے گروپ جی میں انگلینڈ نے تیونس کو ایک کے مقابلے میں دو گول سے شکست دے دی، انگلینڈ ٹیم کی ورلڈ کپ میں افتتاحی میچ کی یہ پہلی فتح ہے۔

    تفصیلات کے مطابق فٹبال ورلڈ کپ کے پانچویں روز بھی سنسنی خیز مقابلوں کا سلسلہ جاری رہا، گذشتہ روز ہونے والے تیسرے میچ میں انگلینڈ نے تیونس کو دو گول سے شکست دے دی۔

    انگلینڈ اور تیونس کے درمیان وولگو گارڈ اسٹیڈیم میں کھیلے گئے میچ میں دونوں گول کپتان ہیری کین نے کیے، ہیری کین نے پہلا گول گیارویں منٹ میں کیا، جو کسی بھی بین الااقوامی میچ میں ہیری کا پہلا گول تھا۔

    گروپ جی کے میچ میں فیصلہ کن گول ہیری کین نے آخری لمحات میں پیڈر کی مدد نے کرکے ٹیم کو 2، ایک سے فتح دلائی۔

    انگلینڈ اور تیونس کے درمیان کھیلے گئے میچ کا پہلا ہاف ایک ایک گول پر اختتام ہوا تھا۔

    جبکہ تیونس کی جانب سے انگلینڈ کی ٹیم کے گول پر متعدد حملے کیے لیکن صرف گول اسکور کرسکی جو فرجان ساسی نے میچ کے 35 ویں منٹ میں کیا تھا۔

    گروپ ’جی‘ میں ایک ، ایک میچ کھیل کر بیلجیم اور انگلینڈ کے تین، تین پوائنٹس ہیں جبکہ تیونس اور پاناما نے کوئی پوائنٹ حاصل نہیں کیا۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • برطانیہ: فٹبال ورلڈکپ کے دوران 1352 افراد پر روس کا سفر کرنے پر پابندی عائد

    برطانیہ: فٹبال ورلڈکپ کے دوران 1352 افراد پر روس کا سفر کرنے پر پابندی عائد

    لندن : برطانوی حکومت کی جانب سے انتشار  پھیلانے والے افراد پر پابندی عائد کیے جانے کے بعد 1254 شہریوں نے اپنے پاسپورٹ پولیس کو جمع کروادیئے ہیں جبکہ 58 افراد کی تلاش جاری ہے۔

    تفصیلات کے مطابق برطانوی حکومت نے کھیلوں کے دوران انتشار پھیلانے والے 1312 شہریوں پر فٹبال ورلڈ کے دیکھنے کے لیے روس جانے پر پابندی عائد کردی ہے۔

    برطانوی وزارت داخلہ کا کہنا تھا کہ 1312 افراد میں سے 1254 شہریوں نے اپنے پاسپورٹ اور دیگر دستاویزات روس میں منعقد ہونے والے ورلڈ کپ سے قبل ہی پولیس کو جمع کروا دیئے ہیں۔

    میٹروپولیٹن پولیس کا کہنا تھا کہ سیکیورٹی اداروں کی جانب سے باقی 58 افراد کی تلاش جاری ہے جنہوں نے ابھی تک اپنے پاسپورٹ اور دستاویزات جمع نہیں کروائے ہیں۔

    وزارت پولیس کا کہنا تھا کہ ’سیکیورٹی اداروں کی جانب سے انتشار پھیلانے والے افراد کے خلاف اس لیے کارروائی کی گئی ہے تاکہ وہ فٹبال ٹورنامنٹ کے اصلی مداحوں کی تفریح خراب نہ کریں‘۔

    حکومتی عہدیداران کی جانب سے توقع کی جارہی ہے کہ ورلڈ کپ 2018 کے دوران 10 ہزار برطانوی شہری روس کا سفر اختیار کریں گے۔

    غیر ملکی خبر رساں ادارے کے مطابق برطانوی پولیس مارچ میں انگلینڈ اور نیدرلینڈ کے درمیان کھیلے گئے فٹبال میچ کے دوران انتشار پھیلانے کے جرم میں 100 افراد کو گرفتار کیا تھا جس کے بعد برطانیہ نے روس کو یقین دہانی کروائی تھی کہ صرف اصلی مداحوں کو ہی ورلڈ کپ کے دوران روس بھیجا جائے گا۔

    خیال رہے کہ سنہ 2016 میں یورپ کپ کے میں انگلینڈ اور روس کے درمیان کھیلے فٹبال میچ کے دوران روسی اور برطانوی ٹیموں کے حامیوں کے درمیان جھڑپیں ہوئی تھی۔

    غیر ملکی خبر رساں ادارے کا کہنا تھا کہ پُرامن ماحول کو خراب کرنے والے افراد کے خلاف پانبدی کے احکامات جاری ہونے کے بعد پولیس نے برطانیہ کے ایئر پورٹ پر نفری تعنیات کردی ہے تاکہ جن افراد پر پابندی عائد کی گئی انہیں جانے سے روکا جاسکے۔

    فٹبال ورلڈ کپ کے دوران برطانیہ کا وفد جس میں پولیس افسران بھی شامل ہوں گے روس کا سفر کرے گا تاکہ ٹورنامنٹ کے دوران سیکیورٹی کی انجام دہی میں مدد فراہم کرسکیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • اسکاٹ لینڈ کے ہاتھوں انگلینڈ کو تاریخی شکست

    اسکاٹ لینڈ کے ہاتھوں انگلینڈ کو تاریخی شکست

    ایڈنبرگ: اسکاٹ لینڈ نے ایک روزہ میچ میں انگلینڈ کو سنسنی خیز مقابلے کے بعد 6 رنزسے شکست دے کر تاریخ رقم کردی۔

    تفصیلات کے مطابق اسکاٹ لینڈ کے شہرایڈنبرگ میں کھیلے گئے ایک روزہ میچ میں انگلش کپتان اوئن مورگن نے ٹاس جیت کر پہلے فیلڈنگ کا فیصلہ کیا جو غلط ثابت ہوا۔

    اسکاٹ لینڈ کے بلے بازوں نے انگلینڈ کے باؤلرز کے خلاف شاندار کھیل کا مظاہرہ کرتے ہوئے مقررہ پچاس اوورزمیں 5 وکٹوں کے نقصان پر 371 رنز بنائے۔

    کپتان کائل کنٹرز 58 رنز بنا کر آؤٹ ہونے والے پہلے بلے باز تھے جس کے بعد 107 کے اسکور پرکراس 48 رنز بنا کرآؤٹ ہوئے۔

    میزبان ٹیم کی جانب سے کیلم مکلائڈ نے یادگار 140 رنز کی اننگز کھیلی اور ناٹ آؤٹ رہے جبکہ انگلش ٹیم کی جانب سے لیام پلنکٹ اورعادل رشید نے دو، دو جبکہ مارک وود نے ایک کھلاڑی کو آؤٹ کیا۔

    اسکاٹ لینڈ کی جانب سے دیے گئے ہدف کے تعاقب میں تجربہ کار انگلینڈ کی پوری ٹیم 49 ویں اوور میں 365 رنز بنا کر آؤٹ ہوگئی۔

    انگلینڈ کی جانب سے جونی بیئرسٹو 105 رنز، جیسن روئے 34، ایلکس ہیلز 52، معین علی 46 اور لیام پلنکٹ 47 رنز کے ساتھ نمایاں رہے۔

    واضح رہے کہ اسکاٹ لینڈ کی جانب سے مارک وائٹ نے تین الیسڈیئرایونز اور رچی ریبرنگٹن نے دو، دو جبکہ سفیاں شریف نے ایک کھلاڑی کو آؤٹ کیا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • برطانیہ میں سائیکل سوار چور بھاری مالیت کا کیمرہ چھین کر فرار ہوگئے

    برطانیہ میں سائیکل سوار چور بھاری مالیت کا کیمرہ چھین کر فرار ہوگئے

    لندن: برطانیہ میں اس وقت حیرت انگیز مناظر دیکھنے میں آئے کہ جب سائیکل سوار چور بھاری مالیت کا کیمرہ چھین کر فرار ہوگئے۔

    تفصیلات کے مطابق یہ واقعہ برطانیہ کے دار الحکومت لندن میں پیش آیا کہ جہاں ایک آسٹریلوی نجی ٹی وی کا عملہ اپنے فرائض کی انجام دہی میں مصروف تھا کہ اچانک متعدد سائیکل سوار چور آئے اور کیمرہ مین سے کیمرہ چھین کر فرار ہوگئے۔

    برطانوی میڈیا کا کہنا ہے کہ کیمرے کی مالیت تقریباً 15 ہزار پاؤنڈ ہے، نجی ٹی وی کا عملہ مغربی لندن میں اپنے کام میں مصرف تھا کہ اچانک سائیکل سوار چور آئے اور اسلحہ دکھا کر پندہ ہزار پاؤنڈ کا کیمرہ لے رفو چکر ہوگئے۔

    لندن میں دورانِ ڈکیتی مکان مالک قتل، ملزم گرفتار

    آسٹریلوی خاتون رپورٹر ’مس اروائنگ‘ کا کہنا ہے کہ ہم مغربی لندن میں واقع ’گرین فیل‘ ٹاور میں لگی آگ کی رپورٹنگ اور فلما رہے تھے کہ اچانک چور آئے اور زور زبردستی کیمرہ چھین کر فرار ہوگئے۔

    ان کا مزید کہنا تھا کہ جب چور کیمرہ مین سے کیمرہ چھین رہا تھا تو میں نے مزاحمت کرنے کا سوچا لیکن جب اس کے پاس خودکار اسلحہ دیکھا تو پیچھے ہٹ گئی جس کے بعد وہ سب کے سب چور باآسانی بھاگ گئے۔

    لارڈ نذیر کے گھر پر چوری ، قیمتی اشیا اور اہم دستاویزات غائب

    واضح رہے کہ ٹی وی کے ایک رکن کے موبائل سے ریکارڈ کی گئی ویڈیو سے پولیس نے تحقیقات کا آغازکرتے ہوئے چوروں کی تلاش بھی شروع کر دی ہے۔

    خیال رہے کہ لندن میں بڑھتے ہوئے کرائم ریٹ سے آئے دن اس نوعیت کی وارداتوں میں اضافہ ہوتا جا رہاہے جس کے باعث مقامی شہری بھی بہت پریشان ہیں جو اپنی قیمتی اشیاء سے محروم ہوجاتے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ٹیم اچھی کارکردگی نہیں دکھا سکی، سرفراز احمد

    ٹیم اچھی کارکردگی نہیں دکھا سکی، سرفراز احمد

    لیڈیز: قومی کرکٹ ٹیم کے کپتان سرفراز احمد نے کہا ہے کہ انگلش ٹیم نےابتدائی سیشن میں اچھی بولنگ کی اور ہم بھی لارڈز ٹیسٹ کی طرح عمدہ پرفارمنس نہیں دکھا سکے۔

    ان خیالات کا اظہار انہوں نے شکست کے بعد میڈیا سے گفتگو کرتے ہوئے کیا۔ سرفراز احمد کا کہنا تھا کہ بیٹسمینوں نے غلطیاں کرکےوکٹیں گنوائیں، بیٹنگ وکٹ تھی مگر انگلش بولرز نے متاثر کن کارکردگی دکھائی۔

    اُن کا کہنا تھا کہ سیریز سے کافی غلطیاں سامنےآئیں جن پر جلد قابو پالیا جائے گا، اسکواڈ میں نوجوان کھلاڑی شامل ہیں جنہیں سیکھنے میں تھوڑا وقت ضرور لگے گا، لارڈزٹیسٹ جیتنے پر ہم سب کو فخر ہے کہ انگلینڈ کو اُس کے گھر میں ہی شکست دی۔

    واضح رہے کہ پاکستان اور انگلینڈ کے مابین کھیلے جانے والے دوسرے ٹیسٹ میچ میں مہمان ٹیم نے پاکستان کو ایک اننگز اور 55 رنز سے شکست دے کر سیریز 1-1 سے برابر ہوگئی۔

    لیڈز ٹیسٹ کے تیسرے روز انگلینڈ کی ٹیم پہلی اننگز میں 363 رنز بنا کر آؤٹ ہوئی جس کے بعد انہوں نے 189 رنز کی برتری حاصل کی، سرفراز الیون نے برتری کو برابر کرنے کے لیے بلا سنبھالا تو  پوری ٹیم صرف 134 رنز پر ڈھیر ہوگئی۔

    پاکستان کی بیٹنگ لائن کو ابتداء سے ہی مشکلات کا سامنا رہا اور ایک کے بعد دوسرا کھلاڑی پویلین روانہ ہوئے، اظہر علی 11، اسد شفیق 5 اور حارث سہیل صرف 8 رنز بنا کر آؤٹ ہوئے۔

    پاکستان کی جانب سے فہیم اشرف سب سے کامیاب بولر رہے، انہوں نے تین کھلاڑیوں کو پویلین کی راہ دکھائی جبکہ محمد عامر، محمد عباس اور حسن علی نے ایک، ایک وکٹ حاصل کی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • لیڈز ٹیسٹ: انگلش شیروں نے پنجے گاڑ لیے، انگلینڈ کو پاکستان پر 128 رنز کی برتری حاصل

    لیڈز ٹیسٹ: انگلش شیروں نے پنجے گاڑ لیے، انگلینڈ کو پاکستان پر 128 رنز کی برتری حاصل

    لیڈز: پاکستان اور انگلینڈ کے مابین جاری دوسرے ٹیسٹ میچ کے دوسرے روز انگلش شیروں نے گراؤنڈ میں اپنے پنجے گاڑ لیے، انگلینڈ نے پاکستان پر 128 زنز کی برتری حاصل کرلی۔

    تفصیلات کے مطابق لیڈز ٹیسٹ میچ کے دوسرے روز انگلینڈ نے عمدہ کارکردگی کا مظاہرہ کیا اور پاکستان پر ایک سو اٹھائیس رنز کی برتری حاصل جبکہ انگلش ٹیم کی تین وکٹیں اب بھی باقی ہیں۔

    مسلسل بارش نے دوسرے روز کا پہلا سیشن نہ ہونے دیا تاہم لنچ کے بعد کھیل شروع ہوا تو انگلش کھلاڑی جو روٹ اور ڈومینک بیس نے بولرز کی خوب درگت بنائی بعد ازاں 138 رنز پر محمد عامر نے انگلش کپتان کی وکٹ اڑائی۔

    لیڈز ٹیسٹ: انگلینڈ کا پلٹ کر وار، قومی ٹیم 174 رنز پر ڈھیر، انگلینڈ نے 2 وکٹوں پر 106 رنز بنالیے

    مین ڈومینک بیس 49 رنز کی اہم اننگز کھیلنے کے بعد شاداب کا شکار بنے، انگلینڈ کا کوئی بھی بلے باز 50 سے زائد رنز تو نہیں بنا سکا البتہ پر روٹ، ڈیوڈ ملان، جوز بٹلر اور بیئر اسٹو کی چھوٹی چھوٹی اننگز سے انگلینڈ کو بہت فائدہ پہنچایا جس کے باعث انہیں 128 زنر کی برتری حاصل ہے۔

    لیڈز ٹیسٹ میچ کے دوسرے روز کے اختتام پر انگلینڈ نے 302 رنز بنالئے ہیں جبکہ انگلینڈ کو پاکستان پر 128 رنز کی برتری حاصل ہے اور اس کی 3 وکٹیں اب بھی باقی ہیں جس کے باعث میچ میں کم بیک کرنے کےلیے پاکستانی بلے بازوں پر ذمہ داری آن پڑی ہے۔

    خیال رہے کہ لیڈز ٹیسٹ میچ کے پہلے روز قومی ٹیم 174 رنز پر ڈھیر ہوگئی تھی، انگلینڈ نے دن کے اختتام پر 106 رنز دو وکٹوں کے نقصان پر بنائے تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریںْ۔

  • دوسرا ٹیسٹ میچ: پاکستان اورانگلینڈ آج آمنےسامنے ہوں گے

    دوسرا ٹیسٹ میچ: پاکستان اورانگلینڈ آج آمنےسامنے ہوں گے

    لیڈز: پاکستان اورانگلینڈ کے درمیان دو میچوں پرمشتمل ٹیسٹ سیریز کا دوسرا ٹیسٹ میچ آج لیڈز کے میدان میں کھیلا جائے گا۔

    تفصیلات کے مطابق پاکستان اور انگلینڈ کے درمیان دوسرا ٹیسٹ میچ لیڈز میں کھیلا جائے گا، میچ پاکستانی وقت کے مطابق دوپہر تین بجے شروع ہوگا۔

    پاکستان نے گزشتہ روز انگلینڈ کے خلاف دوسرے ٹیسٹ میچ کے لیے ٹیم کا اعلان کیا تھا اورٹیم میں ایک تبدیلی کرتے ہوئے بابراعظم کی جگہ عثمان صلاح الدین کو قومی ٹیم کا حصہ بنا لیا۔

    عثمان صلاح الدین دو ون ڈے میچوں میں پاکستان کی نمائندگی کا اعزاز رکھتے ہیں تاہم انہوں نے اب تک ٹیسٹ کرکٹ میں پاکستان کی نمائندگی نہیں کی اور آج وہ انگلیند کے خلاف دوسرے ٹیسٹ میچ میں ڈیبیو کریں گے۔

    دوسری جانب انگلینڈ کے آل راؤنڈربین اسٹوکس کی ہیمسٹرنگ انجری کی وجہ سے میچ میں شرکت مشکوک ہوگئی ہے۔

    انگلینڈ نے بین اسٹوکس کی انجری کو مدنظر رکھتے ہوئے سیم کیورن کو اسکواڈ میں طلب کرلیا ہے اور اگربین اسٹوکس نہ کھیلے تو سیم کیورن کو ڈیبیو کرایا جاسکتا ہے۔

    میزبان ٹیم انگلینڈ کے خلاف دوسرے ٹیسٹ میچ کے لیے قومی ٹیم کے اسکواڈ میں سرفراز احمد کپتان، امام الحق، اظہرعلی، حارث سہیل، اسد شفیق، شاداب خانم فہیم اشرف، حسن علی، محمد عامر، عثمان صلاح الدین اور محمد عباس شامل ہیں۔

    لارڈ ٹیسٹ : پاکستان کی نو وکٹوں سے شاندار فتح

    خیال رہے کہ 27 مئی کو قومی کرکٹ ٹیم نے لارڈز ٹیسٹ میں انگلینڈ کو نو وکٹوں سے شکست دے کر شاندار فتح اپنے نام کی تھی۔

    واضح رہے کہ پاکستان اور انگلینڈ کے مابین لارڈز کے میدان میں اب تک کل 15 ٹیسٹ میچز کھیلے گئے ہیں جس میں سے 4 میچز میں انگلینڈ اور 5 میچز پاکستان نے اپنے نام کیے جبکہ 6 میچز نتیجہ خیز ثابت نہ ہوسکے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • برطانیہ: حکمران جماعت میں موجود مذہبی امتیاز رکھنے والوں کے خلاف انکوائری کا مطالبہ

    برطانیہ: حکمران جماعت میں موجود مذہبی امتیاز رکھنے والوں کے خلاف انکوائری کا مطالبہ

    لندن: برطانیہ میں موجود مسلم تنظیم کی جانب سے مطالبہ کیا گیا ہے کہ موجودہ حکومت اپنی جماعت میں ایسے افراد کے خلاف انکوائری کرے جو مذہبی اور نسلی امتیاز رکھتے ہیں۔

    تفصیلات کے مطابق مسلم تنظیم کے سربراہ کی جانب سے برطانوی وزیر اعظم ’تھریسا مے‘ کو خط لکھا گیا ہے جس میں مطالبہ کیا گیا ہے کہ حکمران جماعت ’کنزرویٹو پارٹی‘ میں موجود نسلی اور مذہبی امتیاز رکھنے والے اراکین کے خلاف فوری انکوائری کی جائے۔

    غیر ملکی خبر رساں ادارے کے مطابق خط میں کہا گیا ہے کہ حکمران جماعت میں ایسے اراکین موجود ہیں جو مسلمانوں کے خلاف سخت رویہ رکھتے ہیں، اور ان کے حالیہ اور ماضی میں دیے گئے مسلمانوں سے متعلق بیانات کو مدنظر رکھتے ہوئے انکوائری کروائی جائے۔

    مذہبی منافرت پرمبنی مہم، لندن کے نومنتخب میئر نے ڈیوڈ کیمرون کو آڑے ہاتھوں لے لیا

    خط میں آزادانہ انکوائری کا مطالبہ کرتے ہوئے کہا گیا ہے کہ اس کا تعین ضروری ہے کہ برطانیہ میں تمام سیاسی جماعتیں اس عزم پر قائم رہیں کہ نسلی تعصب اور ہر قسم کی مذہبی انتہا پسندی کی کوئی گنجائش نہیں ہونی چاہیے، اور جو کوئی ایسا رویہ رکھتا ہے تو یہ نامناسب تصور کیا جائے گا۔

    خط کے مطابق سیاسی پارٹیوں کو ایسے اقدامات کی حوصلہ شکنی کرنی چاہیے جن سے اقلیتی حلقوں کو مجموعی معاشرتی دھارے سے علیحدہ اور تنہا کرنے کی کوشش کی جاتی ہے، اگر یہ سلسلہ جاری رہا تو آگے معاملات خراب ہوسکتے ہیں۔

    امریکہ میں ایک اور مسلم خاتون مذہبی نفرت کا نشانہ بن گئی

    دوسری جانب اس خط کے حوالے سے حکمران کنزرویٹو پارٹی کے ترجمان کی جانب سے کہا گیا ہے کہ اُن کی سیاسی جماعت اسلاموفوبیا اور نسلی امتیاز کے تمام واقعات کا سنجیدگی سے نوٹس لینے کا سلسلہ جاری رکھے ہوئے ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • کرکٹر بابراعظم انجری کے بعد انگلینڈ سے وطن واپس پہنچ گئے

    کرکٹر بابراعظم انجری کے بعد انگلینڈ سے وطن واپس پہنچ گئے

    لاہور: قومی کرکٹ ٹیم کے مڈل آرڈر بلے باز بابر اعظم انجری کا شکار ہونے کے بعد غیر ملکی ایئرلائن کے ذریعے انگلینڈ سے وطن واپس پہنچ گئے ہیں۔

    تفصیلات کے مطابق کرکٹر بابر اعظم انگلینڈ کے خلاف لارڈز ٹیسٹ کے پہلے میچ کے دوران کلائی میں بال لگنے سے انجری کا شکار ہوگئے تھے جس کے بعد وہ زخمی ہونے کے باعث سیزیر سے باہر ہوگئے تھے اور اب وہ وطن واپس پہنچ گئے ہیں۔

    کھلاڑی بابر اعظم غیر ملکی ایئرلائن ای کے 622 کے ذریعے لاہور ایئرپورٹ پہنچے جہاں سے وہ اپنی رہائش گاہ کے لیے روانہ ہوگئے ہیں۔

    خیال رہے کہ گذشتہ دنوں انگلینڈ کے خلاف لارڈز ٹیسٹ میچ کے دوسرے روز بابر اعظم 68 رنز بنا چکے تھے جب بین اسٹوکس کی 85 کلومیٹر فی گھنٹہ کی رفتار سے کی گئی گیند ان کی بائیں کلائی پرلگی جس کی وجہ سے کلائی میں فیچکر آگیا تھا۔

    کلائی میں فریکچر‘ بابراعظم انگلینڈ کےخلاف سیریزسے باہر

    واضح رہے کہ قومی کرکٹ ٹیم کے فزیو کلف ڈیکن نے گراؤنڈ میں آکر نوجوان بلے باز کی انجری کا معائنہ کیا تھا جبکہ میجک اسپرے سے بھی تکلیف دور نہ ہونے پر انہیں میدان سے باہر لے جانے کا فیصلہ کیا تھا۔

    بعد ازاں انہیں اسپتال لے جایا گیا جہاں ڈاکٹروں نے بابراعظم کی کلائی میں فریکچر کی تصدیق کردی جس کے بعد وہ انگلینڈ کے خلاف جاری ٹیسٹ سیریز سے باہر ہوگئے تھے۔

    لارڈز ٹیسٹ میں سلو اوور ریٹ پر پاکستانی ٹیم پر جرمانہ

    یاد رہے کہ گزشتہ روز قومی ٹیم نے انگلینڈ کو لارڈز میں کھیلے جانے والے پہلے ٹیسٹ میچ میں 9 وکٹوں سے باآسانی شکست دی تھی، 2 میچز کی سیریز کا دوسرا اور آخری ٹیسٹ میچ جمعہ یکم جون سے کھیلا جائے گا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • امریکا میں طوفانی بارشیں، برطانیہ میں بھی سیلابی صورت حال، ایک شخص ہلاک

    امریکا میں طوفانی بارشیں، برطانیہ میں بھی سیلابی صورت حال، ایک شخص ہلاک

    واشنگٹن: امریکا میں طوفانی بارشوں اور سیلاب نے تباہی مچادی جبکہ دوسری جانب برطانیہ میں بھی شدید بارشوں کے باعث سڑکیں تالاب بن گئیں اور ایک شخص ہلاک ہوگیا۔

    تفصیلات کے مطابق ایک جانب امریکی ریاست میری لینڈ میں طوفانی بارشوں اور سیلاب نے نظام زندگی درہم برہم کردیا ہے تو دوسری طرف برطانیہ کے شہر برمنگھم میں بھی شدید بارشوں کے باعث سیلابی صورت حال ہے اور شخص ہلاک بھی ہوچکا ہے۔

    امریکی میڈیا کا کہنا ہے کہ امریکی ریاست میری لینڈ میں طوفانی بارشوں کے باعث معمولات زندگی مفلوج ہے، جبکہ ایلوٹ شہر میں درجنوں گھر اور گاڑیاں پانی میں ڈوب گئی ہیں اور ایک شہری لاپتہ ہوگیا ہے جس کی تلاش کے لیے امدادی کارروائیاں جاری ہیں۔

    امریکا کی متعدد ریاستوں میں طوفان اوربارشوں نے تباہی مچادی

    امریکی ریاست میری لینڈ میں سیلاب کی وجہ سے شہروں کا نقشہ بدل گیا ہے، طوفانی بارش اور سیلابی ریلوں نے ایلوٹ شہر کی گلیوں کو دریا میں تبدیل کر دیا ہے، بپھرے پانی نے لوگوں کو گھروں، دفاتر اور دیگر عمارتوں میں محصور کردیا ہے جبکہ متاثرہ علاقوں میں بجلی اور مواصلات کا نظام بھی درہم برہم ہوگیا ہے۔

    دوسری جانب برطانوی میڈیا کا کہنا ہے کہ برطانیہ کے مختلف علاقوں میں تیز بارش ہوئی، شہر برمنگھم میں مسلسل بارش سے سڑکیں تالاب بن گئیں اور متعدد گاڑیاں ڈوب گئیں، لندن کا اسٹینسڈ ائیرپورٹ بھی بارش اور آسمانی بجلی سے متاثرہوا جس کے بعد پروازوں کا شیڈول بھی متاثرہوچکا ہے۔

    امریکا اور برطانیہ سمیت کئی یورپی ممالک برفانی طوفان، بارشوں اور سیلاب کی زد میں

    خیال ہے کہ بارشوں کے باعث سینکڑوں صارفین کو بجلی کی فراہمی بھی معطل ہوگئی، محکمہ موسمیات کے مطابق چونسٹھ ہزار آسمانی بجلی کے کڑاکے ریکارڈ کیے گئے، علاوہ ازیں برطانوی شہر برمنگھم میں ایک 80 سالہ شہری ڈوب کر ہلاک ہوچکا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔