غیر ملکی خبر رساں ایجنسی کے مطابق کرسٹیانو رونالڈو انگلش پریمیئر میں ٹیم تبدیل کرنے کے بعد اپنے پہلے ہی میچ میں دو گول کرنے میں کامیاب ہو گئے۔
رونالڈو کی شمولیت کے ساتھ ہی مانچسٹر یونائیٹڈ میں بھی تبدیلی آئی اور انہوں نے نیو کاسل یونائیٹڈ کو 1-4 سے دھول چٹا دی، رونالڈو نے بارہ سال پہلے بھی مانچسٹر یونائیٹڈ کے لیے ہی لیگ کا آخری گول کیا تھا۔
دوسری جانب دفاعی چیمپین مانچسٹر سٹی نے اہم کامیابی حاصل کرتے ہوئے لیسٹر سٹی کو ایک صفر کی شکست سے دو چار کیا، چیلسی بھی انگلش لیگ کے میچ میں کامیاب قرار پائی اور آسٹن ولا کو تین صفر سے ہرا دیا۔
رونالڈو کے بغیر یووینٹس پھر ڈھیر ہوئی اور اطالوی لیگ میں نیپولی نے دو ایک سے ہرا دیا، کرسٹیانو رونالڈو نے 2009 میں اولڈ ٹریفورڈ میں اپنا پہلا سپیل ختم کرنے کے بعد مانچسٹر یونائیٹڈ میں شاندار واپسی کی ہے۔
یہ بھی پڑھیں: رونالڈو کا اچانک ’الوداع‘ ، شائقین فٹبال ورطہ حیرت میں مبتلا
پرتگال کے اسٹار فٹبالر کرسٹیانو رونالڈو مانچسٹر یونائیٹڈ سے چار لاکھ 80 ہزار پاؤنڈ ایک ہفتے کی تنخواہ لیں گے۔
کرسٹیانو رونالڈو کی تنخواہ ارجنٹائن کے لائنل میسی اور برازیل کے نیمار کی آمدنی سے کم ہے، میسی ایک ہفتے میں چھ لاکھ 50 ہزار پاؤنڈ کماتے ہیں، برازیلین اسٹار نیمار 490 ہفتہ وار تنخواہ لیتے ہیں۔
یاد رہے کہ رونالڈو نے 2018 میں دنیا کے مقبول ترین فٹبال کلب ریئل میڈرڈ کو چھوڑ کر یونٹس میں شمولیت اختیار کی تھی۔
