ARYNews.tv | Urdu – Har Lamha Bakhabar

Tag: Erin Holland

  • ایرن ہالینڈ نے ثنا جاوید سے متعلق کیا کہا؟

    ایرن ہالینڈ نے ثنا جاوید سے متعلق کیا کہا؟

    کراچی: پاکستان سُپر لیگ (پی ایس ایل) کی میزبان ایرن ہالینڈ نے قومی کرکٹر شعیب ملک کی دوسری اہلیہ و اداکارہ ثنا جاوید سے متعلق اپنی رائے کا اظہار کیا ہے۔

    اسلام آباد یونائیٹڈ اور کراچی کنگز کے درمیان 28 فروری کو کراچی کے نیشنل بینک کرکٹ اسٹیڈیم میں ٹاکرا ہوا، اسی میچ کے دوران پاکستان سپر لیگ کی میزبان ایرن ہالینڈ نے ثنا جاوید سے ملاقات کی۔

    ثنا جاوید سے ملاقات کے دوران ایرن ہالینڈ نے سیلفی بھی لی، جسے اُنہوں نے اپنے آفیشل انسٹاگرام اکاؤنٹ کی اسٹوری میں شیئر کیا۔

    پاکستان سُپر لیگ (پی ایس ایل) کی میزبان ایرن ہالینڈ نے اپنی انسٹاگرام اسٹوری ثنا جاوید کو ٹیگ کی اور کہا کہ آخرکار! خوبصورت خاتون سے میری ملاقات ہوگئی۔

    یہی نہیں سوشل میڈیا پر ثنا جاوید، ہمایوں سعید اور کنزہ ہاشمی کی ویڈیو کے بھی خوب چرچے ہورہے ہیں، یہ ویڈیو بھی گزشتہ روز ہونے والے میچ کے دوران بنائی گئی تھی۔

    یاد رہے کہ معروف آل راؤنڈر شعیب ملک پاکستان سپر لیگ 9 میں کراچی کنگز کی نمائندگی کررہے ہیں۔

  • ایرن ہالینڈ ’بہن‘ کی واپسی سے خوش

    ایرن ہالینڈ ’بہن‘ کی واپسی سے خوش

    پاکستان سپر لیگ (پی ایس ایل) میں پریزینٹر کے فرائض انجام دینے والی سابق مس ورلڈ ایرن ہالینڈ اپنی ’بہن‘ کی واپسی پر خوش ہوگئیں۔

    آسٹریلوی پریزینٹر ایرن ہالینڈ پی ایس ایل کا مستقل حصہ ہیں اور پاکستان میں ان کے مداحوں کی تعداد میں روز بروز اضافہ ہی ہوتا جارہا ہے۔

    ایرن نے سماجی رابطے کی ویب سائٹ ٹویٹر پر پاکستانی اسپورٹس اینکر زینب عباس کے ہمراہ اپنی تصویر شیئر کی جس کے کیپشن میں انہوں نے لکھا کہ میری بہن واپس آگئی۔

    ایرن ہالینڈ اب پی ایس ایل کا تقریباً مستقل حصہ بن چکی ہیں اور شائقین ان کے پاکستانی ثقافت کو فروغ دینے پر انہیں خوب پسند کرتے ہیں۔

    واضح رہے کہ وہ پی ایس ایل کے ساتویں ایڈیشن میں پشاور زلمی کی نمائندگی کرنے والے آسٹریلوی کھلاڑی بین کٹنگ کی اہلیہ اور سابق مس ورلڈ ہیں۔

  • ملتان سلطانز کو فتح سے روکنا بہت مشکل ہے، ایرن ہالینڈ

    ملتان سلطانز کو فتح سے روکنا بہت مشکل ہے، ایرن ہالینڈ

    پاکستان سپر لیگ (پی ایس ایل) کے ساتویں سیزن میں غیرملکی میزبان ایرن ہالینڈ کا خیال ہے کہ موجودہ فاتح ملتان سلطانز کو اپنے ٹائٹل کے دفاع سے روکنا مشکل ہے کیونکہ وہ اس سال پی ایس ایل میں غیرمعمولی کارکردگی کا مظاہرہ کر رہے ہیں۔

    سماجی رابطے کی ویب سائٹ ٹوئٹر پر اپنے پیغام میں ان کا کہنا ہے کہ جیسا کہ ملتان سلطانز نے نو میں سے آٹھ میچز جیتے ہیں اور میچ کے تمام شعبوں میں بہترین کارکردگی کا مظاہرہ کیا ہے۔

    انہوں نے کہا کہ اسلام آباد یونائیٹڈ کے خلاف کھیلے گئے میچ میں ملتان سلطانز نے ایک بار اپنے باؤلرز کی شاندار کارکردگی کی بدولت ناقابل یقین حد تک 105 رنز تک محدود کردیا۔

    ایرن نے اپنے آفیشل ٹوئٹر ہینڈل پر ملتان کی کارکردگی کو سراہتے ہوئے کہا کہ واہ! یہ دیکھنا مشکل ہے کہ ملتان سلطانز جس طرح سے پی ایس ایل ٹی ٹوئنٹی کا دوسرا ٹائٹل نہیں جیتے گا اس طرح وہ کیسے جا رہے ہیں۔

    دریں اثنا، ملتان ایک مضبوط یونٹ کی طرح لگتا ہے کیونکہ ان میں ہر چیز کا احاطہ کیا گیا ہے۔ ان کے پاس عمران طاہر اور آصف آفریدی کی شکل میں اسپن بولرز کی شاندار جوڑی موجود ہے۔

    ڈیوڈ ولی اور شاہنواز دہانی سمیت تیز بالرز اپنے سامنے والے بیٹسمین پر نئی اور پرانی دونوں گیندوں سے خطرناک اور تیز ترین حملے کرتے ہیں۔

    اس کے علاوہ ان کے اوپننگ بلے باز شان مسعود اور محمد رضوان انہیں ایک اچھی اوپننگ پارٹنر شپ فراہم کرتے ہیں جو ٹم ڈیوڈ جیسے پاور ہٹرز کے لیے ٹھوس بنیادیں استوار کرتے ہیں۔ ریلی روسو اور خوشدل شاہ مخالف باؤلرز کے خلاف جارحانہ انداز میں چلیں گے۔

  • پاکستانیوں کی مہمان نوازی پی ایس ایل کی میزبان کو بھا گئی

    پاکستانیوں کی مہمان نوازی پی ایس ایل کی میزبان کو بھا گئی

    پاکستان سپر لیگ کے سیزن 5 کی ہوسٹ ایرن ہالینڈ وطن واپس لوٹنے کے بعد پاکستانیوں کی مہمان نوازی کی بے حد مشکور ہوئیں۔

    30 سالہ ماڈل، گلوکارہ اور 2013 میں مس ورلڈ رہنے والی ایرن ہالینڈ پی ایس ایل 5 میں ہوسٹنگ کرنے کے لیے پاکستان میں موجود تھیں۔

    تاہم کرونا وائرس کے پھیلاؤ کے پیش نظر پی ایس ایل 5 کے اختتامی میچز ملتوی کردیے گئے جس کے بعد غیر ملکی میزبان اور کھلاڑی اپنے وطنوں کو لوٹ گئے۔

    واپسی سے قبل سماجی رابطے کی ویب سائٹ ٹویٹر پر جاری اپنی ایک ویڈیو میں ایرن ہالینڈ نے کہا کہ یہ میرا پاکستان کا دوسرا دورہ تھا اور میں اس کے ہر لمحے سے بے حد لطف اندوز ہوئی۔

    ایرن نے کہا کہ پاکستانیوں نے ہم سے بہت محبت کی اور ان کی مہمان نوازی شاندار تھی۔ انہوں نے اپنے ٹویٹ میں شکریہ بھی لکھا۔

    ایرن کے ساتھ موجود جنوبی افریقی ہوسٹ کیس نائیڈو نے بھی شکریے کا اظہار کرتے ہوئے کہا کہ انہوں نے چاروں شہروں کے میچز کے دوران بہت لطف اٹھایا۔

    انہوں نے کہا کہ میں پہلی بار پی ایس ایل میں شریک ہوئی اور یہ میرے لیے کام کرنے کا زبردست موقع تھا۔

    ان دونوں کے ساتھ موجود کمنٹیٹر مائیکل سلیٹر نے پی ایس ایل کے میچز ملتوی ہونے پر مایوسی کا اظہار کیا تاہم انہوں نے لیگ کے لیے پاکستان کرکٹ بورڈ کے انتطامات اور کاوشوں کو بے حد سراہا۔

  • آسٹریلوی ماڈل نے پاکستانی عروسی لباس زیب تن کرلیا

    آسٹریلوی ماڈل نے پاکستانی عروسی لباس زیب تن کرلیا

    پاکستان سپر لیگ کے سیزن 5 کی ہوسٹ ایرن ہالینڈ نے پاکستانی عروسی لباس زیب تن کرلیا جسے بے حد پسند کیا جارہا ہے۔

    30 سالہ ماڈل، گلوکارہ اور 2013 میں مس ورلڈ رہنے والی ایرن ہالینڈ آج کل پی ایس ایل 5 میں ہوسٹنگ کرنے کے لیے پاکستان میں موجود ہیں۔

    ایرن نے اپنے سماجی رابطے کی ویب سائٹ انسٹاگرام پر اپنی ایک تصویر پوسٹ کی جس میں وہ عروسی لباس پہنے ہوئی ہیں۔ انہوں نے لکھا کہ ان کا یہ لباس مقامی ڈیزائنر ثانیہ مسکاتیا نے تیار کیا ہے۔

     

    View this post on Instagram

     

    Playing dress-ups at beautiful local designer @saniamaskatiya today.. Wedding dress @cuttsy_31 ?? 💁🏻‍♀️

    A post shared by ERIN HOLLAND (@erinvholland) on

    انہوں نے اپنے منگیتر بین کٹنگ سے بھی دریافت کیا کہ کیا یہ عروسی لباس ٹھیک رہے گا؟ بین بھی اس وقت پاکستان میں موجود ہیں اور کوئٹہ گلیڈی ایٹرز کی ٹیم میں کھیل رہے ہیں۔

    ایرن کی سماجی رابطے کی ویب سائٹس خصوصاً انسٹاگرام کو دیکھ کر لگتا ہے کہ وہ پاکستان کے اس دورے سے بہت لطف اندوز ہورہی ہیں۔

    انہوں نے اسلام آباد میں فیصل مسجد کا بھی دورہ کیا اور اس کی تصاویر اپنے انسٹاگرام پر شیئر کیں، وہ یہاں کے کھانوں سے بھی بے حد لطف اندوز ہورہی ہیں۔