Tag: ETHIOPIA

  • وزیر اعظم عمران خان سے ایتھوپین ہم منصب کی ملاقات

    وزیر اعظم عمران خان سے ایتھوپین ہم منصب کی ملاقات

    بیجنگ: وزیر اعظم عمران خان سے ایتھوپین ہم منصب ابی احمد کی ملاقات ہوئی۔ ملاقات میں خطے کی صورتحال اور عالمی معاملات پر تبادلہ خیال کیا گیا۔

    تفصیلات کے مطابق بیجنگ میں بیلٹ اینڈ روڈ فورم کی سائیڈ لائن پر وزیر اعظم عمران خان سے ایتھوپین ہم منصب ابی احمد کی ملاقات ہوئی۔ ملاقات میں خطے کی صورتحال اور عالمی معاملات پر تبادلہ خیال کیا گیا۔

    ملاقات کے جاری کردہ اعلامیے کے مطابق ملاقات میں باہمی دلچسپی کے امور بھی زیر غور آئے۔ وزیر اعظم عمران خان نے افریقی ممالک کے ساتھ تعلقات کی اہمیت پر زور دیا۔

    وزیر اعظم عمران خان نے آپس میں سیاسی اور تجارتی سرگرمیاں بڑھانے کی تجویز دی جبکہ دونوں ممالک کا متواتر اعلیٰ سطح کے وفود کے تبادلوں پر بھی اتفاق ہوا۔

    اس موقع پر وزیر اعظم عمران خان کا کہنا تھا کہ پاکستان افریقی ممالک کے ساتھ تعلقات کو وسعت دے رہا ہے، کمرشل سرگرمیوں کے فروغ کے لیے عوامی رابطوں کا تبادلہ ضروری ہے۔

    انہوں نے مزید کہا کہ پاکستان افریقہ میں امن و استحکام کے لیے کردار جاری رکھے گا۔

    اس سے قبل وزیر اعظم نے بیلٹ اینڈ روڈ فورم میں گول میز کانفرنس سے خطاب کرتے ہوئے کہا تھا کہ چین جدید دور میں کامیابی کی عظیم مثال ہے، چین نے ترقی کو فروغ دے کر معاشرے کو تبدیل کردیا۔ یہ تبدیلی چینی قیادت کی بہترین حکمت عملی کی وجہ سے ہے۔

    انہوں نے کہا کہ تھا کہ چینی صدر نے بیلٹ اینڈ روڈ فورم کا نظریہ پیش کیا ہے، منصوبہ معاشی استحکام اور عوامی رابطے کی رکاوٹیں توڑ سکے گا، معیشت کی مضبوطی اور عوامی خوشحالی کے لیے منصوبہ شاندار ہے۔

    وزیر اعظم نے مزید کہا تھا کہ چین کا ابتدائی شراکت دار بننا پاکستان کے لیے قابل فخر ہے، دونوں ممالک میں خصوصی اقتصادی زون قائم کیے جا رہے ہیں۔ موٹر وے، ہائی ویز اور ریلوے کا نظام بہتر کیا جا رہا ہے۔

  • تمام بوئنگ 737 طیارے گراؤنڈ کیے جائیں: ایتھوپیا کا مطالبہ

    تمام بوئنگ 737 طیارے گراؤنڈ کیے جائیں: ایتھوپیا کا مطالبہ

    نیروبی: ایتھوپین ایئرلائن کے سربراہ تیوولڈے گَیبرے نے مطالبہ کیا ہے کہ تمام بوئنگ 737 طیارے گراؤنڈ کیے جائیں۔

    تفصیلات کے مطابق آٹھ بوئنگ 737 میکس طیارے دنیا بھر میں زیراستعمال ہیں، ایتھوپین ایئرلان کے سربراہ نے مطالبہ کیا ہے کہ تمام طیارے گراؤنڈ کیے جائیں۔

    غیر ملکی خبر رساں ادارے کا کہنا ہے کہ تیوولڈے گیبرے نے امریکی طیارہ ساز کمپنی بوئنگ پر زور دیا ہے کہ وہ تمام طیارے گراؤنڈ کرے تاکہ اس کا استعمال بند ہو۔

    ایتھوپین ایئرلائن کے سربراہ کا کہنا تھا کہ جب تک یہ واضح اور طے نہیں ہوجاتا کہ بوئنگ 737 پرواز کے لیے محفوظ ہے اُس وقت تک یہ طیارے استعمال نہ کیے جائیں۔

    حالیہ چھ ماہ کے دوران بوئنگ طیارہ گرکر تباہ ہونے کے دو واقعات کے بعد کئی سوالات اٹھ رہے ہیں، جس کے باعث متعدد ممالک نے اپنی فضائی حدود میں مذکورہ طیاروں کے داخلے پر پابندی عائد کردی ہے۔

    متحدہ عرب امارات، برطانیہ، فرانس، چین، سنگاپور اور انڈونیشیا بوئنگ737 ماڈل کے تمام طیاروں کی فضائی حدود میں داخلے پر پابندی عائد کرچکے، جبکہ کئی یورپی ممالک بھی مذکورہ پابندی پر غور کررہے ہیں۔

    متحدہ عرب امارات میں بوئنگ 737 طیاروں پر پابندی عائد

    یاد رہے کہ گذشتہ دنوں ایتھوپین ائیرلائن کا بوئنگ طیارہ تباہ ہوا جس کے نتیجے میں 157 افراد ہلاک ہوئے تھے، اسی طرح اکتوبر 2018 میں بھی اسی ماڈل کا طیارہ کریشن ہوا تھا جس کے نتیجے میں 189 مسافر مارے گئے تھے۔

  • ایتھوپیا میں طیارہ حادثہ، امریکی ٹیم تحقیقات کرے گی

    ایتھوپیا میں طیارہ حادثہ، امریکی ٹیم تحقیقات کرے گی

    نیروبی: امریکی ملک ایتھوپیا میں طیارہ حادثے کی خصوصی تحقیقات کے لیے امریکا نے ٹیم تشکیل دینے کا فیصلہ کرلیا۔

    تفصیلات کے مطابق ایتھوپین ایئر لائن کا طیارہ بوئنگ 737 کینیا جاتے ہوئے گر کر تباہ ہوگیا، متاثرہ طیارے میں 157 افراد سوار تھے جن میں سے 150 کی ہلاکت کی تصدیق ہوگئی۔

    غیر ملکی خبر رساں ادارے کا کہنا ہے کہ امریکا نے چار رکنی تحقیقاتی ٹیم تشکیل دینے کا فیصلہ کیا ہے جو مقامی اداروں کے ساتھ مل کر ایتھوپیا طیارے کے حادثے کی تحقیقات کرے گی۔

    ایتھوپیا کے دارالحکومت اددیس آبابا کے ہوائی اڈے سے اڑان بھرنے والا ایتھوپین ایئر لائن کا مسافر بردار طیارہ نامعلوم وجوہات کے باعث ہوائی اڈے سے اڑان بھرنے کے کچھ دیر بعد اچانک ایتھوپین ٹاؤن بِس ہوفتو میں گر کر تباہ ہوگیا۔

    امریکی تحقیقاتی ٹیم جلد افریقی ملک ایتھوپیا جائے گی، اور حادثے کا باریک بینی سے مشاہدہ کرے گی۔

    ایتھوپین ایئرلائن کا مسافر بردار طیارہ حادثے کا شکار، 157 مسافر ہلاک

    دوسری جانب اقوام متحدہ کے سیکریٹری جنرل انتونیو گوتریس نے بھی حادثے میں ہلاک ہونے والوں کے لواحقین سے گہرے دکھ کا اظہار کیا۔

    ان کے مطابق طیارے میں اقوام متحدہ کے کارکن بھی تھے جو سفر کے دوران حادثے کا شکار ہوگئے۔

    علاوہ ازیں ایتھوپیا کے وزیر اعظم ابھی احمد نے سماجی احمد نے سماجی رابطے کی ویب سائٹ پر ٹویٹ کیا کہ ’حادثے کا شکار ہونے افراد کے اہلخانہ کے دکھ میں برابر کے شریک ہیں جنہوں نے اپنے پیاروں کو کھویا ہے‘۔

  • زمبابوے کے صدر اور اتھوپیا کے وزیر اعظم کی ریلی میں دھماکہ، سینکڑوں افراد زخمی

    زمبابوے کے صدر اور اتھوپیا کے وزیر اعظم کی ریلی میں دھماکہ، سینکڑوں افراد زخمی

    ہرارے: زمبابوے کے صدر ایمرسن منانگاگوا اور اتھوپیا کے وزیر اعظم ابئی احمد کی ریلی میں دھماکے سے سینکڑوں افراد زخمی ہوگئے۔

    تفصیلات کے مطابق افریقی ممالک زمبابوے اور اتھوپیا دھماکوں سے گونج اٹھا، زمبابوے صدر اور اتھوپیئن وزیر اعظم کی ریلی میں دھماکے کی وجہ سے سو سے زائد افراد زندگی کی بازی ہار گئے۔

    غیر ملکی خبر رساں ادارے کا کہنا ہے کہ زمبابوے شہر بولا وایو میں ہونے والے دھماکے میں تقریباً پچھتر افراد زخمی ہوئے، حکمران جماعت کے ترجمان کے مطابق صدر ایمرسن منانگاگوا دھماکے میں محفوظ ہیں اور انہیں محفوظ مقام پر منتقل کر دیا گیا ہے، زمبابوے کے دوسرے سب سے بڑے شہر میں منعقدہ ریلی میں ہزاروں افراد شریک تھے۔

    زمبابوے میں تیس مئی کو عام انتخابات ہونے جارہے ہیں جس کے لیے حکمران جماعت کی جانب سے بھرپور مہم چلائی جارہی ہے اسی سلسلے میں صدر ایمرسن کی جانب سے ریلی نکالی گئی تھی۔

    دوسری جانب ایتھوپیا کے دارالحکومت ادیس آبابا میں وزیراعظم ابئی احمد کی ریلی میں دھماکہ ہوا جس کی وجہ سے بھگدڑ مچ جانے کے نتیجے میں تراسی افراد زخمی ہوگئے۔

    مقامی میڈیا کے مطابق دھماکہ دستی بم حملے کا تھا جبکہ حملے کا نشانہ اتھوپیئن وزیر اعظم ابئی احمد تھے لیکن وہ بال بال بچ گئے، قبل ازیں دھماکے میں ہلاکتوں سے متعلق قیاس آرائیاں کی جارہی تھی جو افواہیں نکلیں۔

    وزیر صحت عامر امان کا کہنا ہے کہ اس حملے کے نتیجے میں آٹھ افراد کی حالت انتہائی تشویش ناک ہے تاہم ان سمیت دیگر زخمیوں کو طبی امداد فراہم کی جارہی ہے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • خونی مگرمچھ پادری کو جبڑوں میں دبوچ کر گہری جھیل میں لے گیا

    خونی مگرمچھ پادری کو جبڑوں میں دبوچ کر گہری جھیل میں لے گیا

    ادیس ابابا : لوگوں کو بپتسمہ دینے والے پادری کو آدم خور مگر مچھ نے دبوچ لیا، مقامی افراد نے کافی مشقت کے بعد لاش کو جھیل سے باہر نکالا۔

    تفصیلات کے مطابق ایتھوپیا کی ابایا جھیل میں مقامی پادری پروٹیسٹنٹ پاسٹر ایشیٹے80سے زائد افراد کو بپتسمہ دے رہے تھے کہ اس دوران ایک مگرمچھ نے ان پر حملہ کردیا۔

    حملہ اتنا اچانک تھا کہ موجود لوگ فوری طور پر کوئی امدادی کارروائی نہ کرسکے اور دیکھتے ہی دیکھتے مگر مچھ پادری کو اپنے مظبوط جبڑوں میں دبا کر جھیل کی گہرائی میں لے گیا۔

    برطانوی نشریاتی ادارے بی بی سی کے مطابق مرکب تبائیعا ضلع کے مقامی افراد کا کہنا ہے کہ مقامی لوگوں اور مچھیروں نے پادری کو مگرمچھ کے چنگل سے چھڑانے کی سرتوڑ کوششں کی لیکن وہ ان کی جان بچانے میں کامیاب نہ ہوسکے البتہ پادری کی کٹی پھٹی لاش کو مگر مچھ سے چھڑا کر جھیل سے باہر نکال لائے۔

    واضح رہے کہ ایتھوپیا کی ابایا جھیل خطرناک مگر مچھوں کی آماجگاہ ہے مذکورہ جھیل کا رقبہ گیارہ سو کلومیٹر طویل ہے۔


    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔