انگلینڈ نے کوارٹر فائنل میں یوکرین کو شکست دے کر یورو کپ کے سیمی فائنل میں جگہ بنالی ہے۔
تفصیلات کے مطابق انگلش ٹیم نے اہم میچ میں شاندار کارکردگی کا مظاہرہ کرتے ہوئے میچ میں چار صفر سے کامیابی حاصل کی،کپتان ہیری کین نے دو گول کیے ،ہیری میگوائر اورہیڈرسن نے ایک ایک گول کرکے اپنی ٹیم کو فتح سے ہمکنار کیا۔
اسی تاریخ فتح کے ساتھ ہی انگلینڈ پچیس سال بعد یورپی چیمپیئن شپ کے سیمی فائنل میں داخل ہوا۔
اس سے قبل ڈنمارک نے چَیک ری پبلک کو ایک کے مقابلے دوگول سے شکست دے کر سیمی فائنل میں جگہ بنائی تھی، سیمی فائنل میں انگلینڈ اور ڈنمارک کی ٹیمیں ٹکرائیں گی، اسپین اور اٹلی پہلے ہی ایونٹ کے سیمی فائنل میں پہنچ چکے ہیں۔
EURO 2020 semi-finals set ✅
🇮🇹🆚🇪🇸 Italy vs Spain
🏴🆚🇩🇰 England vs DenmarkWho are you backing to lift the 🏆❓#EURO2020 pic.twitter.com/SjjvZ6PSAb
— UEFA EURO (@UEFAEURO) July 3, 2021
واضح رہے کہ یورو کپ کے پری کوارٹر فائنل میچ میں انگلینڈ نے جرمنی کو 2-0 سے شکست دی تھی، انگلینڈ کی جانب سے ایک گول اسٹیرلنگ اور ایک گول ہیری کین نے کیا۔
یاد رہے کہ انگلینڈ نے 1966 کے ورلڈ کپ فائنل کے بعد پہلی بار ٹورنامنٹ کے ناک آؤٹ مرحلے میں جرمنی کو شکست دی، انگلش ٹیم کی حوصلہ افزائی کے لیے برطانوی شہزادہ ولیم ان کی اہلیہ کیٹ میڈلٹن اور معروف فٹبالر ڈیوڈ بیکھم بھی موجود تھے۔
