کراچی : اسٹیٹ بینک نے میسرز رائل انٹرنیشنل ایکسچینج کمپنی لمیٹڈ کے اجازت نامے کو معطل کر دیا ہے۔
تفصیلات کے مطابق اسٹیٹ بینک نے میسرز رائل انٹرنیشنل ایکسچینج کمپنی (پرائیویٹ) لمیٹڈ کے اجازت نامے کو اسٹیٹ بینک کے ضوابط اور ہدایات کی سنگین خلاف ورزی کے باعث فوری طور پر تاحکم ثانی معطل کردیا۔
مذکورہ ایکس چینج کمپنی کے صدر دفتر اور اس کی تمام برانچوں کو تاحکم ثانی کسی بھی قسم کی کاروباری سرگرمی انجام دینے سے روک دیا گیا ہے۔
یاد رہے کہ گزشتہ ہفتے اسٹیٹ بینک نے بی کیٹیگری کی ایکسچینج کمپنی کا اجازت نامہ ضوابط و ضوابط اور ہدایات کی خلاف ورزی کے باعث فوری طور پر معطل کردیا تھا۔
