Tag: Exchange reserves

  • سعودی عرب: آئندہ 4 برس کی ضروریات کے لیے زرمبادلہ موجود

    سعودی عرب: آئندہ 4 برس کی ضروریات کے لیے زرمبادلہ موجود

    ریاض: سعودی مالیاتی کمپنی کا کہنا ہے کہ سعودی عرب کے پاس آئندہ 4 برس کی ضروریات کے لیے زرمبادلہ موجود ہے، سعودی عریبین مانیٹری اتھارٹی (ساما) کے پاس 497 ارب ڈالر کے اثاثے موجود ہیں۔

    سعودی ویب سائٹ کے مطابق سعودی مالیاتی منڈی اتھارٹی سے لائسنس یافتہ انویسٹمنٹ کمپنی ’جدوی‘ کی رپورٹ کے مطابق سعودی عرب 47 مہینے تک درآمدات کے لیے زرمبادلہ محفوظ کیے ہوئے ہے۔

    رپورٹ کے مطابق کرونا وائرس کی وجہ سے جہاں دنیا بھر کی معیشتیں لرزہ بر اندام ہیں وہیں سعودی عرب کی معیشت مستحکم نظر آ رہی ہے۔

    جدوی کمپنی نے اپنی رپورٹ میں بتایا ہے کہ جنوری 2020 کے مقابلے میں فروری کے دوران سعودی عریبین مانیٹری اتھارٹی (ساما) کے محفوظ اثاثوں میں کمی ریکارڈ کی گئی، کمی ماہانہ کی بنیاد پر نوٹ کی گئی اور غیر ملکی کرنسی نوٹس میں معمولی کمی پائی گئی۔

    رپورٹ کے مطابق ساما کے پاس آئندہ 4 برس تک درآمدات کے لیے مطلوبہ زرمبادلہ موجود ہے، سعودی عرب ہر مہینے 10.5 ارب ڈالر مالیت کا سامان درآمد کر رہا ہے، ساما کے پاس 497 ارب ڈالر کے اثاثے موجود ہیں۔

    رپورٹ میں یہ بھی بتایا گیا ہے کہ فروری میں سالانہ کی بنیاد پر کرنسی نوٹوں میں 7.5 فیصد اور ماہانہ کی بنیاد پر 1 فیصد اضافہ ریکارڈ کیا گیا۔

    رپورٹ کے مطابق ایک سال کے دوران پبلک سیکٹر پر بینکوں کے مطالبات میں 17.7 فیصد کا اضافہ ہوا جبکہ بینکوں نے املاک کو رہن رکھ کر 182 فیصد زیادہ قرضے جاری کیے۔

  • زرمبادلہ کے ذخائر18ارب8کروڑ ڈالر ہوگئے، اسٹیٹ بینک اعلامیہ

    زرمبادلہ کے ذخائر18ارب8کروڑ ڈالر ہوگئے، اسٹیٹ بینک اعلامیہ

    کراچی : ایک ہفتے کے دوران ملکی زرمبادلہ کے ذخائر میں48کروڑ62لاکھ ڈالر کا اضافہ ہوا ہے جس کے بعد ملکی زرمبادلہ ذخائر18ارب8کروڑ ڈالر ہوگئے۔

    تفصیلات کے مطابق اسٹیٹ بینک آف پاکستان کی جانب سے جاری اعلامیہ میں بتایا گیا ہے کہ گزشتہ ایک ہفتے میں ملکی زرمبادلہ کے ذخائر میں48کروڑ62لاکھ ڈالر کا اضافہ ہوا ہے۔

    اس اضافے کے بعد ملکی زرمبادلہ ذخائر18ارب8کروڑ ڈالر ہوگئے۔

    اسٹیٹ بینک اعلامیہ کے مطابق اسٹیٹ بینک کے ذخائر58کروڑ ڈالر اضافے سے11.48ارب ڈالر جبکہ شیڈول بینکوں کے ذخائر9کروڑ ڈالر کم ہوکر6.59ارب ڈالر ہوگئے ہیں۔

  • زرمبادلہ کے ذخائر میں 1.60 ارب ڈالر کا اضافہ ہوگیا، اسٹیٹ بینک اعلامیہ

    زرمبادلہ کے ذخائر میں 1.60 ارب ڈالر کا اضافہ ہوگیا، اسٹیٹ بینک اعلامیہ

    کراچی : ایک ہفتے کے دوران ملکی زرمبادلہ کے ذخائر1.60ارب ڈالر کا اضافہ ہوا ہے جس کے بعد 13دسمبر تک17.65 ارب ڈالر تک جا پہنچے۔

    تفصیلات کے مطابق اسٹیٹ بینک آف پاکستان کی جانب سے جاری اعلامیہ میں بتایا گیا ہے کہ ملکی زرمبادلہ کے ذخائر میں 1.60ارب ڈالر کا اضافہ ہوا ہے۔

    مجموعی طور پر 13دسمبرتک ملکی زر مبادلہ کے ذخائر17.65ڈالر ہوگئے ہیں۔ اعلامیہ کے مطابق اسٹیٹ بینک کے ذخائر1.65ارب ڈالر سے بڑھ کر10.89ارب ڈالر ہوگئے جبکہ شیڈول بینکوں کے ذخائر5کروڑ ڈالر کم ہوکر6.76ارب ڈالر ہوگئے ہیں۔

  • زرمبادلہ کے ذخائر میں5 کروڑ 49لاکھ ڈالر کا اضافہ ہوا، اسٹیٹ بینک

    زرمبادلہ کے ذخائر میں5 کروڑ 49لاکھ ڈالر کا اضافہ ہوا، اسٹیٹ بینک

    کراچی : ایک ہفتے کے دوران ملکی زرمبادلہ کے ذخائر میں 5 کروڑ 49لاکھ ڈالر کا اضافہ ہوا ہے جس کے بعد چھ دسمبر تک16 ارب چار کروڑ ڈالر تک جا پہنچے۔

    تفصیلات کے مطابق اسٹیٹ بینک آف پاکستان کی جانب سے جاری اعلامیہ میں بتایا گیا ہے کہ ملکی زرمبادلہ کے ذخائر میں پانچ کروڑ اننچاس لاکھ ڈالر کا اضافہ ہوا ہے۔ مجموعی طور پر 6دسمبرتک ملکی زر مبادلہ کے ذخائر16ارب4کروڑ ڈالر ہوگئے۔

    اعلامیہ کے مطابق اسٹیٹ بینک کے ذخائر12کروڑ ڈالر بڑھ کر9.23ارب ڈالر ہوگئے جبکہ شیڈول بینکوں کے ذخائر6.53کروڑ ڈالر کم ہوکر6.81ارب ڈالر ہوگئے۔

    مزید پڑھیں : ملکی زرمبادلہ کے ذخائر میں24کروڑ ڈالر کا اضافہ ہوا، اسٹیٹ بینک

    اسٹیٹ بینک آف پاکستان کے اعلامیہ میٓں کہا گیا ہے کہ دسمبر کے پہلے ہفتے میں1ارب ڈالر سکوک کی مد میں ادائیگی کی گئی۔ اے ڈی بی سے موصول 1.3ارب ڈالر6دسمبر کے بعد موصول ہوئے۔

  • ملکی زرمبادلہ کے ذخائر میں24کروڑ ڈالر کا اضافہ ہوا، اسٹیٹ بینک

    ملکی زرمبادلہ کے ذخائر میں24کروڑ ڈالر کا اضافہ ہوا، اسٹیٹ بینک

    کراچی : ایک ہفتے کے دوران ملکی زرمبادلہ کے ذخائر میں 24 کروڑ ڈالر کا اضافہ ہوا ہے جب کہ کمرشل بینکوں کے ذخائر میں 43کروڑ ڈالر کی کمی واقع ہوئی ہے۔

    تفصیلات کے مطابق اسٹیٹ بینک آف پاکستان کی جانب سے جاری اعلامیہ میں بتایا گیا ہے کہ ملکی زرمبادلہ کے ذخائر میں گیارہ کروڑ چوّن لاکھ ڈالر کا اضافہ ہوا ہے۔

    ایک ہفتے میں ملکی مجموعی زخائر15 ارب57 کروڑ 77لاکھ ڈالر ہوگئے، اسٹیٹ بینک کے مطابق بائیس نومبر کو ختم ہونے والے ہفتے میں زرمبادلہ ذخائر ساڑھے گیارہ کروڑ ڈالر اضافے سے پندرہ ارب ستاون کروڑ ڈالر ہوگئے ہیں۔

    مرکزی بینک کے ذخائر چوبیس کروڑ ڈالر اضافے سے آٹھ ارب اڑسٹھ کروڑ ڈالر ہیں۔ کمرشل بینکوں کے ذخائر بارہ کروڑ ڈالر کم ہوکر چھ ارب نواسی کروڑ ڈالر ہوگئے ہیں۔

    شیڈول بینکوں کے ذخائر چھ مسلسل ہفتوں سے کم ہورہے ہیں۔ چھ ہفتوں میں کمرشل بینکوں کے زرمبادلہ کے ذخائر تینتالیس کروڑ ڈالر کم ہوئے ہیں۔

  • رواں مالی سال غیرملکی سرمایہ کاری میں 239 فیصد اضافہ ریکارڈ

    رواں مالی سال غیرملکی سرمایہ کاری میں 239 فیصد اضافہ ریکارڈ

    اسلام آباد : رواں مالی سال جولائی تا اکتوبر میں غیرملکی سرمایہ کاری میں239فیصد اضافہ ہوا ہے، رواں سال جولائی تا اکتوبر غیر ملکی سرمایہ کاری650ملین ڈالر رہی.

    معاشی ذرائع کے مطابق ناروے سے264ملین اور چین سے122ملین ڈالر کی سرمایہ کاری پاکستان میں آئی، رواں سال اکتوبر میں108ملین ڈالر سرمایہ کاری ریکارڈ کی گئی۔

    گزشتہ سال اکتوبر میں367ملین ڈالر کا انخلا ریکارڈ کیا گیا تھا۔ ٹیلی کام سیکٹرمیں267ملین اور الیکٹرک مشینری میں72ملین ڈالر آئے، رواں سال کے پہلے چار ماہ میں تیل و گیس سیکٹر میں41ملین ڈالر سرمایہ کاری آئی ہے۔

    علاوہ ازیں ملکی زرمبادلہ کے مجموعی ذخائر میں1کروڑ55لاکھ ڈالرز کمی ہوئی ہے۔ اسٹیٹ بینک کے زرمبادلہ کے ذخائرمیں4کروڑ ڈالرکا اضافہ ہوا۔

    گزشتہ ہفتے ملکی زرمبادلہ کے مجموعی ذخائر میں1کروڑ55لاکھ ڈالرز کی کمی ہوئی تھی تاہم مرکزی بینک کے ذخائر4کروڑ ڈالر کا اضافہ ہوا۔

    اسٹیٹ بینک کے مطابق 8نومبر کو ختم ہونے والے ہفتے میں ملکی زرمبادلہ کے ذخائر15ارب50کروڑ24لاکھ ڈالرز کی سطح پر رہے۔

    مرکزی بینک کے ذخائر چار کروڑ ڈالر اضافے سے8ارب39کروڑ73لاکھ ڈالرز جبکہ کمرشل بینکوں کے ذخائر5کروڑ52لاکھ ڈالرز کمی سے 7ارب10کروڑ51لاکھ ڈالرز کی سطح پر رہے۔

  • اسٹیٹ بینک کے ذخائر8ارب 12کروڑ ڈالر سے تجاوز کرگئے

    اسٹیٹ بینک کے ذخائر8ارب 12کروڑ ڈالر سے تجاوز کرگئے

    اسلام آباد : ملکی زرِ مبادلہ کے ذخائر میں اضافے کا سلسلہ جاری ہے، اسٹیٹ بینک آف پاکستان کی جانب سے 8مارچ تک جاری ہونے والے اعلامیے کے مطابق مرکزی بینک کے ذخائر میں60لاکھ ڈالر کا اضافہ ہوا ہے۔

    ترجمان اسٹیٹ بینک آف پاکستان کے مطابق 8مارچ تک ایک ہفتے میں مرکزی بینک کے ذخائر میں60لاکھ ڈالر کا اضافہ ہوا ہے، جس کے بعد مرکزی بینک کے ذخائر8ارب 12کروڑ ڈالر سے تجاوز کرگئے۔

    اس کے علاوہ کمرشل بینکوں کے ذخائر40لاکھ ڈالر سے بڑھ کر6.84ارب ڈالر ہوگئے ہیں، اسٹیٹ بینک کے مطابق 8مارچ تک مجموعی ذخائر1کروڑ ڈالراضافے سے14.96ارب ڈالر ہوگئے۔

    مزید پڑھیں: یو اے ای سے مزید ایک ارب ڈالر کی قسط موصول، زر مبادلہ کے ذخائر میں اضافہ

    یو اے ای سے ایک ارب ڈالر کی قسط اگلے ہفتے ریکارڈ میں شامل ہوگیاس سے قبل پاکستان کو یو اے ای سے ایک ارب ڈالر رواں ہفتے ملے ہیں۔