دبئی: متحدہ عرب امارات کی فضائی کمپنی فلائی دبئی نے ایکسپو دو ہزار بیس میں شرکت کرنے والے سیاحوں کو بڑی خوشخبری سنادی۔
میڈیا رپورٹ کے مطابق یو اے ای کی فضائی کمپنی نے اعلان کیا ہے کہ وہ مسافر جو فلائی دبئی کے زریعے سفر کرتے ہیں،ان کے لئے ایکسپو دو ہزار بیس میں ایک دن کے لئے مفت ٹکٹ ملے گا۔
یہ پیشکش ان مسافروں کے لئے ہے جو یکم ستمبر سے اکتیس مارچ تک ایئر لائنز کے زریعے یو اے ای کا سفر کرینگے، کمپنی کا کہنا ہے کہ جو ایکسپو کا ٹکٹ جاری کیا جائے گا وہ صرف ایک دن کے لئے ہوگا جو نمائش کے اختتام تک کارآمد رہے گا۔
فلائی دبئی کا کہنا تھا کہ یہ ہر اس مسافر کے لئے ہے جو فلائی دبئی سے سفر کررہے ہوں خواہ وہ کسی بھی کلاس کی ٹکٹ ہی کیوں نہ ہوں۔
یہ بھی پڑھیں: یواے ای کا سیاحوں کے لئے بڑا اعلان
دبئی ایکسپو کے ٹکٹوں کی فروخت کا سلسلہ اٹھارہ جولائی سے شروع ہوچکا ہے جو یکم اکتوبر دو ہزار اکیس تک جاری رہے گا، ٹکٹ میں تین طرح کی کٹیگیرزہیں، جن کی تقسیم ٹکٹ کی قیمت اور اس میں فراہم کی جانے والی سہولیات پر ہے۔
واضح رہے کہ ایکسپو دو ہزار بیس عالمی طور پر سب سے بڑا ایونٹ بنتا جارہا ہے، جو ایک سو بیاسی دن دنیا کے مخلتف ممالک کے سیاحوں کو مختلف تقاریب سے تفریح فراہم کرے گا۔
