ARYNews.tv | Urdu – Har Lamha Bakhabar

Tag: Exposes

  • آڈیٹر جنرل رپورٹ نے نواز دور کی بے ضابطگیوں کا بھانڈا پھوڑ دیا

    آڈیٹر جنرل رپورٹ نے نواز دور کی بے ضابطگیوں کا بھانڈا پھوڑ دیا

    اسلام اباد : آڈیٹر جنرل رپورٹ نے نواز دور کی بے ضابطگیوں کا بھانڈا پھوڑ دیا، رپورٹ میں متعددوزارتوں اورڈویژنزمیں ایک سوچھپن کھرب روپے کی بے ضابطگیوں کی نشاندہی کی گئی ہے۔

    تفصیلات کے مطابق آڈیٹر جنرل آف پاکستان کی آڈٹ سال دوہزار اٹھارہ انیس کی رپورٹ جاری کردی گئی ، رپورٹ میں مالی سال دو ہزار سترہ اٹھارہ کا آڈٹ کیا گیا، رپورٹ میں ایک سو چھپن کھرب روپےکی بےضابطگیوں کی نشاندہی کی گئی ہے۔

    اے جی پی نے خلاف قواعد و ضوابط، اندرونی کنٹرول میں کمی ،عوامی فنڈز کی زیادہ ادائیگیوں اورغفلتوں کی طویل فہرست جاری کی ہے۔

    رپورٹ کے مطابق گزشتہ حکومت نے دو ارب ڈالر کے عالمی بانڈز وزیراعظم کی منظوری سےجاری کئے، اس اجراء کیلئے قوائد کے مطابق منظوری وفاقی کابینہ سے لی جاتی ہے، دو ارب ڈالر کے یہ بانڈز زائد شرح سود پر جاری کئے گئے۔

    رپورٹ میں انکشاف کیا گیا چالیس وفاقی اداروں کےعوامی فنڈز کی جانچ کے بعد سامنے آئے ہیں ، متعدد وزارتوں اور ڈویژنزاور بیرون ممالک میں متعلقہ اداروں میں اندرونی کنٹرولز کمزور ہونے کے باعث ایک کھرب پنتالیس ارب روپے کی بے ضابطگیاں بھی سامنے آئیں۔

    دوسری جانب وزیربرائےاقتصادی امور حماد اظہر نے سماجی رابطے کی ویب سائٹ ٹوئٹر پر کہا کہ نون لیگ کا شاید ضمیر جاگ گیا، نون لیگ نے اپنی حکومت کی رپورٹ کو بنیاد بنا کر کیا کچھ نہ کہہ ڈالا تاہم اب نون لیگی رہنماوں نے ان ٹویٹس کو کِسی وجہ سے ڈیلیٹ کردیا ہے۔

    وفاقی وزیرفواد چوہدری نے ٹوئٹ میں کہا کہ ن لیگیوں نےاپنی خامیوں کو پی ٹی آئی کا بول دیا، کوئی حیرت نہیں یہ لوگ سیاست کے ڈسٹ بن میں پڑے ہیں۔

    خیال رہے نون لیگی رہنما مریم اورنگ زیب اور خرم دستگیر نے رپورٹ پر ٹوئٹ کیا تھا۔

  • ملتان سکھر موٹروے میں ن لیگ کے بڑے گھپلوں کےثبوت موجود ہیں، مرادسعید

    ملتان سکھر موٹروے میں ن لیگ کے بڑے گھپلوں کےثبوت موجود ہیں، مرادسعید

    اسلام آباد: وفاقی وزیر مواصلات مراد سعید کا کہنا ہے کہ ملتان سکھر موٹروے میں ن لیگ نےقومی خزانے کوساٹھ سے ستر ارب روپے کا نقصان پہنچایا، جس کے ثبوت موجود ہیں، ثبوتوں کے ساتھ لوٹے گئے پیسے واپس لیں گے۔

    تفصیلات کے مطابق وزیرمواصلات مرادسعید نے میڈیا بریفنگ میں کہا ملتان سکھرموٹروےمنصوبے میں ن لیگ کی کارکردگی باعث تشویش ہے، نوازشریف،احسن اقبال،جاویدصادق نےکمپنی سےمعاہدہ کیا، ن لیگ نے بڑے منصوبےکمیشن کےحصول کیلئےشروع کئے اور حکومت کی بدانتظامی کی وجہ سےمنصوبےکی لاگت بڑھی۔

    ن لیگ حکومت نے ملتان سکھر موٹروے میں ن لیگ نےقومی خزانے کو کم از کم ساٹھ سے ستر ارب روپے کا نقصان پہنچایا، بڑے گھپلے کے ثبوت موجود ہیں، گھپلے کے مرکزی کردار احسن اقبال اور جاوید صادق ہیں، ن لیگ نے جاوید صادق کو فرنٹ مین کی حیثیت سے رکھا۔

    وزارت مواصلات نے5ماہ میں 4ارب33 کروڑ کی وصولی کی، پاکستان کے پیسے کو بے دردی سے لوٹاگیا، نیب کے پاس جانے والے مقدمات کی تفصیلات جانناچاہتے ہیں۔

    خیال رہےسابق دور حکومت میں کرپشن کا ایک اور بڑا اسکینڈل سامنے آیا، جس میں نواز شریف شہباز شریف، اور احسن اقبال کے ملوث ہونے کا انکشاف ہوا تھا ۔

    مزیدپڑھیں : ایک اور بڑا کرپشن اسکینڈل: نواز شریف، شہباز شریف کے ملوث ہونے کا انکشاف

    حکومتی ذرائع کا کہنا تھاکہ غیر ملکی انجینئرنگ کنسٹرکشن کمپنی اور جاوید صادق کی ڈیلز کی اہم دستاویزات سامنے آ گئیں ہیں ، جس میں نواز شریف کی جگہ دستخط کرنے والے لیگی وزیر احسن اقبال بھی ملوث ہے جبکہ نواز شریف اور شہباز شریف کا فرنٹ مین کون تھا؟ سابق لیگی وزیر احسن اقبال نے غیر ملکی کمپنی سے معاہدے کیسے کئے؟

    ذرائع کے مطابق ایسے منصوبوں کا آغاز کیا گیا جو وفاقی کابینہ اور لاء ڈیپارٹمنٹ سے منظور نہیں ہوئے، منصوبے کا پی سی ون 257 ارب کا تیار ہوا مگر بڈنگ 406 ارب روپے میں کی گئی۔

    کومتی ذرائع کا کہنا تھا کہ حکومت نے نجی ہوٹلز میں ہونے والی اہم ملاقاتوں کی تفصیلات بھی حاصل کر لیں، فرنٹ مین کے ذریعے قومی خزانے کو کم از کم 60 ارب روپے کا نقصان پہنچایا گیا۔

  • انکاؤنٹر اسپشلسٹ عابد باکسر کے شریف بردارن سے متعلق تہلکہ خیز انکشافات

    انکاؤنٹر اسپشلسٹ عابد باکسر کے شریف بردارن سے متعلق تہلکہ خیز انکشافات

    لاہور : پولیس کے انکاؤنٹر اسپشلسٹ عابد باکسر نے سنسنی خیز انکشافات کرتے ہوئے کہا ہے کہ شریف برادران نے جھوٹے مقدمات میں نامزد کرکے انہیں مارنے کی منصوبہ بندی کی تھی، حمزہ شہباز نے فواد حسن فواد کو میرے خلاف کارروائی کا کہا۔

    تفصیلات کے مطابق لاہور پولیس کےانکاؤنٹر اسپشلسٹ عابد باکسر نے اپنی نئی ویڈیو میں شریف بردارن کے کالے کرتوں پر سے پردہ اٹھادیا، تہلکہ خیز انکشافات کرتے ہوئے عابد باکسر نے الزام لگایا کہ شریف برادران نے جھوٹے مقدمات میں نامزد کرکے انہیں جعلی پولیس مقابلے میں مارنے کی منصوبہ بندی کی تھی۔

    عابد باکسر کا کہنا تھا کہ میرے خلاف بیان دلوانے کیلئے ماموں کو تشدد کرکے قتل کردیاگیا، حمزہ شہباز نے فواد حسن فواد کو میرے خلاف کارروائی کا کہا، حمزہ شہباز نے خط میں کہا ہمیں قانونی یا غیرقانونی لفظ سننے کی عادت نہیں۔

    https://youtu.be/9HxsPhNBbgE

    انکشافات میں انکاؤنٹر اسپشلسٹ نے کہا کہ مجھے 3 بار ریڈوارنٹ کے ذریعے انٹرپول سے گرفتار کرایا گیا، عدالت نے مجھے بری کردیا، مگر شریف خاندان نے پیچھا نہ چھوڑا، جلاوطن شریف برادران نے واپس آئے، میرے خلاف پھر کارروائیاں ہونے لگیں۔

    عابد باکسر نے بتایا کہ پنجاب میں جعلی مقابلوں کیلئے پولیس انسپکٹرز کو کیسے مجبور کیا جاتا تھا۔

    گذشتہ روز لاہور ہائی کورٹ نے عابد باکسر کو ستائیس جولائی کو پیش کرنے کا حکم دیا تھا۔

    عابد باکسر کے سُسر جعفر رفیع نے عدالت میں دائر درخواست میں موقف اختیار کیا کہ عابد باکسر کو پاکستان کے حوالے کر دیا گیا ہے، خدشہ ہے عابد باکسر کو جعلی پولیس مقابلے میں ہلاک کردیا جائے گا۔

    مزید پڑھیں : سابق پولیس انسپکٹر اور انکاؤنٹراسپیشلسٹ دبئی سے گرفتار

    یاد رہے کہ فروری کے آغاز میں پنجاب پولیس کے سب انسپکٹر اور معروف انکاؤنٹراسپیشلسٹ عابد باکسر کو دبئی میں انٹرپول کے ذریعے حراست میں لیا گیا تھا، ملزم جعلی پولیس مقابلوں میں مطلوب تھا۔

    ملزم عابد باکسر کے خلاف پنجاب میں قتل اور اقدام قتل کے درجنوں مقدمات درج ہیں جو جعلی پولیس مقابلوں میں قتل کیے گئے افراد کے لواحقین کی جانب سے درج کرائے گئے تھے تاہم پولیس افسر مقدمات کا سامنا کرنے کے بجائے دبئی فرار ہو گیا تھا۔

    پنجاب حکومت کی جانب سے معطل کیے گئے پولیس انسپکٹر کے خلاف جعلی پولیس مقابلوں میں معصوم شہریوں کے قتل، اغواء برائے تاوان ،قواعد و ضوابد کی خلاف ورزی اور جرائم کی متعدد وارداتوں میں ملوث ہونے پر زندہ و مردہ گرفتاری پر انعام بھی مقرر کیا گیا تھا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • سرجیکل اسٹرائیک مودی سرکار کی ڈرامے بازی ہے‌، تیج بہادر

    سرجیکل اسٹرائیک مودی سرکار کی ڈرامے بازی ہے‌، تیج بہادر

    نئی دہلی : مقبوضہ کشمیر میں تعینات رہنے والےبھارتی فوجی تیج بہادر کا کہنا ہے کہ سرجیکل اسٹرائیک مودی سرکارکی ڈرامے بازی ہے،سرجیکل اسٹرائیک کے نام پرعوام کوبیوقوف بنایا جارہا ہے۔

    تفصیلات کے مطابق بھارتی فورسز میں اہلکاروں کو دئیے جانے والے ناقص کھانے کا بھانڈا پھوڑنے والے بی ایس ایف اہلکار تیج بہادر نے میڈیا پر آکر سرجیکل اسٹرائیک کے دعویٰ کا بھی پول کھول دیا۔

    تیج بہادر کا کہنا تھا کہ سرجیکل اسٹرائیک سرکار کی ڈارمے بازی ہے،سرجیکل اسٹرائیک کے نام پر عوام کو بیوقوف بنایا جارہا ہے، بھارتی پیرا ملٹری فورس کے اہلکاروں نے مودی سرکار کیخلاف مظاہرہ کیا ، 7سو اہلکاربیماری سے مرگئے،حکومت نے سہولیات نہیں دی۔

    انہوں نے حکومت پر خوب تنقید کرتے ہوئے کہا کہ حکومت تسلسل کے ساتھ جھوٹ بول رہی ہے۔

    مزید پڑھیں : بھارتی فوجی نے ویڈیو جاری کرکے اپنی فوج کو بے نقاب کردیا

    یاد رہے کہ اس سے قبل بھارتی فوجی اہلکار تیج بہادریادیو نے سوشل میڈیا پر ایک ویڈیو جاری کی تھی، جس میں بھارتی فوجی اہلکاروں کے ساتھ ہونے والے ناروا سلوک کا پردہ فاش کیا تھا، اپنی ویڈیو میں اسکا کہنا تھا کہ ہمیں ملنے والا کھانا افسران کھا جاتے ہیں یا پھر بازار میں بیچ دیا جاتا ہے۔

    جس کی پاداش میں پہلے اسے غائب کردیا گیا بعدا زاں بی ایس ایف اہلکار تیج بہادر کو نوکری سے فارغ کردیا گیا تھا جبکہ تیج بہادر نے فیصلے کیخلاف عدالت جانے کا اعلان کیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔