ARYNews.tv | Urdu – Har Lamha Bakhabar

Tag: expresses

  • وزیراعظم عمران خان کا ڈاکٹراعجاز احسن کے انتقال پر اظہارِ افسوس

    وزیراعظم عمران خان کا ڈاکٹراعجاز احسن کے انتقال پر اظہارِ افسوس

    اسلام آباد : وزیراعظم عمران خان نے ڈاکٹراعجازاحسن کےانتقال پرافسوس کااظہار کرتے ہوئے کہا وہ پی ٹی آئی کےبانی رکن تھے، ان کی شعبہ صحت میں خدمات یادرکھی جائیں گی۔

    تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر ڈاکٹراعجازاحسن کےانتقال پرافسوس کااظہار کرتے ہوئے کہا ڈاکٹر اعجاز احسن کےانتقال پردکھ ہوا، وہ پی ٹی آئی کےبانی رکن تھے، جب پارٹی مشکل وقت میں تھی اور اسٹیٹس کو کے خلاف لڑرہی تھی تب وہ ساتھ رہے۔

    عمران خان کا کہنا تھا کہ ڈاکٹراعجازاحسن سینٹرل ایگزیکٹوکمیٹی کےممبر بھی رہے اور اوقاراندازمیں اجلاسوں میں شریک ہوتے تھے ، میری دعائیں اورتعزیت اہل خانہ کیساتھ ہیں۔

    بعد ازاں وزیراعظم نے پیپلزپارٹی کےسینئررہنماچوہدری اعتزازاحسن سے رابطہ کیا اور ان کے بھائی ڈاکٹراعجازکی وفات پر اظہارتعزیت کرتے ہوئے کہا ڈاکٹراعجاز کی شعبہ صحت میں خدمات یادرکھی جائیں گی ، وہ قومی سرمایہ تھے، ان کی وفات سے پیدا ہونے والا خلاپر نہیں ہوسکے گا۔

    چوہدری اعتزازاحسن نے وزیراعظم کا اظہار تعزیت پرشکریہ ادا کیا۔

  • شدیدی برفباری اور برفانی تودہ گرنے سے ہلاکتیں، آرمی چیف کا جانی نقصان پر گہرے رنج وغم کا اظہار

    شدیدی برفباری اور برفانی تودہ گرنے سے ہلاکتیں، آرمی چیف کا جانی نقصان پر گہرے رنج وغم کا اظہار

    راولپنڈی: آرمی چیف قمر جاوید باجوہ نے آزاد کشمیر اور بلوچستان میں برفانی تودہ گرنے اور شدید برفباری سے ہونے والے جانی نقصان پر گہرے رنج و غم کا اظہار کرتے ہوئے پاک فوج کو  بھرپور مدد فراہم کرنے کی ہدایت کردی۔

    پاک فوج کے شعبہ تعلقات عامہ کے ادارے آئی ایس پی آر کے مطابق آرمی چیف جنرل قمر جاوید باجوہ نے آزاد کشمیر اور بلوچستان میں برفانی تودہ گرنے اور شدید برفباری سے ہونے والے جانی نقصان پراظہار افسوس کرتے ہوئے متاثرہ خاندانوں سے اظہار ہمدردی کیا ہے۔

    آئی ایس پی آر کا کہنا ہے کہ آرمی چیف نے پاک فوج کو ہدایات جاری کیں کہ متاثرہ علاقوں میں سول انتظامیہ کو ریلیف اور ریسکیو آپریشن میں بھرپور مدد فراہم کی جائے۔

    ترجمان کے مطابق آرمی ایوی ایشن کے ہیلی کاپٹرز متاثرہ علاقوں میں امدادی کارروائیوں میں مصروف ہیں، آرمی ہیلی کاپٹرز کی مدد سے شاردہ، سرگان، بکوال اور تربت میں امدادی سامان کی فراہمی ممکن بنائی گئی ہے۔

    آئی ایس پی آر کا کہنا تھا کہ پاک فوج کی سرچ اینڈ ریسکیو ٹیمیں بھی امدادی کاموں میں مصروف ہیں، جبکہ آرمی کےڈاکٹرز اور پیرا میڈیکل اسٹاف متاثرین کو علاج معالجے کی فراہمی میں مصروف ہیں، متاثرہ خاندانوں میں خیمے، کمبل اور راشن و ادویات بھی تقسیم کی گئی ہیں۔

    مزید پڑھیں : آزاد کشمیر میں شدید برفباری، 62 افراد جاں بحق

    خیال رہے آزادکشمیر اور بلوچستان میں برفباری نے تباہی مچادی ہے، دو روز کے دوران آزاد کشمیر، گلگت بلتستان اور بلوچستان میں جاں بحق ہونے والوں کی تعداد 87 ہوگئی ہے ، برف باری سے متاثرہ علاقوں میں آپریشن جاری ہے اور پاک فوج کی ٹیمیں بھی امدادی کاموں میں مصروف ہیں۔

    وادی نیلم میں برفانی تودہ گرنے سے62 ہلاکتیں ہوئی جبکہ 56مکان تباہ ہوگئے، ترجمان صوبائی حکومت کا کہنا ہے کہ متاثرین کو کمبل،خوراک پہنچادی گئی،اسپتالوں اور اسکولوں میں عارضی شیلٹرفراہم کردیاگیا ہے۔

  • مقبوضہ کشمیر میں بھارتی فوجیوں پر حملہ پاکستان کا اظہار تشویش، بھارتی الزامات مسترد

    مقبوضہ کشمیر میں بھارتی فوجیوں پر حملہ پاکستان کا اظہار تشویش، بھارتی الزامات مسترد

    اسلام آباد : پاکستان مقبوضہ کشمیرمیں بھارتی فوجیوں کی ہلاکت پر اظہار تشویش کرتے ہوئے بھارتی الزامات کو مسترد کردیا ہے ، پلواما میں گزشتہ روز بھارتی فوجیوں کی بس کوکاربم سے نشانہ بنایا گیا تھا۔

    تفصیلات کے مطابق پاکستانی دفترخارجہ کے ترجمان ڈاکٹرفیصل نے سماجی رابطے کی ویب سائٹ ٹوئٹر پر مقبوضہ کشمیرمیں بھارتی فوجیوں کی ہلاکت کی مذمت کرتے ہوئے کہا پلواما میں بھارتی فوجیوں پرحملے پرتشویش ہے، ہمیشہ سے مقبوضہ وادی میں تشدد کی مذمت کرتے آئے ہیں، بغیر تحقیقات کے بھارتی میڈیا اور حکومت کے الزامات کومسترد کرتے ہیں۔

    گزشتہ روز پلواما میں گزشتہ روزبھارتی فوجیوں کی بس کوکاربم سے نشانہ بنایا گیا تھا، جس میں بس مکمل طور پر تباہ ہوگئی تھی اور ساتھ موجود پانچ مزید گاڑیوں کو بھی شدید نقصان پہنچا تھا، ہلاکتوں میں اضافے کا خدشہ ظاہر کیا جا رہا ہے۔

    قابض بھارتی فوج پر ہونے والا یہ حملہ گذشتہ 20 سالوں میں سب سے بڑا حملہ قرار دیا جا رہا ہے، جس میں بھارتی قابض فوج کو بھاری نقصان اٹھانا پڑا ہے۔

    مزید پڑھیں: مقبوضہ کشمیر میں کار بم دھماکا، 42 بھارتی فوجی ہلاک

    واقعے کے بعد بھارت نے الزام لگایا تھا کہ پلوامہ میں حملہ کالعدم جیش محمد کی جانب سے کیا گیا ، جسے پاکستان کی پشت پناہی حاصل ہے۔

    خیال رہے مقبوضہ کشمیر میں بھارتی فوج نے ظلم و ستم کا بازار گر م کر رکھا ہے، بھارت طاقت کے زور پر کشمیریوں کی آزادی سلب کرنے کے درپے اور ان کے جدوجہد کو دبانے کے لیے مختلف ہتھکنڈے استعمال کر رہا ہے۔

  • امریکی نائب صدرپینس اورپینٹاگون کےبیانات پر تشویش ہے ، سیکریٹری خارجہ

    امریکی نائب صدرپینس اورپینٹاگون کےبیانات پر تشویش ہے ، سیکریٹری خارجہ

    اسلام آباد : سیکریٹری خارجہ تہمینہ جنجوعہ کا کہنا ہے کہ پاکستان کومسلسل بدنام کرنےکی کوشش کی جا رہی ہے، پاکستان نے دہشت گردوں کی محفوظ ٹھکانے ختم کردیئے ہیں، امریکی نائب صدرپینس اورپینٹاگون کے بیانات پر تشویش ہے۔

    تفصیلات کے مطابق سینیٹ کمیٹی برائےخارجہ امورکااجلاس ہوا، اجلاس میں سیکریٹری خارجہ تہمینہ جنجوعہ نےامریکی الزامات پر جواب پڑھ کرسنایا۔

    سیکریٹری خارجہ تہمینہ جنجوعہ نے کمیٹی کو بریفنگ دیتے ہوئے کہا کہ پاکستان نے امریکی ہرزہ سرائی کویکسرمستردکردیا ہے، پاکستان دشمن ممالک کی ریاستی دہشتگردی کانشانہ ہے، پاکستان کومسلسل بدنام کرنےکی کوشش کی جا رہی ہے۔

    تہمینہ جنجوعہ کا کہنا تھا کہ امریکاکو ہمارے خدشات پر بھی توجہ دینی چاہئے، یکطرفہ کارروائی کے بیان پرامریکاسےبات چیت ہورہی ہے، امریکاکوپاکستان،بھارت کیساتھ ایک جیسابرتاؤکرناچاہئے، پاکستان بھارت سے مذاکرات چاہتا ہے، بھارت مقبوضہ کشمیر میں ریاستی دہشت گردی کر رہا ہے۔

    سیکریٹری خارجہ نے کہا کہ کہ امریکی نائب صدر اور پنٹاگون کے بیانات پر تشویش ہے، پاکستان نے دہشت گردوں کی محفوظ ٹھکانے ختم کردیئے۔

    مزید پڑھیں : دہشت گردوں کو پناہ دینےسےپاکستان کوبہت کچھ کھونا پڑے گا‘ مائیک پنس

    انھوں نے نے کمیٹی کو بریفنگ دیتے ہوئے بتایا کہ حال ہی میں پاکستان کا دورہ کرنے والے امریکی وزیر دفاع جیمز میٹس کی وزیراعظم، وزیر دفاع، وزیر خارجہ اور داخلہ سے ملاقاتیں ہوئیں، جیمزمیٹس سے سیکیورٹی صورتحال سمیت دوطرفہ تعلقات پر بات ہوئی۔

    تہمینہ جنجوعہ نے کہا کہ جیمز میٹس سے ملاقاتوں میں القاعدہ ،نائن الیون اور افغانستان پر بھی تبادلہ خیال کیا گیا جب کہ افغان سرزمین پاکستان کے خلاف استعمال ہونے کا معاملہ بھی اٹھایا گیا اور افغان سرزمین پاکستان کے خلاف استعمال ہونےکے مسئلے کےحل کایقین دلایا گیا۔

    قائمہ کمیٹی نے اقوام متحدہ کی جنرل اسمبلی میں فلسطین پر مؤقف اپنانے پر وزارت خارجہ کو خراج تحسین پیش کیا، اس پرسیکریٹری خارجہ نے کہا کہ ہم نے فلسطین کے معاملے پر واضح مؤقف اپنایا، حیران کن طورپربھارت نےبھی قراردادکےحق میں ووٹ دیا وزیراعظم پاکستان کی تجویز پر جنرل اجلاس طلب ہونا خوش آئند ہے۔

    انکا مزید کہنا تھا کہ کہنا تھا کہ امریکی سیکیورٹی پالیسی پر پاکستان نے واضح جواب دیا ہے،بریفنگ پاکستان نےدہشت گردی کے خلاف بلاتفریق کارروائی کی ہے، پاکستان ہمسایہ بھارت کی جانب سےدہشتگردی کاشکار ہے،ثبوت دیئے گئے، پاکستان ذمہ دار ملک ہے، نیوکلیئر اثاثوں کیلئےانتہائی فول پروف انتظامات ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔