ARYNews.tv | Urdu – Har Lamha Bakhabar

Tag: eye to eye

  • گلوکار طاہر شاہ پاکستان اور بھارت کے بعد دنیا بھر میں چھاگئے

    گلوکار طاہر شاہ پاکستان اور بھارت کے بعد دنیا بھر میں چھاگئے

    کراچی: پاکستانی گلوکار طاہر شاہ اپنے دوسرے نئے گانے کے ریلیز ہوتے ہی پاکستان اور بھارت کے بعد دنیا بھر میں چھاگئے۔

    آئی ٹو آئی گانے سے مقبولیت حاصل کرنے والے طاہر شاہ اپنے سابقہ گانے کا ریکارڈ توڑنے کیلئے پر عزم ہیں،ان کے نئے گانے ’اینجل ‘نے ایک بار پھر دھوم مچا دی ہے۔

    پاکستانی گلوکار طاہر شاہ نے اپریل دوہزار تیرہ میں ’آئی ٹو آئی‘نامی گانا ریلیز کیا تھا جو راتوں رات مقبولیت کے کئی ریکارڈ قائم کرگیا تھا۔ یہ گانا دیکھتے ہی دیکھتے زبان زد عام ہو گیا،اس گانے کی ویڈیو منظر عام پر آنے کے بعد گانا سننے سے زیادہ پوری دنیا کے لوگوں نے گانا گانے والے کے بالوں پر توجہ دی۔

    آئی ٹوآئی کی ویڈیو سوشل میڈیا پر وائرل ہوئی اور کئی ریکارڈ بنائے،اب طاہر شاہ کے نئے گانے اینجل کی حیرت انگیز ویڈیو کے ساتھ سامنے آئے ہیں،طاہر شاہ کے اس گانے کی ویڈیو ہی کمال کی نہیں،بلکہ اس کے بول بھی دلچسپ اور منفرد ہیں۔

    اینجل کے بارے میں کہا جا رہا ہے کہ یہ نئے ریکارڈ قائم کرے گا، اس گانے کو چند گھنٹوں میں ہزاروں افراد فیس بک پر دیکھ کر محظوظ ہوئے ہیں جبکہ یوٹیوب اور ٹوئٹر پر بھی ایجنل کے فالورز کی کمی نہیں۔

    سماجی رابطے کی ویب سائٹ فیس بک اور ٹوئٹر پر آج طاہر شاہ چھائے رہے ، ٹوئٹر پر #tahershah پہلے پاکستان اور پھر بھارت میں نمبر ون اس کے بعد دنیا میں تیسرے نمبر پر ٹرینڈ کرنے لگا۔

    3

    2

    1

    ٹوئٹر صارفین نے اپنے ٹوئٹس کے ذریعے طاہر شاہ کے نئے گانے اینجل کا ردعمل دیا۔چھتیس ہزار سے زائد لوگوں نے طاہر شاہ کے گانے اینجل اینجل پر مزیدار اور دلچسپ تبصرے کئے۔

  • طاہر شاہ ہالی وڈ فلموں میں جلوہ گرہوں گے

    طاہر شاہ ہالی وڈ فلموں میں جلوہ گرہوں گے

    پاکستانی گلوکار طاہر شاہ نے ٹویٹر پر اعلان کیا ہے کہ وہ بہت جلد ہالی وڈ میں انٹری مارنے والے ہیں۔

    ٹویٹر پر شیئر کئے گئے پیغام کے مطابق طاہر شاہ جلد ہی ہالی وڈ کی فلم ’’آئی ٹو آئی‘‘ میں جلوہ گر ہوں گے۔

    طاہر شاہ کا گان 2013 میں بے پناہ وائرل ہوا تھا اور اسے غیر معمولی شہرت ملی تھی۔ گانے کو اس کے کمزور گرامر والے انگریزی جملوں کے سبب بے پناہ تنقید کا نشانہ بھی بنایا گیا تھا۔

    دو روزقبل طاہرشاہ نے ٹویٹر پراپنے فالوورز سے وعدہ کیا تھا کہ وہ جلد ہی ایک بڑا اعلان کریں گے۔