Tag: facebook

فیس بک کے بانی مسلم سائنسدان ابن خلدون کے مداح نکلے

سماجی رابطے کی ویب سائٹ فیس بک کے بانی اور سی ای او مارک زُکربرگ نےگزشتہ روز اپنے ایک اسٹیٹس میں کہا کہ وہ 14ویں صدی کے مسلمان سائنسدان ابن خلدون کے پُرستار ہیں۔

انہوں نے اپنے اسٹیٹس میں کہا کہ وہ فی الوقت ابن خلدون کی بنیادی کتاب موقدمہ پڑھ رہے تھے، جبکہ دیکھا جائے تو ابن خلدون کے اصولوں پر کئی اہم تاریخی کتابیں موجود ہیں۔

ان کا کہنا تھا کہ مقدیمہ ابن خلدون کی سب سے بہترین کتاب ہے جسیے اس تاریخ دان نے 1377 میں لکھی تھی۔

اس کتاب کو ابتدا سے آج تک عالمگیری شہرت حاصل ہے، ابن خلدون کو جدید سماجیت، تاریخ اور معاشیت کا بانی سمجھا جاتا ہے۔

فیس بک کے بانی نے کہا کہ اس کتاب کو ان فیس بک پیج کی ایئر آف بکس قرار دیا جائے گا۔

تیرہویں صدی میں اس دانشور نے دنیا کی تاریخ پر لکھا جس میں اس کی توجہ معاشرہ اور کلچرل ،سیاست ،تجارت اور سائنس پر نظر رکھی، دنیا کی جدید ترقی کے باوجود بات پہلے کچھ تھی اوراب کچھ مختلف ہے۔

جون 3, 2015
جعلی ڈگریوں پرسوشل میں شیئرکی جانے والی مزاحیہ پوسٹ

پاکستان میں جعلی ڈگریوں کا شور کافی عرصے سے برپا ہے اور کئی سیاست دان اس معاملے کی لپیٹ میں آچکے ہیں۔ گذشتہ کچھ دنوں سے ایگزیکٹ نامی ایک آئی ٹی کمپنی اس معاملے کی لپیٹ میں ہے۔

امریکی اخبار میں پاکستانی آئی ٹی کمپنی ایگزیکٹ کے خلاف جعلی ڈگریوں کے کاروبار کے حوالے سے خصوصی رپورٹ شائع ہوتے ہی اس معاملے پرجیسے طوفان اٹھ کھڑا ہوا۔

ویڈیو دیکھنے کے لئے نیچے اسکرول کریں

سوشل میڈیا پرجہاں لوگوں نے اس معاملے کو قومی وقار کی توہین اورسنجیدہ قراردیا وہیں کچھ افراد نے اس معاملے میں طنز و مزاح کا پہلو بھی تلاش کرلیا۔

زیرِنظرکچھ ایسی ہی سوشل میڈیا پوسٹ ہم آپ تک پہنچا رہے ہیں جن میں ایگزیکٹ اوراس سے منسلک ٹی چینل ’’ بول‘‘ کو تنقید کا نشانہ بنایا گیا ہے۔

فیس بک پر پوسٹ کی جانے والی مزاحیہ تصاویر

ٹویٹرپرشیئر کی جانے والی دلچسپ پوسٹ

سوشل میڈیا پر گردش کرتی ایک مزاحیہ ویڈیو

مئی 24, 2015
ترکی نے ٹویٹر پرعائد پابندی ختم کردی

استنبول: ترکی نے بالاخر ٹویٹر، فیس بک اور یو ٹیوب پر عائد پابندی اٹھالی، پابندی ترکش پراسیکیوٹر کے قتل کی تصاویر جاری کرنے کے بعد عائد کی گئی تھی۔

ترکی کے مقامی اخبار کے مطابق سروس مہیاکرنے والوں کو یہ حکم موصول ہوا کہ انٹرنیٹ کی یہ تین بڑی ویب سائٹس بند کردی جائیں جس کے بعد ترکی کے صارفین ان ویب سائٹس تک رسائی سے محروم ہوگئے تھے۔

حکام کا کہنا ہے کہ ٹویٹر، فیس بک اوریوٹیوب کو متنازعہ مواد ہٹانے کے لئے چار گھنٹوں کی مہلت دی گئی تھی۔

ترکی کی ٹیلی کمیونیکیشن اتھارٹی کے سربراہ طیفور نے اس بات کی تصدیق کی ہے کہ فیس بک نے سب سے پہلے ترکی کا مطالبہ پورا کیا اور یہ ویب سائٹ بحال کردی گئی۔

انٹرنیت سروس مہیا کرنے والے اداروں کی یونین کے سیکریٹری جنرل بلنٹ کنٹلیس کا کہنا ہے کہ ٹویٹر نے بھی حکومت کا مطالبہ پورا کردیا جس کے بعد اس پر سے بھی پابندی ختم کردی گئی حالانکہ ٹویٹر نے ابی تک اس بات کی تصدیق نہیں کی ہے بلکہ ذرائع کے مطابق سوشل میڈیا کمپنی ترکی کی عدالتوں سے رجوع کرنے بابت سوچ بچار کررہی ہے۔

بلنٹ کنٹلیس کے مطابق یوٹیوب سے تاحال اس معاملے پر گفت و شنید جاری ہے۔

اپریل 7, 2015
گیمزکھیلنے کے شوقین افراد کیلئے فیس بک کا ورچوئل ہیڈسیٹ لانے کا اعلان

نیویارک : سماجی رابطوں کی ویب سائٹ فیس بک ایک نیا تہلکا مچانے کیلئے تیار ہے، کمپنی نے گیمز کھیلنے کے شوقین افراد کیلئے ورچوئل ہیڈسیٹ لانے کا اعلان کردیا ہے۔

گیمز کے شائقین تیار ہوجائیں کیونکہ فیس بک کا ورچوئل ییڈ سیٹ ان کی دنیا بدل دے گا، سان فرانسیسکو میں ہونے والی کانفرنس میں فیس بک نے گیمز کی دنیا کو مزید دلچسپ بنانے کیلئے ورچوئل ہیڈ سیٹ لانے کا اعلان کردیا۔

اوکیو لس نامی ہیڈ سیٹ کو پہن کر صارفین اسپیس کی دنیا میں پہنچ جائیں گے اور اپنے من پسند گیم کا دگنا مزہ اٹھا سکیں گے۔

ہیڈ سیٹ کی بدولت صارفین ویڈیوز بھی دیکھ سکیں گے اور اپنے دوستوں سے فیس بک کے ذریعے رابطے بھی رہینگے ۔

فیس بک کے مطابق ورچوئل ہیڈسیٹ اسی سال فروخت کیلئے پیش کیا جائے گا۔

مارچ 27, 2015
فیصل آباد میں فیس بک بلیک میلرفیس بگڑوابیٹھا

فیصل آباد : فیس بک پر لڑکیوں کو بلیک میل کرنے والا اپنا فیس بگڑوا بیٹھا، بھاگنےکی کوشش توکی لیکن لڑکی کےگھروالوں کےہتھےچڑھ گیا۔ اورپھرتھپڑوں لاتوں اورمکوں سےخوب تواضع کی گئی۔

سڑک پرپٹائی دیکھنےوالوں کارش لگ گیا،کسی نے چھڑانے کی کوشش تک نہ کی۔ بلکہ جس کو بھی اس واقعے کاعلم ہوا۔ اس نے بھی ایک ایک ہاتھ جڑدیا۔،

تفصیلات کے مطابق پیپلزکالونی کےگورنمنٹ ڈگری کالج کا طالب علم عقیل فیس بک سے لڑکیوں کی تصویریں ڈائون لوڈ کر کےبلیک میل کرتا تھا ۔

چند روز قبل ایک لڑکی کی تصویر فیس بک سے ڈاؤن لوڈ کی، اس تصویر کو نازیبا انداز میں بنا کر لڑکی کے گھر والوں سے پچاس ہزارروپےطلب کئے ۔

لڑکی کےگھروالوں نے اسے کمال ہوشیاری سے محلہ خالصہ کالج کے سامنےبلایا اورپھراس کےہوش اڑادیے، نوجوان کونانی یاد دلاکراورمعافی منگواکرچھوڑدیا گیا۔

فروری 22, 2015
سماجی رابطے کی ویب سائٹ فیس بک پر خود کار ٹیگنگ فیچر متعارف

نیویارک : سماجی رابطے کی ویب سائٹ فیس بک نے خود کار ٹیگنگ فیچر متعارف کرادیا۔

سماجی ویب سائٹ فیس بک پر درجنوں تصاویر دوستوں کو ٹیگ کرنا اکتا دینے والا عمل ہے، تاہم فیس بک انتظامیہ نے اس سے بچنے کے لیے نیا فیچر متعارف کرایا ہے۔

جس کے تحت ایک ایسا خود کار نظام کام کرے گا، جو صارف کے دوستوں کے چہرے خود کار طور پر شناخت کرتے ہوئے انہیں تصاویر ٹیگ کردے گا۔

ڈیپ فیس نامی یہ فیچر کسی بھی صارف کی آن لائن تصویر کو دیکھتے ہی پہچاننے کی صلاحیت رکھتا ہے۔

اس فیچر کی خوبی یا خامی یہ ہے کہ یہ کسی بھی تصویر میں سے آپ کا چہرہ شناخت کرسکتا ہے، چاہے آپ وہ کسی کنسرٹ کی ہو یا جلوس کی۔

یہ ٹیکنالوجی فیس ڈاٹ کام نامی کمپنی کی تیار کردہ ہے جسے فیس بک نے 2012 میں خرید لیا تھا۔

فروری 12, 2015
فیس بک کا وائس ٹرانسکرپشن کا فیچر متعارف

نیویارک : گوگل وائس نے وائس میسج کو تحریر میں تبدیل کرنے کا آغاز کیا، فیس بک بھی اس دوڑ میں شامل ہوگیا ہے، فیس بک نے اپنے صارفین کو مزید سہولت فراہم کرنے کیلئے وائس ٹرانسکرپشن کا فیچر متعارف کرادیا۔

فیس بک نے محدود صافین کے میسنجر میں وائس ٹرانسکرپشن کا فیچر شامل کردیا ہے، جس کے ذریعے فیس بک استعمال کرنے والے افراد وائس میسج تحریری طور پر بھی پڑھ سکیں گے۔

فیس بک میسنجر پر آڈیو کلپ کی صورت میں وائس میسج بھیجنے اور وسول کرنے والے آڈیو میسج سننے کے ساتھ اس پیغام کو تھریری طور پر بھی پڑھ سکیں گے۔مثلاً آپ کسی میٹنگ میں شرکت کررہے ہوں اور اچانک سے آپ کوکوئی اہم وائس میسج آجائے تو آپ کو اسے اونچی آواز میں سننے کی ضرورت نہیں ٹرانسکرپشن فیچر کے تحت آپ یہ وائس میسج پڑھ بھی سکیں گے۔

لمبی گفتگوکو سننے کے بجائے ایک نظر ٹیکسٹ دیکھنے سے اندازہ ہوجاتا ہے کہ پیغام بھیجنے والا کیا کہنا چاہتا ہے، اگر کوئی صارف چاہے تو اس فیچر کو غیر فعال بھی کرسکتا ہے۔ فیس بک نے تجرباتی طور پر یہ فیچر اتنے کم صارفین کے لئے متعارف کرایا ہے کہ شاید ہی کوئی اسے غیر فعال کرے۔

فیس بک کے وائس پریذیڈنٹ ڈیوڈ مارکس کے مطابق ابتدائی طور پر صارفین کے رائے جاننے کیلئے ہم نے محدود اکاؤنٹ ہولڈرز کے میسنجر میں وائس ٹرانسکرپشن کا فیچر شامل کیا ہے۔ ان کا کہنا تھا کہ اگر صارفین کی رائے اور تجربہ بہتر رہا تو پھر ہم اسے بڑے پیمانے پر فیس بک یورز کیلئے متعارف کروائیں گے۔

فروری 5, 2015
فیس بک ڈرون کے ذریعے مفت انٹرنیٹ فراہم کرے گا

نیویارک :سوشل میڈیا سائٹ فیس بک دنیا بھر میں انٹرنیٹ کی رسائی میں اضافہ کے لیے 2015ء میں ڈرون کا تجربہ کرے گی ، جس کا مقصد مفت وائی فائی انٹرنیٹ فراہم کرنا ہے۔

فیس بک نے دنیا بھر میں انٹرنیٹ کی سہولت بہم پہنچانے کے لیے شمسی توانائی سے اڑنے والے ڈرون استعمال کرنے کا فیصلہ کیا ہے، یہ ڈرون سے دنیا کے ایسے علاقوں میں وائی فائی کے ذریعے مفت انٹرنیٹ فراہم کریں گے، جہاں پر اب تک انٹرنیٹ کی رسائی نہیں ہے۔

یاد رہے کہ فیس بک کے بانی مارک زکربرگ نے گزشتہ سال اس پروجیکٹ کا اعلان کیا تھا، جس کے تحت فیس بک پوری دنیا میں انٹرنیٹ کی مفت سہولت مہیا کرے گا۔

فیس بک کے بانی کا کہنا تھا کہ سیٹلائٹ اور شمسی توانائی سے چلنے والے طیاروں پر کام کیا جا رہا ہے اور اس مقصد کے لیے فیس بک کمپنی نے ایک لیبارٹری بھی تیار کی ہے۔

کمپنی کے انجینئرنگ ڈائریکٹر ییل میگير نے کہا کہ انٹرنیٹ فراہم کرنے والے ڈرون تجربہ 2015 میں کیا جائے گا اور اگر یہ تجربہ کامیاب ہو جاتا ہے تو اگلے دو سے تین سال میں انٹرنیٹ کی فراہمی کامیابی کے ساتھ شروع کردی جائے۔

گزشتہ سال فیس بک نے اپنے منصوبے کا اعلان کرتے ہوئے کہا تھا کہ اس نے نئے ’’کنیکٹوٹی لیب‘‘ پروجیکٹ کے لیے ناسا کی جیٹ پروپلسن لیب اور اس کے ایمس ریسرچ سینٹر سے تعلق رکھنے والے خلائی ٹیکنالوجی اور مواصلاتی ماہرین کی خدمات حاصل کی ہیں۔

جنوری 21, 2015
فیس بک نے حمزہ علی عباسی سے معافی مانگ لی

کراچی: سماجی رابطوں کی ویب سائٹ فیس بک نے پیارے افضل کے ہیرو حمزہ علی عباسی کا اسٹیٹس ڈیلیٹ کرنے پر معافی مانگ لی، بانی فیس بک مارک ذکر برگ نے پوسٹ ہٹانے کو ایک غلطی قرار دیا ہے۔

سماجی رابطے کی ویب سائٹ فیس بک کے بانی اور سی ای او مارک زکر برگ نے پاکستانی ماڈل و اداکار حمزہ علی عباسی کے فرانسیسی رسالے چارلی ہیبڈو پر حملے اور اظہارِ رائے کی آزادی کے حوالے سے شیئر کیے گئے فیس بک اسٹیٹس کو ہٹائے جانے کو ایک ‘غلطی’ قرار دے دیا۔

سماجی رابطوں کی مشہور ویب سائٹ فیس بک کا دہرا معیار سامنے آگیا، فرانسیسی رسالے چارلی ایبڈو پر حملے اور آزادی اظہار کے حوالے سے پوسٹ کیے گئے پیارے افضل کے اسٹیٹس کو ڈیلیٹ کردیا گیا، پیارے افضل نے پوسٹ میں چارلی ایبڈو پر حملے کی مذمت کرتے ہوئے کہا تھا کہ حملہ کرنے والوں کا علم نہیں لیکن مرنے والا پولیس اہلکار مسلمان تھا، جس کے بعد ان کی یہ پوسٹ ہٹادی گئی تھی۔

حمزہ کے اسٹیٹس کوہٹانے پر اینجلک منی نامی شخص نے بانی فیس بک زکر برگ کو بتایا تو ان کا کہنا تھا کہ اس اسٹیٹس کو ہٹانا نہیں چاہے تھا، یقیناً فیس بک کی ٹیم سے غلطی ہوئی ہے،جس کے بعد فیس بک کے انتظامیہ نے حمزہ علی عباسی سے معافی مانگتے ہوئے کہا کہ وہ اپنی اس پوسٹ کو دوبارہ فیس بک پر ڈال سکتے ہیں۔

اےآر وائی نیوز سے خصوصی گفتگو کرتے ہوئے پیارے افضل کے ہیرو حمزہ علی عباسی کا کہنا ہے کہ میں نے اپنی پوسٹ میں وہ بتانے کی کوشش کی تھی جو مغربی میڈیا نہیں دیکھتا،اسٹیٹس میں ایسا کچھ نہیں تھا جو اسے ڈیلیٹ کیا گیا۔

جنوری 12, 2015
موبائل فون کی مقبول ترین ایپس صارفین کی معلومات چوری کرتی ہیں

نیویارک: موبائل فون صارفین کے لئے بری خبر ہے، مقبول ترین موبائل ایپس آپ کے پرائیویٹ اور حساس ڈیٹا پر نظر رکھتی ہیں اور معلومات چوری بھی کرتی ہیں۔

نئی تحقیق میں معلوم ہوا ہے کہ فیس بک، وائبر اور اینٹی وائرس کے علاوہ درجنوں مقبول ترین گیمز بھی صارفین سے ایسی معلومات طلب کرتی ہیں کہ جن تک ان کی رسائی نہیں ہونی چاہیے۔

یہ ایپس صارفین کی تصاویر، ویڈیوز، میسج، کال کی معلومات، لوکیشن اور یہاں تک کہ مائیکرو فون اور اسپیکر کی آواز بھی ریکارڈ کرسکتی ہیں۔

پرائیویٹ معلومات تک غیر مناسب اور ضرورت سے زائد رسائی حاصل کرنے والی ایپس میں اینٹی وائرس ایپس سر فہرست ہیں، اس کے بعد وائبر اور فیس بک کا نمبر آتا ہے۔

جنوری 7, 2015