ARYNews.tv | Urdu – Har Lamha Bakhabar

Tag: Facing

  • امریکی وزیر خارجہ کو ایرانی ذرائع ابلاغ کے سنجیدہ سوالات کا سامنا ہے، جواد ظریف

    امریکی وزیر خارجہ کو ایرانی ذرائع ابلاغ کے سنجیدہ سوالات کا سامنا ہے، جواد ظریف

    تہران:ایران کے وزیر خارجہ نے کہا ہے کہ امریکی وزیر خارجہ کو کھوکھلی اور دکھاوے کی تجاویز کے بجائے ایرانی ذرائع ابلاغ کے سنجیدہ سوالات کا جواب دینا ہوگا۔

    تفصیلات کے مطابق ایران کے وزیر خارجہ محمد جواد ظریف نے اپنے ایک ٹوئٹ میں امریکی وزیر خارجہ مائیک پومپیو کو مخاطب کرتے ہوئے کہا کہ کھوکھلی اور دکھاوے کی تجاویز پیش کرنے کے بجائے امریکی حکام سے انٹرویو کرنے کے لئے ایرانی صحافیوں کی بے شمار درخواستوں کا جواب دیں۔

    محمد جواد ظریف نے کہا کہ امریکی وزیر خارجہ نے اب تک انٹرویو کے لئے ایرانی صحافیوں کی تمام درخواستوں کو مسترد کیا اس لئے کہ انہیں معلوم ہے کہ اسے سنجیدہ سوالات کا سامنا کرنا ہوگا جیسا کہ میں امریکی ذرائع ابلاغ کا سامنا کرتا ہوں۔

    ایرانی وزیر خارجہ نے مزید کہا کہ امریکی حکام ایک ایسی صورتحال میں ایرانی عوام پر دہشت گردی کا الزام لگاتے ہیں جب خود انہوں نے اپنی پیروکار حکومتوں کی خوشامد اور چاپلوسی کے لئے خلیج فارس کے تاریخی نام کو تحریف کیا۔

  • بھارت نہ بھولے ہم وہی ہیں جن سے 27 فروری کو سامنا ہوا تھا، ڈی جی آئی ایس پی آر

    بھارت نہ بھولے ہم وہی ہیں جن سے 27 فروری کو سامنا ہوا تھا، ڈی جی آئی ایس پی آر

    اسلام آباد : ڈی آئی ایس پی آر نے بھارتی میڈیا کو آئینہ دکھاتے ہوئے کہا ہے کہ ’بھارت نہ بھولے ہم وہی ہیں جن سے 27 فروری کو سامنا ہوا تھا‘۔

    تفصیلات کے مطابق فوج کے شعبہ تعلقات عامہ کے ڈائریکٹر جنرل میجر جنرل آصف غفور کا کہنا ہے کہ بجٹ میں کٹوتی کے باوجود کسی صورت دفاعی اور سیکورٹی معاملات متاثر ہونے نہیں دیں گے۔

    میجر جنرل آصف غفور نے کہا کہ بھارتی جعلی میڈیا دفاعی بجٹ پر مرضی کے تجزیے پیش کررہا ہے۔

    ڈی جی آئی ایس پی آر کا کہنا تھا کہ پاک فوج نے اسی بجٹ کے ساتھ 27 فروری کو بھرپور جواب دیا تھا، ہمارے پاس جواب دینے کےلیے صلاحیت اور استعداد ہے۔

    میجر جنرل آصف غفور نے کہا کہ پاکستانی قوم مسلح افواج کے ساتھ کھڑی ہے، بجٹ اہم نہیں عزم اورحوصلہ اہمیت رکھتا ہے۔

    خیال رہے کہ پاک فوج نے عید الفطر کے موقع پر قوم کو خوشخبری سناتے ہوئے معیشت کی بہتری کیلئے دفاعی بجٹ میں اضافہ نہ لینے کا فیصلہ کیا ہے۔

    مزید پڑھیں : دفاعی بجٹ میں کٹوتی رضاکارانہ طور پر کی گئی ہے: آئی ایس پی آر

    یہ بات وزیراعظم عمران خان نے اپنے ٹوئٹر پیغام میں بتائی۔ انہوں نے کہا کہ پاک فوج کے اس رضا کارانہ اقدام کو سراہتا ہوں، مذکورہ فیصلہ حقیقی قومی ادارے کی حب الوطنی کا عکاس اور احسن اقدام ہے، پاک فوج نے سیکیورٹی چیلنجز کے باوجود دفاعی اخراجات کے بجٹ میں کٹوتی ملکی معاشی مشکلات کی وجہ سے کی۔

  • سعودیہ کا دوران رمضان قطری معتمرین کی سہولت کے لئے الیکٹرانک پورٹل جاری

    سعودیہ کا دوران رمضان قطری معتمرین کی سہولت کے لئے الیکٹرانک پورٹل جاری

    دوحہ/ قطر : قطر نے بائیکاٹ جاری کا اعلان کرتے ہوئے کہا ہے کہ بائیکاٹ کے خاتمے پر ہی قطری شہری حج اور عمرہ کرنے سعودی عرب جائیں گے۔

    تفصیلات کے مطابق سعودی عرب نے رمضان المبارک کے دوران قطری معتمرین کی سہولت کے لئے الیکڑانک پورٹل کا اجرا کیا ہے۔

    غیر ملکی میڈیا کا کہنا تھا کہ دوحہ نے بائیکاٹ جاری رکھتے ہوئے اپنے شہریوں کو بیت اللہ کی زیارت سے منع کرتے ہوئے سارا الزام ریاض پر عائد کیا ہے کہ ایسا مملکت کی جانب سے قطری معتمرین کے سفر حجاز کی راہ میں رکاوٹوں کے باعث کیا جا رہا ہے۔

    غیر ملکی خبر رساں ادارے کا کہنا تھا کہ وزارت حج اور عمرہ سعودی عرب نے ایک بیان میں واضح کیا کہ دنیا بھر سے حج اور عمرہ کی غرض سے مملکت آنے والے اللہ کے مہمانوں کی خدمت کے لئے سہولیات کی فراہمی کے مسلمہ اصول کے پیش نظر سعودی نے عمرہ کے خواہش مند قطری بھائیوں کے لئے ان لائن پورٹل کا اجرا کیا ہے۔

    میڈیا کے رپورٹس کے مطابق الیکٹرانک پورٹل کے ذریعے وہ اپنے کوائف درج کروا کر جدہ یا مدینہ منورہ کے ہوائی اڈوں کے ذریعے مناسک کے ادائیگی کے لئے مملکت کا سفر اختیار کر سکتے ہیں، سعودی آن لائن پورٹل پر قطری شہری اپنے کوائف کا اندراج کر سکتے ہیں۔

    قطری حاجیوں کو مملکت لانے کے لئے سعودی حکومت نے اپنے جہاز بھجوانے کی پیش کش کے علاوہ کویت کی فضائی کمپنی کو بھی قطر سے معتمرین کو مملکت لانے اور لیجانے کی خصوصی اجازت دی تھی۔

    سعودی عرب کے واضح اعلان اور پیشکش کے باجود قطر میں انسانی حقوق کی قومی کمیٹی نے سعودی حکام کی جانب سے رکاوٹیں کھڑی کرنے پر شدید دکھ اور افسوس کا اظہار کیا۔

    انسانی حقوق کی کمیٹی کا کہنا تھا کہ ایسے اقدامات سے قطری شہریوں اور وہاں مقیم غیر ملکی تارکین وطن کو مسلسل تیسرے برس اپنے دینی شعائر اور مناسک کی ادائی میں مشکلات پیش آرہی ہیں۔

    سعودی حکومت نے خلیجی ممالک کی جانب سے قطر کے بائیکاٹ کے بعد سے ہر سال باقاعدگی سے قطری حجاج اور معتمرین کو مملکت آنے اور جانے کی ہر ممکن سہولیات فراہم کی ہیں۔

    سعودی حکام رواں برس بھی بھی قطری شہریوں کو سہولیات دینے کا سلسلہ جاری رکھیں گی جاری ہے، تاہم قطر دینی شعائر کے معاملے کو سیاست کا رنگ دے کر اپنے مقاصد حاصل کرنا چاہتا ہے۔

  • سال 2030 تک سالانہ 55 لاکھ خواتین کینسر کا شکار ہوں گی، رپورٹ

    سال 2030 تک سالانہ 55 لاکھ خواتین کینسر کا شکار ہوں گی، رپورٹ

    پیرس: امریکی کینسر سوسائٹی میں عالمی صحت کی سینئر نائب صدر سیلی کوال نے کہا ہے کہ کینسر کی بیماری دنیا بھر میں بہت تیزی کے ساتھ پھیل رہی ہے اور 2030 تک اس سے سالانہ 55 لاکھ خواتین ہلاک ہوسکتی ہیں۔

     تفصیلات کے مطابق کینسر کے عالمی دن کے موقع پر ورلڈ کانگریس  میں ایک رپورٹ پیش کی گئی جس میں کہا گیا ہے کہ عالمی آباد ی میں اضافے کے ساتھ ساتھ کینسر کے مرض میں بھی تیزی سے اضافہ ہورہا ہے اور اس سے سب سے زیادہ خواتین متاثر ہورہی ہیں۔

    رپورٹ میں کہا گیا ہے کہ 2030 تک کینسر سے سالانہ 55 لاکھ خواتین کے ہلاک ہونے کا خدشہ ہے کیونکہ گزشتہ 15 سالوں میں اس مرض کی شرح میں 60 فیصد اضافہ ہوا ہے۔

    کینسر پر ریسرچ کی بین الاقوامی ایجنسی کے مطابق 2012 میں دنیا بھر میں کینسر کے 67 لاکھ کیسز سامنے آئے, جبکہ 35 لاکھ خواتین اس مرض کے باعث چل بسیں۔

    رپورٹ میں کہا گیا ہے کہ کینسر کا شکار ہونے خواتین کی بڑی تعداد غریب اور درمیانے درجے کے ممالک سے تعلق رکھتی ہیں۔ اس کے برعکس امیر ممالک میں اس بیماری کے پھیلنے کی شرح قدرے کم ہے۔

    عالمی سطح پر خواتین کے سرطان کے نام سے جاری ہونے والی رپورٹ میں انکشاف کیا گیا ہے کہ دنیا بھر میں ہرسات میں سے 1 خاتون کینسر کا شکار ہوکر جان کی بازی ہاررہی ہے۔ جو دل کی بیماریوں کے بعد خواتین کی موت کی بڑی وجہ ہے۔

    واضح رہے کہ سرطان کی مختلف اقسام ہے جن میں پھیپھڑوں، بڑی آنت، چھاتی وغیرہ شامل ہیں، یہ بیماری جان لیوا ہے تاہم اس کی روک تھام ابتدائی مراحل میں ممکن ہے۔