ARYNews.tv | Urdu – Har Lamha Bakhabar

Tag: FAISAL EDHI

  • آکسیجن کی کمی دورکرنے کیلئے پاکستان اسٹیل کے پلانٹ کو فعال کیا جائے،فیصل ایدھی کا وزیراعظم کو خط

    آکسیجن کی کمی دورکرنے کیلئے پاکستان اسٹیل کے پلانٹ کو فعال کیا جائے،فیصل ایدھی کا وزیراعظم کو خط

    اسلام آباد : سربراہ ایدھی فاؤنڈیشن فیصل ایدھی نے وزیراعظم عمران خان کو خط میں کہا ہے کہ کورونا کی موجودہ صورتحال آکسیجن کی کمی دور کرنے  کیلئے پاکستان اسٹیل کے پلانٹ کو فعال کیا جائے۔

    تفصیلات کے سربراہ ایدھی فاؤنڈیشن فیصل ایدھی کی جانب سے وزیراعظم کو خط ارسال کیا گیا ، جس میں کہا گیا ہے کہ اسپتالوں میں آکسیجن کی کمی دورکرنےکیلئے پاکستان اسٹیل سےفائدہ اٹھایاجاسکتا ہے ، پاکستان اسٹیل کا پلانٹ یومیہ520ٹن آکسیجن پیدا کرنے کی صلاحیت رکھتا ہے۔

    خط میں کہا گیا کہ پلانٹ فرانسیسی ٹیکنالوجی کا حامل ہے، جون2015 سے بند پڑا ہے، پاکستان اسٹیل 2017 تک پلانٹ کے ذخیرے سے آکسیجن فراہم کرتا رہا ہے۔

    فیصل ایدھی نے کہا کہ پلانٹ کے 2 یونٹ بغیرکسی لاگت کے قدرتی طور پر آکسیجن پیدا کرتے ہیں ، پاکستان اسٹیل پلانٹ سے مائع آکسیجن اسپتالوں کیلئے تیار کی جاتی ہے ، پلانٹ کوفعال کیا جائے توملک میں آکسیجن کی کمی دورکی جاسکتی ہے۔

    خط میں کہا گیا ہے کہ 6ماہ سےبندپاکستان اسٹیل پلانٹ معمولی مرمت کےبعدپیداوارشروع کرسکتاہے، موجودہ صورتحال میں پلانٹ کو فعال کرکے آکسیجن حاصل کی جاسکتی ہے۔

  • فیصل ایدھی کی کورونا رپورٹ ایک بار پھر مثبت آگئی

    فیصل ایدھی کی کورونا رپورٹ ایک بار پھر مثبت آگئی

    کراچی : ایدھی فاؤنڈیشن کے سربراہ فیصل ایدھی کی کورونا رپورٹ ایک بار پھر مثبت آگئی، گذشتہ ہفتے ان میں کورونا کی تشخیص ہوئی تھی۔

    تفصیلات کے مطابق ایدھی فاؤنڈیشن کے سربراہ فیصل ایدھی کی کورونا رپورٹ ایک بار پھر مثبت آگئی ، فیصل ایدھی نے 27تاریخ کو پمز اسپتال میں کورونا ٹیسٹ کرایاتھا ، فیصل ایدھی کو ٹیسٹ کی رپورٹ کچھ دیر قبل موصول ہوئی۔

    یاد رہے 21 اپریل کو فاؤنڈیشن کے سربراہ فیصل ایدھی میں کورونا کی تشخیص ہوئی تھی ، ان کا ٹیسٹ شفا انٹرنیشنل اسپتال اسلام آباد میں کیا گیا تھا، جس کے بعد فیصل ایدھی نے خود ٹیسٹ پازیٹو آنے کی تصدیق کی تھی اور قرنطینہ میں چلے گئے تھے۔

    بعد ازاں محکمہ صحت سندھ نے سول اسپتال کو ہدایت جاری کی تھی کہ کراچی میں موجود فیصل ایدھی کے خاندان کے دیگر افراد کے بھی کرونا ٹیسٹ کیے جائیں۔

    ذرایع محکمہ صحت کا کہنا تھا کہ فیصل ایدھی سے قبل ان کے بیٹے سعد ایدھی کا بھی کرونا ٹیسٹ مثبت آیا تھا، اس دوران بھی فیصل ایدھی کو کچھ دن گھر میں رہنے کی ہدایت کی گئی تھی، فیصل ایدھی 4 دن سے اسلام آباد میں تھے، شک ہے وائرس وہی سے منتقل ہوا۔

    خیال رہے ایدھی فاؤنڈیشن کے سربراہ فیصل ایدھی کے بیٹے سعد ایدھی کا ٹیسٹ اپنے والد کے ٹیسٹ سے بھی قبل مثبت آیا تھا، تاہم ان کا دوبارہ کیا گیا ٹیسٹ منفی آیا۔

    واضح رہے ایدھی فاؤنڈیشن کےسربراہ فیصل ایدھی نے کوروناوائرس کی تشخیص کے بعد ویڈیو بیان میں کہا تھا کہ فرائض کی انجام دہی کے دوران میرا کورونا ٹیسٹ مثبت آیا، اس سے گھبرانے کی کوئی ضرورت نہیں ہے، جیسے ہی ٹیسٹ منفی آیا تو میں آپ لوگوں کے درمیان پھر موجود ہوں۔

  • وزیراعظم سےملاقات کے 30 گھنٹے بعد علامات ظاہر ہوئیں، فیصل ایدھی

    وزیراعظم سےملاقات کے 30 گھنٹے بعد علامات ظاہر ہوئیں، فیصل ایدھی

    کراچی : ایدھی فاؤنڈیشن کےسربراہ فیصل ایدھی کا کہنا ہے کہ وزیراعظم سےملاقات کے 30 گھنٹے بعد علامات ظاہر ہوئیں، جس وجہ سے ٹیسٹ کرایا گیا،لگتا ہے وائرس کراچی سے میرے ساتھ آیا۔

    تفصیلات کے مطابق ایدھی فاؤنڈیشن کے سربراہ فیصل ایدھی نے اے آر وائی نیوز کے پروگرام باخبر سویرا میں گفتگو کرتے ہوئے کہا کہ وزیراعظم سے ملاقات  کے30گھنٹےبعدعلامات ظاہر ہوئی ، بخار،سرمیں درد محسوس ہورہا تھاجس پر ٹیسٹ کرایا گیا، لگتا ہے وائرس کراچی سے میرے ساتھ آیا۔

    فیصل ایدھی کا کہنا تھا کہ کراچی میں لیاری سےتعلق رکھنےوالےورکرمیں وائرس تھا ، گلوز بھی پہنے ہوئے ہوں تو بھی کورونا ہوجاتا ہے، کورونا بزرگ افراد کیلئے بہت خطرناک ہوسکتا ہے۔

    ایدھی فاؤنڈیشن کے سربراہ نے بتایا کہ بیٹے کا بھی کورونا ٹیسٹ لیا گیا ہے،رپورٹ آنا باقی ہے، ہماری فاؤنڈیشن کے دنیا بھر میں سینٹرز کام کررہے ہیں۔

    گذشتہ روز اے آر وائی نیوز کے پروگرام الیونتھ آور میں گفتگو کرتے ہوئے فیصل ایدھی نے کہا تھا کہ مجھےابھی کوروناکی کوئی علامات نہیں ہیں، سماجی کام کرتارہاہوسکتاہےاس دوران وائرس لگاہو، سماجی فاصلےاورکسی سےہاتھ نہیں ملایا تھا۔

    ان کا کہنا تھا کہ سعداورمیرادونوں کا کوروناٹیسٹ ہواہے، احتیاط توبہت کی ہےپتہ نہیں کوروناکہاں سےلگ گیا۔

    یاد رہے محکمہ صحت سندھ فیصل ایدھی کا کورونا  ٹیسٹ مثبت آنے کی تصدیق کی تھی اور سندھ حکومت نے فیصل ایدھی کی فیملی کا کوروناٹیسٹ کرانے کے احکامات جاری کردیئے تھے۔

    ذرائع محکمہ صحت کا کہنا ہے کہ فیصل ایدھی سےپہلے ان کے بیٹے کا بھی کوروناٹیسٹ پازیٹوآیاتھا، جس کے بعد فیصل ایدھی کوکچھ دن گھرمیں رہنےکی ہدایت کی گئی تھی، فیصل ایدھی 4دن سےاسلام آبادمیں تھےشک ہےوائرس وہیں سےمنتقل ہوا۔

  • وقت سے پہلے لاک ڈاؤن میں نرمی کرنا بڑی غلطی ثابت ہوگی، منشا پاشا

    وقت سے پہلے لاک ڈاؤن میں نرمی کرنا بڑی غلطی ثابت ہوگی، منشا پاشا

    کراچی: پاکستان شوبز انڈسٹری کی معروف اداکارہ منشا پشا کا کہنا ہے کہ وقت سے پہلے لاک ڈاؤن میں نرمی کرنا بڑی غلطی ثابت ہوگی۔

    تفصیلات کے مطابق معروف اداکارہ منشا پاشا نے سماجی رابطے کی ویب سائٹ ٹویٹر پر ایدھی فاؤنڈیشن کے سربراہ فیصل ایدھی کے کرونا ٹیسٹ مثبت آنے پر دعائیہ پیغام شیئر کیا اور کہا کہ امید ہے کرونا وائرس کے خلاف جنگ میں پورا ملک متحد ہوجائے گا۔

    انہوں نے کہا کہ فیصل ایدھی کا کرونا ٹیسٹ مثبت آنے کے باعث پاکستان کے سینئر آفیسرز کو کرونا ٹیسٹ کروانے کی ضرورت پیش آئے گی۔

    اداکارہ منشا پاشا کا کہنا تھا کہ موجودہ صورتحال میں ماضی کی رنجشوں کو بھلا کر ہمیں اپنی بقا کی خاطر متحد ہونے کی ضرورت ہے۔

    مزید پڑھیں: کوروناوائرس کی تشخیص کے بعد فیصل ایدھی کا ویڈیو بیان سامنے آگیا

    واضح رہے کہ آج فلاحی ادارے ایدھی فاؤنڈیشن کے سربراہ فیصل ایدھی کا کرونا ٹیسٹ مثبت آ گیا، انہوں نے دو دن قبل ٹیسٹ کروایا تھا، وہ اسلام آباد میں مقیم ہیں، ٹیسٹ مثبت آنے کے بعد وہ قرنطینہ میں چلے گئے ، فیصل ایدھی کا ٹیسٹ شفا انٹرنیشنل اسپتال اسلام آباد میں کیا گیا تھا۔

    ایدھی حکام کا کہنا ہے کہ 5 دن قبل فیصل ایدھی نے اسلام آباد میں وزیر اعظم عمران خان سے ملاقات کی تھی، دو روز قبل انہوں نے کرونا کا ٹیسٹ کروایا تھا جس کی آج رپورٹ آئی ہے۔

  • کوروناوائرس کی تشخیص کے بعد فیصل ایدھی کا ویڈیو بیان سامنے آگیا

    کوروناوائرس کی تشخیص کے بعد فیصل ایدھی کا ویڈیو بیان سامنے آگیا

    کراچی : ایدھی فاؤنڈیشن کے سربراہ فیصل ایدھی کا کہنا ہے کہ فرائض کی انجام دہی کے دوران میرا کورونا ٹیسٹ مثبت آیا، گھبرانے کی کوئی ضرورت نہیں ہے، انشااللہ جلد ٹھیک ہوجاؤں گا۔

    تفصیلات کے مطابق ایدھی فاؤنڈیشن کےسربراہ فیصل ایدھی نے کوروناوائرس کی تشخیص کے بعد ویڈیو بیان میں کہا کہ فرائض کی انجام دہی کے دوران میرا کورونا ٹیسٹ مثبت آیا، اس سے گھبرانے کی کوئی ضرورت نہیں ہے۔

    فیصل ایدھی کا کہنا تھا کہ بہت سارے لوگوں کا کوروناٹیسٹ مثبت آیا جو ٹھیک ہوگئے، میں بھی انشااللہ جلد ٹھیک ہوجاؤں گا، 80 فیصد لوگوں کو کورونا ہو کر ختم ہو جاتا ہے اور 20 فیصد لوگ ایسے ہیں، جن میں کورونا کے اثرات ظاہر ہوتے ہیں۔

    ایدھی فاؤنڈیشن کےسربراہ نے مزید کہا کچھ لوگوں کیلئے کورونا خطرناک ثابت ہوتا ہے، ہماراکام کہیں پر بھی رکنا نہیں چاہئے،خدمت جاری رکھیں، کہیں پرمیری ضرورت پڑے تو میں فون پررابطےمیں رہوں گا۔

    ان کا کہنا تھا کہ جیسے ہی ٹیسٹ منفی آیا تو میں آپ لوگوں کے درمیان پھر موجود ہوں گا۔

    یاد رہے محکمہ صحت سندھ نےبھی ان کا ٹیسٹ مثبت آنے کی تصدیق کردی ہے ، سندھ حکومت نے فیصل ایدھی کی فیملی کا کوروناٹیسٹ کرانے کے احکامات جاری کردیئے ہیں ، محکمہ صحت سندھ نے سول اسپتال کوہدایت جاری کی۔

    ذرائع محکمہ صحت کا کہنا ہے کہ فیصل ایدھی سےپہلے ان کے بیٹے کا بھی کوروناٹیسٹ پازیٹوآیاتھا، جس کے بعد فیصل ایدھی کوکچھ دن گھرمیں رہنےکی ہدایت کی گئی تھی، فیصل ایدھی 4دن سےاسلام آبادمیں تھےشک ہےوائرس وہیں سےمنتقل ہوا۔

  • ایدھی فاؤنڈیشن کے سربراہ فیصل ایدھی کا کرونا ٹیسٹ مثبت آ گیا

    ایدھی فاؤنڈیشن کے سربراہ فیصل ایدھی کا کرونا ٹیسٹ مثبت آ گیا

    کراچی: فلاحی ادارے ایدھی فاؤنڈیشن کے سربراہ فیصل ایدھی کا بھی کرونا ٹیسٹ پازیٹو آ گیا ہے۔

    تفصیلات کے مطابق فیصل ایدھی بھی کرونا وائرس کی وبا کا شکار ہو گئے ہیں، انھوں نے احتیاطاً کرونا ٹیسٹ کروایا تھا جس کا نتیجہ مثبت آ گیا ہے۔ ادھر وزیر اعظم کے فوکل پرسن برائے کرونا وبا ڈاکٹر فیصل سلطان نے کہا ہے کہ خدشے کے پیش نظر وزیر اعظم کو ٹیسٹ کروانے کی رائے دوں گا۔

    اے آر وائی نیوز کے رابطہ کرنے پر فیصل ایدھی نے ٹیسٹ پازیٹو آنے کی تصدیق کر دی، ایدھی فاؤنڈیشن کے سربراہ اس وقت اسلام آباد میں ہیں، محکمہ صحت سندھ نے بھی کہا ہے کہ فیصل ایدھی کی کرونا رپورٹ پازیٹو آئی ہے۔

    فیصل ایدھی کا ٹیسٹ شفا انٹرنیشنل اسپتال اسلام آباد میں کیا گیا، ان کا کرونا ٹیسٹ 2 روز پہلے کرایا گیا تھا، ٹیسٹ مثبت آنے کے بعد فیصل ایدھی قرنطینہ میں چلے گئے ہیں۔

    ایدھی حکام کا کہنا ہے کہ 5 دن قبل فیصل ایدھی نے اسلام آباد میں وزیر اعظم عمران خان سے ملاقات کی تھی، دو روز قبل انھوں نے کرونا کا ٹیسٹ کروایا تھا جس کی آج رپورٹ آئی ہے۔

    ادھر فیصل ایدھی کے بیٹے سعد ایدھی نے فون پر اے آر وائی نیوز کو بتایا ہے کہ کراچی سے ہم تین لوگ اسلام آباد آئے تھے، ہماری ملاقات صرف عمران خان سے ہوئی ہے، ہم تینوں افراد اس وقت آئسولیٹ ہو گئے ہیں، جن میں میرے والد فیصل ایدھی، میں اور ہمارا ڈرائیور حنیف چینا شامل ہیں، ہمارے خاندان کے باقی افراد کراچی میں ہیں۔

  • فیصل ایدھی اور اہل خانہ کا اعضا عطیہ کرنے کا اعلان

    فیصل ایدھی اور اہل خانہ کا اعضا عطیہ کرنے کا اعلان

    کراچی : معروف سماجی رہنماء عبدالستار ایدھی صاحب (مرحوم) کے اعزاز میں ایس آئی یو ٹی میں تقریب کا انعقاد کیا گیا، جس فیصل ایدھی نے اہل خانہ سمیت اپنے اعضا بعد از مرگ عطیہ کرنے کا اعلان کردیا۔

    تفصیلات کے مطابق ایس آئی یو ٹی اسپتال کے زہر اہتمام معروف سماجی رہنما کی انسانی خدمات کے اعتراف میں خراج تحسین پیش کرنے کے لیے تقریب کا اہتمام کیا گیا، جس میں ایدھی خاندان کے علاوہ معروف ڈاکٹر ادیب رضوی سمیت معززین نے شرکت کی۔
    اس موقع پر ایدھی فاؤنڈیشن کے نئے سربراہ فیصل ایدھی نے اس موقع پر خطاب کرتے ہوئے کہا کہ ’’ایدھی صاحب کا مشن جاری رکھنے کے لیے لوگوں کو ہمارا ساتھ دینا ہوگا اور فاؤنڈیشن کو مضبوط کرنا ہوگا‘‘۔

    انہوں نے مزید کہا کہ ’’ایس آئی یوٹی نے ایدھی صاحب کے گھر کے فرد کی طرح خدمت کی اور کوئی کسر نہیں چھوڑی، ڈاکٹر ادیب رضوی کی خدمات قوم کے سامنے ہیں اور ہمیں ایدھی صاحب کی طرح ان کی خدمات کا اعتراف کرنا چاہیے‘‘۔

    مزید پڑھیں : عبدالستار ایدھی کی آنکھیں دو نابینا مریضوں کو لگا دی گئیں

    فیصل ایدھی نے بعد از مرگ اپنے اعضا عطیہ کرنے کا اعلان کیا اور ایس آئی یو ٹی میں اعضا عطیہ کرنے کے فارم پر دستخط بھی کیے، انہوں نے عوام سے اپیل کی انسانیت کی خدمت کے لیے ہر شخص کو چاہیے کہ بعد ازمرگ اپنے اعضا عطیہ کرے‘‘۔

    اس موقع پر ڈاکٹر ادیب رضوی نے معززین سے خطاب کرتے ہوئے کہا کہ ’’ایدھی صاحب نے مذہب اور فرقوں سے بالا تر ہوکر عوام کی خدمت کی، عبد الستار ایدھی انسان دوست اور ہمدرد طبیعت کے مالک تھے‘‘۔

    انہوں نے مزید کہا کہ ’’2008 کو آنے والے زلزلے میں ایدھی صاحب کی خدمات کو دنیا نے تسلیم کیا، وہ ملک کے پہلے واحد شخص ہیں جنہوں نے اپنے اعضا بعد از مرگ عطیہ کرنے کی وصیت کی، عبدالستار ایدھی کے اس اقدام کے بعد سے اب تک 2 ہزار سے زائد افراد اپنے اعضا عطیہ کرنے کا اعلان کرچکے ہیں‘‘۔

  • پاکستان میں ایدھی سروس آج بھی چلتی رہیگی، فیصل ایدھی

    پاکستان میں ایدھی سروس آج بھی چلتی رہیگی، فیصل ایدھی

    کراچی : عبد الستار ایدھی کے صاحبزادے فیصل ایدھی کا کہنا ہے کہ پاکستان سمیت دنیا بھر میں ایدھی سروس آج بھی چلتی رہے گی اور ان کے والد کی تدفین کے موقع پر سڑکیں بند نہ کی جائیں اور نہ ہی پروٹوکول دیا جا ئے ۔

    تفصیلات کے مطابق عبدالستارایدھی کے صاحبزادے فیصل ایدھی کا میڈیا سے گفتگو کرتے ہوئے کہنا تھا کہ حکومت سے اپیل ہے کہ والد صاحب کے جسد خا کی کو پروٹوکول نہ دیا جائے نہ ہی میت لے جانے والے راستے بند کیے جائیں۔

    فیصل ایدھی کا کہنا تھا کہ پاکستان سمیت دنیا بھر میں ایدھی کی سروس آج بھی چلتی رہے گی۔

    فیصل ایدھی نے ایدھی ایمبولینسز کے اہلکاروں کو نماز جنازہ میں شرکت سے روک دیا ہے اور عملے پر واضح کیا ہے کہ تمام عملہ اپنے کام میں لگا رہے۔

    انھوں نے کہا کہ ایمبولینس سروس ایک منٹ کے لئے بھی نہیں رکے گی، جو جہاں ہے وہیں رہے، نماز جنازہ یا تدفین میں آنے کی زحمت نہ کرے، فیصل ایدھی نے واضح کیا ہے کہ فلاحی سرگرمیاں بلا تعطل جاری رہیں گی۔

    فیصل ایدھی نے بتایا کہ سفری دستاویزات کا مسئلہ ہونے کے باعث قطب ایدھی والد کے جنازہ میں شرکت نہیں کر سکیں گے۔

  • عبدالستارایدھی مکمل طور پرصحت یاب ہیں، فیصل ایدھی

    عبدالستارایدھی مکمل طور پرصحت یاب ہیں، فیصل ایدھی

    کراچی : ایدھی فاؤنڈیشن کے سرپرست عبدالستار ایدھی کے صاحبزادے فیصل ایدھی نےاپنے والد کی صحت سےمتعلق چلنے والی خبروں کو بے بنیاد قرار دے دیا۔

    فیصل ایدھی نے کہا ہے کہ ڈاکٹرز نے عبدالستار ایدھی کی طبی رپورٹس تسلی بخش قرار دی ہیں، عبدالستارایدھی مکمل طور پرصحت یاب ہیں،عوام افواہوں پرکان نہ دھریں۔

    فیصل ایدھی نے اے آر وائی نیوز سے با ت چیت کرتے ہوئے بتایا کہ عبدالستار ایدھی کو معمول کے ڈائیلاسز کے لیے اسپتال منتقل کیاگیا ہے، ڈاکٹرز نے رپورٹس تسلی بخش قراردے دی ہیں۔

    واضح رہے کہ عبدالستار ایدھی کے بارے میں خبریں موصول ہورہی تھیں کہ ان کی طبیعت انتہائی تشویش ناک ہے اور انہیں اسپتال کے انتہائی نگہداشت کے وارڈ میں منتقل کیا گیا ہے تاہم اب ان کے بیٹے کی جانب سے ایسی خبروں کی تردید نے صورتحال واضح کردی ہے۔

    ایدھی فاؤنڈیشن کے سربراہ عبدالستار ایدھی طویل عرصے سے گردوں کے مرض میں مبتلا ہیں اور کافی دنوں سے ان کے ڈائیلاسز کیے جارہے ہیں۔

    ڈاکٹروں کا کہنا ہے کہ عبدالستار ایدھی کے گردوں کے ٹرانسپلانٹ کی ضرورت ہے جس پر بہت سے مخیر حضرات نے انہیں بیرون ملک علاج کرانے کی پیشکش کی تاہم وہ اپنا علاج پاکستان میں ہی کرانے پر بضد ہیں۔

  • ایدھی فاؤنڈیشن کا نریندرمودی کی امداد قبول کرنے سے انکار

    ایدھی فاؤنڈیشن کا نریندرمودی کی امداد قبول کرنے سے انکار

    کراچی: ایدھی فاؤنڈیشن نے بھارتی وزیراعظم نریندرمودی کی جانب سے گیتا کی بحافظت بھارت واپسی کے موقع پراعلان کردہ امدادی رقم قبول کرنے سے انکارکردیا۔

    ایدھی فاوٗنڈیشن کے روح رواں ڈاکٹرعبدالستارایدھی کے فرزند فیصل ایدھی کا کہنا ہے کہ ان کی فلاحی تنظیم کی پالیسی کے مطابق کسی بھی حکومت سے امداد لینے پرپابندی ہے اور ایدھی جلد ہی میڈیا پر اس حوالے سے اپنا موقف جاری کرے گی۔


    واضح رہے کہ ہندوستانی وزیراعظم نریندرا مودی نے 12 سال قبل ہندوستان سے ٹرین کے ذریعے غلطی سے پاکستان میں داخل ہونے والی سماعت اور قوت گویائی سے محروم ہندوستانی لڑکی گیتا کی واپسی پر ایدھی فاؤنڈیشن کے لیے ایک کروڑ روپے کا اعلان کیا تھا.

    بھارت کے سابق وزیراور کانگریس رہنما ششی تھرور نے اپنے ٹویٹر پیغام میں بلقیس ایدھی کو حقیقی زندگی کا بجرنگی بھائی
    جان قراردیا ہے۔