اسلام آباد : امام کعبہ ڈاکٹر شیخ عبداللہ عواد الجھنی نے خطبہ دیتے ہوئے کہا اسلام امن و امان سےرہنےکادرس دیتاہے، اسلام اخوت اور بھائی چارے کا نام ہے جبکہ خطبے کے بعد نماز جمعہ کی امامت کی اور پاکستان کی سلامتی اور خوشحالی کیلئے دعائیں کیں۔
تفصیلات کے مطابق امام کعبہ ڈاکٹر شیخ عبداللہ عواد الجھنی نے فیصل مسجد میں نماز جمعہ کا خطبہ دیا اور نماز پڑھائی ، نماز جمعہ کے خطبے میں کہا اسلام امن و امان سےرہنےکادرس دیتاہے، اسلام اخوت اور بھائی چارے کا نام ہے۔
امام کعبہ نے خطبے کے بعد نماز جمعہ کی امامت کی اور پاکستان کی سلامتی اور خوشحالی کیلئے دعائیں کیں، اس موقع پر فیصل مسجد میں لوگوں کی بڑی تعداد موجود تھی۔
یاد رہے گذشتہ روز امام کعبہ الشیخ ڈاکٹرعبداللہ عوادالجہنی پانچ روزہ دورے پر سعودی عرب سے پاکستان پہنچے تھے ، جہاں وزارت مذہبی امور اور سعودی سفارتخانے کے حکام نےامام کعبہ کا استقبال کیا۔
امام کعبہ 11 سے 17 اپریل تک پاکستان میں قیام کریں گے اور قیام کے دوران وزیراعظم عمران خان، صدر پاکستان اور آرمی چیف سے ملاقاتیں بھی کریں گے۔ اپریل کو وہ علما اور اسکالرز سے ملاقاتیں کریں گے۔
خیال رہےشیخ عبداللہ عواد الجہنی نے 2005 میں مسجد الحرام میں تراویح کا آغاز کیا اور جولائی 2007 میں گرینڈ مسجد کے امام مقرر ہوئے، اس سے قبل مسجد نبوی میں بھی فرائض انجام دے چکے ہیں۔
اسلام آباد: دنیا بھر میں تیزی سے بڑھتے ہوئے چھاتی کے کینسر کے خلاف آگاہی کے لیے وفاقی دارالحکومت اسلام آباد کی فیصل مسجد کو گلابی روشنیوں سے نہلا دیا گیا۔
یاد رہے کہ ماہ اکتوبر کو بریسٹ کینسر سے آگاہی کے طور پر پنک ٹوبر کے نام سے منایا جاتا ہے جس میں پورے ماہ کے دوران آگاہی و علاج کے حوالے سے مہمات منعقد کی جاتی ہیں۔
ایک محتاط اندازے کے مطابق پاکستان میں ہر 9 میں سے 1 خاتون بریسٹ کینسر میں مبتلا ہے۔ ہر سال ملک میں 83 ہزار خواتین میں بریسٹ کینسر کی تشخیص ہوتی ہے جبکہ 40 ہزار کے قریب خواتین اس مرض کے ہاتھوں زندگی کی بازی ہار جاتی ہیں۔
یاد رہے کہ اگر بریسٹ کینسر کی ابتدائی مرحلے میں تشخیص ہوجائے تو اس کینسر کو جسم سے مکمل طور پر ختم کیا جاسکتا ہے جس کے باعث مرض کا شکار خاتون کی جان بچ سکتی ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
اسلام آباد: وفاقی دارالحکومت اسلام آباد میں فیصل مسجد کے امام کو خطبہ جمعہ کے دوران سیاسی معاملات کا ذکر کرنے سے روک دیا گیا۔
یہ اقدام ایک خفیہ ایجنسی کی جانب سے دی جانے والی درخواست کے بعد اٹھایا گیا ہے۔
اسلام آباد انٹرنیشنل اسلامک یونیورسٹی کے نگران ڈاکٹر معصوم یٰسین زئی کا کہنا ہے کہ انہوں نے امام مسجد کو تجویز دی تھی کہ وہ جمعے کے خطبے میں سیاسی معاملات کو شامل نہ کریں۔ ’فیصل مسجد نظریاتی و سیاسی اختلافات سے بالاتر ہو کر ہر مسلمان کے لیے ہے‘۔
ان کے مطابق گزشتہ جمعے کو خطبے میں امام مسجد نے اللہ سے حکمرانوں کو ہدایت دینے کی دعا دی، جس کے بعد ایک خفیہ ایجنسی نے درخواست جمع کروائی۔
دوسری جانب فیڈریشن آف آل پاکستان یونیورسٹیز اسٹاف ایسوسی ایشن نے اسلامک یونیورسٹی میں تقریب منعقد کرنے کی اجازت نہ دینے پر یونیورسٹی انتظامیہ کے خلاف مظاہرہ کیا اور ملک بھر میں یوم سیاہ منانے کا اعلان کیا۔
اس بارے میں ڈاکٹر معصوم کا کہنا ہے کہ اسلامک یونیورسٹی کے پلیٹ فارم پر کسی متنازعہ موضوع جیسے حکومت کے خلاف جلسے یا تقاریر کی اجازت نہیں دی جاسکتی۔
ان کے مطابق فیڈریشن آف آل پاکستان یونیورسٹیز اسٹاف ایسوسی ایشن نے تقریب منعقدہ کرنے کے لیے مخصوص طریقہ کار کی پیروی نہیں کی جس کے بعد انہیں اجازت نہیں دی گئی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
برطانوی اخبار ٹیلیگراف نے سیاحت کے لئے دنیا کی خوبصورت ترین مساجد کی فہرست ٹیلیگراف ٹریول مرتب کی تھی جو کہ انہوں نے اسلامی فنِ تعمیر کی پذیرائی کے لئے مرتب کی ہے۔
اس مقصد کے لئے انہوں نے ایک تصویری گیلری بھی مرتب کی ہے جس کل 25 مساجد ہیں اور ان میں پاکستان کی بھی تین مساجد کو شامل کیا گیا ہے۔
ہم ان میں سے منتخب مساجد آپ کی معلومات کے لئے یہاں پیش کررہے ہیں
ٹیلیگراف کی فہرست میں شامل پاکستان کی مساجد
بادشاہی مسجد، لاہور
بادشاہی مسجد 17 ویں صدی میں مغل بادشاہ اورنگزیب عالمگیر نے تعمیر کروائی تھی اسکا کل رقبہ 279 ہزار اسکوائی فیٹ ہے اور یہ اپنے سرخ پھتر کے بیرونی اور سنگِ مرمر کے اندرونی اندازِ تعمیر کے سبب مشہور ہے۔
بادشاہی مسجد
وزیر خان مسجد، لاہور
وزیر خان مسجد 17 صدیں میں مغل شہنشاہ شاہ جہاں نے تعمیر کروائی تھی اور یہ 1993 سے یونیسکو کے عالمی ورثے کے عارضی فہرست میں شامل ہے۔ اس مسجد میں تعمیر کا زیادہ تر کام چونے کے پتھر سے انجام دیا گیا ہے جبکہ اس کا بیرونی دروازہ سرخ مٹی کے پھتروں سے بنا ہوا ہے۔ وزیر خان مسجد اپنے نقش و نگار اور اس میں رنگوں کے حسین امتزاج کے سبب عالمی شہرت کی حامل ہے۔
وزیرخان مسجد
فیصل مسجد، اسلام آباد
اسلام آباد میں مرگلہ کے دامن میں دنیا کی چوتھی سب سے بڑی فیصل مسجد واقع ہےاور اس کے فن تعمیر کی خاص بات یہ ہے کہ یہ اعرابی خیمے اور چوکور خانہ کعبہ کا شاندار امتزاج ہے۔
فیصل مسجد
ٹیلیگراف کی فہرست میں شامل دیگر مساجد
مسجد الحرام، سعودی عرب
خانہ کعبہ کے گرد تعمیر مسجد الحرام 4 ملین افراد کو اپنے دامن میں جگہ دینے کی استطاعت رکھتی ہے اور یہ مسلمانوں کا مقدس ترین مقام ہے۔ اس کا کل رقبہ 4 لاکھ 8 سو اسکوائر فٹ (99 ایکڑ) ہے۔
مسجدالحرام
مسجد نبوی، سعودی عرب
مسجد نبوی عالم اسلام کا دورا مقدس ترین مقام ہے اس مسجد کی بنیاد پیغمبر اسلام حضرت محمد صلی علیہ وآلہ وسلم نے اہنے ہاتھوں سے رکھی تھی اور اب اسی مسجد میں سبز گنبد کے نیچے ان کی قبرِ مبارک بھی موجود ہے۔ مسجد نبوی کے 10 بڑے مینار ہیں اور اس میں 6 لاکھ نمازیوں کی گنجائش ہے جن کی تعداد حج کے مہینے میں بڑھ کر 10 لاکھ ہوجاتی ہے۔
مسجد الحرام
ترکی کی نیلی مسجد
استنوبل کی یہ عظیم الشان مسجد 16 ویں صدی میں سلطنتِ عثمانیہ کے عظیم سلطان احمد اول نے تعمیرکروائی تھی۔ اس کے 6 نوکیلے مینار اور اسکا نیلا رنگ اسے ایک جاودانی منظر عطا کرتا ہے۔
ترکی کی نیلی مسجد
جامع مسجد دہلی
دہلی کے بیچوں بیچ واقع مغل دور کی تعمیراتی عظمت کی نشاندہی کرتی یہ مسجد لاہور کی بادشاہی مسجد کا عکس ہے اس کی بیرونی تعمیر سرخ اینٹوں سے کی گئی ہے جبکہ اندرونی جانب سنگِ مرمر نصب کئے گئے ہیں۔
جامع مسجد دہلی
مسجدناصرالملک، شیراز ایران
ایران کے ادبی اور سیاحتی شہر شیراز میں واقع انتہائی حسین اور دلفریب مسجد ناصر الملک کے بارے میں باہر کی دنیا کے بہت کم لوگ آگاہ ہیں۔ اس میں رنگین شیشوں کا انتہائی خوبصورت کام کیا گیا ہے جس کی مثال اسلامی فنِ تعمیر میں انتہائی کم ملتی ہے۔ جب سورج کی روشنی صبح سویرے اور شام ڈھلے مسجد کے شیشوں سے چھلک کر اندر آتی ہے تو انتہائی حسین اور دلفریب منظر پیش کرتی ہے۔
مسضد ناصرالملک
مسجد امیہ، شام
جامع مسجد امیہ کی تعمیر 715ء میں اموی خلیفہ ولید اول کے دور میں مکمل ہوئی تھی، روایت کے مطابق پیغمر یحییٰ علیہ السلام کا سرِ مبارک اسی مسجد میں دفن ہے۔ شام میں حکومت اور شدت پسندوں کے درمیان جاری خانی جنگی مکے سبب اس قدیم اور عظیم مسجد کو نقصان پہنچا ہے۔ ایک روایت کے مطابق حضرت عیسیٰ علیہ السلام اسی مسجد کے ایک مینار پر آسمان سے اتریں گے۔
مسجد امیہ
جامع مسجد ہرات، افغانستان
لاجوردی پتھروں سے مزین ہرات کی اس حسین جامع مسجد کا سنگِ بنیاد 1200ء میں سلطان غیاث الدین غوری نے رکھا تھا جس کے بعد مختلف ادوار میں اس کی تعمیرو توسیع ہوتی رہی اور 1500ء میں مسجد اپنی موجودہ ہیٗت میں آئی تھی۔ مسجدِ ہرات کو 19 ویں صدی میں ہونے والی اینگلو افغان جنگ میں کافی نقصان پہنچچا تھا۔
اسلام آباد: ملک بھرمیں نماز عید کے اجتماعات میں لاکھوں فرزندان اسلام نے نماز عید ادا کی اس موقع پر ملکی سلامتی اور استحکام کیلئے خصوصی دعائیں کی گئیں۔
ملک بھر کی تمام مساجد اور عیدگاہوں میں نماز عید کے اجتماعات ہوئے جس میں لاکھوں فرزندان اسلام نے نماز عید ادا کی ۔ نماز عید کے اجتماعات میں ملکی سلامتی و استحکام کیلئے خصوصی دعائیں کی گئیں ۔
اسلام آباد کی فیصل مسجد میں صدر مملکت ممنون حسین ، نون لیگ کے رہنما مشاہد اللہ اور سابق وزیر داخلہ رحمان ملک کے علاوہ کئی سیاسی و سرکاری شخصیات نے نمازعید ادا کی۔
لاہور کی بادشاہی مسجد میں گورنر پنجاب رفیق رجوانہ،اسپیکر قومی اسمبلی ایاز صادق اور پنجاب حکومت کی مختلف سیاسی و سرکاری شخصیات نے نمازعید ادا کی۔
تحریک انصاف کے رہنما شاہ محمود قریشی اور وزیر مملکت عابد شیر علی نے فیصل آباد نمازِعید ادا کی۔
متحدہ قومی موومنٹ کے رہنما فاروق ستار اور رابطہ کمیٹی کے ارکان نے جناح گراؤنڈ میں نماز عید ادا کی اور ملک اورخصوصا کراچی میں امن و استحکام کیلئے خصوصی دعائیں کیں۔
عید کی نمازِ کے بعد فرزندانِ اسلام نے ایک دوسرے سے گلے مل کر مبارک باد دی اور صدقۃ الفطر ادا کیا۔
کوئٹہ اور پشاور میں بھی نماز عید کے چھوٹے بڑے اجتمات ہوئے اس موقع پر سیکیورٹی کے سخت انتظامات کئے گئے تھے۔
