Tag: faisal vawda

اسلام آباد: فیصل واوڈا نے وزیر اعظم شہباز شریف کے رمضان پیکج پر تنقید کرتے ہوئے کہا ہے کہ وزیر اعظم کے 5 ہزار میں صرف چولھا ہی جل سکتا ہے، وہ بھی بغیر گیس۔

سینیٹر فیصل واوڈا نے پارلیمنٹ ہاؤس کے باہر میڈیا سے گفتگو کرتے ہوئے پی ٹی آئی کی جانب سے عید کے بعد بڑے احتجاج کی خبروں کو ٹوپی ڈراما قرار دیا اور کہا تاریخ لکھ لیں نہ دھرنا ہوگا نہ احتجاج ہوگا، یہ پرانی تنخواہ پر کام کریں گے۔ انھوں نے کہا ٹرمپ کارڈ سے یہ اب پلے کارڈ پر آ گئے ہیں، عید کے بعد بکرا عید بھی آ جائے گی اور کچھ نہیں ہوگا۔

فیصل واوڈا نے کہا بانی پی ٹی آئی کو کوئی ڈیل آفر نہیں ہوئی، میں تحریک انصاف کا نہ حصہ تھا اور نہ اب جانا ہے، میں بانی تحریک انصاف کے ساتھ تھا، وہ آدھی رات کو بھی بلائیں گے تو جاؤں گا۔

سینیٹر نے میری ٹائم میں کرپشن کے ایک بڑے معاملے کے حوالے سے کہا کہ یہ ایشو اٹھانے کے بعد 72 گھنٹے میں 60 ارب روپے واپس اکاؤنٹ میں آ گئے، 2024 میں جو 500 ایکڑ کی اپروول تھی وہ میرے نوٹس پر کینسل ہوئی، بہتر پرفارمنس ہی تو ہے کہ 60 ارب واپس کرائے، میرا ٹارگٹ 1500 ارب واپس کرانے کا ہے۔

رمضان المبارک کی پہلی سحری میں ہی گیس غائب

واضح رہے کہ وزیر اعظم شہباز شریف کے مطابق رمضان پیکج کے لیے 20 ارب روپے مختص کیے گئے ہیں، اس پیکج کے تحت 40 لاکھ خاندانوں کو رقوم ڈیجٹل والٹ کے ذریعے منتقل کی جائیں گی، اور فی کس خاندان کو 5 ہزار روپے ملیں گے۔

اسلام آباد : سینیٹر فیصل واوڈا کا کہنا ہے کہ نکاح کیس شرمناک کیس تھا لیکن اس کے باوجود بھی بانی پی ٹی آئی کی رہائی ممکن نہیں ہوگی۔

تفصیلات کے مطابق سینیئر سیاستدان فیصل واوڈا نے اے آر وائی نیوز سے خصوصی گفتگو میں نکاح کیس کے فیصلے پر ردعمل دیتے ہوئے کہا کہ نکاح کیس بہت سے شرمناک اور گھٹیا کیس تھا ، خواتین کی ذاتی زندگی پر سوالات اٹھائےگئے۔

سینیئر سیاستدان کا کہنا تھا کہ فیصلے سیاسی زیادہ ہو رہے ہیں، فیصلے کے بعد بھی بانی پی ٹی آئی کی رہائی ممکن نہیں ہوگی، بانی پی ٹی آئی کوباہرنکلتےہوئےنہیں دیکھ رہا، مراحل اور کیسزبہت زیادہ ہیں اس لیے رہائی ممکن نہیں، مزید بہت سے مراحل ہیں جن کو طے کرناباقی ہیں۔

انھوں نے کہا کہ ایک طرف دھڑا ڈھڑ رعایت دیں دوسری طرف 40سال پرانے کیسز کےفیصلے نہیں ہورہے ، قوم دیکھ رہی ہیں، آئین و قانون سے باہر جاکر رعایت دی جارہی ہے۔

سینیٹر کا کہنا تھا کہ جلد اور دھڑا دھڑ فیصلے ہورہے ہیں،زور بازو والا کام شروع ہوگیا، 15گھنٹے سیاست میں بہت ہوتے ہیں،15 دن میں بہت کچھ دیکھنے کو ملے گا، دوتہائی اکثریت واپس آتے دیکھ رہا ہوں۔

موجودہ صورتحال کے حوالے سے ان کا کہنا تھا کہ آئین و قانونی بحران کھڑا ہوگیا سب میدان میں آگئےہیں، قوم کے لیے آگے چیزیں نہیں دیکھ رہا ہوں، حکومت نظرثانی اپیل میں جائے نہ جائے مشکلات بڑھ رہی ہیں۔

انھوں نے پی ٹی آئی کے ٹکڑے ہونے کے حوالے سے کہا کہ جتنا بتایاپی ٹی آئی کےاس سے بھی زیادہ ٹکڑے بنتے دیکھ رہا ہوں،اکھاڑے میں بولی لگے گی،ضمیربکیں گے، میدان میں زبردست قسم کی لڑائی ہوگی جو نہ ہوتی توبہترہوتا۔

پی ٹی آئی کی موجودہ لیڈر شپ سے متعلق فیصل واوڈا کا کہنا تھا کہ پی ٹی آئی کے لیڈرقوم کو بیوقوف بنارہےہیں، پی ٹی آئی لیڈرچاہتے ہیں بانی پی ٹی آئی اندر رہے۔

بشریٰ بی بی کی رہائی سے متعلق سوال پر انکا کہنا تھا کہ بشریٰ بی بی رہاہوگئی تو پی ٹی آئی کےجوٹکڑےہونےہیں وہ جلدی ہوجائیں گے کیونکہ پی ٹی آئی میں مختلف لابیاں کام کررہی ہیں۔

اسلام آباد : سینیٹر فیصل واوڈا کا کہنا ہے کہ تحریک انصاف بین ہونے کی طرف جا رہی ہے ، محمودالرحمان کمیشن رپورٹ کے معاملے پر پی ٹی آئی نے اپنے پاؤں پر کلہاڑا مارا ہے۔

تفصیلات کے مطابق سینیٹر فیصل واوڈا نے سپریم کورٹ کے باہر صحافیوں سے گفتگو کرتے ہوئے کہا کہ پاکستان میں ہونےکوکچھ بھی ہو سکتا ہے لیکن قانونی طور پر پی ٹی آئی کو مخصوص نشستیں نہیں مل سکتیں۔

محمودالرحمان کمیشن رپورٹ پر پوچھے گئے سوال پر ان کا کہنا تھا کہ پی ٹی آئی نے خود پرکلہاڑامارا ہے، سیاسی جماعتوں پر پابندی نہیں ہونی چاہیے لیکن کوئی جماعت ملک دشمنی کرے تو پابندی ہونی چاہیے۔

انھوں نے کہا کہ تحریک انصاف بین ہونےکی طرف جا رہی ہے، ایم کیو ایم لندن کو دیکھ لیں اس نے بھی اسی طرح کیا تھا.

سینیٹر کا مزید کہنا تھا کہ سائفر کیس کا فیصلہ بھی آ گیا ہے ، جس میں معزز جج صاحبان نے کہا وزیراعظم اور وزیرخارجہ نےقوم بتایایہ ایک ٹرینڈ سیٹ ہوچکا ہے،اب ہراچھی بری بات قوم کو بتائی جائے گی۔

کراچی : سینیٹ انتخابات میں ایم کیوایم کے 17 اور پیپلز پارٹی کے 6 ارکان سندھ اسمبلی میں فیصل واوڈا کو ووٹ دیں گے، جس کے بعد فیصل واوڈا کی جیت یقینی ہے۔

تفصیلات کے مطابق سینیٹ الیکشن میں فیصل واوڈا کی جیت یقینی ہے، انتخابات مین ایم کیوایم کے سترہ اور پیپلز پارٹی کے چھ ارکان فیصل واوڈا کو ووٹ دیں گے۔

سندھ کی بارہ نشستوں پر پیپلز پارٹی کے امیدوار کامیاب ہوں گے اور ایک جنرل نشست پر ایم کیوایم جبکہ ایک پر فیصل واوڈا کی کامیابی یقینی ہ
پے۔

شرجیل میمن نے کہا کہ فیصل واوڈاسینیٹربن جائے تو اس میں کیا حرج ہے، وہ پہلے کسی پارٹی میں تھے اب آزاد حیثیت سے لڑرہےہیں،ان کو سپورٹ ملتی ہے تو اچھی بات ہے۔

ن لیگ اور پی پی قائدین نے اسلام آباد میں ایم کیو ایم کے رہنماؤں سے ملاقات میں سینیٹ انتخابات میں ووٹ دینے کی درخواست کی، خالد مقبول صدیقی نے مسلم لیگ اور پی پی کے مشترکہ امیدوار کی حمایت کی یقین دہانی کرادی ہے۔

اسلام آباد : سابق وزیر فیصل واوڈا کا کہنا ہے کہ پیپلزپارٹی کی پانچوں انگلیاں گھی میں ہیں ، وہ اقتدار کے مزے لیں گی اور ساراملبہ ن لیگ پر گرے گا۔

تفصیلات کے مطابق سابق وزیر فیصل واوڈا نے اے آر وائی نیوز کے پروگرام آف دی ریکارڈ میں گفتگو کرتے ہوئے کہا کہ آئینی پوزیشن کھوکھلی رہ جائے گی، دبوچ لیں گے ، کھالیں گے۔

فیصل واوڈا کا کہنا تھا کہ پیپلزپارٹی کی پانچوں انگلیاں گھی میں ہیں،اقتدار کے مزےلیں گے، اتحادی حکومت بن رہی ہے، آئینی پوزیشن ساری لے لی جائیں گی۔

سابق وزیر نے کہا کہ دوبارہ کہتا ہوں نوازشریف وزیراعظم بنتےہیں تو6ماہ حکومت رہے گی، شہبازشریف وزیراعظم بنتےہیں توایک ڈیڑھ سال حکومت چلے گی۔

ان کا کہنا تھا کہ پاکستان کوجون میں24ارب ڈالر قرضے واپس کرنے ہیں، کہاں سے دیں گے ، آئی ایم ایف کے معاملات بھی ہیں، بجٹ بھی پیش کرنا ہے۔

خیبر پختونخواہ کے حوالے سے فیصل واوڈا نے مزید کہا کہ علی امین گنڈا پور کا وزیراعلیٰ کے پی کیلئے نام چلنے دیں آگے کچھ نہیں ہوگا۔

سابق وزیر کا کہنا تھا کہ مسلم لیگ ن کا آخری اقتدار ہے، مزے لیں پھر انہیں کون پوچھے گا، آئندہ ن لیگ اور ایم کیوایم اقتدار میں نہیں آئیں گے۔

انھوں نے کہا کہ کراچی کے لوگوں نے اتنے ووٹ ڈال دئیے کہنا پڑا بس کردو کراچی والو۔