Tag: faisal vawda

کراچی : وفاقی وزیر آبی وسائل فیصل واوڈا نے کہا کہ مولاناصاحب جیسے بہت سے آئے اور چلے گئے، ان کے لئے اڈیالہ جیل میں بیڈ لگوا دیے ہیں، ان کو ویلکم کریں گے تمام انتظام بھی کراکر دیں گے۔

تفصیلات کے مطابق وفاقی وزیر آبی وسائل فیصل واوڈا نے اپنے بیان میں کہا شہبازشریف نے ساری زندگی بےایمانی اورچوری کی، شہبازشریف جیسے لوگوں نے عوام کی زندگی اجیرن کی۔

فیصل واوڈا کا کہنا تھا کہ مولاناصاحب نے کہا ہم دیر تک بیٹھنے آرہے ہیں، مولاناصاحب جیسے بہت سے آئے اور چلے گئے، ان کےلئےاڈیالہ جیل میں بیڈ لگوا دیےہیں،ان کو ویلکم کریں گے تمام انتظام بھی کراکردیں گے۔

یاد رہے سندھ ہائی کورٹ میں اپوزیشن لیڈر شہباز شریف کی کراچی کے حلقہ این اے 249 میں فیصل واوڈا کی کامیابی کے خلاف درخواستیں مسترد کردی گئیں، شہباز شریف نے حلقہ این اے 249 میں فیصل واوڈا کی کامیابی کو چیلنج کیا تھا۔

مزید پڑھیں : فیصل واوڈا کی کامیابی کو چیلنج کرتی شہباز شریف کی درخواست مسترد

فیصل واوڈا نے کیس جیتنے پر خوشی کا اظہار کرتے ہوئے کہا کہ اللہ کا شکر ادا کرتا ہوں آج پھر شہباز شریف کو شکست ہوئی، ہمیں عدالتوں پر بھروسہ ہے، عدالتوں کا شکر گزار ہوں۔

خیال رہے مولانا فضل الرحمان کا پریس کانفرنس کرتے ہوئے کہا تھا کہ ’’ملک بھر سے ہمارے قافلے 27 اکتوبر اسلام آباد کے لیے روانہ ہونا شروع ہوں گے‘۔

کراچی : وفاقی وزیر آبی وسائل فیصل واوڈا نے کہا سندھ حکومت پی ٹی آئی کودیوارسےنہ لگائے، اربوں روپے ملنے کے باوجود سندھ میں کام نہیں ہوا، کوئی مخالفت یا سیاست کرتا ہے تو کرے احتساب سب کا ہوگا۔

تفصیلات کے مطابق وفاقی وزیر آبی وسائل فیصل واوڈا نے میڈیا سے گفتگو میں کہا سندھ حکومت کو وفاق اور وفاق کو سندھ حکومت کی مدد کرنی چاہیے، کراچی کو صاف کرنے کے لئے ہم سب کو مل کر کام کرنا چاہیے۔

فیصل واوڈا کا کہنا تھا کہ پی ٹی آئی واضح کہہ چکی ہے احتساب پر کوئی سمجھوتہ نہیں ہوگا، کوئی مخالفت یا سیاست کرتا ہے تو کرے احتساب سب کا ہوگا،  سوچنا چاہیے ایک دوسرے سے جھگڑے سے لوگوں کو نقصان ہوتا ہے۔

کوئی مخالفت یا سیاست کرتا ہے تو کرے احتساب سب کاہوگا

وفاقی وزیر آبی وسائل نے کہا سندھ حکومت پی ٹی آئی کو دیوار سے نہ لگائے، سب کے مینڈیٹ کا احترام کرتے ہیں، مل کر کام کرنا ہوگا، اربوں روپے کے فنڈز ملے ہیں لیکن سندھ میں کام نہیں ہوا۔

 وفاقی سطح پرجو بھی ہوسکتا ہے کروں گا

ان کا کہنا تھا کہ سیاسی مفادسےبالاترہوکرکراچی کےمسائل حل کرنا ہوں گے ، کراچی میں عوام بدترین زندگی گزار رہے ہیں، کچھ علاقوں میں پانی آرہاہے کچھ علاقے محروم ہیں، کہیں سے کچرا اٹھایا جا رہا ہے کہیں گندگی کے ڈھیرہیں۔

فیصل واوڈا نے کہا وفاقی سطح پرجو بھی ہوسکتا ہے کروں گا، سندھ حکومت بھی تعاون کرے، اسلام آباد سے ایک وفد ساتھ آیا ہے، مسائل حل کرنا چاہتے ہیں، اسکولوں سے متعلق بھی مسائل توجہ طلب ہیں، سیوریج کے مسائل بھی فوری حل کرنے کی ضرورت ہے۔

سیاسی اختلافات اپنی جگہ کراچی کےمسائل مل کرحل کریں گے

وفاقی وزیر کا کہنا تھا کہ نئے پاکستان میں سینئراورجونیئرکاکھیل ختم ہوگیا،مل کرکام کرناہوگا، سیاسی اختلافات اپنی جگہ کراچی کےمسائل مل کر حل کریں گے ۔

انھوں نے مزید کہا کراچی میں اسکولزکی بہتری کیلئےبھی اقدامات کی ضرورت ہے، کراچی کےمختلف علاقوں سےبارش کےپانی کی نکاسی ہوچکی ہے۔

اسلام آباد : وفاقی وزیر آبی وسائل فیصل واوڈا فیصل واوڈا نے کہا ہے کہ حکومت،وزارت یا کرسی چلی جائے لیکن احتساب نہیں رکے گا، تماشا نہیں چلےگا، یہ سیاسی سانپ ہیں جن کو ہم نے دودھ پلایا، اب ان کا سر بھی تحریک انصاف کی حکومت کچل کر دکھائے گی۔

تفصیلات کے مطابق وفاقی وزیر آبی وسائل فیصل واوڈا نے پریس کانفرنس کرتے ہوئے کہا اللہ کی مہربانی سے پاکستانیوں کے لیے خوش خبری ہے، داسو کا پروجیکٹ بھی بہت جلد شروع ہو جائےگا، منصوبے سے4 ہزار 320میگا واٹ بجلی پیدا کی جاسکےگی۔

فیصل واوڈا کا کہنا تھا کہ فلڈ سے متعلق 26تاریخ کومیٹنگ بلائی تھی ،رپورٹ جمع کرادی ہے ، سیلاب آنےپرسہولتیں دینےکی ذمےداری صوبوں کی ہوتی ہے ، ہم ڈیمز بنانے کی تیاری کررہےہیں، ہمیں ایساکام کرناہےجس میں سندھ کی بہتری ہو، بہت جلد اس بارے میں بھی آپ کوخوشخبری دیں گے۔

ایسا منصوبہ لائیں گے کہ عمران خان کا نام تاریخ میں لکھا جائےگا

وفاقی وزیر آبی وسائل نے کہا ایسا منصوبہ لائیں گے کہ عمران خان کا نام تاریخ میں لکھا جائےگا، بہت جلد اس بارے میں عمران خان خوشخبری سنائیں گے، حکومت،وزارت یا کرسی چلی جائے لیکن احتساب نہیں رکےگا۔

ان کا کہنا تھا ایک بار پھر کیلبری کوئن اور ویڈیو کوئن نے ڈرامہ کیاہے، ملک کو بدنام اور اداروں کوتوڑنےکی کوشش کی جارہی ہے، ہم اور عمران خان کی حکومت ایسانہیں ہونے دےگی، اب ہمیں جس حدتک بھی جانا پڑا ہم جائیں گے ، ہم کسی بھی ادارے کو متنازع نہیں ہونے دیں گے۔

اب ہمیں جس حدتک بھی جانا پڑا ہم جائیں گے

فیصل واوڈا نے کہا داسو میں پرانا ریکارڈ دیکھیں تو طاقت سے ٹھیک کرنے کی کوشش کی گئی، سب کو ساتھ لیکر پیار محبت سے بٹھا کر بات کریں گے، ہر چیز  مذاکرات اور بات چیت کے ذریعے حل کی جائےگی۔

وفاقی وزیر کا کہنا تھا مہمندڈیم کا سنگ بنیادعمران خان نےرکھ دیاہے، آئندہ ماہ میں خود وہاں کادورہ کروں گا، داسوڈیم کامسئلہ تھا کہ اس کی زمینیں نہیں لی گئی تھیں، زمین اورلوکل لوگوں کےجائزمسائل تھے، ہم کسی بھی صورت زورزبردستی سےکام نہیں کریں گے۔

انھوں نے مزید کہا داسو پن بجلی منصوبے کی ایکنک نے منظوری دے دی ہے ، ساڑھے 3سال سے30 کروڑ کا نقصان برداشت کررہے تھے ، داسو ڈیم کی تعمیر  میں تاخیر کی انکوائری کرارہے ہیں، بھارت کی جانب سے سیلاب ڈیٹا پرمعلومات نہیں دی گئیں ، داسو ڈیم کی تعمیر میں قوم کو اربوں کا نقصان پہنچایا گیا۔

عمران خان بہت کلیئرہیں کہ کسی صورت این آراو نہیں دینا

فیصل واوڈا کا کہنا تھا ویڈیوکوئین اور کیلبری کوئین کے خاندان کے لوگ ملوث ہیں ، عمران خان بہت کلیئرہیں کہ کسی صورت این آراو نہیں دینا، یہ سارے بھاگے ہوئے کیوں ہیں آئیں سامنا کریں سب کا، میری فیملی میں کوئی سیاست میں نہیں تھا میں میرٹ پرہوں۔

وفاقی وزیر آبی وسائل نے کہا تماشا نہیں چلےگا یہ سیاسی سانپ ہیں جن کو ہم نے دودھ پلایا، اب ان کا سر بھی تحریک انصاف کی حکومت کچل کر دکھائے گی ، قانون سازی پر عمل درآمد کرانا ایڈمنسٹریشن کا کام ہے۔

اسلام آباد : وفاقی وزیر برائے آبی وسائل فیصل واوڈا نے کہا ہے کہ کرپشن پرگرفتار سیاسی افراد سے وہی سلوک ہوگا، جو عام افراد سے ہوتا ہے، چاہے کچھ بھی ہوجائے احتساب نہیں رکےگا ، کسی مہذب ملک میں مجرموں کے پروڈکشن آرڈرجاری نہیں ہوتے۔

تفصیلات کے مطابق وفاقی وزیر برائے آبی وسائل فیصل واوڈا نے اے آر وائی نیوز کے پروگرام باخبر سویرا میں گفتگو کرتے ہوئے کہا  ہے کہ کرمنلز کو منتخب کرکے لایاجائے گا تو مجرموں کو تو سہولت ملےگی، کرمنلز 25 ،25 گاڑیوں کے پروٹوکول میں گھوم رہے ہوتے ہیں۔

فیصل واوڈا کا کہنا تھا  کہ کرپشن پرگرفتارسیاسی افرادسےوہی سلوک ہوگاجوعام افرادسے ہوتا ہے، چاہے کچھ بھی ہوجائے احتساب نہیں رکے گا، سیاسی قیدی نہیں ہوں گے، ایساقانون بنایاجارہاہے۔

وفاقی وزیر نے کہا جس طرح بجٹ پاس کرایا ہے یہ بھی ہوجائےگا، پاکستان میں دونہیں ایک ہی قانون چلےگا، کسی مہذب ملک میں مجرموں کے پروڈکشن آرڈرجاری نہیں ہوتے۔

مزید پڑھیں : ہرقربانی دیں گے، احتساب کے عمل سے پیچھے نہیں ہٹیں گے، فیصل واوڈا

اس سے قبل گزشتہ روز اے آر وائی نیوز کے پروگرام آف دی ریکارڈ میں گفتگو کرتے ہوئے فیصل واوڈا نے کہا تھا  کہ ہرقربانی دیں گے لیکن احتساب کے عمل سے پیچھے نہیں ہٹیں گے، عدل کی راہ میں جسٹس قیوم، سیف کی طرح مداخلت نہیں کریں گے۔

وزیراعظم کا مؤقف واضح ہے کرمنلز کو کرمنلز کی طرح ٹریٹ کیا جائےگا، ملک میں اب سب کےلئے قانون سازی ہورہی ہے ، حکومت نے آکر اداروں کو آزاد کردیا ہے ، ادارے خودمختار ہیں ، جس جماعت میں کرمنل ہیں انھیں پکڑا جانا چاہیے۔

راناثنااللہ کے جانےسے مریم بی بی جتنی خوش ہے اور کوئی نہیں،ن لیگ کے ٹکڑے کراچی کی پارٹی سے بھی زیادہ ہوں گے، پروڈکشن آرڈر بند ہو رہے ہیں، یہ نیا پاکستان ہے، معیشت مستحکم کردی ، بجٹ بھی منظور کرالیا، حکومت کہیں نہیں جارہی۔

اسلام آباد: وفاقی وزیربرائے آبی وسائل فیصل واوڈا کا کہنا ہے کہ اپوزیشن عوام کے لیے نہیں اپنےمفادات کے لیے باہرنکلنا چاہتی ہے۔

تفصیلات کے مطابق وفاقی وزیر برائے آبی وسائل فیصل واوڈا کا کہنا ہے کہ اپوزیشن کی جانب سے ڈرامہ بازی این آر اونہیں دینے کی وجہ سے ہو رہی ہے۔

انہوں نے کہا کہ اپوزیشن کے پاس کچھ بھی نہیں ہے، بجٹ پاس ہوجائے گا، حکومت کہیں نہیں جا رہی، اپوزیشن صرف احتساب سے بھاگنےکی وجہ سے یہ سب کررہی ہے۔

وفاقی وزیر برائے آبی وسائل نے کہا کہ اپوزیشن احتجاج کے لیے باہرنکلے، ہم سہولتیں فراہم کریں گے، اپوزیشن عوام کے لیے نہیں اپنے مفادات کے لیے باہرنکلنا چاہتی ہے۔

فیصل واوڈا نے مزید کہا کہ اپوزیشن چاہتی ہے کسی طرح احتساب کا عمل رک جائے، حکومت ان کواین آراونہیں دے گی، یہ جتنی کوشش کرلیں۔

بجٹ سے گرفتاریوں کا کوئی تعلق نہیں، کرپشن کرنے والے گرفتار ہورہے ہیں، فیصل واوڈا

یاد رہے کہ گزشتہ ہفتے اے آر وائی نیوز کے پروگرام سوال یہ ہے میں گفتگو کرتے ہوئے رہنما پی ٹی آئی فیصل واوڈا کا کہنا تھا کہ تمام مقدمات ن لیگ دور میں بنے تھے، ادارے آزاد ہیں ہم کہیں مداخلت نہیں کر رہے۔

وفاقی وزیر برائے آبی وسائل فیصل واوڈا کا کہنا تھا کہ بجٹ سے گرفتاریوں کا کوئی تعلق نہیں، کرپشن میں ملوث لوگ گرفتار ہو رہے ہیں۔