Tag: faisal vawda

کراچی : وفاقی وزیرآبی وسائل فیصل واوڈا کا کہنا ہے کسی کاباپ بھی پی ٹی آئی حکومت نہیں گراسکتا ،عمران خان وعدے پورےکریں گے اور دیگرکی سیاست دفن ہوجائے گی، مہمند ڈیم ہر حال میں بنےگا، کوئی نہیں اسے روک سکتا۔

تفصیلات کے مطابق وزیر آبی وسائل فیصل واوڈا نے بلدیہ کالونی میں عوام سےخطاب کرتے ہوئے کہا 18 ویں ترمیم کےبعدپانی پہنچانا صوبائی حکومت کا معاملہ ہے ، حد سے بڑھ کر کام کرنے کی کوشش کررہاہوں ، علاقہ مکینوں کا شکوہ بجا ہے ،ایم این اے صوبائی حکومت کے تعاون کے بنا کچھ نہیں کر سکتا۔

فیصل واوڈا کا کہنا تھا کہ کام کےمعاملےپرسندھ حکومت سےبہترمعالات بن رہے ہیں، بہت سارے نہیں تو کچھ کام ہوہی رہے ہیں، مہمند ڈیم ہرحال میں بنےگا، کوئی نہیں اسے روک سکتا، سارے پاکستان کےلوگوں سے کہتاہوں ڈیم بننے دو۔

سارےپاکستان کےلوگوں سےکہتاہوں ڈیم بننے دو

وزیرآبی وسائل نے کہا اربوں روپے کے ٹیلی میٹرز تباہ کر دیے گئے، چاروں صوبوں میں ٹیلی میٹرز لگاکر دیں گے، مرادعلی شاہ نے کہا ہم آپ کو کسی کام سے نہیں روک رہے، صوبے کے چیف ایگزیکٹو مراد علی شاہ ہیں ان کو سپورٹ کروں گا، مراد علی شاہ میری بات سنیں گے، سندھ جتنا آپ کاہے اتنا میرا ہے۔

ان کا کہنا تھا کہ عوام کے مسائل حل کرنے کا وعدہ کیا ہے، تجاوزات کیخلاف آپریشن میں جائز چیزیں بھی گرائی جارہی ہیں، ڈی ایم سی کے دفتر پر چھاپہ مارا وہاں کوئی نہیں تھا، مخالف سیاسی جماعتوں کا کام سب سے پہلے کرتاہوں اور کرتا رہوں گا۔

شہبازشریف کی باتوں کاجواب ایوان میں دوں گا

فیصل واوڈا نے کہا سیاسی طور پر ایک دوسرے کو اچھا برا کہیں گے لیکن کام کریں گے ، جتنا وزیر وفاق کاہوں اتنا ہی پورے پاکستان کاہوں، شہبازشریف کی باتوں کا جواب ایوان میں دوں گا۔

وفاقی وزیر کا مزید کہنا تھا کہ سابق حکمرانوں نے ملک کے عوام سے جھوٹ بولے، سندھ حکومت ہٹانے کی کبھی کوئی بات نہیں کی، روٹی، کپڑا، مکان، گیس، پانی، بجلی ملتی تو حالات بہتر ہوتے، وزیراعلیٰ سندھ کام کریں، نہیں کیا تو آپ میری طبیعت سے واقف ہیں۔

عمران خان وعدےپورےکریں گے،دیگرکی سیاست دفن ہوجائے گی

آصف زرداری کے بیان کے حوالے سے وزیرآبی وسائل نے کہا کسی کا باپ بھی پی ٹی آئی حکومت نہیں گراسکتا، عمران خان وعدے پورے کریں گے اور دیگرکی سیاست دفن ہوجائے گی۔

ان کا کہنا تھا کہ میرے پاس جادوکی چھڑی نہیں، تھوڑا وقت دیں پر کام ہوگا، بلدیہ میں دو اسکول بنارہاہوں، لڑکوں اورلڑکیوں کیلئے الگ الگ اسکول بنائے جائیں گے، سپریم کورٹ کے فیصلوں کو بائی پاس نہیں کریں گے۔

کراچی : وفاقی وزیر فیصل واوڈا کا کہنا ہے کہ پاکستان تحریک انصاف کاانکروچمنٹ آپریشن سےکوئی تعلق نہیں ، عدالتی حکم کی آڑمیں پی ٹی آئی ووٹرز کی  املاک کونقصان پہنچایاگیا، ایسانہ ہومجھے خود بلڈوزر لےکر نکلنا پڑے، جو کراچی کے باپ بنے ہوئے تھے ان کی طرف املاک نہیں گری۔

تفصیلات کے مطابق کراچی میں وفاقی وزیر فیصل واوڈا نے میڈیاسےگفتگو کرتے ہوئے کہا عدالتی حکم کی آڑمیں پی ٹی آئی ووٹرزکی املاک کونقصان پہنچایاگیا، ایسانہ ہومجھےخودبلڈوزرلےکرنکلناپڑے۔

[bs-quote quote=”عمران خان کی ڈانٹ ڈپٹ سر آنکھوں پر ملک کے دفاع کے لئے کچھ بھی اٹھانا پڑے یا چلاناپڑے مجھےشرم نہیں” style=”style-6″ align=”left”][/bs-quote]

گیس بحران کے حوالے سے فیصل واوڈا کا کہنا تھا کہ سی این جی بحران کی ذمہ دارصوبائی حکومت ہے، اٹھارویں ترمیم کےبعدسی این جی صوبائی معاملہ ہے، ایسے بحرانوں کی وجہ سےہی اٹھارویں ترمیم کےخلاف ہوں ، اٹھارویں ترمیم کے باعث ہاتھ باندھے ہوئے ہیں، جتنے اختیارات ہے ان کا استعمال کرتے ہوئے کام کر رہے ہیں۔

وفاقی وزیرنے کہا کہ کوشش ہےاپنےلیڈر کے وژن کےمطابق عوام کی خدمت کریں، پڑھالکھاآدمی ہوں بہت کچھ چلاسکتاہوں، عمران خان کی ڈانٹ ڈپٹ سر آنکھوں پر ملک کے دفاع کے لئے کچھ بھی اٹھانا پڑے یا چلاناپڑے مجھےشرم نہیں۔

ان کا کہنا تھا کہ کراچی میں ہماری حکومت نہیں،جتناکرسکتے ہیں کریں گے، 62 دن میں62 سال کےمسائل کوایڈریس کیا، چیئرمین ناراضی میں بھی کوئی بات کہیں گےتواس کوپوراکروں گا۔

[bs-quote quote=”املاک گراکرکہاجارہاہےیہ نئےپاکستان کی قیمت ہے” style=”style-6″ align=”left”][/bs-quote]

فیصل واوڈا نے کہا پاکستان تحریک انصاف کاانکروچمنٹ آپریشن سےکوئی تعلق نہیں، عدالتی حکم کی آڑمیں پیسےکی لین دین اورڈرامےبازی ہورہی ہے، جو کراچی کےباپ بنے ہوئے تھے ان کی طرف املاک نہیں گری، املاک گراکرکہاجارہاہےیہ نئےپاکستان کی قیمت ہے۔

وفاقی وزیر آبی وسائل نے عابد شیر علی کو پاگل قرار دیتے ہوئے کہا ہر روز نشے میں دھر ہوکر بکواس کرتا رہتا ہے، ہرعمارت کےسامنےکھڑےہوجاتےہیں کہ یہ فیصل واوڈاکی ہے ، اپنےخیراتی فنڈسے عابدشیرعلی کاعلاج کراؤں گا۔

مزید پڑھیں : کچھ وقت کے لیے کڑوی گولی کھانی پڑے گی، آگے حالات بہتر ہوجائیں گے، فیصل واوڈا

یاد رہے چند روز  قبل وفاقی وزیر آبی وسائل فیصل واوڈا کا کہنا تھا  کہ کچھ مہینوں کی بات ہے، ملک انشاء اللہ ترقی کرے گا، کچھ وقت کے لیے کڑوی گولی کھانی پڑے گی آگے حالات بہتر ہوجائیں گے۔

ان کا کہنا تھا کہ حکومت نے 100 دن میں بہت کچھ حاصل کرلیا ہے، بڑے ایشوز کو حل کرنے کی کوشش کررہے ہیں جن پر سالوں سے توجہ نہیں دی گئی۔