Tag: faisalabad

  • فیصل آباد: ن لیگ کےیوسی وائس چیئرمین کا خواتین پروحشیانہ تشدد

    فیصل آباد: ن لیگ کےیوسی وائس چیئرمین کا خواتین پروحشیانہ تشدد

    فیصل آباد : صوبہ پنجاب کے شہر فیصل آباد میں مسلم لیگ ن کے یوسی وائس چیئرمین نے خواتین کو سرعام وحشیانہ تشدد کا نشانہ بنایا اور گھرپرقبضہ کرنے کی کوشش کی۔

    تفصیلات کے مطابق سٹی کونسل کے وائس چیئرمین ملک عرفان نے فیصل آباد کی ریلوے کالونی میں مسلح ساتھیوں کے ہمراہ گھرپر قبضہ کرنے کی کوشش کی اورسامان اٹھا کرگلی میں پھینک دیا۔

    مسلم لیگ ن کے وائس چیئرمین نے خواتین کو بدترین تشدد کا نشانہ بنایا جبکہ موقع پرموجود پولیس اہلکاروں نے نہ اسے گرفتار کیا اور نہ ہی روکنے کی کوشش کی۔

    پولیس کا کہنا ہے کہ ملک عرفان سمیت 32 افراد کے خلاف مقدمہ درج کرکے 27 افراد کو گرفتار کرلیا گیا تاہم ن لیگ کے وائس چیئرمین نے 11 مئی تک عبوری ضمانت کرا رکھی ہے۔

    خیال رہے کہ واقعے کے بعد کی ویڈیو میں دیکھا جاسکتا ہے کہ موقع پرپہنچنے والی پولیس ملک عرفان کو حراست میں لے کر تھانے کے بجائے پروٹوکول میں گھر پہنچا رہی ہے۔


    لاہور: شادی میں جدید اسلحہ سے ہوائی فائرنگ‘ پولیس خاموش تماشائی

    یاد رہے کہ گزشتہ سال 16 اکتوبر کو ن لیگی ایم این اے سہیل بٹ کے چھوٹے بھائی زوہیب بٹ اور اس کے گن مینوں کی جانب سے مناواں میں شادی کی تقریب میں جدید اسلحے سے اندھا دھند ہوائی فائرنگ کی گئی تھی۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • آج سب گیدڑ مل کر شیر کا شکار کرنا چاہتے ہیں: عابد شیر علی

    آج سب گیدڑ مل کر شیر کا شکار کرنا چاہتے ہیں: عابد شیر علی

    فیصل آباد: مسلم لیگ ن کے رہنما عابد شیر علی نے کہا ہے کہ آج سب گیدڑ مل کر شیر کا شکار کرنا چاہتے ہیں، نیب صرف نوازشریف کو پکڑتی ہے، جس نے 62 ارب کا سی پیک دیا۔

    ان خیالات کا اظہار انھوں نے فیصل آباد میں ورکرز کنونشن سے خطاب کرتے ہوئے ہوئے کیا. ان کا کہنا تھا کہ عمران خان اور زرداری تمھاری باری کبھی نہیں آئے گی، اب اس کو باری ملے گی جو قوم کی خدمت کرے گا.

    [bs-quote quote=” مر جائیں گے لیکن نواز شریف کا ساتھ نہیں چھوڑیں گے” style=”style-2″ align=”left” author_name=”عابد شیر علی”][/bs-quote]

    عابد شیر علی نے کہا کہ نواز شریف اور مریم نواز 60 سےزائد پیشیاں بھگت چکے ہیں، مگر ڈاکٹر عاصم اور شرجیل میمن کو کسی نے نہیں پکڑا.

    وزیر مملکت پانی و بجلی کا کہنا تھا کہ نوازشریف نےعمران خان کی طرح جھوٹے 300 ڈیم نہیں بنائے، نواز شریف نے خیبر پختو نخواہ کا ہیلی کاپٹر مفت میں استعمال نہیں کیا، مر جائیں گے لیکن نواز شریف کا ساتھ نہیں چھوڑیں گے.

    عابد شیر علی نے کہا کہ عمران خان سمجھتے ہیں کہ راجا ریاض کو لے کر جیت جائیں گے، لوٹے کیا نیا پاکستان بنائیں گے، زرداری دور میں حج سے لے کر رینٹل پاور تک اسکینڈل بنے.

    عابد شیر علی کا کہنا تھا کہ کراچی میں روزانہ خون بہتا تھا، ہم نے شہر میں امن قائم کیا، مشرف نے ایک کال پر ملک کا سودا کیا، زرداری نے ملک لوٹا، نیب صرف نوازشریف کو پکڑتی ہے، جس نے سی پیک دیا، اب یہ لڑائی اقتدارکی نہیں، بلکہ پاکستان کی ہے، جیت عوام کی ہوگی.


    لاہور میں جلسہ کرنا ہے تو عمران خان لاہور کے لوگ لائیں: عابد شیر علی


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئرکریں۔

  • فیصل آباد میں برقعہ پوش کی دکانوں پرفائرنگ، 3دن بعد مقدمہ درج

    فیصل آباد میں برقعہ پوش کی دکانوں پرفائرنگ، 3دن بعد مقدمہ درج

    فیصل آباد : برقعہ  پوش شخص نے رات کے وقت بازار میں اندھا دھند گولیاں برسا دیں۔ پکے پکے نشانے لگا کر اطمینان سے چل دیا، پولیس نے تین روز بعد مقدمہ درج کر لیا۔

    تفصیلات کے مطابق فیصل آباد کے بازار میں فلمی سین نے حقیقت کاروپ دھارلیا۔ چھوٹے مانچسٹر میں بھرپور ایکشن دیکھنے کو ملا، رات کے تین بجے ایک برقع پوش شارپ شوٹر نے نورپورہ بازار میں انٹری دی اس کے ہاتھوں میں پستول تھی۔

    برقعہ پوش شخص دونوں ہاتھوں سے دکانوں کو ٹارگٹ کرکے فائرنگ کرتا رہا۔ اے آر وائی نیوز کو موصول نونے والی سی سی ٹی وی فوٹیج میں دیکاھ جاسکتا ہے کہ ملزم دونوں ہاتھوں میں پستول سے پکے نشانے لگا کر آرام سے روانہ ہوگیا۔

    البتہ پولیس کو تاحال یہ معلوم نہ ہوسکا ہے کہ برقع میں خاتون ہے یامرد؟ لیکن فائرنگ دیدہ دلیری اور کسی ماہر نشانہ باز کی طرح کی گئی۔

    اس حوالے سے پولیس کا کہنا ہے کہ موقع واردات سے ملنے والے پستول کے بیس کے قریب خول فرانزک ٹیسٹ کے لئے بھیجے جائیں گے، یاد رہے کہ اس سے قبل بھی دو بار اسی بازار میں فائرنگ کے واقعات ہو چکے ہیں۔

  • فیصل آباد: فیس بک پرناپسندیدہ کمنٹ، نوجوان پربہیمانہ تشدد، 5 ملزمان گرفتار

    فیصل آباد: فیس بک پرناپسندیدہ کمنٹ، نوجوان پربہیمانہ تشدد، 5 ملزمان گرفتار

    فیصل آباد : فیس بک پر ناپسندیدہ کمنٹس کرنے کی پاداش میں اوباش افراد نے نوجوان کو اغواء کر کے بہیمانہ تشدد کا نشانہ بنا ڈالا، پولیس نے پانچ ملزمان کو گرفتار کرلیا۔

    تفصیلات کے مطابق فیصل آباد میں بااثر افراد نے فیس بک پر ناپسندیدہ تبصرہ کرنے پر گلفشاں کالونی کے رہائشی ذیشان نامی نوجوان کو اغواء کیا، ملزمان اس کو افغان آباد میں اپنے ڈیرے پر لے آئے اور مار مار کر اسے بے حال کر دیا۔

    مشتعل افراد نے ذیشان کا سر بھی پھاڑ دیا، ملزمان جنونی تشدد کی یہ ساری کارستانی سوشل میڈیا پر لائیو نشر بھی کرتے رہے، اے آر وائی نیوز کو موصول ویڈیو میں دیکھا جاسکتا ہے کہ ملزمان ذیشان کے سر پر جوتے مارتے رہے اور اپنے پاؤں کو ہاتھ بھی لگواتے رہے۔

    مزید پڑھیں: فیس بک ذہنی دباؤ کی وجہ قرار، تحقیق

    اے آر وائی نیوز کی خبر پر تھانہ جنگ بازار پولیس نے ایکشن لیتے ہوئے تشدد میں ملوث پانچ ملزمان گرفتار کرلیے، گرفتار ملزمان میں عمر حیات، حمزہ، احسان، اسامہ علی اور شاہ زیب شامل ہیں، پولیس نے پانچوں ملزمان کے خلاف مقدمہ درج کر لیا ہے۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیاپر شیئر کریں۔  

  • ایم کیو ایم پاکستان عوامی مسائل حل کرنے کی صلاحیت رکھتی ہے، فاروق ستار

    ایم کیو ایم پاکستان عوامی مسائل حل کرنے کی صلاحیت رکھتی ہے، فاروق ستار

    فیصل آباد: ایم کیو ایم پاکستان کے سربراہ فاروق ستار نے کہا ہے کہ ایم کیو ایم پاکستان بحران کا شکار ہے، اگر آج بحران ہے تو نئے راستے تلاش کرنے چاہئیں۔

    ان خیالات کا اظہار انہوں نے فیصل آباد میں کنونشن سے خطاب کرتے ہوئے کیا، فاروق ستار نے کہا کہ پنجاب کے عوام کو ایم کیو ایم کے نظریے سے دور نہیں رکھنا چاہئے، ایم کیو ایم پاکستان عوامی مسائل حل کرنے کی صلاحیت رکھتی ہے۔

    سربراہ ایم کیو ایم پاکستان نے کہا کہ فلم بنی پنجاب نہیں جاؤں گی، میں نے کہا پنجاب ضرور جاؤں گا، مشکل وقت میں پنجاب کے ساتھی حوصلہ بڑھائیں گے، کوئی پنجاب آئے نہ آئے لیکن میں پنجاب آیا ہوں، میں یہاں آیا تو وفاداریاں تبدیل کرانے کا عمل تیز کردیا گیا ہے۔

    مزید پڑھیں: سینیٹ میں ایم کیو ایم کی نمائندگی کو سازش کے تحت کم کیا گیا‘ فاروق ستار

    واضح رہے کہ فاروق ستار کا کہنا تھا کہ موجودہ حکومت کی مدت پوری ہونے میں ایک ماہ رہ گیا ہے، 2018 کے انتخابات میں پنجاب سے بھرپور حصہ لیں گے، جلد ایسا فارمولا طے کرلیں گے جس سے آپس میں اتحاد قائم رکھ سکیں، میری کوشش ہے کہ پارٹی میں مزید دھڑے بندی نہ ہو۔

    ان کا کہنا تھا کہ دوسری سیاسی جماعتوں کے لیے ایم کیو ایم کا ووٹ بینک اہمیت رکھتا ہے اور ہم عوامی سیاست کے حامی ہیں اسی لیے انتخابی اتحاد کے لیے متعدد جماعتوں نے رابطہ کیا ہے۔

    فاروق ستار کا کہنا تھا کہ پاکستان میں مردم شماری کا مسئلہ بہت اہم ہے، سینیٹ میں ایم کیو ایم کی نمائندگی کو ایک سازش کے تحت کم کیا گیا، ہمیں عدالتی فیصلے کا انتظار ہے جو 11 اپریل کو آنا ہے۔

     


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیاپر شیئر کریں۔

  • فیصل آباد: طالبہ کے ساتھ زیادتی و قتل، ملزمان آزاد، مظاہرین پرلاٹھی چارج

    فیصل آباد: طالبہ کے ساتھ زیادتی و قتل، ملزمان آزاد، مظاہرین پرلاٹھی چارج

    فیصل آباد : جی سی یونیورسٹی کی طالبہ عابدہ احمد کو اغواء اور زیادتی کے بعد قتل کرنے والے ملزمان چھ روز بعد بھی گرفتار نہ ہوسکے، یونیورسٹی طلبہ نے احتجاج کیا تو پولیس نے احتجاجی کیمپ اکھاڑ دیا، عابدہ کو انصاف دوسوشل میڈیا پر ٹاپ ٹرینڈ بن گیا۔

    عابدہ کو درندگی کا نشانہ کس نے بنایا؟ جی سی یونیورسٹی فیصل آباد کی ایم اے انگلش فورتھ ائیر کی طالبہ عابدہ احمد کو اغواء اور زیادتی کے بعد قتل کرنے والے چھ ملزمان اب تک پکڑے نہ جا سکے۔

    جڑانوالا کی بیس سالہ عابدہ یونیورسٹی سے واپسی پر اغواء کی گئی اورچوتھے دن نالے سے اس کی لاش ملی، میڈیکل رپورٹ نے طالبہ کے ساتھ زیادتی کی تصدیق بھی کردی۔

    مقتولہ کا بوڑھا والد احمد علی دہائیاں دیتا رہ گیا لیکن پولیس نے کچھ نہیں کیا، یونیورسٹی کے طلباء احتجاجاً سڑکوں پر نکل آئے، مظاہرین نے ملزمان کی گرفتاری کامطالبہ کیا۔

    طالبات پر ظلم ڈھانے والوں کو پکڑنے کے بجائے پولیس نے چناب چوک پرطلباء پر لاٹھی چارج کیا اور ان کا احتجاجی کیمپ اکھاڑ ڈالا، دوسری جانب سوشل میڈیا پر عابدہ کو انصاف دو کے نام سے مہم بھی جاری ہے لیکن کئی دن بعد بھی طالبہ کےقاتل قانون کی گرفت سے دور ہیں۔

    اس حوالے سے سی پی او کا کہنا ہے کہ واقعے کے بعد بروقت کارروائی نہ کرنے پر تھانہ گلبرگ کے ایس ایچ او کو معطل کیا جاچکا ہے۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

     

  • راؤانوارنے کس کے کہنے پر کراچی میں خون بہایا؟ عابد شیرعلی کا سوال

    راؤانوارنے کس کے کہنے پر کراچی میں خون بہایا؟ عابد شیرعلی کا سوال

    فیصل آباد: وزیرمملکت عابدشیرعلی کا کہنا ہے کہ راؤ انوار کراچی میں  رہنے والوں کا قاتل ہے،  اسے وی وی آئی پی پروٹوکول کیوں‌ دیا گیا؟

    ان خیالات کا اظہار انھوں‌ نے فیصل آباد میں‌ میڈیا سے گفتگو کرتے ہوئے کیا. ان کا کہنا تھا کہ تحقیقات کی جائیں کہ راؤانوارنے کس کے کہنے پر کراچی میں خون بہایا، عزیربلوچ نےبھی اہم انکشافات کئے  ہیں، آخر کس چیز کا انتظار کیا جارہا ہے، فوری کارروائی کی جائے.

    [bs-quote quote=” دہرامعیار نہیں چلے گا، احتساب سب کا ہوناچاہیے، مگر یہاں‌ نہ تو عزیر بلوچ کا کچھ ہوا، نہ ہی ایان علی کا۔” style=”style-2″ align=”left” author_name=”عابد شیر علی”][/bs-quote]

    مسلم لیگ ن کے سینئر  رہنما کا کہنا تھا کہ مشرف اور زرداری حکومت نے ملک کا بیڑا غرق کیا، پرویزمشرف نےکرپشن کی بنیاد رکھی، 12مئی کوکراچی میں وکلا، سول سوسائٹی کے افراد کوقتل کیا گیا، کرپشن کےبےتاج بادشاہ نےکراچی کوگندگی کاڈھیربنادیا، اس پر ایکشن کب ہوگا.

    انھوں نے کہا کہ میری چیئرمین نیب سے درخواست ہے کہ ایان علی کو پکڑیں، ڈاکٹرعاصم کوملک سے باہر بھیج دیا جاتا ہے، راؤ انوارکوکیوں وی وی آئی پی پروٹوکول دیا جارہا گیا؟ ان سوالات کے جواب ملنے چاہییں.

    انھوں‌نے کہا کہ انصاف کا دہرامعیار نہیں چلے گا، احتساب سب کا ہوناچاہیے، مگر یہاں‌ نہ تو عزیر بلوچ کا کچھ ہوا، نہ ہی ایان علی کا. البتہ ہم مایوس نہیں.الیکشن ہوجائیں پھردودھ کادودھ اورپانی کاپانی ہوجائےگا، حقیقت سب کے سامنے آجائے گی.

    عابد شیر علی کا کہنا تھا کہ نواز شریف کی قیادت میں ن لیگ نے ملک کو لوڈشیڈنگ سےپاک کردیا، کئی منصوبہ مکمل ہوئے.


    نوازشریف کو پاکستان کا خیر خواہ ہونے کی سزا دی گئی ،عابد شیر علی


    ہمارے قائدین روپوش نہیں ہوئے نہ کمردرد کا بہانہ کرکے بھاگے، عابد شیر علی


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئرکریں۔

  • ملک تبدیل کرکے دکھائیں گے، مضبوط ادارے بنائیں گے، عمران خان

    ملک تبدیل کرکے دکھائیں گے، مضبوط ادارے بنائیں گے، عمران خان

    فیصل آباد: پاکستان تحریک انصاف کے چیئرمین عمران خان نے کہا ہے کہ ملک تبدیل کرکے دکھائیں گے، مضبوط ادارے بنائیں گے، پاکستان کو قائد اعظم، علامہ اقبال کا ملک بنائیں گے۔

    ان خیالات کا اظہار انہوں نے فیصل آباد میں جلسہ عام سے خطاب کرتے ہوئے کیا، انہوں نے کہا کہ 2018 کا الیکشن ہم جیتیں گے اور ملک میں انقلاب لائیں گے، عمران خان آج تک کسی کے سامنے نہیں جھکا۔

    انہوں نے کہا کہ رانا ثناء اللہ کو مونچھوں سے پکڑ کر جیل لے جاؤں گا، عابد شیر علی، نواز شریف، شہباز شریف کے چمچے ہیں، انہیں جلد اڈیالہ جیل لے کر جاؤں گا۔

    عمران خان نے کہا کہ ملک کا وزیر اعظم 300 ارب لوٹ کر لے گیا، عدالت نے فیصلہ کیا تو کہا مجھے کیوں نکالا، وزیر خزانہ چوری کرکے ملک سے بھاگا، اسے سینیٹر بنادیا گیا۔

    تحریک انصاف کے چیئرمین نے کہا کہ جب ملک کی قیادت میں ڈاکو ہوں تو کوئی ملک ترقی نہیں کرسکتا، ہم آپ جیسے نوجوان کے جنون سے ڈاکوؤں کو الیکشن میں شکست دیں گے۔

    انہوں نے کہا کہ کے پی جیسی پولیس یورپ میں نہیں ملے گی، پولیس قانون کے مطابق چلتی ہے، وزیر اعلیٰ ہاؤس سے حکم نہیں لیتی، کے پی جیسی پولیس سندھ، پنجاب میں بھی لائیں گے۔


    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • رکنیت سازی مہم :عمران خان آج فیصل آباد پہنچیں گے

    رکنیت سازی مہم :عمران خان آج فیصل آباد پہنچیں گے

    فیصل آباد : پاکستان تحریک انصاف کے سربراہ عمران خان آج فیصل آباد کے مختلف علاقوں میں رکنیت سازی مہم کے لیے لگائے گئے پی ٹی آئی کے کیمپوں کا دورہ کریں گے۔

    تفصیلات کے مطابق چیئرمین پاکستان تحریک انصاف عمران خان آج فیصل آباد میں چناب چوک پر رکنیت سازی مہم کے لیے لگائے گئے کیمپ کا افتتاح کریں گے اور شہرمیں رکنیت سازی مہم کے لیے لگائے گئے 5 کیمپوں کا دورہ کریں گے۔

    پاکستان تحریک انصاف کے سربراہ مسلم لیگ ن چھوڑنے والے نثارجٹ کی رہائش گاہ بھی جائیں گے۔ عمران خان کے دورہ فیصل آباد کے لیے سیکورٹی پلان تشکیل دیا جائے گا جس کے مطابق ایک ہزار 268 پولیس اہلکار تعینات ہوں گے۔

    پولیس نے پاکستان تحریک انصاف کے رکنیت سازی کمیپوں کے انعقاد کے باعث ٹریفک کے لیے متبادل پلان بھی تیار ہے اور 350 سے زائد ٹریفک وارڈنز خصوصی ڈیوٹی انجام دیں گے۔


    مبارک ہو، پہلی بار چیئرمین سینیٹ بلوچستان سے بنے گا‘ عمران خان


    خیال رہے کہ گزشتہ روز پی ٹی آئی چیئرمین عمران خان کا کہنا تھا کہ پہلی باربلوچستان سے چیئرمین سینیٹ بنے گا، بلوچستان کو پیشگی مبارک باد دیتا ہوں۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • فیصل آباد : شراب کے نشے میں دھت پولیس اہلکارشہریوں کومغلظات بکتا رہا

    فیصل آباد : شراب کے نشے میں دھت پولیس اہلکارشہریوں کومغلظات بکتا رہا

    فیصل آباد : قانون کے محافظ نے سرعام شراب پی کر غل غپاڑہ شروع کردیا، بیچ چوک پر بیٹھ کر شراب کی پوری بوتل چڑھا گیا ،نشے میں دھت اہلکار عبداللہ نے شہریوں کو گالیاں دیں، سی پی او نے کانسٹیبل کو معطل کردیا۔

    تفصیلات کے مطابق فیصل آباد میں شراب کے نشے میں دھت پولیس اہلکار صدیق آپے سے باہر ہوگیا، منشیات فروشوں کےخلاف کارروائیاں کرنے کی دعویدار پنجاب پولیس کے ایک اہلکار نے سورج کی روشنی میں شراب کی محفل سجا لی اور ہوش کھو بیٹھا۔

    اے آر وائی نیوز کو موصول ویڈیو میں دیکھا جاسکتا ہے کہ فیصل آباد کے مدینہ ٹاؤن تھانے کا اہلکار عبداللہ نشے میں چور ہے، وردی میں ملبوس اہلکار نے شہریوں کو خوب مغلظات بکیں اور ریسکیو اہکاروں کو بھی نہ بخشا.

    ریسکیو اہلکار اسے روکنے کی کوشش کرتا رہا لیکن وہ کسی صورت نہ مانا، مذکورہ پولیس اہلکار گارڈن ناکے پر تعینات تھا۔

    اے آر وائی نیوز پرخبرنشر ہونے کے بعد سی پی او نے کانسٹیبل عبداللہ کو معطل کر دیا، انہوں نے ایس پی مدینہ ٹاؤن کوانکوائری افسر مقرر کرتے ہوئے معاملے کی رپورٹ طلب کرلی ہے۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔