فیصل آباد : وزیرمملکت عابدشیرعلی نے الزام لگایا ہےکہ ایم کیوایم کی صفوں میں قاتل چھپے بیٹھےہیں،ایم کیوایم نےصولت مرزاکی پھانسی رکوانےکے لیے وزیراعظم نوازشریف سےرابطہ کیا تھا۔
بجلی وپانی کےوزیرعابدشیرعلی نےایم کیوایم کےخلاف آتش بیانی کردی۔ فیصل آباد میں میڈیا سے گفتگو کرتے ہوئے انہوں نے کہا کہ ایک غیر ملکی لندن میں بیٹھ کر فوج کو للکار رہا ہے۔
ایم کیو ایم کی صفوں میں قاتل چھپے بیٹھے ہیں،سو سوافراد کے قاتل نائن زیرو سے پکڑے جارہے ہیں،اس طرح کے مزید نائن زیرو بھی ختم کرنا پڑے تو کریں گے۔
عابد شیرعلی نےکہا کہ ایم کیوایم قتل کرکے فوج پرالزام لگاتی ہے،فوج پر تنقید کرنے والی ہر زبان کاٹ دیں گے، انہوں نے دعوٰی کیا کہ ایم کیوایم نےصولت مرزاکی پھانسی رکوانےکےلیےوزیراعظم نوازشریف سےرابطہ کیا تھا۔
عابد شیرعلی نےکہاکہ عمران خان حکومت کی کوشش سےہونےوالے امن کی وجہ سے کراچی میں جلسے کرسکے،انہوں نے نویدسنائی کہ دوہزارسترہ لوڈشیڈنگ خاتمےکاسال ہوگا۔
