انٹرنیشنل فیڈریشن آف جرنلسٹ نے پی ایف یو جے کے ساتھ ملکر مشترکہ طور پر افغان حکومت سے اے آر وائی نیوز کے صحافی فیض اللہ کی رہائی کا مطالبہ کیا ہے۔
اے آر وائی کے رپورٹر فیض اللہ خان اپنی صحافتی ذمہ داری ادا کرتے ہوئے غلطی سے افغان بارڈر کراس کرنے پرگرفتار کیا گیا۔ آئی ایف جے اور پی ایف یو جے نے گرفتاری کی شدید مذمت کرتے ہوئے کہا ہے کہ صحافیوں کے خلاف کئے جانے والے اقدامات اور دھمکیاں تشویش کا باعث ہیں۔
وزیر اطلاعات پرویز رشید نے کہا ہے کہ انہوں نے افغان صدر حامد کرزئی سے درخواست کی ہے کہ وہ فیض اللہ کی رہائی کے لئے اپنے اختیارات کا استعمال کرے۔
جے یوآئی( ف) کے سینیٹرطلحہ محمود نے کہا ہے کہ وہ فیض اللہ کی رہائی کے سلسلے میں افغان حکام کو خطوط بھی ارسال کرچکے ہیں جس کےبعد انہیں معاملہ جلد حل کرنے کی یقین دہانی کرائی گئی ہے۔
