Tag: Fake Documents

ایف آئی اے امیگریشن سیالکوٹ نے جعلی دستاویزات پر تنزانیہ اور سعودی عرب جانے کی کوشش کرنے والے 2 مسافروں کو گرفتار کر لیا۔

تفصیلات کے مطابق ایف ائی اے سیالکوٹ نے دو مسافروں عبد الرحمٰن اور محمد خلیل کو گرفتار کیا ہے، جن میں سے ایک نے جعلی دستاویزات پر تنزانیہ اور دوسرے نے سعودی عرب جانے کی کوشش کی تھی۔

ملزم عبدالرحمٰن نے اپنے پاسپورٹ پر ٹمپرنگ کی، اور پاسپورٹ پر لگے ساوٴتھ افریقہ کے ویزے کی تاریخ تبدیل کی، ملزم کے ویزے کی معیاد 10 اکتوبر تھی جب کہ ملزم نے معیاد کو ٹمپرنگ کرتے ہوئے 18 اکتوبر کر دیا۔

ایف آئی اے کی دوسری کارروائی میں ملزم محمد خلیل کو گرفتار کیا گیا، ایف آئی اے کے مطابق ملزم نے فلائٹ نمبر PF 720 کے ذریعے سعودی عرب جانے کی کوشش کی تھی، جب کہ ملزم کا پاسپورٹ اس سے قبل بھی بیرون ملک روانگی کے لیے استعمال ہوا تھا، اور اس کے پاسپورٹ اور سسٹم میں بیرون ملک آمد کے حوالے سے کسی قسم کا ریکارڈ موجود نہ تھا۔

کرکٹ کلب کی آڑ میں جعلی دستاویزات کی بنیاد پر امریکا جانے کی کوشش کرنے والا ملزم گرفتار

شک کی بنیاد پر ملزم سے تفتیش کی گئی تو ابتدائی تفتیش میں معلوم ہوا کہ ملزم کے بھائی نے اس سے قبل مذکورہ پاسپورٹ اور شناختی کارڈ پر سفر کیا تھا۔

گرفتار ملزمان کو مزید قانونی کارروائی کے لیے انسدادِ انسانی اسمگلنگ سرکل گوجرانوالہ منتقل کر دیا گیا ہے۔

کراچی: ایف آئی اے انسدادِ انسانی اسمگلنگ سرکل کراچی نے ایک کارروائی میں کرکٹ کلب کی آڑ میں جعلی دستاویزات کی بنیاد پر امریکا جانے کی کوشش کرنے والے ملزم کو گرفتار کر لیا۔

تفصیلات کے مطابق لاہور سے تعلق رکھنے والے ملزم کی شناخت شکیل رفیق کے نام سے ہوئی ہے، جسے کراچی میں واقع امریکی قونصل خانے کے باہر سے گرفتار کیا گیا ہے، ملزم کے خلاف کارروائی امریکی قونصل خانے کی درخواست پر عمل میں لائی گئی ہے۔

ملزم نے سجاد نامی ایجنٹ سے جعلی دستاویزات حاصل کی تھیں، جو کہ ملزم کا دوست بھی ہے، ملزم نے سجاد سے 32 ہزار اماراتی درہم کے عوض معاملات طے کیے تھے، ملزم نے ابتدائی طور پر 4 لاکھ 50 ہزار پاکستانی روپے ادا کیے جب کہ بقایا رقم ویزا لگنے پر ادا کرنا تھی۔

ملزم نے امریکی قونصلیٹ میں خود کو کرکٹ کلب کے ساتھ وابستہ ظاہر کیا، اور کرکٹ کلب سے وابستگی کے حوالے سے جعلی دستاویزات بھی پیش کیں، تاہم ملزم کرکٹ کے حوالے سے کسی قسم کی معلومات نہیں رکھتا تھا۔

ترجمان ایف آئی اے کے مطابق ملزم امریکی قونصلیٹ کے عملے کی جانب سے دستاویزات کے حوالے سے تسلی بخش جواب دینے میں ناکام رہا تھا، ملزم کو گرفتار کر کے تفتیش کا آغاز کر دیا گیا ہے، جب کہ ایجنٹ سجاد کی گرفتاری کے لیے چھاپے مارے جا رہے ہیں۔