قبرص میں جعلی شادیاں کرنے والے افراد کے خلاف کریک ڈاؤن، 15 افراد کو حراست میں لے لیا گیا۔
بین الاقوامی خبر رساں ادارے کی رپورٹ کے مطابق 13 افراد کو قبرص، ایک کو پرتگال اور ایک کو لیٹویا سے حراست میں لیا گیا۔
خبر ایجنسی کا اس حوالے سے کہنا ہے کہ گرفتار افراد قبرص میں 133 جعلی شادیوں میں ملوث تھے۔ گرفتار افراد میں شامل خواتین کا تعلق پرتگال اور لیٹویا سے بتایا جارہا ہے۔
جن افراد کو حراست میں لیا گیا ہے کہ ان کا تعلق بنگلا دیش، بھارت اور پاکستان سے ہے، جعلی شادیاں یورپی یونین کا رہائشی اجازت نامہ حاصل کرنے کیلیے کی گئی تھیں۔
خبر ایجنسی کا کہنا ہے کہ قبرص کی سربراہی میں یوروپول ایجنسی کی جانب سے 29 جنوری کو کارروائی عمل میں لائی گئی۔
دوسری جانب بھارت میں شادی سے ایک روز قبل 23 سالہ دلہن کو زیادتی کا نشانہ بنادیا گیا جس کی وجہ سے شادی منسوخ ہوگئی۔
بھارتی میڈیا رپورٹس کے مطابق لواحقین نے شادی تین دسمبر کو طے کی گئی تھی تاہم ایک دن پہلے دو دسمبر کو ملزم جو اسے کافی عرصے سے جانتا تھا تاہم متاثرہ لڑکی سے وہ اس وقت ملا جب وہ کسی کام سے گھر واپس آرہی تھی اور اسے زیادتی کا نشانہ بنایا گیا۔
جب سسرال والوں کو اس کا علم ہوا تو انہوں نے شادی ہی منسوخ کردی۔
لڑکی نے شروع میں خاموشی اختیار کیے رکھی کیونکہ ملزم نے اسے دھمکیاں دی تھیں لیکن بعد میں اس نے والدین کو واقعے کے بارے میں بتادیا۔
لڑکی نے اہلخانہ کے ساتھ تھانے میں ملزم کے خلاف شکایت درج کروائی۔
خاتون نے کنڈیکٹر پر حملہ کرکے زخمی کردیا، ویڈیو وائرل
ایس ایچ او منیشا اپادھیائے نے کہا کہ اس کی شکایت کی بنیاد پر مقدمہ درج کیا گیا ہے 24 سالہ ملزم کو 24 جنوری کو گرفتار کیا گیا اور اسے عدالتی حکم پر جیل بھیج دیا گیا ہے۔
